ಯೋಹಾನ 4:46 - ದೇವ್ನಿ ಖ್ಹಾಚಿ ವಚನ್

⁴⁶ ಯೇಸು ಪಾಛೊ಼ ಗಲಿಲಾಯನು ಕಾನಾ ಗಾಮ್‌ನ ಗಯೊ ಯೊ ಹಿಜ್ಜಾ಼ಸ್ ಇನೆ ಪಾಣಿನ ದ್ರಾಕ್ಷಿನು ರಖ್ಹ್‌ ಬಣಾಯೊಥೊತೆ. ಹಿಜ್ಜಾ಼ ಖ್ಹರ್ಕಾರ್‌ನೊ ಏಕ್‌ ಶೌಕಾರ್ ಅದಿಕಾರಿ ಥೊ. ಇನ ಛಿಯ್ಯಾನ ಕಪೆರ್ನೌಮ್ಮ ಜಾನ್ನ ಅಛ್ಛು಼ ಕೋ ಥೂನಿ.

ಯೋಹಾನ 4:46 ပူးပေါင်းရင်းမြစ်များ

ಮತ್ತಾಯ 15:22

ಯೋ ಮುಲಕ್‌ಮ ರ‍್ಹೇತಿಥೀತೆ ಕಾನಾನ್‌ವಾಳಿ ಏಕ್‌ ತಯೇಡ ಇನಾಕನ ಆಯಿನ್, “ದಾವೀದ್‌ನ ಛಿಯ್ಯಾ! ಪ್ರಭು, ಮಾರಪರ್ ಗೋರ್‌ ಕರ್‌! ಮಾರಿ ಛೋ಼ರಿಮ ಭೂತ್ ಛಾ಼ ಅಜು಼ ಘಣಿ ಖರಾಬ್ ಹಾಲ್‌ಮ ಯೋ ಛಾ಼” ಕರಿ ಚಿಕ್ರಿನ್ ಬೋಲಿ.

ಮತ್ತಾಯ 4:13

ತದೆ ಯೇಸು ನಜ಼ರೇತ್ ಕರಿ ಗಾಮ್‌ನ ಮ್ಹೆಂದಿನ್, ಹಿಜ್ಜಾ಼ಥೊ ನಿಕ್ಳಿನ್ ಗಲಿಲಾಯ ದರ‍್ಯಾವ್‍ನ ಖನ್ನೆ ಥೂತೆ ಕಪೆರ್ನೌಮ್ ಕರಿ ಗಾಮ್ಮ ಆಯಿನ್ ರ‍್ಹಿಯೊ. ಆ ಗಾಮ್‍ ಜೆಬಲೋನ್‌ ಅಜು಼ ನಫ್ತಾಲಿ ಕರಿ ತಬರ್‌ಖಾಮ ಥೂ.

ಮತ್ತಾಯ 9:18

ಯೇಸು ಇವ್ಣಿ ಜೋ಼ಡೆ ಆ ವಾತೆ ಬೋಲುಕರಾನಿ ವಖ್ಹತ್‌ಮ, ಯೆಹೂದ್ಯರ್‌ನೊ ಏಕ್‌ ಅದಿಕಾರಿ ಇನಾಕನ ಆಯಿನ್, ಇನಖ್ಹಾಮ್ಣೆ ಢುಕ್‌ಣ್ಯಟೇಕಿನ್, “ಮಾರಿ ಛೋ಼ರಿ ಹಂಕೇಸ್‌ ಮರಿಗೈ; ತೋಬಿ ತೂ ಐನ್ ಇನಾಪರ್‌ ಹಾತ್‌ ಮ್ಹೇಲ್ಯೋತೊ ಯೋ ಜಿವ್‌ತಿ ಉಶೆ” ಕರಿ ಗಿಂಗೈಲಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:23

ತದೆ ಇನೆ ಇವ್ಣುನ, “ತುಮೇತೊ, ವೈದ್ಯ ತಾರು ತೂ ಅಛ್ಛು಼ ಕರಿಲೆ’ ಕರಿ ಛಾ಼ತೆ ಮತ್ಲಬ್‌ನ ಬೋಲ್‌ಶು ಕರಿ ಮನ ಅಛ್ಛಿನಿತರ ಮಾಲುಮ್‌, ಅಜು಼ ಕಪೆರ್ನೌಮ್ಮ ತುಮೆ ಖ್ಹಮ್‍ಜ್ಯಾತೆ ಯೋಸ್, ಕಾಮ್ ಆ ತಾರ ಶೊಂತ್‌ ಗಾಮ್ಮಾಬಿ ಕರ್‌ ಕರಿ ಮನ ಬೋಲ್‌ಶು,

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:2

ಹಿಜ್ಜಾ಼ ಖ್ಹೋಶಿಪಾಯಿನೊ ಮೋಟಾನೊ, ಪ್ಯಾರ್‌ನೊ ಆಳ್‌ ಏಕ್‌ ಜ಼ಣೊ, ರೋಗ್‌ ಆಯಿನ್ ಮರಾನಿ ಹಾಲ್‌ಮ ಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:42

ಶನಕತೊ, ಭಾರ ವರಖ್ಹ್‌ನಿ ಹುಯಿರ‍್ಹಿಥೀತೆ, ಇನಿ ಏಕ್‌ನಿ-ಏಕ್‌ ಛೋ಼ರಿ, ಮರಾನಿ ಹಾಲ್‌ಮ ಥಿ. ಯೇಸು ಯಾಯಿರನ ಘರೆ ವಳ್ಯೊಜಾ಼ತೊಥೋತೆ ತದೆ, ಅದ್ಮಿನಿ ಭೀಡ್ ಇನ ಅಶ್‌ಪಿಶ್‍ ಭರೈನ್ ಆಯು.

ಯೋಹಾನ 2:12

ಅನ ಬಾದ್‌ಮ ಯೇಸು, ಇನಿ ಆಯಾ, ಭೈಯೇ ಅಜು಼ ಇನ ಶಿಷ್ಯರ್‌ನಿ ಜೋ಼ಡ್ಮ, ಕಪೆರ್ನೌಮ್ ಕರಿ ಗಾಮ್‌ನ ಜೈ಼ನ್‌, ಥೋಡ ದನ್ ಹಿಜ್ಜಾ಼ ಥಾ.

ಯೋಹಾನ 21:2

ಸೀಮೋನ್‌ ಪೇತ್ರಬಿ, ದಿದುಮಕರಿ ತೋಮಾಬಿ, ನತಾನಿಯೇಲ್‌ ಆ ಗಲಿಲಾಯನು ಕಾನಾ ಕರಿ ಗಾಮ್‌ವಾಳೊ, ಜೆಬೆದಾಯನ ಛಿಯ್ಯಾ, ಅಜು಼ ಯೇಸುನ ಬಿಜ಼ ಬೇ ಶಿಷ್ಯರ್‌ ಥಾ.