ಯೋಹಾನ 3:26 - ದೇವ್ನಿ ಖ್ಹಾಚಿ ವಚನ್

²⁶ ತದೆ ಇವ್ಣೆ ಯೋಹಾನಕನ ಐನ್, “ಗುರು, ಯೊರ್ದನ್‌ ನದ್ದಿನ ಪಾರ್ಲಿಬಾಜು ತಾರಕನ ಥೋತೆ ಏಕ್‍ಜ಼ಣಾನಿ ಬಾರೇಮ ತುನೆ ಸಾಕ್ಷಿ ಬೊಲ್ಯೊನಿ, ಯೋಸ್ ಹಮ್ಕೆ ಅದ್ಮಿಖ್ಹಾರಾನ ಬ್ಯಾಪ್ತಿಸ್ಮ ದೆವ್‌ಕರಾಸ್‌, ಅಜು಼ ಹರೇಕ್ ಜ಼ಣು ಇನಾಕನ ಒಳ್ಯುಜಾ಼ಸ್!” ಕರಿ ಬೋಲ್ಯು.

ಯೋಹಾನ 3:26 ပူးပေါင်းရင်းမြစ်များ

ಮತ್ತಾಯ 23:7

ದುಕಾನೇನಿ ಗಲ್ಲಿಯೇಮ ಅದ್ಮಿಖ್ಹಾರು ಇವ್ಣುನ ಖ್ಹಲಾಮ್ ಕರ‍್ನು ಕರಿ ಅಜು಼ ಗುರುಕರಿ ಬೋಲೈಲೇವ್ಣು ಕರಿ ಬೋಲನುಸ್ ಇವ್ಣಿ ಆಖ್ಹ್.

ಮತ್ತಾಯ 23:8

ಕತೋಬಿ ತುಮೆ ಗುರು ಕರಿ ನಕೊ ಬೋಲೈಲಿಶು; ಶನಕತೊ ಕ್ರಿಸ್ತ ಎಕ್ಕಸ್‍ಜ಼ಣೊ ತುಮೂನಛಾ಼ತೆ ಗುರು ಅಜು಼ ತುಮೆಖ್ಹಾರು ಭೈಯೇ ಭೇನೆನಿಘೋಣಿ ಹುಯಿರ‍್ಹಾಸ್.

ಯೋಹಾನ 1:15

ಯೋಹಾನನೆ ಇನಿ ಬಾರೇಮ ಸಾಕ್ಷಿ ಬೋಲ್ಯೊ. ಅಜು಼ ಚಿಕರ್ತೊ ಹುಯಿನ್, “ಮೇ ಕಿನಿ ಬಾರೇಮ ಬೋಲಿರಾಖ್ಯೊಸ್ಕಿ ಯೋಸ್ ಆ ಹುಯಿರೊಸ್.” ‘ಮಾರ ಪಾಛ಼ಳ್ ಆವವಾಳೊ ಛಾ಼ ಕರಿ ಕಿನಿ ಬಾರೇಮ ಬೋಲ್ಯೊಥೋಕಿ ಯೊ ಮಾರೇಥಿಬಿ ಮಹಾನ್ ಹುಯಿರೊಸ್.‌ ಶನಕತೊ ಯೊ ಮಾರ ಪೈದಾಖ್ಹ್‌ನ ಅಗ್ಗಳಸ್ ಯೋ ಥೊ’.

ಯೋಹಾನ 1:7

ಯೋ ಖ್ಹಾರ ಅದ್ಮಿನ ಆ ಉಜಾ಼ಳನಿ ಸಾಕ್ಷಿ ದ್ಯವಾನ ಆಯೊ. ಶನಕತೊ ಖ್ಹಾರುಜ಼ಣು ಆ ಸಂದೇಶ್ನ ಖ್ಹಮ್‌ಜಿನ್‌ ವಿಶ್ವಾಸ್ ಕರ್ನುಕರಿ ಆಯೊ.

ಯೋಹಾನ 1:9

ಯೊ ಖ್ಹಾಚು಼ ಉಜಾ಼ಳು ಹುಯಿರುಥು ಅಜು಼ ಯೊ ಜಗತ್‌ಮ ಆವಾಳು ಥು, ಯೊ ಅಖ್ಖಾ ಅದ್ಮಿನ ಉಜಾ಼ಖ್ಹ್‌ ದೆವಾಳು ಹುಯಿರ‍್ಹುಥು.

ಯೋಹಾನ 11:48

ಅಪ್ಣೆ ಅನ ಅಮ್ಮಸ್ ಮ್ಹೆಂದಿದಾತೊ, ಹರೇಕ್ ಅದ್ಮಿ ಅನ ನಂಬಿಜಾ಼ಶೆ. ತದೆ ರೋಮ್‌ವಾಳು ಐನ್, ಅಪ್ಣಿ ಮಂದಿರ್‌ನ ಅಜು಼ ಅಪ್ಣ ದೇಖ್ಹ್‌ನ ಬರ್ಬಾತ್ ಕರಿನಾಕ್‌ಶೆ!” ಕರಿ ಬೋಲ್ಯು.

ಯೋಹಾನ 12:19

ತದೆ ಫರಿಸಾಯರ್‌ವಾಳು ಏಕ್‌ಥಿ-ಏಕ್‌, “ಹಂದೇಖೊ, ಅಪ್ಣೊ ಹಾತ್‌ ಶಾತ್ಬಿ ಕರಾನ ಕೋ ಹೂಕರಾನಿ! ಆ ಜಗತ್‌ನು ಖ್ಹಾರು ಅದ್ಮಿ ಇನ ಪೀಠೆ ಒಳ್ಯುಜಾ಼ಸ್!” ಕರಿ ಬೋಲಿಲಿದು.

ಯೋಹಾನ 3:2

ಯೋ ಏಕ್‌ ರಾತೆ ಯೇಸುಕನ ಐನ್, “ರಬ್ಬಿ, ತು ದೇವ್‍ಥಿ ಆಯೋಹುಯೊ ಫಡಾವವಾಳೊ ಕರಿ ಹಮೂನ ಮಾಲುಮ್‌. ತು ಕರಾತೆ ಖ್ಹಣೇದ್‍ನು ಕಾಮ್ ಕರಾನ, ದೇವ್ನಿ ಮದತ್ ಕೊಯ್ನಿತೆ ಕಿನೇಥೀಬಿ ಕೋ ಹುವಾನಿ” ಕರಿ ಬೋಲ್ಯೊ.

ಯೋಹಾನ 4:1

ಯೇಸು ಯೋಹಾನ್‌ಥೀಬಿ ಜಾ಼ಖ್ಹತ್ ಶಿಷ್ಯರ್‌ನ ಕರುಕರಸ್, ಇವ್ಣುನ ಬ್ಯಾಪ್ತಿಸ್ಮ ದೆವ್‌ಕರಾಸ್ ಕರಿ ಬೋಲಾನಿ ಖಬರ್ ಫರಿಸಾಯರ್‌ವಾಳು ಖ್ಹಮ್‌ಜ್ಯು. ಆ ಯೇಸುನ ಮಾಲುಮ್ ಪಡ್ಯು.

ಯೋಹಾನ 4:2

ಕತೋಬಿ ಖ್ಹಾಚಮ ಬ್ಯಾಪ್ತಿಸ್ಮ ದೆವ್‌ಕರ್ತೊಥೋತೆ ಯೇಸು ಕಾಹೆ, ಖಲಿ ಇನು ಶಿಷ್ಯರ್‌ ದೆವ್‌ಕರ್‌ತುಥೂತೆ.

ಯೋಹಾನ 4:31

ಎತ್ರಾಸ್‌ಮ ಯೇಸುನ ಶಿಷ್ಯರ್‌, “ಗುರು, ಖಾಣು ಖಾ” ಕರಿ ಗಿಂಗಾಯು.

ಯೋಹಾನ 5:33

ತುಮೆ ಯೋಹಾನಕನ ಸಂದೇಶ್ ಪುಛೈ಼ಲ್ಯಾವಾಳ ಅದ್ಮಿನ ಮೋಕ್‌ಲ್ಯ, ಇನೆ ತುಮೂನ ಖ್ಹಾಚಿನಿ ಬಾರೇಮ ಸಾಕ್ಷಿ ಬೋಲ್ಯೊ.