21 ಕತೋಬಿ ಖ್ಹಾಚ಼ನ ಲೀನ್ ಚಾ಼ಲವಾಳೊ ಯೋ ದೇವ್ಥಿ ಚ಼ಲೈಲ್ಯವಾಳೊ ಹುಯಿರಿನ್ ಇನ ಕಾಮ್ನ ಭಾರ್ ಲ್ಯಾವವಾಳೊ ಹುಯಿರೇಸ್.
ಯೇಸುನೆ ಇನಾಭಣಿ ವಳ್ಯಾವ್ಥೋತೆ ನತಾನಿಯೇಲ್ನ ದೇಖಿನ್, ಇನಿ ಬಾರೇಮ, “ಹಂದೇಖೊ, ಆ ಖ್ಹಾಚೊ಼ ಇಸ್ರಾಯೇಲ್ವಾಳೊ; ಅನಾಮ ಶನೀಶ್ ಗಲತ್ ಕೊಯ್ನಿ!” ಕರಿ ಬೋಲ್ಯೊ.
ಖರಾಬ್ನ ಕರಾವಾಳು ಇವ್ಣು ಖರಾಬ್ ಕಾಮ್ಅಖ್ಖು ಭಾರ್ ಆವ್ತುರ್ಹೀಶೆಕರಿ ಉಜಾ಼ಳಮ ಆವಕೊಯ್ನಿ ಅಜು಼ ಉಜಾ಼ಳಾನ ವಹೇರ್ಕರಸ್.
ತುಮೆ ಕೆತ್ರುಕ್ಕಿ ಧರ್ಮಶಾಸ್ತ್ರನ ಪಢೋಸ್, ಯೋ ತುಮೂನ ಹಮೇಶಾನಿ ಜಿ಼ಂದ್ಗಿ ದಿಶೆ ಕರಿ ತುಮೆ ಸೋಚೋ಼ಸ್, ಕತೋಬಿ ಯೋ ಖ್ಹಾರು ದಪ್ತರ್ ಮಾರಿ ಬಾರೇಮಸ್ ಸಾಕ್ಷಿ ದ್ಯವಾನು ಹುಯಿರುಸ್.
ದೇವ್ನಿ ಮರ್ಜಿನಿಘೋಣಿ ಚಾ಼ಲಾನ ಕಿನ ಮನ್ ಛಾ಼ಕಿ ಇವ್ಣುನ ಆ ವಚನ್ ದೇವ್ಥಿ ಆಯುಕಿ, ನತರ್ ಮೇಸ್ ಬಣೈನ್ ಬೋಲುಕರುಸ್ಕಿ ಕರಿ ಬೋಲಾನು ಮಾಲುಮ್ ಪಡಾಸ್.
ಕತೋಬಿ ಮೇ ಕೆಥ್ರಾನವಾಳೊ ಹುಯಿರ್ಹೋಥೊಕಿ ಯೊ ದೇವ್ನೊ ವಾರ್ಖ್ಹೊಸ್ ಹುಯಿರುಸ್. ಮನಹುಯುತೆ ಇನೊ ವಾರ್ಖ್ಹೊ ಬಿಣ್ಫಾಯಿದೊ ಹುಯುಕೋಯ್ನಿ. ಮೇ ಇವ್ಣ ಅಖ್ಖೇಥೀಸ್ ಕೆತ್ರೇಕ್ಕಿ ಜಾ಼ಖ್ಹತ್ ವಾಖ್ಯೊಕರ್ಯೊ. ಕತೋಬಿ ಮ್ಹಿನತ್ ಕರ್ಯೊತೆ ಮೇಸ್ ಕಾಹೆ ದೇವ್ನಿ ವಾರ್ಖ್ಹೇಥಿಸ್ ಹುಯು.
ಹಮೆ ಆ ವಾತ್ನಿ ಬಾರೇಮ ಕಂಡಿ ಛ಼ಡೈಲಿಯೇಸ್ಕಿ, ಹಮೆ ಖಲಿ ಅದ್ಮಿವೋನಿ ಅಕ್ಕಲ್ನ ಲಿದಾಕೊಂತೆ ದೇವ್ನ ವಾರ್ಖ್ಹಾನ ಆಖ್ಹ್ರಾಮ ಪರಿಶುದ್ಧಬಿ ನಿಯತ್ವಾಳಾಬಿ ಹುಯಿನ್ ಆ ಜಗತ್ಮ ತುಮಾರಿ ಬಾರೇಮ ಚಾ಼ಲಿಲಿದಾಕರಿ ಹಮಾರು ದಿಲ್ ಹಮೂನ ಸಾಕ್ಷಿ ಬೋಲಸ್.
ಇನು ಶರೀರ್ನು ಲಾಲಚ್ನಿ ತರಾನು ಬಿತ್ತವಾಳೊ ಯೋ ಯೊ ಖ್ಹಯಾಲ್ಥೀಸ್ ನಾಶನನ ವ್ಹಾಡವಾಳೊ ಹುಯಿರ್ಹೋಸ್. ಪವಿತ್ರಾತ್ಮನಿ ಬಾರೇಮ ಬಿತ್ತವಾಳೊ ಪವಿತ್ರಾತ್ಮಥಿ ಹಮೇಶಾನು ಜಾನ್ನ ಫಲ್ನ ವ್ಹಾಡ್ಶೆ.
ಉಜಾ಼ಳನು ಫಲ್ ಅಛ್ಛಾ಼ಮಾಬಿ ನೀತಿಮಾಬಿ ಅಜು಼ ಖ್ಹಾಚಿಮ ದೆಖಾವಸ್.
ಯೇಸು ಕ್ರಿಸ್ತಮ ಛಾ಼ತೆ ಅಛ್ಛು಼ಗುಣ್ನ ಭರೈರ್ಹವಾಳ ಹುಯಿನ್ ರ್ಹೇವ್ಣುಕರಿ ದೇವ್ನ ಮಹಿಮೆ ಅಜು಼ ದನ್ಯವಾದ್ನ ದೇವ್ಣುಕರಿ ಬಿಂತಿಕರಿಲೇವುಸ್.
ಶನಕತೊ ದೇವಸ್ ಇನಿಮರ್ಜಿನ ಚ಼ಲಾವ್ಣುಕರಿ ತುಮಾರಮ ಉದ್ದೇಶ್ನಾಬಿ ಅಜು಼ ಕೋಶಿಶ್ನ ಬಣಾವವಾಳೊ ಹುಯಿರೋಸ್.
ಮಾರಾಮ ಕಾಮ್ ಕರಾನಿ ದೇವ್ನಿ ಶಕಥ್ಥಿ ಅನಖ್ಹಾಜೆಸ್ ಮ್ಹಿನತ್ ಕರೀನ್ ಲಡೂಸ್.
ತುಮೆ ಇನಿ ಮರ್ಜಿನ ಚ಼ಲಾವನಿತರ ಹರೇಕ್ ಅಛ್ಛಿ ಫಣೈಮಾಬಿ ಭರ್ಪೂರ್ ಕರಾದೆ, ಯೊ ಅಪ್ಣ ಬೀಚ್ಮ ಯೇಸು ಕ್ರಿಸ್ತಥಿ ಇನ ನಜ಼ರ್ಮ ಪಸಂದ್ ಹುವಾನಿತರ ಕಾಮ್ ಕರಸ್ ಇನ ಜ಼ಗ್ಜ಼ಮಾನಮಾಬಿ ಮಹಿಮೆ ಹುವಾದೆ! ಇಮ್ಮಸ್ ಹುವಾದೆ. ಆಮೆನ್.
ತುಮೆ ಖ್ಹಾಚ ಉಪದೇಶ್ನ ವಿಧೇಯ ಹುಯಿರ್ಹಿನ್ ತುಮಾರ ಆತ್ಮಾನ ಪಾಕ್ ಕರಿಲಿದಾತೆ ಇನಾಖ್ಹಾಜೆ ಪಾಕ್ಮನ್ಥಿ ಭೈಯೆಭೇನೆನಿ ಪ್ಯಾರ್ವಾಳ ಹುಯಿರ್ಹೇವ್ಣು. ಅಮ್ರ್ಹವಾಪರ್, ಏಕ್ಥಿಏಕ್ ಪಾಕ್ದಿಲ್ಥೀಬಿ, ಛು಼ಟ ದಿಲ್ಥಿ ಪ್ಯಾರ್ಕರೊ.
ಇನಖ್ಹಾಜೇಥಿ ಅಪ್ಣೆ ಅಂಧಾರಮ ಜಿವ್ಣು ಕರ್ತಹುಯಿನ್ ದೇವ್ನಿ ಜೋ಼ಡ್ಮ ಗಳ್ಜೋ಼ಡ್ಥಿ ಛೀಯೆಕರಿ ಬೋಲ್ಯಾತೊ ಅಪ್ಣೆ ಝೂ಼ಟ ಹುಯಿರ್ಹಾಸ್ ನಿಯತ್ನು ಜಿವ್ಣು ಜಿವವಾಳ ಕಾಹೆ.
ಮಾರ ಪ್ಯಾರ್ನೊ ಭೈ ತು ಖರಾಬ್ ಚಾ಼ಲ್ ನಾ ಚಾ಼ಲ್ನುತೆ, ಅಛ್ಛಿ ಚಾ಼ಲ್ಚ಼ಲಣ್ ಚಾ಼ಲವಾಳೊ ಹುಯಿರ್ಹೆ; ಅಛ್ಛಾ಼ನ ಕರಾವಾಳೊ ದೇವ್ಭಣಿವಾಳೊ ಹುಯಿರೋಸ್. ಖರಾಬ್ನ ಕರಾವಾಳೊ ಕದೇಬಿ ದೇವ್ನ ದೇಖ್ಯೊಕೊಯ್ನಿ.
ತು ಕರ್ಯೊತೆ ಕಾಮ್ಖ್ಹಾರು ಮನ ಮಾಲುಮ್ ಛಾ಼. ಮೇ ಶಾತ್ ಆಖ್ಹ್ ಕರುಸ್ ಕತೊ, ತೂ ಠಂಡು ಕಾಹೆ ನತರ್ ಗರಮ್ ಕಾಹೆ ತು ಠಂಡು ನತರ್ ಗರಮ್ ರ್ಹಯೋಹೊತ್ತೊ ಅಛ್ಛು಼ ಥು.