ಯೋಹಾನ 3:10 - ದೇವ್ನಿ ಖ್ಹಾಚಿ ವಚನ್

¹⁰ ಯೇಸುನೆ, “ತೂ ಇಸ್ರಾಯೇಲ್‌ ಅದ್ಮಿನ ಬೋಲಿ ವತಾಳವಾಳೊ ಗುರು ಹುಯಿರ‍್ಹೋಸ್, ತೋಬಿ ತುನ ಆ ಮಾಲುಮ್‌ ಪಡಾಕೊಯ್ನಿಕಿಶೂ?

ಯೋಹಾನ 3:10 ပူးပေါင်းရင်းမြစ်များ

ಮತ್ತಾಯ 11:25

ಯೋ ವಖ್ಹತ್‌ಮ ಯೇಸುನೆ ಶಾತ್‌ ಬೋಲ್ಯೊಕತೊ, “ಬಾ, ಸೊರ್ಗ ಅಜು಼ ಧರ್ತಿನೊ ಯಜಮಾನ್! ತುನೆ ಗ್ಯಾನಿ ಅಜು಼ ಅಕ್ಲಿಥಿ ಅದ್ಮಿಥಿ ಆ ವಾತೆನ ಲಪಾಡಿನ್ ಶಾತ್ಬಿ ಮಾಲುಮ್‌ಕೊಂತೆ ಇವ್ಣುನ ವತಾಳಿರಾಖ್ಯೋತೆ ಇನಖ್ಹಾಜೆ ಮೇ ತುನ ಧನ್ಯವಾದ್ ಕರುಸ್.

ಮತ್ತಾಯ 15:14

“ಇವ್ಣಿ ಬಾರೇಮ ಫಿಕರ್ ನಕೊ ಕರೊ! ಇವ್ಣೆ ಕಾಣು ಹುಯಿರ‍್ಹುಸ್‍, ಬಿಜಾ಼ನ ವಾಟ್‌ ವತಾಳನ ಜಾ಼ಸ್‌, ಕಾಣೊ ಕಾಣಾನ ವಾಟ್‌ ವತಾಳ್ಯೊತೊ ಇವ್ಣೆ ಭೇ ಜ಼ಣು ಖಾಡ್‌ಮ ಪಡಾಸ್‌” ಕರಿ ಬೋಲ್ಯೊ.

ಮತ್ತಾಯ 22:29

ಯೇಸುನೆ ಇವ್ಣುನ, “ತುಮೆ ಕೆತ್ರೆ ಗಲ್ತಿಮ ಪಡ್ಯಾಸ್ತೆ ದೇಖೊ! ಶನಕತೊ ತುಮೂನ ದೇವ್ನಿ ವಚನ್‌ಬಿ ನಾತೊ ದೇವ್ ಕೆತ್ರೆ ಶಕತ್‌ವಾಳೊ ಕರೀಬಿ ಮಾಲುಮ್‌ಕೊಂತೆ ಇನಖ್ಹಾಜೇಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:46

ತೀನ್ನೆ ರೋಜ಼್‌ಮ ಯೇಸುನ ಮಂದಿರ್‌ಮ ದೇಖ್ಯು, ಯೋ ಯೆಹೂದ್ಯರ್‌ನ ಬೋಧನೆ ಕರಾವಾಳಾನ ಜೋ಼ಡ್ಮ ಬೇಶಿನ್, ಇವ್ಣೆ ಬೋಲಾತೆ ಖ್ಹಮಜ಼್‌ತೊಹುಯಿನ್, ಅಜು಼ ಪಾಛು಼ ಫರೈನ್ ಸವಾಲ್‌ ಕರುಕರ್ತೊಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 5:17

ಏಕ್‌ ದನ್ನೆ ಯೇಸು ವಚನ್‍ ಬೋಲಿ ದೆವ್‍ಕರ್‌ತೋಥೊ. ಗಲಿಲಾಯ ಅಜು಼ ಯೂದಾಯ ತಬರ್‌ಖಾನು ತಮಾಮ್‌ ಗಾಮ್‌ಥು ಅಜು಼ ಯೆರೂಸಲೇಮ್‌ಥು ಆಯುಹುಯು ಫರಿಸಾಯರ್‌ಬಿ, ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೆ ಹಿಜ್ಜಾ಼ ಬೆಠೂಥು. ರೋಗ್‌-ರಾಯೊ ಅಛ್ಛು಼ ಕರಾನವಾಖ್ಹ್‌ತೆ ಪ್ರಭುನಿ ಶಕತ್ ಯೇಸುಮ ಥೀ.‌

ಯೋಹಾನ 3:9

ನಿಕೊದೇಮನೆ, “ಆ ಕಿಮ್ ಉಶೆ?’ ಕರಿ ಪುಛಾ಼ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:34

ತದೆ ಅಖ್ಖಾ ಅದ್ಮಿನಿ ಮರ್ಯಾದಿಥಿ ನ್ಯಾವ್ನಿಸಬೆನೊ ಘಲ್ಡೊ ಗಮಲಿಯೇಲಕರಿ ಏಕ್‍ಜ಼ಣೊ ಫರಿಸಾಯರ್‌ವಾಳೊ ಘಲ್ಡಿ ಸಭೆಮ ಉಠಿಭೀರಿನ್ ಆ ಅದ್ಮಿಖ್ಹಾರನ ಜ಼ರಘಡಿ ಭಾರ್‌ ಮೋಕ್ಲೊಕರಿ ಹುಕುಮ್‌ ದಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:28

ಭಾರ್‌ ಖಲಿ ಯೆಹೂದ್ಯಹುಯಿರ‍್ಹವಾಳೊ ಯೆಹೂದ್ಯಕಾಹೆ; ಅಜು಼ ಭಾರ್‌ ಶರೀರ್‌ಮ ಖಲಿ ಕರಿರಾಖ್ಯುತೆ ಖ್ಹತ್ನ ಖ್ಹಾಚು಼ ಖ್ಹತ್ನಕಾಹೆ.

ಫಿಲಿಪ್ಪಿ 3:3

ಖ್ಹಾಚಿ ಖ್ಹತ್ನ ರ‍್ಹವಾಳು ಕೋಣ್‌ಕತೊ, ದೇವ್ನಿ ಆತ್ಮನಿ ಖ್ಹೂಜ಼್‍ಥಿ ಆರಾದನೆ ಕರವಾಳು ಅಜು಼ ಕ್ರಿಸ್ತ ಯೇಸುಮ ಖುಷಿ ಕರವಾಳುಬಿ, ಶರೀರ್‌ನಿ ಆಖ್ಹ್‌ನಿ ಬಾರೇಮ ಭರೋಖ್ಹೊ ಕೊಂತೇಬಿ ಹುಯಿರ‍್ಹಾಸ್ತೆ ಅಪ್ಣೆಸ್.

ಕೊಲೊಸ್ಸೆ 2:11

ದೇವ್ನೆ ಇನಾಮ ತುಮುನ ಅದ್ಮಿನ ಹಾತೇಥಿ ಕರಾನ ಕೊಹುವಾನಿತೆ ಖ್ಹತ್ನಾನ ಕರಿರಾಖ್ಯೊಸ್. ಕ್ರಿಸ್ತನು ಖ್ಹತ್ನ ಶರೀರ್‌ನು ಪಾಪ್ನ ಸ್ವಭಾವ್‌ನ ಕಾಡಿನಾಖಸ್‌.