ಯೋಹಾನ 3:32 - ದೇವ್ನಿ ಖ್ಹಾಚಿ ವಚನ್

³² ಯೋ ಶಾತ್‌ ದೇಖ್ಯೋಕಿ ಅಜು಼ ಖ್ಹಮ್‌ಜೋಕಿ ಇನಿ ಬಾರೇಮ ಸಾಕ್ಷಿ ಬೋಲಾಸ್, ತೋಬಿ ಇನಿ ಸಾಕ್ಷಿನ ಕೋಣ್‌ಬಿ ಮಾನಕೊಯ್ನಿ.

ಯೋಹಾನ 3:32 ပူးပေါင်းရင်းမြစ်များ

ಮತ್ತಾಯ 7:8

ಶನಕತೊ ಮಾಂಗವಾಳ ಹರೇಕ್‌ನ ದೆವಾವ್‌ಶೆ, ಅಜು಼ ಢೂಂಡವಾಳನ ಮಳ್‌ಶೆ, ಕೋಣ್ ಖಟ್‌ಖಟಾವಸ್ಕಿ ಇನ ಬಾಕಲ್ ಕಡಾವ್‌ಶೆ.

ಯೋಹಾನ 1:11

ಯೋ ಇನ ಶೊಂತ್‌ ದೇಖ್ಹ್‌ಮ ಆಯೊ, ತೋಬಿ ಇನು ಶೊಂತ್ ಅದ್ಮಿಸ್‌ ಇನ ಮಳೈಲಿದುಕೊಯ್ನಿ.

ಯೋಹಾನ 15:15

ಬಿಜು಼ ಖ್ಹಾಮ್ಣೆ ಮೇ ತುಮೂನ ಆಳ್‌ ಕರಿ ಬುಲಾವ್ ಕೊಯ್ನಿ, ಶನಕತೊ ಯಜಮಾನ್ ಶಾತ್‌ ಕರುಕರಸ್ ಕರಿ ಇನ ಆಳ್‌ನ ಮಾಲುಮ್‌ ಕೋ ರ‍್ಹೇಯ್ನಿ. ಅನಬದಲ್ ಮೇ ತುಮೂನ ದೋಸ್ತ್ ಕರಿ ಬುಲಾವುಸ್‌, ಶನಕತೊ ಬಾಥಿ ಮೇ ಶಾತ್ ಖ್ಹಮ್‌ಜ್ಯೋಕಿ ಖ್ಹಾರಸ್ನ ತುಮೂನ ಬೋಲಿರಾಖ್ಯೊಸ್.

ಯೋಹಾನ 18:37

ತದೆ ಪಿಲಾತನೆ ಇನ ಬೋಲ್ಯೊ, “ಇಮ್‍ಕತೊ, ತೂ ರಾಜಾ಼ ಕಿಶು?” ಕರಿ ಪುಛಾ಼ಯೊ. ಯೇಸುನೆ, “ಮೇ ರಾಜ಼ ಕರಿ ತೂಸ್ ಬೋಲುಕರಾಸ್‌. ಮೇ ಖ್ಹಾಚಿನಿ ಬಾರೇಮ ಸಾಕ್ಷಿ ಬೋಲಾನಖ್ಹಾಜೆ ಪೈದಾಹುಯಿನ್‌, ಆ ಜಗತ್‌ಮ ಐರ‍್ಹೋಸ್. ಖ್ಹಾಚಿ ಭಣಿವಾಳು ಮಾರಿ ವಾತೇನ ಖ್ಹಮ್‌ಜಾ಼ಸ್‌” ಕರಿ ಜವಾಬ್‌ ದಿದೊ.

ಯೋಹಾನ 3:11

ಮೇ ತುನ ಖ್ಹಾಚ ಬೋಲುಕರುಸ್: ಹಮೂನ ಮಾಲುಮ್‌ ಛಾ಼ತೆ ಇನಿ ಬಾರೇಮ ಹಮೆ ಬೋಲೆಸ್, ಅಜು಼ ಹಮೆ ದೆಖೇಸ್ತೆ ಇನಿ ಬಾರೇಮ ಸಾಕ್ಷಿ ಬೋಲೆಸ್, ಕತೋಬಿ ತುಮೆ ಹಮೆ ಬೋಲೆಸ್ತೆ ಇನ ಮಾನಕೊಯ್ನಿ.

ಯೋಹಾನ 3:26

ತದೆ ಇವ್ಣೆ ಯೋಹಾನಕನ ಐನ್, “ಗುರು, ಯೊರ್ದನ್‌ ನದ್ದಿನ ಪಾರ್ಲಿಬಾಜು ತಾರಕನ ಥೋತೆ ಏಕ್‍ಜ಼ಣಾನಿ ಬಾರೇಮ ತುನೆ ಸಾಕ್ಷಿ ಬೊಲ್ಯೊನಿ, ಯೋಸ್ ಹಮ್ಕೆ ಅದ್ಮಿಖ್ಹಾರಾನ ಬ್ಯಾಪ್ತಿಸ್ಮ ದೆವ್‌ಕರಾಸ್‌, ಅಜು಼ ಹರೇಕ್ ಜ಼ಣು ಇನಾಕನ ಒಳ್ಯುಜಾ಼ಸ್!” ಕರಿ ಬೋಲ್ಯು.

ಯೋಹಾನ 3:33

ಕತೋಬಿ ಕೋಣ್ ಇನಿ ಸಾಕ್ಷಿನ ಮಾನಿಲೇಸ್ಕಿ, ಯೋ ಅಮ್ ಕರಾಥಿ ದೇವ್ ಖ್ಹಾಚು಼ ಕರಿ ಸಾಬಿತ್ ಕರಸ್.

ಯೋಹಾನ 5:20

ಶನಕತೊ, ಬಾ ಇನ ಛಿಯ್ಯಾನ ಪ್ಯಾರ್ ಕರಾಸ್ ಅಜು಼ ಯೋ ಕರಾಸ್ತೆ ಖ್ಹಾರಾನ ಇನ ಒತಾಳಸ್. ಅತ್ರೇಸ್ ಕಾಹೆತೆ ಅನೇಥಿಬಿ ಮೋಟು ಕಾಮ್‌ಖ್ಹಾರು ಇನ ವತಾಳ್‌ಶೆ; ಇನ ದೇಖಿನ್‌ ತುಮೆ ಆಶ್ಚರ್ಯ ಕರ್ಶು.

ಯೋಹಾನ 8:26

ತುಮಾರಿ ತೀರ್ಪ್‌ನಿ ಬಾರೇಮ ವಾತೆ ಬೋಲಾನು ಮಾರಕನ ಘಣು ಛಾ಼. ಕತೋಬಿ ಮನ ಮೋಕ್‌ಲ್ಯೊತೆ ಯೋ ಖ್ಹಾಚೊ಼ ಹುಯಿರ‍್ಹೋಸ್ ಅಜು಼ ಇನೇಥಿ ಮೇ ಶಾತ್‌ ಖ್ಹಮ್‌ಜ್ಯೋಕಿ ಇನಾಸ್ ಆ ಜಗತ್ನ ಮೇ ಬೋಲುಸ್” ಕರಿ ಬೋಲ್ಯೊ.