ಯೋಹಾನ 5:26 - ದೇವ್ನಿ ಖ್ಹಾಚಿ ವಚನ್

²⁶ ಬಾನ ಜಾನ್‌ ದ್ಯವಾನಿ ಶಕತ್ ಛಾ಼ತೆ ಇಮ್ಮಸ್, ಛಿಯ್ಯಾನಾಬಿ ಜಾನ್‌ ದ್ಯವಾನಿ ಶಕತ್ನ ದೀರಾಖ್ಯೊಸ್.

ಯೋಹಾನ 5:26 ပူးပေါင်းရင်းမြစ်များ

ಯೋಹಾನ 1:4

ಇನಾಮ ಜಾನ್‌ ಥು. ಯೋ ಜಾನ್‌ ಅದ್ಮಿ ಖ್ಹಾರಾನ ಉಜಾ಼ಳು ಹುಯಿರ‍್ಹುಥು.

ಯೋಹಾನ 10:18

ಮಾರ ಜಾನ್ನ ಕೋಣ್‌ಬಿ ಮಾರೇಥಿ ಕಾಡಾನ ಕೋ ಹುವಾನಿ. ಮೇ ಮಾರಿ ಖ್ಹುದ್‌ನಿ ಮರ್ಜಿಥಿ ಮಾರ ಜಾನ್ನ ದೆವುಸ್‌ ಮಾರ ಜಾನ್ನ ದ್ಯವಾನ ಅಜು಼ ಪಾಛು಼ ಇನ ಲೀಲ್ಯಾವನ ಮನ ಹಕ್‌ ಛಾ಼. ಆ ಹುಕುಮ್‌ ಮನ ಮಾರ ಬಾಥಿ ಮಳಿರ‍್ಹೀಸ್‌” ಕರಿ ಬೋಲ್ಯೊ.

ಯೋಹಾನ 11:25

ಯೇಸುನೆ ಇನ, “ಮೇಸ್ ಪಾಛು಼ಜಿವ್ತೊ ಹುಯಿರ‍್ಹವಾಳೋಬಿ, ಜಾನ್‌ಬಿ ಹುಯಿರ‍್ಹೋಸ್. ಮನ ನಂಬವಾಳೊ ಮರಿಗಯೊತೋಬಿ ಜಿವ್‌ಶೆ;

ಯೋಹಾನ 11:26

ಅಜು಼ ಬಚಿರ‍್ಹವಾಳೊ ಹರೇಕ್‌ಜ಼ಣೊ , ಮನ ನಂಬ್ಯೊತೊ ಯೊ ಕದೇಬಿ ಮರ್‌ಶೆಕೊಯ್ನಿ” ಕರಿ ಬೋಲ್ಯೊ.

ಯೋಹಾನ 14:19

ಬಿಜು಼ ಥೋಡ ದನ್ನ ಬಾದ್‌ಮ ಆ ಜಗತ್‌ ಮನ ದೇಕ್‌ಶೆ ಕೊಯ್ನಿ, ಕತೋಬಿ ತುಮೆ ಮನ ದೇಕ್‌ಶು; ಮೇ ಜಿವ್‌ಸ್ತೆ ಇನಖ್ಹಾಜೆ ತುಮೇಬಿ ಜಿವ್‌ಶು.

ಯೋಹಾನ 14:6

ಯೇಸುನೆ ಇನ, “ಮೇಸ್ ಮಾರಗ್‌ಬಿ, ಖ್ಹಾಚಾಬಿ, ಜಾನ್‌ಬಿ ಹುಯಿರ‍್ಹೋಸ್. ಮಾರೇಥಿ ಕೊಂತೆ ಕೋಣ್‌ಬಿ ಬಾಕನ ಆವಾನ ಕೋ ಹುವಾನಿ.

ಯೋಹಾನ 4:10

ಯೇಸುನೆ ಯೊ ತಯೇಡನ ಬೋಲ್ಯೊಕಿ, “ತುನ ದೇವ್ನಿ ಬಾರೇಮ ಅತ್ರುಖ್ಹು ಮಾಲುಮ್ ರ‍್ಹಿಯುಹೊತ್ತೊ ಯೊ ಕೋಣ್ ಹುಯಿರೊಸ್, ದೇವ್ ಶಾತ್‌ ದೀರಾಖ್ಯೊಸ್ ಕರಿ, ತುನ ಮಾಲುಮ್ ರ‍್ಹಿಯುಹೊತ್.ತಾರಕನ ಪಿಯ್ಯಾನ ಪಾಣಿ ಮಾಂಗ್ಯೋತೆ ಯೋ ಕೋಣ್ ಕರಿ ಮಾಲುಮ್‌ ರ‍್ಹಯುಹೋತ್ತೊ, ತೂ ಇನಾಕನ ಮಾಂಗಿಲಿದಿಹೊತ್, ಅಜು಼ ಯೋ ತುನ ಜಾನ್ನಪಾಣಿನ ದಿದೋಹೊತ್‌” ಕರಿ ಬೋಲ್ಯೊ.

ಯೋಹಾನ 6:57

ಜಿವ್ತೊ ಹುಯಿರ‍್ಹೋತೆ ಬಾನೆ ಮನ ಮೋಕ್ಲಿರಾಖ್ಯೊಸ್, ಅಜು಼ ಮೇ ಇನೇಥಿಸ್ ಜಿವ್‌ಸ್‌. ಇನಖ್ಹಾಜೆ ಕೋಣ್ ಮನ ಖಾಸ್ಕಿ ಯೋ ಮಾರೇಥಿ ಜಿವ್‌ಶೆ.

ಯೋಹಾನ 8:51

ಮೇ ತುಮೂನ ಖ್ಹಾಚಸ್ ಬೋಲುಸ್, ಮೆ ಶಿಕಾಡನು ಖ್ಹಮ್‌ಜಿನ್‌ ಇನೀನಿಘೋಣಿ ಚಾ಼ಲವಾಳು ಕದೇಬಿ ಮರ್‌ಶೆ ಕೊಯ್ನಿ” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:25

ಯೋಸ್ ಹರೇಕ್ನ ಜಾನ್ನೊರಾವೊ಼ ಅಜು಼ ಜಿವಾನಖ್ಹಾಜೆ ಹೋಣುತೆ ಖ್ಹಾರುಸ್‌ದ್ಯವಾಳೊ ಯೋಸ್; ಇಮ್ಮಸ್ ಅದಮ್‍ಜ಼ಮಾನೊ ಇನಖ್ಹಾಜೆ ಮ್ಹಿನತ್‌ಕರಾನು ಕಾಮ್ ಇನ ಶಾತ್ಬಿಕೊಯ್ನಿ.

1 ಕೊರಿಂಥ 15:45

ಪಹಿಲೊ ಅದ್ಮಿಹುಯಿರೋತೆ ಆದಾಮ್ ಜಾನ್‌ ಲಿದೋತೆ ಏಕ್ಜ಼ಣೊಹುಯೊ. ಖ್ಹರ್ತಿನೊ ಅದಾಮ್‌ತೋಬಿ ಜಾನ್ನದ್ಯವಾಳೊ ಆತ್ಮಹುಯೊ” ಕರಿ ಪವಿತ್ರ ದಪ್ತರ್‌ಮ ಲೀಖೈರ‍್ಹುಸ್.

1 ತಿಮೊ 1:17

ಅಖ್ಖ ಜ಼ಮಾನಾನೊ ರಾಜ಼ಬಿ, ಕದೇಬಿ ರ‍್ಹವಾಳೊಬಿ ದೆಖಾವಕೊಂತೆ ಹುಯಿರೋತೆ ಎಕ್ಕಸ್ ದೇವ್ನ ಇಜ಼್ಜತ್‌ಬಿ ಮಹಿಮೆಬಿ ಜ಼ಗ್‌ಜ಼ಮಾನಮಾಬಿ ರ‍್ಹವಾದೆ. ಆಮೆನ್.

1 ತಿಮೊ 6:16

ಇನ ಎಕ್ಕಸ್ ಜ಼ಣಾನ ಮರಣ್‌ಕೊಂತೆ. ಕೋಣ್‌ಬಿ ಖನ್ನೆ ಜಾ಼ವಾನ ಕೋ ಹುವ್ವಾನಿತೆ ಉಜಾ಼ಳಾಮ ರ‍್ಹವಾಳೊ ಹುಯಿರ‍್ಹೋಸ್; ಹಂಕೆತೋಡಿ ಕೋಣ್‌ಬಿ ಇನ ದೇಖಿರಾಖ್ಯುಕೊಯ್ನಿ; ದೇಖಾನ ಉಶೇಬಿ ಕೊಯ್ನಿ.ಇನು ಇಜ಼್ಜತ್ ಅಜು಼ ಮಟಾನುಕೊಂತೆ ಶಕತ್ ಕೆದೇಬಿ ಇನಾಸ್ ರ‍್ಹವಾದೆ! ಆಮೆನ್.

ಇಬ್ರಿ 1:2

ಕತೋಬಿ ಆ ಖ್ಹರ್ತಿನೊ ದನ್ಮ ಯೊ ಇನ ಛಿಯ್ಯಾಥಿ ಅಪ್ಣ ಜೋ಼ಡೆ ವಾತೆ ಬೋಲ್ಯೊ. ದೇವ್ನೆ ಇನ ಛಿಯ್ಯಾಥಿ ಖ್ಹಾರ ಜಗತ್‍ನಾಸ್ ಉಬ್‌ಜೈ಼ನ್ ಹರೇಕ್‌ಪರ್ ಇನಾಸ್ ವಾರಿಸ್ ಕರ‍್ಯೊ.

ಪ್ರಕಾಶಿತ್ 21:6

ತದೆ ಸಿಂಹಾಸನ್‌ಪರ್ ಬೆಠೊಥೋತೆ ಇನೆ, “ಅಖ್ಖೂಸ್ ಕರಿಹುಯ್ಗು; ಮೇಸ್ ಪಹಿಲೋಬಿ, ಖ್ಹರ್ತಿಬಿ, ಶುರುವಾತ್‍ಬಿ, ಖತಮ್‌ಬಿ ಹುಯಿರ‍್ಹೋಸ್. ತರ್ಖ್ಹವಾಳನ ಜಾನ್ನು ಪಾಣಿನೊ ಚೇಜ಼್‌ಭಾರನ ಮೋಲ್‌ಕೊಂತೆ ಫುಗಟ್‍ಥಿ ಪಿಯಾನ ದಿಶ್.

ಪ್ರಕಾಶಿತ್ 22:1

ಅನಕೇಡೆಥು ದೇವ್ನದೂತನೆ ಫಟಕ್‌ಡಿನಿಘೋಣಿ ಉಜಾ಼ಖ್ಹ್‌ ದ್ಯವಾನು ಜಾನ್ನು ಪಾಣಿನ ನದ್ದೀನ ಮನ ವತಾಳ್ಯೊ. ಯೊ ನದ್ದಿ ದೇವ್ ಬಿಜು಼ ಮೇಂಢಾನ ಚೆಲ್ಕಾನು ಸಿಂಹಾಸನ್‌ಕಂಥು ಉಬ್ಜಿನ್,

ಪ್ರಕಾಶಿತ್ 22:17

ಆತ್ಮ ಅಜು಼ ವ್ಯತುಲ್ಡೀಬಿ, ಆವ್ಣುಕರಿ ಬೋಲ್‌ಶೆ. ಖ್ಹಮ್‌ಜಾ಼ವಾಳೊ, ಆವ್‌ಕರಿ ಬೋಲಾದೆ. ಠೋಖ್ಹ್‌ ರ‍್ಹವಾಳೊ ಆವಾದೆ, ಆಖ್ಹ್ ರ‍್ಹವಾಳೊ ಜಾನ್ನಪಾಣಿನ ಮೋಲ್‌ಕೊಂತೆ ಫುಗಟ್‍ಥಿ ಲಿಲ್ಯಾವದೆ.

ಪ್ರಕಾಶಿತ್ 7:17

ಶನಕತೊ ಸಿಂಹಾಸನ್ನ ಇಚ಼್‌ಮ ಛಾ಼ತೆ ಬಲೀನ ಮೇಂಢಾನು ಚೆಲ್ಕು ಹುಯಿರ‍್ಹವಾಳೊ ಇವ್ಣುನ ಕುರುಬನಿತರ ರ‍್ಹೀನ್ ಜಾನ್ನು ಪಾಣಿನು ಚೆಜ಼್‌ಭಾರಕನ ಚ಼ಲೈಲಿಜಾಷೆ ಅಜು಼ ದೇವ್ ಇವ್ಣ ಡೋಳಾನು ಆಂಝು಼ಖ್ಹಾರು ನೂಛಿನಾಕ್ಷೆ ಕರಿ ಬೋಲ್ಯು.