ಯೋಹಾನ 4:6 - ದೇವ್ನಿ ಖ್ಹಾಚಿ ವಚನ್

⁶ ಯಾಕೋಬ್‍ನಿ ಬಾವ್ಡಿ ಹಿಜ್ಜಾ಼ ಥಿ, ಯೇಸು ಚಾ಼ಲಿನ್ ಥಕಿರ‍್ಹೋಥೋತೆ, ಇನಖ್ಹಾಜೆ ಯೋ ಬಾವ್ಡಿಕನ ಐನ್ ಬೇಶಿಗಯೊ. ತದೆ ಕಮ್‍ಶಿಕಮ್ ಧೊಪಾರ್‌ ಹುಯಿರ‍್ಹುಥು.

ಯೋಹಾನ 4:6 ပူးပေါင်းရင်းမြစ်များ

ಮತ್ತಾಯ 27:45

ಧೊಪಾರ್‌ ಹುವ್ವಾದೀನ್, ಹಿಡಿ ದೇಖ್ಹ್‌ಪರ್ ಅಂಧಾರು ಢಪೈನ್, ತೀನ್ ಘಂಟತೋಡಿ ಇಮ್ಮಸ್ ಥೂ.

ಮತ್ತಾಯ 4:2

ಯೇಸು ಚಾ಼ಳಿಖ್ಹ್ ರೋಜ಼್‌ ರಾತ್‌-ದನ್ ಉಪವಾಸ್ ರ‍್ಹವಾನ ಬಾದ್‌ಮ, ಇನ ಭುಕ್‌ಲಾಗ್ಯು.

ಮತ್ತಾಯ 8:24

ಎಕ್ಕಸ್‌ದಮ್‌, ಮೋಟೊ ವಹಿರೊ ದರ‍್ಯಾವ್‌ಮ ಹುವಾಲಗ್ಯೊ, ಅಜು಼ ಝೋ಼ಕಾಳ್ಯೊ ಆಯಿನ್ ಡೋಣ್ಣಾ ಢಾಪಿನಾಖನಿತರ ಹುಯು. ಕತೋಬಿ ಯೇಸು ಖ್ಹುತೋಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:7

ತದೆ ಇನೆ ಇನು ಪಹಿಲೋಟು ಪರ್ಖ್ಹೊ ಲಡ್ಕಾನ ಜ಼ಣಿನ್ ಲುಂಗ್ಡಾಮ ಲಪೇಟಿನ್, ಛ಼ತ್ತರ್‌ಮ ರ‍್ಹವಾನ ಝ಼ಗೊಕೊಂತೆ ದೇಖಿನ್, ಇನ ಗೋದ್‌ಡಿಮ ಖ್ಹುಡೈ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:58

ತದೆ ಯೇಸುನೆ ಇನ, ‘ನ್ಹೋರಿಯೆನ ಘವಿಯೆ ಛಾ಼, ಅಜು಼ ಆಬ್‌ಪರ್ ಉಡಾತೆ ಜಿನಾವರ್‌ನ ಖ್ಹಾರು ಮ್ಹಾಳೊ ಛಾ಼, ಕತೋಬಿ ಅದ್ಮಿನ ಛಿಯ್ಯಾನ ಮುಡ್‌ಕ್ಯು ಟೇಕಯೆವ್ಡಿ ಝ಼ಗೋಬಿ ಕೊಯ್ನಿ” ಕರಿ ಬೋಲ್ಯೊ.

ಯೋಹಾನ 11:9

ಯೇಸುನೆ, “ದನ್ನು ಭಾರ ಘಂಟಾ ಛಾ಼, ಕಾಹೆಕಿ ಶು? ದನ್ನಿ ವಖ್ಹತ್‌ಮ ಚಾ಼ಲವಾಳು ಠೋಕರ್‌ಖೈನ್‌ ರಡ್ಕಕೊಯ್ನಿ, ಶನಕತೊ ಆ ಜಗತ್‌ನು ಉಜಾ಼ಳು ಇವ್ಣುನ ದೆಖಾವಸ್.

ಯೋಹಾನ 4:12

ಹಮಾರೊ ಗುರು ಯಾಕೋಬಥೀಬಿ ತೂ ಮೋಟೋಕಿ ಶು? ಇನೇಸ್‌ ಆ ಬಾವ್ಡಿನ ಹಮೂನ ದಿದೋತೆ; ಯೋಬಿ ಇನ ಲಡ್ಕಾಬಿ, ಇನೆ ಪಾಳ್ಯೊತೆ ಖ್ಹಾರುಸ್‌ ಜಾನ್ವರ್‌ ಆ ಬಾವ್ಡಿನು ಪಾಣಿ ಪೀದು” ಕರಿ ಬೋಲಿ.

ಯೋಹಾನ 4:5

ಸಮಾರ್ಯನ ಮಳ್ಯುಹುಯು ಸುಖರ್‌ ಕರಿ ಗಾಮ್‌ನ ಆಯೊ, ಯೋ ಗಾಮ್‍ ಯಾಕೋಬ್‍ನೆ ಇನೊ ಛಿಯ್ಯೊ ಯೋಸೇಫನ ದಿದೊತೆ ಝ಼ಗೋನ ಖನ್ನೆ ಥೂ.

ಯೋಹಾನ 4:7

ಏಕ್‌ ಸಮಾರ್ಯನಿ ತಯೇಡ ಪಾಣಿ ಭರಾನಟೇಕೆ ಹಿಜ್ಜಾ಼ ಆಯಿ, ತದೆ ಯೇಸುನೆ ಇನ, “ಪಿಯ್ಯಾನ ಥೋಡು ಪಾಣಿ ಮಳ್‍ಶೆ?” ಕರಿ ಬೋಲ್ಯೊ.

2 ಕೊರಿಂಥ 8:9

ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ವಾರ್‌ಖ್ಹಾನ ತುಮೆ ಮಾಲುಮ್ ಕರಿರಾಖ್ಯಸ್. ಕಿಮ್‌ಕತೊ ಯೋ ಧನ್‍ ದೌಲತ್‌ವಾಳೊ ರ‍್ಹಯೊತೋಬಿ ಯೋ ಗರೀಬ್ ಹುವಾಥೀಸ್ ತುಮೆ ಧನ್‌ ದೌಲತ್‌ವಾಳ ಬಣನಿತರ ಯೋ ತುಮಾರಖ್ಹಾಜೆ ಗರೀಬ್‍ಹುಯೊ.

ಇಬ್ರಿ 2:17

ಇನಖ್ಹಾಜೆ ಯೊ ಹರೇಕ್ ವಿಚಾರ್‌ಮಾಬಿ ಇನ ಭೈಯೇ ಭೇನೆನ ತಕ್ಕೆರ‍್ಹವಾನು ಜ಼ರೂರತ್ ಥು. ಅಮ್ ಇನೆ ಅದ್ಮಿಯೇವ್‌ನು ಪಾಪ್ ಅಖ್ಖು ಕ್ಷಮಾಪಣ್ ಕರಾನಖ್ಹಾಜೆ ದೇವ್ನ ಕಾಮ್ಮ ಗೋರ್‌ಬಿ ವಿಶ್ವಾಸ್‍ಬಿ ಹುಯಿರ‍್ಹಾವಳೊ ಮಹಾಯಾಜಕ್ ಹುಯೊ.

ಇಬ್ರಿ 4:15

ಶನಕತೊ ಅಪ್ಣುನ ಛಾ಼ತೆ ಮಹಾಯಾಜಕ್ ಅಪ್ಣಿ ಕಮ್‍ಜೋ಼ರಿಮ ಅಪ್ಣುನ ಗೋರ್‌ ವತಳಾಕೊಂತೆ ರ‍್ಹೆಯಿಕೊಯ್ನಿ. ಯೊ ಹರೇಕ್ ವಾತೆನಿ ಬಾರೇಮ ಅಪ್ಣಿನಿತರಸ್ ಶೋದನೆ ಪಡ್ಯೊಹುಯೊ. ಕತೋಬಿ ಇನೆ ಪಾಪ್ ಕರ‍್ಯೊಸ್ ಕೊಯ್ನಿ.