ಯೋಹಾನ 21:16 - ದೇವ್ನಿ ಖ್ಹಾಚಿ ವಚನ್

¹⁶ ಬೇನೆ ಹಲ್ಲ ಯೇಸುನೆ ಪೇತ್ರನ, “ಯೋಹಾನ್ನ ಛಿಯ್ಯಾ ಸೀಮೋನ್‌, ತೂ ಮನ ಪ್ಯಾರ್ ಕರಾಸ್ಕಿಶು?” ಕರಿ ಬೋಲ್ಯೊ. ತದೆ ಇನೆ, “ಓಹೋಲಾ, ಪ್ರಭು ಮೇ ತುನ ಪ್ಯಾರ್ ಕರೂಸ್‌ಕರಿ ತುನಾಸ್ ಮಾಲುಮ್‌” ಕರಿ ಬೋಲ್ಯೊ. ಯೇಸುನೆ ಇನ, “ಮಾರ ಮೇಂಢವ್‌ನಿ ಖ್ಹದರ್ ಕರ್‌” ಕರಿ ಬೋಲ್ಯೊ.

ಯೋಹಾನ 21:16 ပူးပေါင်းရင်းမြစ်များ

ಮತ್ತಾಯ 2:6

ಯೆಹೂದ ತಬರ್‌ಖಾನು ಬೇತ್ಲೆಹೇಮ್, ಯೆಹೂದನು ಮುಖ್ಯ ಖ್ಹಯೇರೇಥಿ, ತೂ ಎತ್ರೇಬಿ ಶಾತ್ ನ್ಹಾನು ಕಾಹೆ. ಶನಕತೊ ತಾರ ಮಹಿಥು ಏಕ್‌ ಅದಿಕಾರಿ ಆವ್‌ಶೆ, ಯೋ ಮಾರು ಅದ್ಮಿ ಹುಯಿರ‍್ಹೂತೆ ಇಸ್ರಾಯೇಲ್‌ನ ಚ಼ಲಾವವಾಳೊ! ಕರಿ ಪ್ರವಾದಿನ ಹಾತೆ ಲಿಖೈರ‍್ಹುಸ್” ಕರಿ ಬೋಲ್ಯೊ.

ಮತ್ತಾಯ 25:32

ಅಜು಼ ತಮಾಮ್‌ ದೇಖ್ಹ್‌ನು ಅದ್ಮಿಖ್ಹಾರು ಇನಖ್ಹಾಮ್ಣೆ ಎಕ್ಟು ಉಶೆ. ಚ಼ರಾವವಾಳೊ ಬೋಕ್‍ಡಾವ್‍ ಅಜು಼ ಮೇಂಢವ್‌ನ ಅಲಕ್ ಕರಾತೆ ಇಮ್ಮಸ್, ಯೊ ಇವ್ಣುನ ಅಲಕ್ ಕರೀನ್,

ಮತ್ತಾಯ 26:72

ಪಾಛೊ಼ ಪೇತ್ರನೆ, “ಕೊಯ್ನಿ, ಯೋ ಅದ್ಮಿ ಕೋಣ್ ಕರಿ ಮನ ಮಾಲುಮ್ ಕೊಯ್ನಿ” ಕರಿ ಆಣ್‍ಲೀನ್, ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 19:10

ಶನಕತೊ ಅದ್ಮಿನೊ ಛಿಯ್ಯೊ, ಗುಮೈಗೂತೆ ಇನ ಢೂಂಡಿನ್ ಬಚಾ಼ಡನಖ್ಹಾಜೆ ಐರ‍್ಹೋಸ್ತೆ” ಕರಿ ಬೋಲ್ಯೊ.

ಯೋಹಾನ 18:17

ತದೆ ಬಾಕಲ್‌ ಕಾವ್ಲಿ ಕರಾವಾಳಿ ಆಳ್‌ನೆ, “ತೂಬಿ ಯೋ ಅದ್ಮಿನೊ ಶಿಷ್ಯರ್‌ಮ ಏಕ್‌ ಜ಼ಣೊ ಕಾಹೆಕಿ ಶು?” ಕರಿ ಬೋಲಿ. ತದೆ ಪೇತ್ರನೆ, “ಕಾಹೆ ಮೇ ಕಾಹೆ” ಕರಿ ಬೋಲ್ಯೊ.

ಯೋಹಾನ 18:25

ಸೀಮೋನ್‌ ಪೇತ್ರ ಬಿಜೂ಼ಬಿ ಇಮ್ಮಸ್ ಹಿಜ್ಜಾ಼ ಭೀರಿನ್‌, ಆಗ್ ಶೇಕುಕರ್‌ತೋಥೊ. ತದೆ ಹಿಜ್ಜಾ಼ ಥೂತೆ ಇವ್ಣೆ ಇನ, “ತೂಬಿ ಯೋ ಅದ್ಮಿನೊ ಶಿಷ್ಯರ್‌ಮ ಏಕ್‍ಜ಼ಣೊ ಕಾಹೆಕಿ ಶು?” ಕರಿ ಪುಛಾ಼ಯು. ಕತೋಬಿ ಪೇತ್ರನೆ, “ಕಾಹೆ, ಮೇ ಕಾಹೆ” ಕರಿ ಬೋಲ್ಯೊ.

ಯೋಹಾನ 21:17

ತೀನ್ನೆಹಲ್ಲ ಯೇಸುನೆ, “ಯೋಹಾನ್ನ ಛಿಯ್ಯಾ ಸೀಮೋನ್‌, ತೂ ಮನ ಪ್ಯಾರ್ ಕರಾಸ್ಕಿ ಶು?” ಕರಿ ಪುಛಾ಼ಯೊ. ಯೇಸುನೆ ತೀನ್ನೆಹಲ್ಲ ಇನ, “ತೂ ಮನ ಪ್ಯಾರ್ ಕರಾಸ್ಕಿಶು?” ಕರಿ ಪುಛಾ಼ವ್‌ತಾನ, ಪೇತ್ರನ ದುಖ್‍ಹುಯು. ತದೆ ಇನೆ, “ಪ್ರಭು, ತುನ ಖ್ಹಾರುಸ್‌ ಮಾಲುಮ್‌; ಮೇ ತುನ ಪ್ಯಾರ್ ಕರುಸ್ ಕರೀಬಿ ತುನ ಮಾಲುಮ್‌!” ಕರಿ ಬೋಲ್ಯೊ. ಯೇಸುನೆ ಇನ, “ಮಾರ ಮೇಂಢವ್‌ನಿ ಖ್ಹದರ್‌ಕರ್‌” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:28

ಇನಖ್ಹಾಜೆ ತುಮಾರಿ ಬಾರೇಮಾಬಿ ಪವಿತ್ರಾತ್ಮನೆ, ತುಮೂನ ದೆಖಾವಾನ ದೀರಾಖ್ಯೋತೆ ಮೇಂಢಾನಿ ಮಂಧಾನಿ ಬಾರೇಮಾಬಿ ಹೊಷಾರ್‌ಥಿ ರ‍್ಹವೊ. ಅಜು಼ ಸಬೆನ ತುಮೆ ಕುರುಬಹುಯಿರ‍್ಹಾಸ್. ಶನಕತೊ ದೇವ್ ಇನ ಛಿಯ್ಯಾನ ಲ್ಹೋಯಿಥಿ ಮೋಲ್ ಲೀರಾಖ್ಯೊಸ್.

ಇಬ್ರಿ 13:20

ಸಮಾಧಾನ್ನೊ ದೇವ್, ಅಪ್ಣೊ ಪ್ರಭು ಯೇಸುನ ಹಮೇಶಾನ ಒಪ್ಪಂದಾನ ಲ್ಹೋಯಿಥಿ ಮರ‍್ಯಹುಯಮಾಥು ಉಠಾಡ್ಯೊ, ಯೊ ಮೇಂಢಾನ ಮಂಧಾನ ಚ಼ಲಾವವಾಳೊ ಮಹಾ ಪಾಳಂಧಾರ್‌ ಹುಯಿರ‍್ಹೊಸ್.

1 ಪೇತ್ರ 2:25

ಶನಕತೊ ತುಮೆ ವಾಟ್‌ ಭೈಕಿಗಾತೆ ಮೇಂಢಾನಿತರ ಹುಯಿರ‍್ಹಾಸ್ ಕತೋಬಿ ಹಮ್ಕೆ ತುಮೆ ಪಾಛ಼ ಫರೀನ್ ತುಮಾರ ಆತ್ಮಾನ ಪಾಳವಾಳಕನಾಬಿ ಕುರುಬ ಹುಯಿರ‍್ಹಾವಾಳಕನ ಆಯಿರ‍್ಹಾಸ್.

1 ಪೇತ್ರ 5:2

ತುಮುನ ದೆವೈರ‍್ಹೂಸ್ತೆ ದೇವ್ನ ಮಂಧಾನ ಕಾವ್ಲಿಕರೊ. ಜು಼ಲಮ್‌ಥಿ ಕಾಹೆ ದೇವ್ನಿ ಮರ್ಜಿನಿತರ ಪಸಂದ್‍ನಿ ಘೋಣಿ, ರಪ್ಯಾನಿ ಖರಾಬ್ ಆಖ್ಹ್‌ಥಿ ಕಾಹೆ ಖ್ಹಾಚ ದಿಲ್‌ಥಿ ಕಾವ್ಲಿಕರೊ.

ಪ್ರಕಾಶಿತ್ 7:17

ಶನಕತೊ ಸಿಂಹಾಸನ್ನ ಇಚ಼್‌ಮ ಛಾ಼ತೆ ಬಲೀನ ಮೇಂಢಾನು ಚೆಲ್ಕು ಹುಯಿರ‍್ಹವಾಳೊ ಇವ್ಣುನ ಕುರುಬನಿತರ ರ‍್ಹೀನ್ ಜಾನ್ನು ಪಾಣಿನು ಚೆಜ಼್‌ಭಾರಕನ ಚ಼ಲೈಲಿಜಾಷೆ ಅಜು಼ ದೇವ್ ಇವ್ಣ ಡೋಳಾನು ಆಂಝು಼ಖ್ಹಾರು ನೂಛಿನಾಕ್ಷೆ ಕರಿ ಬೋಲ್ಯು.