ಯೋಹಾನ 5:30 - ದೇವ್ನಿ ಖ್ಹಾಚಿ ವಚನ್

³⁰ “ಮಾರು ಮೇಸ್ ಶಾತ್ಬಿ ಕರಾನ ಕೋ ಹುವಾನಿ; ಬಾ ಬೋಲಾತೆ ಇನ ಖ್ಹಮ್‌ಜಿನ್‌, ಮೇ ನ್ಯಾವ್ ಫೇಡಾವುಸ್, ಅನಖ್ಹಾಜೆ ಮಾರು ತೀರ್ಪ್‌ ಖ್ಹಾಚು಼ ಹುಯಿರುಸ್,ಅಜು಼ ಮಾರಿಸ್ ಮರ್ಜಿ ಚಾ಼ಲಾದೆ ಕರಿ ಆಖ್ಹ್ ಕರ‍್ಯೊಕೊಂತೆ, ಮನ ಮೋಕ್‌ಲ್ಯೊತೆ ಇನಿ ಮರ್ಜಿಸ್‌ ಚಾ಼ಲ್ನು ಕರಿ ಮೇ ಆಖ್ಹ್ ಕರುಸ್.

ಯೋಹಾನ 5:30 ပူးပေါင်းရင်းမြစ်များ

ಮತ್ತಾಯ 26:39

ಅನಕೇಡೆಥು ಯೋ ಜ಼ರ ಖ್ಹಾಮ್ಣೆ ಜೈ಼ನ್, ಜ಼ಮೀನ್‌ಪರ್ ಆಡೊ ಪಡೀನ್, “ಮಾರೊ ಬಾ, ಹೋತು ಉಶೇತೊ, ಆ ವದೇಖ್ಹಾನಿ ಕಟೋರಿ ಮನ ಮ್ಹೆಂದಿನ್ ಜಾ಼ವಾನಿಘೋಣಿ ಕರ್‌! ತೋಬಿ ಮಾರಿ ಮರ್ಜಿನಿಘೋಣಿ ಕಾಹೆ, ತಾರಿ ಮರ್ಜಿನಿ ಘೊಣಿಸ್ ಹುವಾದೆ” ಕರಿ ಪ್ರಾರ್ಥನೆ ಕರ‍್ಯೊ.

ಯೋಹಾನ 14:10

“ಮೇ ಬಾಮ ಛೂ಼, ಅಜು಼ ಬಾ ಮಾರಾಮ ಛಾ಼ ಕರಿ ತೂ ನಂಬಾಕೊಯ್ನಿಕಿ ಶು? ಮೇ ತುಮೂನ ಬೋಲುಸ್ತೆ ವಾತೆ, ಮಾರೇಥಿ ಮೇಸ್ ಬೋಲ್ಯೋತೆ ಕಾಹೆ; ಬಾ ಮಾರ ಮಹಿ ರ‍್ಹೀನ್, ಜಿವ್ಣುಕರೀನ್ ಇನು ಕಾಮ್ನ ಕರಾಸ್.

ಯೋಹಾನ 17:4

ಕರ‍್ನು ಕರಿ ತುನೆ ಮನ ದಿದೋತೆ ಕಾಮ್ನ ಪೂರ ಕರೀನ್, ಜ಼ಮೀನ್‌ಪರ್ ತುನ ಮಹಿಮೆ ಕರಿರಾಖ್ಯೋಸ್.

ಯೋಹಾನ 18:11

ತದೆ ಯೇಸುನೆ ಪೇತ್ರನ, “ತಾರಿ ತಲ್ವಾರ್‌ನ ಕಷ್‌ಬಂದ್‌ನಿ ಚ಼ಂಚಿಮ ಪಾಛು಼ ಘಾಲ್‌; ತೂ ಸೋಚಕೊಯ್ನಿಕಿ ಶು? ಮಾರ ಬಾನೆ ಮನ ದಿದೋತೆ ಕಟೋರಿಮ ಮೇ ನಾ ಪೀಣು ಕರಿ” ಬೋಲ್ಯೊ.

ಯೋಹಾನ 4:34

ಯೇಸು ಇವ್ಣುನ ಬೋಲ್ಯೋಕಿ ಮಾರು ಖಾಣು ಶಾತ್‌ಕತೊ ಕೋಣ್ ಮನ ಮೊಕ್‍ಲ್ಯೊಕೀ ಇವ್ಣಿ ಆಖ್ಹ್‌ನ ಪೂರ ಕರಾನುಸ್ ಹುಯಿರುಸ್. ಅಜು಼ ಮನ ದಿದೂತೆ ಯೊ ಕಾಮ್ನ ಪೂರ ಕರ‍್ನು

ಯೋಹಾನ 5:19

ತದೆ ಯೇಸುನೆ ಇವ್ಣುನ, “ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಬಾ ಕರಾಸ್ತೆ ಇನ ದೇಖಿನ್‌ ಛಿಯ್ಯೊ ಕರಾಸ್ ಪಣ್ಕಿ, ಇನೇಥಿ ಯೋಸ್‌ ಶಾತ್ಬಿ ಕರಾನ ಕೋ ಹುವಾನಿ. ಬಾ ಕರಾಸ್ತೆ ಇಮ್ಮಸ್ ಛಿಯ್ಯೋಬಿ ಕರಾಸ್.

ಯೋಹಾನ 6:38

ಮೇ ಸೊರ್ಗಾಥು ಉತ್ರಿ ಆಯೋತೆ ಮಾರಿ ಮರ್ಜಿ ಕರಾನ ಕಾಹೆ, ಪಣ್ಕಿ ಮನ ಮೋಕ್‌ಲ್ಯೊತೆ ಇನಿ ಮರ್ಜಿಸ್‌ ಪೂರಕರಾನ.

ಯೋಹಾನ 8:28

ಕತೋಬಿ ಇನೆ ಇವ್ಣುನ, “ತುಮೆ ಅದ್ಮಿನ ಛಿಯ್ಯಾನ ಉಪ್ಪರ್ ಪಾಡ್‌ಶುಕಿ, ತದೆ ‘ಮೇಸ್ ಯೋ’ ಕರಿ,ತುಮುನ ಮಾಲುಮ್ ಪಡ್‌ಶೆ. ಮೆ ಕರುಸ್ತೆ ಮಾರಿ ಶೊಂತ್ ಆಖ್ಹ್‌ಥಿ ಕಾಹೆ ಪಣ್ಕಿ, ಮಾರೊ ಬಾ ಬೋಲಾತೆ ಇಮ್ಮಸ್ ಶಿಕಾಡುಕರೂಸ್.

ಯೋಹಾನ 8:42

ಯೇಸುನೆ ಯೆಹೂದ್ಯರ್‌ನ, “ಖ್ಹಾಚಮಾಬಿ ದೇವಸ್ ತುಮಾರೊ ಬಾ ಹುಯಿರ‍್ಹೊಹೋತ್ತೊ, ತುಮೆ ಮನ ಪ್ಯಾರ್ ಕರ‍್ಯಾಹೋತ್‌, ಶನಕತೊ ಮೇ ದೇವ್‌ಕಂಥೊ ಆಯೊ ಅಜು಼ ಹಮ್ಕೆ ಹಜ್ಜಾ಼ ಛು಼. ಮೇ ಆಯೋತೆ ಮಾರಿ ಶೊಂತ್‌ ಅದಿಕಾರ್‌ಪರ್‌ ಕಾಹೆ, ಪಣ್ಕಿ ದೇವ್ನೇಸ್ ಮನ ಮೋಕ್‌ಲ್ಯೊ.

ಯೋಹಾನ 8:50

ಮನ ಮರ್ಯಾದಿ ಮಳಾದೆ ಕರಿ ಮೇ ಆಖ್ಹ್ ಕೋ ಕರೂನಿ, ಕತೋಬಿ ಮನ ಮರ್ಯಾದಿ ಮಳ್‌ಣು ಕರಿ ಆಖ್ಹ್ ಕರಾವಾಳೊ ಏಕ್‌ ಜ಼ಣೊ ಛಾ಼, ಯೋ ಮಾರಭಣಿಥೊ ನ್ಯಾವ್‌ ಫೇಡಾವಾಳೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:3

ಶನಕತೊ ಪವಿತ್ರ ದಪ್ತರ್‌ಮ ಬೋಲಾತೆ ತಿಮ್ ತುನ ಚಿಂಗಾವವಾಳನಿ ಚಿಂಘಾವ್ಣಿ ಮಾರಪರ್ ಆಯು ಕರಿ ಕ್ರಿಸ್ತ ಜಿನುಬಿ ಇನು ಯೊ ಖ್ಹರೈಲಿದೊಕೊಯ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:2

ಅಪರಾದ್ನ ಕರಾವಾಳಾನಿ ಬಾರೇಮ ದೇವ್ ಕರಾನು ತೀರ್ಪ್ ಖ್ಹಾಚನ ಲೀನಸ್ ರ‍್ಹೇಸ್‍ಕರಿ ಅಪ್ಣುನ ಮಾಲುಮ್ ಛಾ಼.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:5

ಕತೋಬಿ ತಾರೊ ದಿಲ್‌ ಮೊಂಡ್‍ಬಿ ಕಠಣ್ ಹುಯಿರುಸ್. ಇನಖ್ಹಾಜೆ ತುಮೆ ದೇವ್ನೊ ಇರಾದೊ ಅಜು಼ ನೀತಿಥಿರ‍್ಹವಾನು ನ್ಯಾವ್ನುತೀರ್ಪ್‌ನ ದನ್ಮ ತುಮೂನ ಉಷೇತೆ ನಿಶತ್ನ ಅಜೂ಼ಬಿ ಜ಼ಮಕರ್ತೊಹುಯಿನ್ ವಳೇಜಾ಼ಸ್.