ಯೋಹಾನ 5:17 - ದೇವ್ನಿ ಖ್ಹಾಚಿ ವಚನ್

¹⁷ ಕತೋಬಿ ಯೇಸುನೆ ಇವ್ಣುನ, “ಮಾರೊ ಬಾ ಹಂಕೆತೋಡಿ ಕಾಮ್ ಕರುಕರಸ್,ಮೇಬಿ ಕಾಮ್ ಕರುಸ್” ಕರಿ ಬೋಲ್ಯೊ.

ಯೋಹಾನ 5:17 ပူးပေါင်းရင်းမြစ်များ

ಮತ್ತಾಯ 10:29

ಖಲಿ ಏಕ್ಕಾಖ್ಹ್‌ನ ಏಕ್‌ ಜೋ಼ಡು ಚು಼ರಕ್‌ಲಿಯೇನ ವೇಚಾ಼ಸ್ನಿ, ತೋಬಿ ಇನಾಮಾಥು ತುಮಾರೊ ಬಾನಿ ಮರ್ಜಿಕೊಂತೆ ಯೋ ಚು಼ರಕ್‌ಲೀಮ ಏಕ್‌ಬಿ ಜ಼ಮೀನ್‌ಪರ್ ಕೋ ಪಡಾನಿ.

ಯೋಹಾನ 10:36

ಬಾನೇಸ್ ಇನು ಶೊಂತ್‍ಛಿಯ್ಯೊನ ಚೂ಼ಣಿಲೀನ್, ಜಗತ್‌ಮ ಬೋಲಿ ಮೋಕ್‌ಲೈರ‍್ಹೋತೆ ಇನ ತುಮೆ ‘ಮೇ ದೇವ್‌ನೊ ಛಿಯ್ಯೊ ಹುಯಿರ‍್ಹೋಸ್ ಕರಿ ಬೋಲ್ತಾನ, ‘ತೂ ದೇವ್ನಿ ದೂಷಣೆ ಕರಾಸ್’ ಕರಿ ಬೋಲಸ್ತೆ ಶನ?

ಯೋಹಾನ 14:10

“ಮೇ ಬಾಮ ಛೂ಼, ಅಜು಼ ಬಾ ಮಾರಾಮ ಛಾ಼ ಕರಿ ತೂ ನಂಬಾಕೊಯ್ನಿಕಿ ಶು? ಮೇ ತುಮೂನ ಬೋಲುಸ್ತೆ ವಾತೆ, ಮಾರೇಥಿ ಮೇಸ್ ಬೋಲ್ಯೋತೆ ಕಾಹೆ; ಬಾ ಮಾರ ಮಹಿ ರ‍್ಹೀನ್, ಜಿವ್ಣುಕರೀನ್ ಇನು ಕಾಮ್ನ ಕರಾಸ್.

ಯೋಹಾನ 5:16

ಇನಾಖ್ಹಾಜೆ ಯೆಹೂದ್ಯವಾಳು ಯೇಸು ಸಬ್ಬತ್‌ ದನ್ಮ ಕಾಮ್ ಕರ‍್ಯೊತೆ ಇನಖ್ಹಾಜೆ, ಇನ ಖ್ಹತಾಯು.

ಯೋಹಾನ 5:18

ಅತ್ರೇಸ್ ಕಾಹೆತೆ ಯೊ ಖಲಿ‍ ಸಬ್ಬತ್‌ ದನ್ನ ನಿಯಮ್ನ ಕೋ ತೋಡ್ಯೊನಿ, ಕತೋಬಿ ಯೊ ದೇವ್ ಇನೊ ಶೊಂತ್ ಬಾಕರಿ ಬೋಲ್ಯೊ ಅಜು಼ ಆಮ್ನಿಘೊಣಿ ಇನುಯೋಸ್ ದೇವ್ನು ಸಮಾನ್ ಕರಿಲಿದೋಥೊ. ಆ ವಾತೇನ ಬೋಲ್ಯೋತೆ ಇನೇಥಿ, ಯೆಹೂದ್ಯರ‍್ನು ಅದಿಕಾರಿ ಇನ ಮಾರ‍್ನುಸ್ ಮಾರ‍್ನು ಕರಿ ಖ್ಹಯಾಲ್‌ಥಿ ನಿರ್ಧಾರ್ ಕರ‍್ಯು.

ಯೋಹಾನ 9:4

ಮನ ಮೋಕ್‌ಲ್ಯೊತೆ ಇನು ಕಾಮ್ನ ಅಪ್ಣೆ ದನ್ನಿ ವಖ್ಹತ್‌ಮಾಸ್‌ ಕರ‍್ನು, ರಾತ್‌ ಆವ್‌ಶೆ ತದೆ ಕಿನೇಥೀಬಿ ಕಾಮ್ ಕರಾನ ಕೋ ಉಶೇನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:17

ಕತೋಬಿ ಇನಿ ಬಾರೇಮ ಸಾಕ್ಷಿದಿದೊಕೊಂತೆ ಕೊಯ್ನಿ; ಮದತ್ ಕರ್ತೊಆಯೋತೆ ಇನೇಸ್‌ ತುಮೂನ ಸೊರ್ಗಥೊ ಪಾಣಿನಾಬಿ ಖ್ಹುಗ್ಗೀನ ದನ್‍ಬಿ ಅನಾಜ಼್ ದೀನ್ ತುಮಾರ ದಿಲ್ನ ಖುಷಿಥಿ ಭರ‍್ಯೊ, ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:28

ಶನಕತೊ ಇನಾಸ್ಮ ಅಪ್ಣೆ ಜಿವ್‌ಕರಿಯೇಸ್. ಚಾ಼ಲುಕರಿಯೇಸ್ ಅಜು಼ ರ‍್ಹಿಯೇಸ್. ತುಮಾರ ಗೀದ್‌ ಲಿಖವಾಳಮ ಥೋಡುಜ಼ಣು, “ಹಮೆ ಇನ ಸಂತಾನ್‍ವಾಳಸ್” ಕರಿ ಬೋಲಿರಾಖ್ಯುಸ್.

1 ಕೊರಿಂಥ 12:6

ಅಖ್ಖಕಾಮ್ನಿ ಪರಕ್ಮ ಅಲಕ್ ಅಲಕ್ ತರ ಛಾ಼ ಖ್ಹಾರಾಸ್‌ಮ ಅಖ್ಖಾಸ್ ಕಾಮ್ನ ಕರಾನ ಶಕತ್ ದ್ಯವಾಳೊ ದೇವ್ ಎಕ್ಕಸ್‍ಜ಼ಣೊ.

ಕೊಲೊಸ್ಸೆ 1:16

ಶನಕತೊ ಜ಼ಮೀನ್ಮ ಛಾ಼ತೆ ಪರ್‌ಲೋಕ್ಮ ಛಾ಼ತೆ, ದೆಖಾವತೆ ಬಿಣ್‍ದೆಖಾವಾತೆ ಖ್ಹಾರೂಸ್, ಸಿಂಹಾಸನ್ ರ‍್ಹವೊ, ದೇಖ್ಹ್‌ಮ ರ‍್ಹವಾನಿ ಕಾನೂಲ್‌ ರ‍್ಹವೊ, ಅದಿಕಾರಿಖ್ಹಾರು ರ‍್ಹವೊ, ಇನೇಥಿ ಉಬ್‍ಜು. ಖ್ಹಾರೂಸ್‍ಬಿ ಇನೇಥಿಸ್, ಇನಖ್ಹಾಜೇಸ್ ಉಬ್‍ಜೈ಼ಗಯು.

1 ಥೆಸ 2:13

ಅಜು಼ ತುಮೆ ಹಮಾರೇಥಿ ದೇವ್ನಿ ವಚನ್ನ ಖ್ಹಮ್‍ಜ್ಯಾತೆ ತದೆ, ಅದ್ಮಿನಿ ವಚನ್ ಕರಿ ಸೋಚ್ನುನಾತೆ, ದೇವ್‍ನೀಸ್ ಕರಿ ಮಾನೀನ್ ಇನಖ್ಹಾಜೇಬಿ ಹಮೆ ಲಗತ್ತರ್ ದೇವ್ನ ಧನ್ಯವಾದ್ ಕರಿಯೇಸ್. ಯೋ ಖ್ಹಾಚ಼ಮಾಬಿ ದೇವ್‍ನೀಸ್ ವಚನ್. ಯೊ ವಚನ್ ನಂಬವಾಳ ತುಮಾರಾಮ ಶಕಥ್ಥಿ ಕಾಮ್ ಚ಼ಲಾವಸ್.

ಇಬ್ರಿ 1:3

ಯೋಸ್ ದೇವ್ನು ಮಹಿಮೆನು ಉಜಾ಼ಖ್ಹ್‌ಬಿ, ದೇವ್ನಿ ಪ್ರತಿರೂಪ್‌ಬಿ, ಇನಿ ವಚನ್ ಶಕಥ್ಥಿ ಅಖ್ಖಾಸ್ನ ಆಧಾರ್ ಹುಯಿನ್ ಯೋಸ್ ಅದಮ್‍ಜ಼ಮಾನನಿ ಪಾಪ್ನ ಶುದ್ದಿಕರಿನ್ ಸೊರ್ಗಾಮ ಮಹಾನ್ ದೇವ್ನು ಖಾವಿಬಾಜು಼ಮ ಬೇಶಿಗಯೊ.