ಯೋಹಾನ 5:25 - ದೇವ್ನಿ ಖ್ಹಾಚಿ ವಚನ್

²⁵ ಮೇ ತುಮೂನ ಖ್ಹಾಚ ಬೋಲುಸ್ಕಿ, ಮರಿಗಯೂತೆ ಅದ್ಮಿ ದೇವ್ನ ಛಿಯ್ಯಾನಿ ಅವಾಜ಼್ ಖ್ಹಮ್‍ಜಾ಼ನಿ ವಖ್ಹತ್ ಆವ್‌ಶೆ. ಯೋ ವಖ್ಹತ್ ಹಂಕೇಸ್‌ ಐರ‍್ಹೀಸ್, ಖ್ಹಮ್‌ಜಾ಼ವಾಳು ಜಿವ್‌ಶೆ.

ಯೋಹಾನ 5:25 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 15:24

ಆ ಮಾರೊ ಛಿಯ್ಯೊ ಮರಿಗಯೋಥೊ, ಪಾಛೊ಼ ಬಚಿ ಐರ‍್ಹೋಸ್; ಗುಮೈಗಯೋಥೊ ಹಮ್ಕೆ ಮಳಿರ‍್ಹೋಸ್‌’ ಕರಿ ಬೋಲ್ಯೊ. ತದೆ ಇವ್ಣೆ ಖ್ಹುಶಿ ಕರಾಲಗ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 15:32

ತೋಬಿ ಖ್ಹುಶಿ ಕರಾನು, ಶಂತೋಖ್ಹ್‌ ಕರಾನು ಬರಾಬರಸ್‌. ಶನಕತೊ ಆ ತಾರೊ ಭೈ ಮರಿಗಯೋಥೊ ಪಾಛೊ಼ ಜಿವ್ತೊಹುಯಿನ್ ಐರ‍್ಹೋಸ್, ಗುಮೈ ಗಯೋಥೊ ಮಳಿರ‍್ಹೋಸ್‌” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:60

ತದೆ ಯೇಸುನೆ ಇನ, “ಮರ‍್ಯಹುಯಾಸ್‌ ಇವ್ಣಮ ಮರಿಗಯೂತೆ ಇನ ಮಾಟಿ ಕರಾದೆ! ತೂ ಜೈ಼ನ್, ದೇವ್ನಿ ರಾಜ್ಯನಿ ಬಾರೇಮ ಬೋಲಿವತಾಳ್” ಕರಿ ಬೋಲ್ಯೊ.

ಯೋಹಾನ 13:1

ಪಸ್ಕ ಪುಜಾ಼ನ ಅಗಾಡಿ ಯೇಸು ಆ ಜಗತ್ನ ಮ್ಹೇಲಿನ್, ಬಾಕನ ಜಾ಼ವಾನಿ ವಖ್ಹತ್ ಐಗೈ ಕರಿ ಮಾಲುಮ್ ಕರೀನ್, ಆ ಜಗತ್‌ಮ ಛಾ಼ತೆ ಇನು ಕರಿ ಥೂತೆ ಯೋ ಖ್ಹರಾನ ಹಮೇಶ ಪ್ಯಾರ್ ಕರ‍್ಯೊ ಅಜು಼ ಖರ್ತಿಲಗೂಬಿ ಪ್ಯಾರ್ ಕರ್ತೊಸ್ ಆಯೊ.

ಯೋಹಾನ 17:1

ಯೇಸುನೆ ಆ ವಾತೆ ಬೋಲಾನ ಬಾದ್‌ಮ, ಆಕಾಶ್‌ಭಣಿ ದೇಖಿನ್‌, “ಬಾ ವಖ್ಹತ್ ಐಗೈ; ತಾರ ಛಿಯ್ಯಾನ ಮಹಿಮೆ ಕರ್‌, ತದೆ ಛಿಯ್ಯೊ ತುನ ಮಹಿಮೆ ಕರಾನ ಉಶೆ.

ಯೋಹಾನ 4:21

ಯೇಸುನೆ ಯೊ ತಯೇಡಾನ ಅಮ್ಮ ಮಾರಿ ವಾತ್ನ ನಂಬ್, “ಏಕ್‌ ವಖ್ಹತ್ ಆವ್‌ಶೆ, ಯೋ ವಖ್ಹತ್‌ಮ ತುಮೆ ಬಾನ ಆರಾದನೆ ಕರಾನಖ್ಹಾಜೆ ಆ ಪಹಾಡ್‌ನಾಬಿ ರ‍್ಹವೊ, ಯೆರೂಸಲೇಮ್‌ನಾಬಿ ರ‍್ಹವೊ ಕೋ ಜಾ಼ಶುನಿ.

ಯೋಹಾನ 4:23

ಖ್ಹಾಚ ಆರಾದನೆ ಕರಾವಾಳು ಬಾನಿ ಆರಾದನೆ ಆತ್ಮಥೀಬಿ, ಖ್ಹಾಚಿಥೀಬಿ ಕರ್ಶೆ, ಯೋ ವಖ್ಹತ್ ಹಂಕೇಸ್‌ ಐಗು. ಬಾ ಇನ ಆರಾದನೆ ಕರಾವಾಳು ಅಮ್ನುಸ್ ರ‍್ಹೇವ್ಣುಕರಿ ಆಖ್ಹ್ ಕರಾಸ್.

ಯೋಹಾನ 5:21

ಬಾ ಕಿಮ್ ಮರ‍್ಯಹುಯಾನ ಉಠಾಡಿನ್ ಜಾನ್‌ ದೇಸ್ಕಿ, ಇಮ್ಮಸ್ ಛಿಯ್ಯೋಬಿ ಇನ ಹೋಣುತೆ ಇವ್ಣುನ ಜಾನ್‌ ದೇಸ್.

ಯೋಹಾನ 5:28

ಅನಿ ಬಾರೇಮ ಆಶ್ಚರ್ಯ ನಕೊ ಕರೊ; ಏಕ್‌ ಹಗಾಮ್‌ ಆವ್‌ಶೆ, ತದೆ ಮಖ್ಹಾಣ್ಯಮ ಛಾ಼ತೆ ಅಖ್ಖು ಇನಿ ಅವಾಜ಼್‌ನ ಖ್ಹಮ್‌ಜಿನ್,

ಯೋಹಾನ 6:60

ಅನ ಖ್ಹಮ್‌ಜಿನ್‌, ಇನ ಶಿಷ್ಯರ್‌ಮ ಘಣು ಜ಼ಣು, “ಆ ಜಾ಼ಖ್ಹತ್ ಕಠಣ್ಣಿ ವಾತ್ ಅನ ಕೋಣ್ ಖ್ಹಮಜ಼್‌ಶೆ” ಕರಿ ಬೋಲ್ಯು.

ಯೋಹಾನ 8:43

ತುಮೆ ಮಾರಿ ವಾತೇನ ಶನ ಖ್ಹಮ್‌ಜಾ಼ ಕೊಯ್ನಿ? ಶನಕತೊ ತುಮೆ ಮಾರಿ ವಾತೇನ ಕಾನ್‌ ಕೋ ದೆವ್‌ಕರಾನಿತೆ ಇನಖ್ಹಾಜೇಸ್.

ಯೋಹಾನ 8:47

ಖಿವು ಏಕ್‍ಜ಼ಣು ದೇವ್‍ಥಿ ಪೈದಾಹುಯುಕಿ ದೇವ್ನಿ ವಾತೆನ ಖ್ಹಮ್‌ಜಾ಼ಸ್‌, ತುಮೆ ದೇವ್ನ ಸಂಬಂದ್ ನಾರ‍್ಹಯಾತೊ, ಇನಖ್ಹಾಜೆ ಇನ ಖ್ಹಮ್‌ಜಾ಼ಕೊಯ್ನಿ” ಕರಿ ಬೋಲ್ಯೊ.

ಯೋಹಾನ 9:27

ಯೋ ಅದ್ಮಿನೆ, “ಮೇ ತುಮೂನ ಅಗಾಡಿಸ್ ಬೋಲ್ಯೊನಿ, ತುಮೆ ಖ್ಹಮ್‌ಜ್ಯಾಕೊಯ್ನಿ, ಬಿಜು಼ ಪಾಛು಼ ಶನ ಖ್ಹಮಜ಼್‌ಣು ಕರಿ ಛಾ಼ತೆ? ತುಮೇಬಿ ಇನ ಶಿಷ್ಯರ್‌ ಹೋಣು ಕರಿ ಛಾ಼ಕಿ ಶು? ಕರಿ ಜವಾಬ್‌ ದಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:4

ಇನಖ್ಹಾಜೆ ಅಪ್ಣಿ ಬ್ಯಾಪ್ತಿಸ್ಮಥಿ ಅಪ್ಣೆ ಇನಿಮರಣ್‍ಮ ಭಾಗ್‌ಲ್ಯವಾಳಹುಯಿರ‍್ಹೀನ್, ಇನಿ ಜೋ಼ಡ್ಮ ಗಡೈಗಯ.ಅಮ್‍ರ‍್ಹವಾಪರ್ ಬಾನಿ ಮಹಿಮೆನಿ ಶಕಥ್ಥಿ ಕ್ರಿಸ್ತ ಮರ‍ಣ್‍ಮಾಥು ಉಠಾಡೈಗಯೋತೆ ತಿಮ್ಮಸ್ ಅಪ್ಣೇಬಿ ಏಕ್‌ ನವ ಜಾನ್‌ಮ ಜಿವವಾಳ ಹುಯಿರ‍್ಹಾಸ್.

ಎಫೆಸ 2:1

ತುಮೆ ತುಮಾರು ಅವಿಧೇಯ ಬಿಜು಼ ಪಾಪ್ನಖ್ಹಾಜೇಥಿ ಆತ್ಮೀಕ್ ಪರಕ್ಮ ಮರಿಗಯಥ.

ಎಫೆಸ 2:5

ಖರಾಬ್ ಕಾಮ್ನ ಖ್ಹಾಜೇಥಿ ಆತ್ಮೀಕ್ ಪರಕ್ಮ ಮರಿಗಯಥಾತೆ ಅಪ್ಣುನ ಕ್ರಿಸ್ತನ ಜೋ಼ಡೆ ಜಿವಾಡ್ಯೊ.ಆ ರಕ್ಷಣೆ ತುಮೆ ಲೀರಾಖ್ಯಾಸ್ತೆ ದೇವ್ನಿ ವಾರ್‌ಖ್ಹೇಥಿಸ್.

ಎಫೆಸ 5:14

ಶನಕತೊ ಖಿವು ಅಛ್ಛಿನಿತರ ದೆಖಾವಸ್ಕಿ ಯೋಸ್ ದೆಖಾವಸ್, ಇನಖ್ಹಾಜೇಥಿ ಬೋಲೈರ‍್ಹುಸ್. “ಖ್ಹುತೊರ‍್ಹವಾಳ ಉಠಿಆವ್‌, ಮರಿರ‍್ಹವಾಳೆಥಿ ಮ್ಹೇಲಿನ್ ಉಠೊ, ತದೆ ಕ್ರಿಸ್ತ ತುಮಾರಮ ಉಜಾ಼ಖ್ಹ್‌ ಹುಯಿರ‍್ಹಿಶೆಕರಿ ಇನಖ್ಹಾಜೆ ಬೋಲೈರ‍್ಹುಸ್.

ಕೊಲೊಸ್ಸೆ 2:13

ತುಮೆ ತುಮಾರ ಪಾಪ್‌ಥಿಬಿ ಅಜು಼ ಶರೀರ್‌ನ ಆಖ್ಹ್‌ಥಿ ಛುಟ್ಕಾರ್ ಕೊಹುಯಾನಿತೆ ಇನಖ್ಹಾಜೆ ಆತ್ಮೀಕ್ ಪರಕ್ಮ ಮರಿರ‍್ಹಾವಳ ಹುಯಿರ‍್ಹಾಸ್ ಕತೋಬಿ ದೇವ್ ಕ್ರಿಸ್ತಥಿ ತುಮುನ ಜೂತುಕರ‍್ಯೊ.ಅಜು಼ ಅಪ್ಣಿ ಖ್ಹಾರೀಸ್‍ ಪಾಪ್ನ ಮಾಪ್ ಕರ‍್ಯೊ.

ಪ್ರಕಾಶಿತ್ 3:1

ಸಾರ್ದಿಸ್‌ಮ ಛಾ಼ತೆ ಸಬೆನ ದೂತನ ಅಮ್‍ಲೀಕ್: ದೇವ್ನು ಖ್ಹಾತ್ ಆತ್ಮಾನ ಅಜು಼ ಖ್ಹಾತ್ ಶುಕ್ಕರ್‌ನ ಲೀರಾಖವಾಳು ಯೋ ಬೋಲಸ್ ಶಾತ್‌ಕತೊ, ತಾರು ಕಾಮ್‌ಖ್ಹಾರು ಮನ ಮಾಲುಮ್ ಛಾ಼. ಜಿವ್ತೊಕರಿ ನಾಮ್ ತುನ ರ‍್ಹಯುತೋಬಿ, ತೂ ಮರ‍್ಯೊಹುಯೊ ಹುಯಿರೊಸ್.