ಯೋಹಾನ 3:18 - ದೇವ್ನಿ ಖ್ಹಾಚಿ ವಚನ್

¹⁸ ಇನ ನಂಬವಾಳಾನ ತೀರ್ಪ್‌ ಕೋ ಹೊಯ್ನಿ, ಕತೋಬಿ ನಂಬಕೊಂತೆ ಇನ ತದೇಸ್‌ ತೀರ್ಪ್‌ ಹುಯ್ಗಿ. ಶನಕತೊ ಇನೆ ದೇವ್ನ ಎಕ್ಕಸ್ ಛಿಯ್ಯಾನ ನಾಮ್ನ ಉಪ್ಪರ್ ಭರೋಖ್ಹೊ ಕರ‍್ಯೊಕೊಯ್ನಿ.

ಯೋಹಾನ 3:18 ပူးပေါင်းရင်းမြစ်များ

ಮಾರ್ಕ 16:16

ನಂಬಿನ್, ಬ್ಯಾಪ್ತಿಸ್ಮ ಕರೈಲೆವಾಳು ದೇವ್ನಿ ನ್ಯಾವ್‍ನಿ ತೀರ್ಪ್‌ಥಿ ಬಚಿನ್ ಪರ್‌ಲೋಕ್‌ಮ ಜಾ಼ಶೆ; ಕೋಣ್ ನಂಬಾಕೊಯ್ನಿಕಿ ಇವ್ಣುನ ನಿಶತ್‌ಮಳ್‌ಶೆ.

ಯೋಹಾನ 1:12

ಕತೋಬಿ ಕೋಣ್-ಕೋಣ್ ಇನ ಮಳೈಲಿದುಕಿ, ಕತೊ ಇನ ನಾಮ್‍ಪರ್ ವಿಶ್ವಾಸ್ ಕರ‍್ಯುಕೀ, ಇವ್ಣುನ ದೇವ್ನ ಲಡ್ಕಾ ಹುವಾನ ಹಕ್‌ ದಿದೊ.

ಯೋಹಾನ 1:18

ದೇವ್ನ ಕೋಣ್‌ಬಿ ಕದೇಬಿ ಕೊ ದೇಖ್ಯುನಿ, ಕತೋಬಿ ಏಕ್‍ನೊ ಏಕ್‌ ಛಿಯ್ಯೊ, ಯೊ ದೇವ್ನಿಘೋಣಿ ಛಾ಼. ಅಜು಼ ಬಾನಿ ಜೋ಼ಡ್ಮಾಸ್ ಛಾ಼ ಇನೇಸ್‌ ಅಪ್ಣುನ ಯೊ ಕೋಣ್ ಕರಿ ವತಾಳಿರಾಖ್ಯೊಸ್.

ಯೋಹಾನ 20:31

ಕತೋಬಿ ಯೇಸುಸ್‌ ಕ್ರಿಸ್ತ ಕರೀಬಿ, ದೇವ್‌ನೊ ಛಿಯ್ಯೊ ಕರೀಬಿ ತುಮೆ ನಂಬಿನ್, ಇನ ನಾಮ್‍ಥಿ ತುಮೂನ ಜಾನ್‌ ಮಳಾದೆ ಕರಿ ಅತ್ರುಖ್ಹಾರು ಲೀಖೈರ‍್ಹುಸ್.

ಯೋಹಾನ 3:16

ದೇವ್ನೆ ಆ ಜಗತ್‌ನು ಅದ್ಮಿನ ಕೆತ್ರೇಸ್ಕಿ ಜಾ಼ಖ್ಹತ್ ಪ್ಯಾರ್ ಕರೀನ್, ಇನೊ ಏಕ್‍ನೊ-ಎಕ್ಕಸ್ ಛಿಯ್ಯಾನ ದಿದೊ; ಇನ ನಂಬವಾಳು ಏಕ್‌ಬಿ ಮರ‍್ನುನಾತೆ ಹರೇಕ್ನ ಹಮೇಶಾನಿ ಜಿ಼ಂದ್‌ಗಿ ಮಳ್‌ಣು ಕರಿ ಇನ ದಿದೊ.

ಯೋಹಾನ 3:36

ಇನ ಛಿಯ್ಯಾನ ನಂಬವಾಳಾನ ಹಮೇಶಾನಿ ಜಿ಼ಂದ್‌ಗಿ ಛಾ಼; ಕತೋಬಿ ಛಿಯ್ಯಾನಿ ವಾತೆನ ಝಿಟ್ಕಾರಸ್ಕಿ ಇವ್ಣುನ ಯೋ ಜಿ಼ಂದ್‌ಗಿ ಮಳ್‌ಶೆ ಕೊಯ್ನಿ, ಅಜು಼ ದೇವ್‌ನೊ ಇರಾದೊ ಇವ್ಣಾಪರ್ ರ‍್ಹಿಶೆ” ಕರಿ ಬೋಲ್ಯೊ.

ಯೋಹಾನ 5:24

“ಮೇ ತುಮೂನ ಖ್ಹಾಚ ಬೋಲುಸ್ಕಿ, ಮಾರಿ ವಾತೇನ ಖ್ಹಮ್‌ಜಿನ್‌, ಮನ ಮೋಕ್‌ಲ್ಯೊತೆ ಇನ ನಂಬವಾಳಾನ ಹಮೇಶಾನಿ ಜಿ಼ಂದ್‌ಗಿ ಮಳಿರ‍್ಹೀಸ್‌. ಇನ ತೀರ್ಪ್ ಕೋ ಉಶೇನಿ; ಯೋ ಮರಣ್ಣ ಉಲಾಂಗಿನ್, ಜಾನ್‌ಮ ಪೇಶಿರ‍್ಹೋಸ್‌.

ಯೋಹಾನ 6:40

ಇನಾಟೇಕೆ ಛಿಯ್ಯಾನ ದೇಖಿನ್‌, ಇನಾಮ ವಿಶ್ವಾಸ್‌ ಕರಾವಾಳ ಹರೇಕ್ನ ಹರ್‌ಹಮೇಶಾನಿ ಜಿ಼ಂದ್‌ಗಿ ಮಳ್‌ಣು ಕರಿ ಬೋಲಾನು ಬಾನಿ ಮರ್ಜಿ ಹುಯಿರ‍್ಹುಸ್‍, ಅಜು಼ ಖ್ಹರ್ತಿನ ದನ್ಮ ಮೇ ಇವ್ಣುನ ಪಾಛು಼ ಜಿವ್ತು ಉಠಾಡಿಶ್‌” ಕರಿ ಬೋಲ್ಯೊ.

ಯೋಹಾನ 6:47

ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಕೋಣ್ ವಿಶ್ವಾಸ್‌ ಕರಾಸ್ಕಿ, ಇವ್ಣುನ ಹರ್‌ಹಮೇಶಾನಿ ಜಿ಼ಂದ್‌ಗಿ ಮಳಿರ‍್ಹಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:1

ಅಮ್‌ರ‍್ಹವಾಪರ್ ವಿಶ್ವಾಸ್‍ಥಿ ನೀತಿವಾಳುಕರಿ ತೀರ್ಪ್ ಲೀಲಿದಾತೆ ಅಪ್ಣುನ ಅಪ್ಣೊ ಪ್ರಭು ಯೇಸುಕ್ರಿಸ್ತಥಿ ದೇವ್ನಿ ಜೋ಼ಡ್ಮ ಸಮಾಧಾನ್‍ ರ‍್ಹೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:1

ಇನಖ್ಹಾಜೆ ಹಮ್ಕೆ ಯೇಸುಕ್ರಿಸ್ತಮ ಗಳ್‍ಜೋ಼ಡ್ ರ‍್ಹವವಾಳಾನ ಖಿವಿ ಅಪರಾದ್ನಿ ತೀರ್ಮಾನ್‍ಬಿ ಕೊಯ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:34

ಅಪರಾದಿಕರಿ ನಿಶತ್‌ ಕರಾವವಾಳು ಕೋಣ್? ಕ್ರಿಸ್ತಯೇಸು ಮರಣ್‍ಲಿದೊ. ಅಜು಼ ಎತ್ರೇಸ್ ಕಾಹೆತೆ ಮರ‍್ಯಹುಯಮಾಥು ಉಠಿನ್ ದೇವ್ನ ಖಾವಿಬಾಜು಼ಮ ಬೇಶಿನ್. ಯೋಸ್ ಅಪ್ಣಖ್ಹಾಜೆ ಬಿಂತೀನಿವ್ಹಾರ್ ಕರಾವಾಳೊ ಹುಯಿರೋಸ್.

ಇಬ್ರಿ 12:25

ವಾತೆ ಬೋಲುಕರಾತೆಯಿನ ಝಿಟ್ಕಾರ‍್ನುನಾತೆ ತಿಮ್ ದೇಖಿಲೆವೊ ಶನಕತೊ ಜ಼ಮೀನ್‌ಪರ್ ದೇವ್ನಿ ವಚನ್ ಬೋಲ್ಯಹುಯಾನ ಝಿಟ್ಕಾರವಾಳು ನಿಶತ್ನ ಛುಕಿಜಾ಼ವನ ನಾಹುಯುಕತೊ, ಸೊರ್ಗಾಥು ವಾತೆ ಬೋಲಾವಳನ ಮ್ಹೇಲಿನ್ ಅಪ್ಣೆ ದೂರ್ ಗಯಾತೊ ನಿಶಥ್ಥಿ ಕಿಮ್ ಛು಼ಕ್‍ಶು?

ಇಬ್ರಿ 2:3

ಅಪ್ಣ ಖ್ಹಾಮ್ಣೆ ಮ್ಹೇಲಿರಾಖ್ಯೊತೆ ಅಥ್ರಾನಿ ಮಹಾನ್ ರಕ್ಷಣೆನ ಅಪ್ಣೆ ಕರ‍್ಹಯ್ಯಕಾಡ್ಯುತೊ, ಛು಼ಕಿಜಾ಼ವನುತೋಬಿ ಕಿಮ್? ಆ ಹೈರುತೆ ಪ್ರಭುಥಿ ಪಹಿಲೆ ಬೋಲಾಯು ಅಜು಼ ಇನೇಥಿ ಖ್ಹಮ್‌ಜ್ಯಥಾತೆ ಅನ ಹಮೂನ ಘಟ್‌ಕರಾಯು.

ಇಬ್ರಿ 3:19

ಅನಖ್ಹಾಜೆಸ್ ಇವ್ಣೆ ಅರಾಮ್ಮ ಮಳಾನ ಕೊಹುಯುನಿತೆ ಗಯೂತೆ ಇವ್ಣಿ ಅವಿಶ್ವಾಸ್‌ಥೀಸ್ ಕರಿ ಅಪ್ಣೆ ದೇಖೆಸ್.

1 ಯೋಹಾನ 3:23

ದೇವ್ನಿ ಹುಕುಮ್ ಶಾತ್‍ಕತೊ ಅಪ್ಣೆ ದೇವ್‌ನೊ ಛಿಯ್ಯೊ ಪ್ರಭು ಯೇಸುನ ನಾಮ್‍ಪರ್ ವಿಶ್ವಾಸ್‍ಕರೀನ್‍ ಇನೆ ಹುಕುಮ್ ಕರಿರಾಖ್ಯೊತೆ ಇಮ್ಮಸ್ ಏಕ್‌ಥಿಏಕ್ ಪ್ಯಾರ್‌ಕರ‍್ನು ಕರಿ ಬೋಲಾನುಸ್.

1 ಯೋಹಾನ 4:9

ಅಪ್ಣೆ ಇನೇಥಿ ಬಚಾ಼ನಖ್ಹಾಜೆ ಇನ ಎಕ್ಕಸ್ ಛಿಯ್ಯಾನ ಜಗತ್‌ಮ ಮೋಕ್ಲಮಸ್‍ ದೇವ್ನಿ ಪ್ಯಾರ್ ಅಪ್ಣಾಮ ಅಯಿರ‍್ಹೀಸ್‍.

1 ಯೋಹಾನ 5:10

ದೇವ್ನ ಛಿಯ್ಯಾಮ ವಿಶ್ವಾಸ್ ಕರಾವಾಳೊ ಆ ಸಾಕ್ಷಿನ ಇನಾಮ ಲೀರಾಖಸ್. ದೇವ್ನ ನಂಬಕೊಂತೆ ಯೋ ಇನ ಝು಼ಟೊಕರಿ ಬಣೈರಾಖ್ಯೊಸ್. ಕಿಮ್‌ಕತೊ ದೇವ್ ಇನ ಛಿಯ್ಯಾನಿ ಬಾರೇಮ ದಿದೋತೆ ಸಾಕ್ಷಿಮ ಇನೆ ವಿಶ್ವಾಸ್ ಕರ‍್ಯೊಕೊಯ್ನಿ.

1 ಯೋಹಾನ 5:12

ಕಿನಾಮ ದೇವ್‌ನೊ ಛಿಯ್ಯೊ ಛಾ಼ಕಿ ಇನಾಮ ಜಾನ್‌ ರ‍್ಹೇಸ್. ಕಿನಾಮ ದೇವ್‌ನೊ ಛಿಯ್ಯೊ ಕೊ ರ‍್ಹೇಯ್ನಿಕಿ ಇನಾಮ ಜಾನ್‌ ಕೊರ‍್ಹೇಯಿನಿ.