ಯೋಹಾನ 4:26 - ದೇವ್ನಿ ಖ್ಹಾಚಿ ವಚನ್

²⁶ ತದೆ ಯೇಸುನೆ,ಇನ ಬೋಲ್ಯೊ “ತಾರಿ ಜೋ಼ಡೆ ವಾತೆ ಬೋಲುಕರುತೆ ಮೇಸ್ ಯೋ” ಕರಿ ಬೋಲ್ಯೊ.

ಯೋಹಾನ 4:26 ပူးပေါင်းရင်းမြစ်များ

ಮತ್ತಾಯ 16:20

ಅನಕೇಡೆಥು ಯೇಸುನೆ ಇನ ಶಿಷ್ಯರ್‌ನ, “ಮೇಸ್ ಕ್ರಿಸ್ತ ಹುಯಿರ‍್ಹೋಸ್ ಕರಿ ಕಿನಾಬಿ ನಾ ಬೋಲ್‌ನು” ಕರಿ ಝೇತೈನ್‌ ಬೋಲ್ಯೊ.

ಮತ್ತಾಯ 20:15

ಮಾರ ಶೊಂತ್ ಪೈಶಾನ ಮಾರು ಮನ್ಆವಾತೆ ಇಮ್‌ ಕರಾನ ಮನ ಹಕ್‍ಕೊಯ್ನಿಕಿ ಶು? ಮೇ ಇವ್ಣುನ ಅಛ಼್ಛು ಕರ‍್ಯೊತೆ ಇನಖ್ಹಾಜೆ ತೂ ಬಳಾಪೊ ಕರಾಸ್ಕಿ ಶು?’ ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:30

ಹಮ್ಕೆ ಪಾಛ಼ಳ್ ಛಾ಼ತೆ ಅದ್ಮಿಖ್ಹಾರು, ತದೆ ಅಗಾಡಿ ರ‍್ಹಿಶೆ, ಅಜು಼ ಹಮ್ಕೆ ಅಗಾಡಿ ಛಾ಼ತೆ ಖ್ಹಾರು, ತದೆ ಪಾಛ಼ಳ್ ರ‍್ಹಿಶೆ” ಕರಿ ಬೋಲ್ಯೊ.

ಯೋಹಾನ 13:19

ಯೋ ಚಾ಼ಲಾನಿ ವಖ್ಹತ್‌ಮ, ಮೇಸ್ ಕ್ರಿಸ್ತ ಕರಿ ತುಮೆ ನಂಬಾನಖ್ಹಾಜೆ, ಯೋ ಚಾ಼ಲಾನ ಬೋಲುಕರುಸ್.

ಯೋಹಾನ 8:24

ಇನಖ್ಹಾಜೇಸ್ ತುಮೆ ತುಮಾರ ಪಾಪ್‍ಮಾಸ್‌ ಮರ್‌ಶು ಕರಿ ಮೇ ಬೋಲ್ಯೋತೆ. ಮೇ ಕೋಣ್ ಕರಿ ತುಮೆ ವಿಶ್ವಾಸ್‌ ನಾ ಕರ‍್ಯಾತೊ ತುಮಾರ ಪಾಪ್‌ಮ ತುಮೇಸ್ ಮರ್‌ಶು” ಕರಿ ಬೋಲ್ಯೊ.

ಯೋಹಾನ 8:28

ಕತೋಬಿ ಇನೆ ಇವ್ಣುನ, “ತುಮೆ ಅದ್ಮಿನ ಛಿಯ್ಯಾನ ಉಪ್ಪರ್ ಪಾಡ್‌ಶುಕಿ, ತದೆ ‘ಮೇಸ್ ಯೋ’ ಕರಿ,ತುಮುನ ಮಾಲುಮ್ ಪಡ್‌ಶೆ. ಮೆ ಕರುಸ್ತೆ ಮಾರಿ ಶೊಂತ್ ಆಖ್ಹ್‌ಥಿ ಕಾಹೆ ಪಣ್ಕಿ, ಮಾರೊ ಬಾ ಬೋಲಾತೆ ಇಮ್ಮಸ್ ಶಿಕಾಡುಕರೂಸ್.