ಯೋಹಾನ 4:19 - ದೇವ್ನಿ ಖ್ಹಾಚಿ ವಚನ್

¹⁹ ಯೋ ತಯೇಡಾನೆ, “ಪ್ರಭು, ತೂ ಪ್ರವಾದಿ ಕರಿ ಮನ ದೆಖಾವಸ್” ಕರಿ ಬೋಲಿ.

ಯೋಹಾನ 4:19 ပူးပေါင်းရင်းမြစ်များ

ಮತ್ತಾಯ 21:11

ತದೆ ಯೋ ಅದ್ಮಿನಿ ಝೂ಼ಂಡ್‌ನೆ, “ಆ ಪ್ರವಾದಿ ಹುಯಿರ‍್ಹೋತೆ ಯೇಸು, ಆ ಗಲಿಲಾಯಾನು ನಜ಼ರೇತ್‌ವಾಳೊ” ಕರಿ ಜವಾಬ್‌ ದಿದು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:19

ತದೆ ಯೇಸುನೆ, “ಖೆವಿ ವಾತೆ?” ಕರಿ ಪುಛಾ಼ಯೊ. ಇನ ಇವ್ಣೆ, “ನಜ಼ರೇತ್‌ನೊ ಯೇಸುನಿ ಬಾರೇಮ, ಯೊ ದೇವ್ನ ಅಜು಼ ಅದ್ಮಿನ ಡೋಳಾಮ ಪ್ರವಾದಿ ಹುಯಿರ‍್ಹೋಥೊ, ಕಾಮ್ಮಬಿ ಅಜು಼ ವಾತೇಮಾಬಿ ಮೋಟೊ ಪ್ರವಾದಿಹುಯಿರ‍್ಹೋಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:16

ಅನ ದೇಖಿನ್, ಹಿಜ್ಜಾ಼ ಥೂತೆ ತಮಾಮ್‌ ಅದ್ಮಿ ಡರಿನ್, ದೇವ್ನ ಸ್ತುತಿ ಕರ್ತುಹುಯಿನ್, “ಏಕ್‌ ಮಹಾನ್ ಪ್ರವಾದಿ ಅಪ್ಣಕನ ಐರ‍್ಹೋಸ್! ದೇವ್ ಇನ ಅದ್ಮಿನ ಬಚಾ಼ಡಾನ ಐರ‍್ಹೋಸ್” ಕರಿ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:39

ಯೇಸುನ ಖಾಣನ ಬುಲಾಯೊಥೋತೆ ಫರಿಸಾಯರ್‌ನೆ ಅನ ದೇಖಿನ್, “ಆ ಪ್ರವಾದಿಸ್ ರ‍್ಹಯೊಹೋತ್ತೊ, ಇನ ಛೀಮುಕರಾತೆ ಕೋಣ್ ಕರಿ ಮಾಲುಮ್‌ ಕರಿಲಿದೊಹೋತ್; ಆ ಕಿಮ್ನು ಪಾಪ್‌ಮ ಜಿವ್ಣು ಚ಼ಲಾವ್‍ಕರಾಸ್‌ ಕರಿ ಮಾಲುಮ್‌ ಕರಿಲಿದೊಹೋತ್!”

ಯೋಹಾನ 4:18

ತುನ ಪಾಚ಼್ ಜ಼ಣ ಬಾವ್ರಿ ಥಾ, ಅಜು಼ ತೂ ಹಮ್ಕೆ ಕಿನ ಜೋ಼ಡೆ ಛಾ಼ಕಿ ಯೋಬಿ ತಾರೊ ಬಾವ್ರಿ ಕಾಹೆ. ತುನೆ ಮನ ಖ್ಹಾಚಿಸ್ ಬೋಲಿ” ಕರಿ ಬೋಲ್ಯೊ.

ಯೋಹಾನ 4:29

“ಮೇ ಹಂಕೆತೋಡಿ ಕರೀತೆ ಖ್ಹಾರಸ್ನ ಬೋಲ್ಯೊತೆ ಏಕ್‌ ಅದ್ಮಿ ಹಿಜ್ಜಾ಼ ಛಾ಼. ಐನ್ ದೇಖೊ, ಯೋಸ್‌ ಕ್ರಿಸ್ತಕಿ ಹುಯಿರೇಣು ಶುಕಿ?” ಕರಿ ಹಿಜ್ಜಾ಼ನು ಅದ್ಮಿ ಖ್ಹಾರಾನ ಬೋಲಿ.

ಯೋಹಾನ 6:14

ಯೇಸುನೆ ಕರ‍್ಯೊತೆ ಆ ಅದ್ಭುತ್ ದೇಖ್ಯೂತೆ ತದೆ ಅದ್ಮಿಖ್ಹಾರು ಅಮ್ ಬೋಲ್ಯು, “ಖ್ಹಾಚ಼ಮಾಬಿ ಜಗತ್‌ಮ ಆವ್ಣುತೆ ಪ್ರವಾದಿ ಆಸ್ ಹುಯಿರೊಸ್” ಕರಿ ಬೋಲ್ಯು.

ಯೋಹಾನ 7:40

ಅನ ಖ್ಹಮ್‌ಜಿನ್‌, ಭೀಡ್‌ಮ ಥೂತೆ ಥೋಡು ಅದ್ಮಿ, “ಖ್ಹಾಚ಼ಮಾಬಿ ಆ ಅದ್ಮಿ ಪ್ರವಾದಿ ಹುಯಿರ‍್ಹೋಸ್” ಕರಿ ಬೋಲ್ಯು.

ಯೋಹಾನ 9:17

ಡೋಳ ದೆಖಾವಲಗ್ಯುತೆ ಯೊ ಅದ್ಮಿನ ಫರಿಸಾಯರ್‌ನೆ ಬಿಜೇಕ್‌ಹಲ್ಲ ಪುಛಾ಼ಯು. ತದೆ ಯೋ ಅದ್ಮಿನೆ, “ಯೋ ಏಕ್‌ ಪ್ರವಾದಿ” ಕರಿ ಬೋಲ್ಯು.