ಯೋಹಾನ 3:3 - ದೇವ್ನಿ ಖ್ಹಾಚಿ ವಚನ್

³ ಇಮ್‌ ಬೋಲ್ತಾನ ಯೇಸುನೆ, “ಮೇ ತುನ ಖ್ಹಾಚಮಾಬಿ ಬೋಲುಸ್ಕಿ, ಕೋಣ್‌ತೋಬಿ ಏಕ್‌ ಜ಼ಣು ದೇವ್ನಿ ರಾಜ್ಯಮ ಪಾಛು಼ ಪೈದಾ ನಾ ಹುಯೂತೊ, ದೇವ್‌ನು ರಾಜ಼್‌ನ ದೇಖಾನ ಕೋ ಹುವಾನಿ?” ಕರಿ ಬೋಲ್ಯೊ.

ಯೋಹಾನ 3:3 ပူးပေါင်းရင်းမြစ်များ

ಮತ್ತಾಯ 16:17

ಯೇಸುನೆ, “ಯೋನಾನೊ ಛಿಯ್ಯೊ ಸೀಮೋನ, ತೂ ಧನ್ಯ ಹುಯಿರ‍್ಹೋಸ್! ಆ ಖ್ಹಾಚ಼ನ ತುನ ಮಾಲುಮ್ ಕರಾಯೂತೆ ಅದ್ಮಿನೆ ಕಾಹೆ, ಪಣ್ಕಿ ಸೊರ್ಗಾಮ ಛಾ಼ತೆ ಮಾರ ಬಾನೇಸ್ ಆ ಖ್ಹೂಜ಼್‌ ಕರಾಯೋತೆ ಕರಿ ಬೋಲ್ಯೊ.

ಮತ್ತಾಯ 19:24

ಒಹೊ, ಶೌಕಾರ್ ಅದ್ಮಿ ದೇವ್‌ನು ರಾಜ್ಯಮ ಜಾ಼ವಾಥೀಬಿ, ಊಟ್‍ ಖ್ಹುಯಿನ ಡೋಳವಾಟೆಕರಿ ಪೇಶಿಜಾ಼ವನು ಶುಲ್ಬ ಕರಿ ಮೇ ತುಮೂನ ಪಾಛೊ಼ ಬೋಲುಸ್” ಕರಿ ಬೋಲ್ಯೊ.

ಮತ್ತಾಯ 21:31

ಇವ್ಣ ಭೇಮ ಬಾನಿ ಮರ್ಜಿನಿಘೋಣಿ ಚಾ಼ಲಿಲಿದುತೆ ಕೋಣ್?” ಕರಿ ಪುಛಾ಼ವ್‌ತಾನ, ಇವ್ಣೆ, “ಮೋಟೊ ಛಿಯ್ಯೋಸ್” ಕರಿ ಬೋಲ್ಯು. ತದೆ ಯೇಸುನೆ ಇವ್ಣುನ, “ಮೇ ತುಮೂನ ಖ್ಹಾಚ ಬೋಲುಸ್: ಶುಂಕ ಮಾಂಗವಾಳು ಅಜು಼ ಶೂಳೆ ತಯೇಡ ಖ್ಹಾರಿ ತುಮಾರೇಥಿ ಅಗಾಡಿ ದೇವ್ನಿ ರಾಜ್ಯಮ ಜಾ಼ಶೆ.

ಮತ್ತಾಯ 5:18

ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಆಬ್ಬಿ ಧರ್ತಿ ಮಟಿಜಾ಼ಶೆ, ಧರ್ಮಶಾಸ್ತ್ರಮ ಛಾ಼ತೆ ಖ್ಹಾರುಸ್ ಚಾ಼ಲಾಲಗುಬಿ ಇನಮಾನು ಏಕ್‌ ನ್ಹಾನು ಲಿಖ್ಯೂಬಿ ರ‍್ಹವೊ, ನಾತೊ ಏಕ್‌ ಟಿಪ್‌ಕ್ಯುಬಿ ಮಟ್‌ಶೆ ಕೊಯ್ನಿ.

ಮಾರ್ಕ 10:14

ಯೇಸುನೆ ಅನ ದೇಖಿನ್‌, ಖೀಜ಼್ ಖೈನ್, ಇನ ಶಿಷ್ಯರ್‌ನ, “ಅಡ್ಡಾಣಿ ಲಡ್ಕಾವ್ನ ಮಾರ ಖನ್ನೆ ಆವಾನ ಮ್ಹೇಲೊ; ಇವ್ಣುನ ಭೀರಾಕೊ ನಕೊ, ಶನಕತೊ ದೇವ್‌ನು ರಾಜ್ಯ ಅಮ್‌ನಾಸ್‌ವಾಳಾನು.

ಮಾರ್ಕ 9:47

ತಾರೊ ಡೋಳೊ ತುನ ಪಾಪ್‌ಮ ಖ್ಹಪ್‌ಡವಾನು ಉಶೇತೊ, ಇನ ಕಚ಼್‌ಕೋರಿ ಕಾಡಿ ಫೇಕಿದೆ! ಬೇ ಡೋಳ ರ‍್ಹೀನ್ ನರಕ್ಮ ಪಡಾಥೀಬಿ ಎಕ್ಕಸ್ ಡೋಳೊ ರ‍್ಹೀನ್ ದೇವ್ನಿ ರಾಜ್ಯಮ ಜಾ಼ವಾನು ತುನ ಅಶೇಲ್.

ಯೋಹಾನ 1:13

ಇವ್ಣೆ ಲ್ಹೋಯಿನಿ ಸಂಬಂದಾಥಿ ರ‍್ಹವೊ, ಶರೀರ್‌ನಿ ಆಖ್ಹ್‌ಥೀಬಿ ರ‍್ಹವೊ, ಪರ್ಖ್ಹಾನಿ ಖ್ಹಂಗ್‌ಥಿಬಿ ರ‍್ಹವೊ ಪೈದಹುಯುತೆ ಕಾಹೆ; ದೇವ್‌ಥೀಸ್ ಪೈದಹುಯುತೆ.

ಯೋಹಾನ 1:5

ಯೋ ಉಜಾ಼ಳು ಅಂಧಾರಾಮ ಚ಼ಮ್‌ಕಾಸ್, ಅಜು಼ ಅಂಧಾರು ಇನ ಮಾಲುಮ್ ಕರ‍್ಯುಕೊಯ್ನಿ.

ಯೋಹಾನ 1:51

ಯೇಸುನೆ ಇವ್ಣುನ, “ಮೇ ತುಮೂನ ಖ್ಹಾಚ ಬೋಲುಸ್ಕಿ: ಸೊರ್ಗ ನಿಕ್‌ಳೈರ‍್ಹೀಶೆತೆ ಅಜು಼ ಅದ್ಮಿನೊ ಛಿಯ್ಯಾನ ಉಪ್ಪರ್ ಕರಿ ದೇವ್‌ನು ದೂತರ್ ಉತ್ರಿ ಆವಾನು ಅಜು಼ ಜಾ಼ವಾನು ತುಮೆ ದೇಕ್‌ಶು” ಕರಿ ಬೋಲ್ಯೊ.

ಯೋಹಾನ 12:40

‘ದೇವ್ನೆ ಇವ್ಣ ಡೋಳಾನ ಕಾಣು ಕರಿರಾಖ್ಯೋಸ್, ಅಜು಼ ಇವ್ಣ ದಿಲ್ನ ಕಠಣ್ ಕರಿರಾಖ್ಯೋಸ್, ಶನಕತೊ, ಇವ್ಣೊ ಡೋಳೊ ದೇಕ್ಣು ನಾ ಅಜು಼ ಇವ್ಣೊ ದಿಲ್‌ ಪರಖ್‌ಣು ನಾ’ ಕರಿ ಅಜು಼ ಇವ್ಣೆ ಇನಾಭಣಿ ಫರೀನ್, ಇನಖ್ಹಾಜೆ ಅಛ್ಛು಼ ನಾ ಹೋಣು ಕರಿ” ಬೋಲೈರ‍್ಹುಸ್ತೆ.

ಯೋಹಾನ 3:4

ತದೆ ನಿಕೊದೇಮನೆ ಯೇಸುನ, “ಏಕ್‌ ಅದ್ಮಿ ಬುಢು ಹುಯಿಜಾ಼ವಪರ್, ಪಾಛು಼ ಪೈದಾ ಹುವಾನ ಕಿಮ್ ಉಷೆ? ಯೋ ಅದ್ಮಿ ಪಾಛು಼ ಇನಿ ಆಯಾನ ಗರಬ್‌ಮ ಪೇಶಿನ್, ಪೈದಾ ಹುವಾನ ಕೋ ಹುವ್ವಾನಿನಿ! ಕರಿ ಬೋಲ್ಯೊ.

2 ಕೊರಿಂಥ 4:4

ದೇವ್‌ನೊ ರೂಪ್ ಹುಯಿರೋತೆ ಕ್ರಿಸ್ತನಿ ಉಜಾ಼ಖ್ಹ್‌ನ ವತಾಳನು ಮಹಿಮೆನಿ ಸುವಾರ್ತೆ ಅವ್ಣಾಮ ಉಜಾ಼ಖ್ಹ್‌ ನಾಹೊಣುಕರಿ, ಆ ಜಗತ್‌ನು ದೇವ್‌ ವಿಶ್ವಾಸ್‌ಕೊಂತೆ ಇವ್ಣ ದಿಲ್ನ ಕಾಣು ಕರಿನಾಖ್ಯು.

2 ಕೊರಿಂಥ 5:17

ಇನಖ್ಹಾಜೆ ಕೋಣ್‌ತೋಬಿ ಕ್ರಿಸ್ತಮ ರ‍್ಹಯುತೊ, ಯೊ ನವೇಥಿ ಉಬ್ಜಿರ‍್ಹೋಸ್. ಹಂದೇಖೊ, ಜೂ಼ನು ಚಾ಼ಲ್ಯೂತೆ ಅಖ್ಖೂಸ್ ನೂಛೈ಼ಗಯು; ನವೇಥಿ ಜ಼ಲಮ್‍ಲಿದು.

ಗಲಾತ್ಯ 6:15

ಶನಕತೊ ಖ್ಹತ್ನ ಹುಯುತೋಬಿ ನತರ್ ನಾಹುಯುತೋಬಿ ಯೋ ಮುಖ್ಯ ಕಾಹೆ. ಕತೋಬಿ ನವೇಥಿ ಪೈದಾಹುವಾನುಸ್ ಮುಖ್ಯ ಹುಯಿರ‍್ಹುಸ್.

ಎಫೆಸ 2:1

ತುಮೆ ತುಮಾರು ಅವಿಧೇಯ ಬಿಜು಼ ಪಾಪ್ನಖ್ಹಾಜೇಥಿ ಆತ್ಮೀಕ್ ಪರಕ್ಮ ಮರಿಗಯಥ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:5

ಇನೆ ಅಪ್ಣುನ ಬಚಾ಼ಡ್ಯೊತೆ, ಅಪ್ಣೆ ಕರ‍್ಯಾತೆ ಅಛ್ಛು಼ ಕಾಮ್‍ಥಿ ಕಾಹೆ ಪಣ್ಕಿ ಇನಿ ಗೋರ್‌ಥೀಸ್. ಅಜು಼ ಪವಿತ್ರಾತ್ಮಾಥಿ ನವಿ ಜಿ಼ಂದ್‌ಗಿ ದಿದೊ. ಅಜು಼ ಇನೆ ಅಪ್ಣುನ ಧೊಯಿನ್ ನವೊ ಜಾನ್ನದಿದೊ.

ಯಾಕೋಬ 3:17

ಕತೋಬಿ ದೇವ್‍ಥಿ ಆವಾನಿ ಗ್ಯಾನ್ ಪಹಿಲೆ ಪರಿಶುದ್ ಹುಯಿರ‍್ಹವಾಳು ಇನಪಾರ್ ಸಮಾಧಾನ್‍ವಾಳು, ಶೇದೇವ್‌ ಹುಯಿರ‍್ಹವಾಳು, ವಿಧೇಯ ರ‍್ಹವಾಳುಬಿ, ಗೋರ್‌ಥೀಬಿ ಅಜು಼ ಅಛ್ಛಿ಼ಫಲ್‍ಥೀಬಿ ಭರೈರ‍್ಹವಾಳು, ಶುದ್ಧಮನ್‌ಥಿ ಬೋಲವಾಳು, ಖ್ಹಾಚು಼ ಬೋಲವಾಳುಕರಿ ಖುಷಿಥಿ ಮಾನಿಲ್ಯಾವನು ಹುಯಿರ‍್ಹುಸ್.

1 ಪೇತ್ರ 1:3

ಅಪ್ಣೊ ಪ್ರಭು ಯೇಸು ಕ್ರಿಸ್ತನೊ ಬಾಬಿ ದೇವ್‌ಬಿ ಹುಯಿರ‍್ಹವಾಳನ ಧನ್ಯವಾದ್ ಹುವಾದೆ! ಶನಕತೊ ಯೋ ಯೇಸು ಕ್ರಿಸ್ತನ ಮರ‍್ಯಾಹುಯಾಮಾಥು ಜಿವ್ತೊಕರಿನ್, ಇನಿ ಮೋಟಿ ಗೋರ್‌ಥೀಸ್ ಅಪ್ಣುನ ನವೊ ಜ಼ಲಮ್ ಅಜು಼ ಜಾನ್ನ ಭರೋಖ್ಹಾನ ದಿರಾಖ್ಯೊಸ್.

1 ಯೋಹಾನ 2:29

ಕ್ರಿಸ್ತ ಯೇಸು ನೀತಿವಾಳೊ ಹುಯಿರ್‍ಹೊಸ್ ಕರಿ ತುಮೂನ ಮಾಲುಮ್‌ ರ‍್ಹಿಯುತೊ ನೀತಿನ ಮಾರಗ್‌ಪರ್ ಚಾ಼ಲವಾಳು ಹರೇಕ್‍ಜ಼ಣುಬಿ ಇನೇಥಿ ಪೈದಹುಯಿರ‍್ಹುಸ್‍ ಕರಿ ತುಮೆ ಮಾಲುಮ್‌ ಕರಿರಾಖವಾಳ ಹುಯಿರ‍್ಹಾಸ್.

1 ಯೋಹಾನ 3:9

ದೇವ್‍ಥಿ ಪೈದ ಹುಯಿರ‍್ಹವವಾಳೊ ಕೋಣ್‌ಬಿ ಪಾಪ್ ಕರ್ಶೆ ಕೊಯ್ನಿ. ಶನಕತೊ ದೇವ್ನಿ ಸ್ವಭಾವ್ ಇನಾಮ ಛಾ಼. ಯೋ ದೇವ್‍ಥಿ ಪೈದ ಹುಯಿರ‍್ಹೊಸ್ತೆ ಇನಖ್ಹಾಜೆ ಪಾಪ್ ಕರಾನ ಕೋ ಉಶೇನಿ.

1 ಯೋಹಾನ 5:1

ಯೇಸುಸ್ ಪ್ರಭು ಕರಿ ನಂಬವಾಳ ಹರೇಕ್ ಜ಼ಣಾಬಿ ದೇವ್ನ ಲಡ್ಕಾ ಹುಯಿರ‍್ಹಾಸ್. ಕೋಣ್ ಇನ ಪೈದಕರ‍್ಯೊತೆ ಬಾನ ಪ್ಯಾರ್ ಕರಸ್ಕಿ ಅಥ್ರಾನವಾಳು ಹರೇಕ್ ಜ಼ಣು ಇನ ಛಿಯ್ಯಾನ ಜಿನುಕು ಪ್ಯಾರ್‌ಕರಸ್‍.

1 ಯೋಹಾನ 5:18

ದೇವ್‍ಥಿ ಉಬ್‍ಜಾ಼ವಾಳೊ ಪಾಪ್‍ಕರವಾಳೊ ಕಾಹೆ ಕರಿ ಅಪ್ಣುನ ಮಾಲುಮ್ ಛೆ. ದೇವ್‍ಥಿ ಪೈದಹುವವಾಳೊ ಇನುಯೋಸ್ ಬಚಾ಼ಡಿಲಿಶೆ. ಕೇಡ್‌ ಕರಾವಾಳೊ ಇನ ಛೀಮ್‍ಶೆ ಕೊಯ್ನಿ.

1 ಯೋಹಾನ 5:4

ಶನಕತೊ ದೇವ್‍ಥಿ ಪೈದ ಹುಯೋತೆ ಹರೇಕ್ ಜ಼ಣುಬಿ ಜಗತ್ನ ಜುತಿಲೇಸ್. ಜಗತ್ನಜುತಾನು ಅಪ್ಣಿ ವಿಶ್ವಾಸ್‌ಥೀಸ್.

ಪ್ರಕಾಶಿತ್ 3:14

ಲವೊದಿಕೀಯಮ ಛಾ಼ತೆ ಸಬೆನ ದೂತನ ಲೀಕ್, ವಿಶ್ವಾಸ್ ಯೋಗ್ಯಬಿ, ಖ್ಹಾಚಿ ಸಾಕ್ಷಿಬಿ, ದೇವ್ನಿ ಬಣಾವಟ್ನ ರಾಜ಼ ಹುಯಿರೋತೆ ‘ಆಮೆನ್’ ಕರಿ ರ‍್ಹವಾಳೊ ಶಾತ್‌ ಬೋಲಸ್‍ಕತೊ,