ಯೋಹಾನ 20:31 - ದೇವ್ನಿ ಖ್ಹಾಚಿ ವಚನ್

³¹ ಕತೋಬಿ ಯೇಸುಸ್‌ ಕ್ರಿಸ್ತ ಕರೀಬಿ, ದೇವ್‌ನೊ ಛಿಯ್ಯೊ ಕರೀಬಿ ತುಮೆ ನಂಬಿನ್, ಇನ ನಾಮ್‍ಥಿ ತುಮೂನ ಜಾನ್‌ ಮಳಾದೆ ಕರಿ ಅತ್ರುಖ್ಹಾರು ಲೀಖೈರ‍್ಹುಸ್.

ಯೋಹಾನ 20:31 ပူးပေါင်းရင်းမြစ်များ

ಮತ್ತಾಯ 16:16

ತದೆ ಸೀಮೋನ ಪೇತ್ರನೆ, “ತೂ ಆವ್ಣುತೆ ಕ್ರಿಸ್ತ, ಜಿವ್ತೊ ದೇವ್‌ನೊ ಛಿಯ್ಯೊ” ಕರಿ ಜ಼ವಾಬ್ ದಿದೊ.

ಮತ್ತಾಯ 27:54

ಖ್ಹೋಶಿಪಾಯಿನೊ ಮೋಟಾನೆ ಅಜು಼ ಇನಜೋ಼ಡೆ ಯೇಸುನ ಕಾವ್ಲಿ ಕರುಕರ್ತುಥೂತೆ ಇವ್ಣೆ ಜ಼ಮೀನ್ ಹಲ್ಯುತೆ ಅಜು಼ ಚಾ಼ಲ್ಯುತೆ ಖ್ಹಾರಸ್ನ ದೇಖಿನ್, ಘಣು ಡರಿನ್, “ಖ್ಹಾಚಮಾಬಿ ಆ ದೇವ್‌ನೊ ಛಿಯ್ಯೊ ಹುಯಿರ‍್ಹೋಥೊ!” ಕರಿ ಬೋಲ್ಯು.

ಮತ್ತಾಯ 4:3

ತದೆ ಶೈತಾನ್‍ ಯೇಸುಕನ ಆಯಿನ್, “ತೂ ದೇವ್‌ನೊ ಛಿಯ್ಯೊ ಉಶೇತೊ, ಆ ಬಂಡಾವ್‍ನ ರೋಟೊ ಹುವಾನಿಘೊಣಿ ಹುಕುಮ್‌ ದೇ” ಕರಿ ಬೋಲ್ಯೊ.

ಮಾರ್ಕ 16:16

ನಂಬಿನ್, ಬ್ಯಾಪ್ತಿಸ್ಮ ಕರೈಲೆವಾಳು ದೇವ್ನಿ ನ್ಯಾವ್‍ನಿ ತೀರ್ಪ್‌ಥಿ ಬಚಿನ್ ಪರ್‌ಲೋಕ್‌ಮ ಜಾ಼ಶೆ; ಕೋಣ್ ನಂಬಾಕೊಯ್ನಿಕಿ ಇವ್ಣುನ ನಿಶತ್‌ಮಳ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:35

ತದೆ ದೇವ್‌ನೊ ದೂತನೆ ಮರಿಯನ, “ತಾರಪರ್ ಪವಿತ್ರಾತ್ಮ ಆವ್‌ಶೆ ಅಜು಼ ದೇವ್ನಿ ಶಕತ್‍ ಆಯಿನ್ ತಾರಪರ್ ಢಪಾವ್‌ಶೆ, ಅನಖ್ಹಾಜೆಸ್ ಪೈದಾ ಉಷೇತೆ ಯೋ ಪವಿತ್ರ ಲಡ್ಕು ದೇವ್‌ನೊ ಛಿಯ್ಯೊ ಕರಿ ಬೋಲೈಲಿಶೆ” ಕರಿ ಜವಾಬ್‌ ದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:4

ಅನೇಥಿ ತುನ ಶಿಕಾಡ್ಯೂತೆ ಖ್ಹಾರುಸ್ ಖ್ಹಾಚು಼ಕರಿ ತೂ ಮಾಲುಮ್ ಕರಿಲಿಶ್‌.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:47

ಅಜು಼ ಪಾಪ್ನ ಮಾಪಿ ಮಳ್‌ಣುಕತೊ, ದೇವ್ ಭಣಿ ಫರೊಕರಿ ಬೋಲಾನು, ಯೆರೂಸಲೇಮ್‌ಥು ಧರೀನ್, ತಮಾಮ್‌ ದೇಖ್ಹ್‌ಮ ಇನ ನಾಮ್‌ಪರ್‌ ಬೋಲಾವ್ಣು ಕರಿ ಲೀಖೈರ‍್ಹೂಸ್‌ನಿ,

ಯೋಹಾನ 1:49

ತದೆ ನತಾನಿಯೇಲನೆ ಇನ, “ಗುರು, ತೂ ದೇವ್‌ನೊ ಛಿಯ್ಯೊ! ತೂಸ್ ಇಸ್ರಾಯೇಲ್‌ನೊ ರಾಜ಼!” ಕರಿ ಬೋಲ್ಯೊ.

ಯೋಹಾನ 10:10

ಚೋ಼ರ್ ಚೋ಼ರಿ ಕರಾನಖ್ಹಾಜೆ, ಮರ್‌ನಾಖಾನಖ್ಹಾಜೆ ಅಜು಼ ಬರ್ಬಾತ್ ಕರಾನಖ್ಹಾಜೆ ಆವಸ್ ಪಣ್ಕಿ, ಬಿಜು಼ ಶನಖ್ಹಾಜೆಬಿ ಕಾಹೆ. ಕತೋಬಿ ಮೇತೊ ಇವ್ಣುನ, ಖಲಿ ಜಾನ್‌ ಕಾಹೆ ಜಿವ್ಣು ದೇವ್ಣುಕರಿ ಐರ‍್ಹೋಸ್ ಯೊ ಜಾ಼ಖ್ಹತ್ ಭರ್‌ಪೂರ್‌ ಜಿವ್ಣು ದೇವ್ಣುಕರಿ ಆಯೊ.

ಯೋಹಾನ 19:35

ಅನ ದೇಖ್ಯೋತೆ ಇನೇಸ್‌ ಸಾಕ್ಷಿ ಬೋಲಿರಾಖ್ಯೊಸ್, ಇನಿ ಸಾಕ್ಷಿ ಖ್ಹಾಚ಼ಸ್ ಶನಕತೊ ತುಮೇಬಿ ಅನ ವಿಶ್ವಾಸ್‌ ಕರ‍್ನು ಕರಿ ಇನೆ ಬೋಲಿರಾಖ್ಯೋಸ್ತೆ. ಅಜು಼ ಯೋ ಬೋಲುಕರಾತೆ ಖ್ಹಾಚಸ್ ಕರಿ ಇನ ಮಾಲುಮ್‌ ಛಾ಼.

ಯೋಹಾನ 20:28

ತೋಮನೆ ಯೇಸುನ, “ಮಾರೊ ಪ್ರಭು, ಮಾರೊ ದೇವ್!” ಕರಿ ಜವಾಬ್‌ ದಿದೊ.

ಯೋಹಾನ 3:18

ಇನ ನಂಬವಾಳಾನ ತೀರ್ಪ್‌ ಕೋ ಹೊಯ್ನಿ, ಕತೋಬಿ ನಂಬಕೊಂತೆ ಇನ ತದೇಸ್‌ ತೀರ್ಪ್‌ ಹುಯ್ಗಿ. ಶನಕತೊ ಇನೆ ದೇವ್ನ ಎಕ್ಕಸ್ ಛಿಯ್ಯಾನ ನಾಮ್ನ ಉಪ್ಪರ್ ಭರೋಖ್ಹೊ ಕರ‍್ಯೊಕೊಯ್ನಿ.

ಯೋಹಾನ 3:36

ಇನ ಛಿಯ್ಯಾನ ನಂಬವಾಳಾನ ಹಮೇಶಾನಿ ಜಿ಼ಂದ್‌ಗಿ ಛಾ಼; ಕತೋಬಿ ಛಿಯ್ಯಾನಿ ವಾತೆನ ಝಿಟ್ಕಾರಸ್ಕಿ ಇವ್ಣುನ ಯೋ ಜಿ಼ಂದ್‌ಗಿ ಮಳ್‌ಶೆ ಕೊಯ್ನಿ, ಅಜು಼ ದೇವ್‌ನೊ ಇರಾದೊ ಇವ್ಣಾಪರ್ ರ‍್ಹಿಶೆ” ಕರಿ ಬೋಲ್ಯೊ.

ಯೋಹಾನ 5:24

“ಮೇ ತುಮೂನ ಖ್ಹಾಚ ಬೋಲುಸ್ಕಿ, ಮಾರಿ ವಾತೇನ ಖ್ಹಮ್‌ಜಿನ್‌, ಮನ ಮೋಕ್‌ಲ್ಯೊತೆ ಇನ ನಂಬವಾಳಾನ ಹಮೇಶಾನಿ ಜಿ಼ಂದ್‌ಗಿ ಮಳಿರ‍್ಹೀಸ್‌. ಇನ ತೀರ್ಪ್ ಕೋ ಉಶೇನಿ; ಯೋ ಮರಣ್ಣ ಉಲಾಂಗಿನ್, ಜಾನ್‌ಮ ಪೇಶಿರ‍್ಹೋಸ್‌.

ಯೋಹಾನ 6:40

ಇನಾಟೇಕೆ ಛಿಯ್ಯಾನ ದೇಖಿನ್‌, ಇನಾಮ ವಿಶ್ವಾಸ್‌ ಕರಾವಾಳ ಹರೇಕ್ನ ಹರ್‌ಹಮೇಶಾನಿ ಜಿ಼ಂದ್‌ಗಿ ಮಳ್‌ಣು ಕರಿ ಬೋಲಾನು ಬಾನಿ ಮರ್ಜಿ ಹುಯಿರ‍್ಹುಸ್‍, ಅಜು಼ ಖ್ಹರ್ತಿನ ದನ್ಮ ಮೇ ಇವ್ಣುನ ಪಾಛು಼ ಜಿವ್ತು ಉಠಾಡಿಶ್‌” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:43

ಇನ ನಂಬಾವಾಳನು ಹರೇಕ್‍ಜ಼ಣು ಪಾಪ್ನ ಇನ ನಾಮ್‍ಥಿ ಕ್ಷಮಾಪಣ್ ಮಳ್‌ಶೇತೆ. ಆ ಖ್ಹಾಚಸ್‌ಕರಿ ಪ್ರವಾದಿಖ್ಹಾರು ಸಾಕ್ಷಿ ಬೋಲಿರಾಖ್ಯುಸ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:16

ತುಮೆ ಶಾತ್‌ ದೇಖ್ಯಕಿ ಅಜು಼ ತುಮೆ ಶಾತ್ ಖ್ಹಮ್‍ಜ್ಯಾಕಿ ಯೋ ಅಖ್ಖು ಇನ ನಾಮ್‍ಥೀಸ್ ಹುಯಿರುಸ್. ಯೊ ಲಂಗ್‍ಡಾನೆ ಯೇಸುನ ಉಪ್ಪರ್ ರಾಖಿರಾಖ್ಯೊತೆ ವಿಶ್ವಾಸ್‌ಥೀಸ್ ಇನ ಅಛ್ಛು಼ ಹುಯುತೆ ಅನಅಖ್ಖು ತುಮೆ ದೇಖಿರಾಖ್ಯಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:36

ಇವ್ಣೆ ವಳ್ಯಜಾ಼ತಥಾತೆ ವಾಟೆ ಪಾಣಿನಿ ಝ಼ಗೋಕನ ಆಯ. ಅಜು಼ ಅದಿಕಾರಿನೆ, ಹಂದೇಕ್ ಪಾಣಿ ಹೈರು ಮೇ ಬ್ಯಾಪ್ತಿಸ್ಮ ಲ್ಯಾವಾನ ಅಡ್ಡಿಶಾತ್‍? ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:37

ತದೆ ಫಿಲಿಪ್ಪನೆ ಇನ “ತೂ ಖ್ಹಾಚ ದಿಲ್‌ಥಿ ವಿಶ್ವಾಸ್ ಕರಾವಾಳೊ ಉಷೇತೊ ಅಡ್ಡಿಕೊಯ್ನಿ” ಕರಿ ಬೋಲ್ಯೊ. ತದೆ ಅದಿಕಾರಿನೆ, “ಯೇಸುಕ್ರಿಸ್ತಾಸ್ ದೇವ್‌ನೊ ಛಿಯ್ಯೊಕರಿ ವಿಶ್ವಾಸ್ ಕರುಸ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:20

ಪೌಲ ತದ್ನುತದೇಸ್, “ಯೇಸು ದೇವ್‌ನೊ ಛಿಯ್ಯೊ” ಕರಿ ಸಭೆ ಮಳಾನಿ ಝ಼ಗೋಮ ಬೋಲಾನ ಶುರು ಕರ‍್ಯೊ.

1 ಯೋಹಾನ 4:15

ಯೇಸುಕ್ರಿಸ್ತ ದೇವ್‌ನೊ ಛಿಯ್ಯೊಕರಿ ಕೋಣ್ ಮಾನಿಲೇಸ್ಕಿ ಇವ್ಣಾಮ ದೇವ್ ರ‍್ಹೇಸ್, ಅಜು಼ ಇವ್ಣೆ ದೇವ್‌ಮ ರ‍್ಹವಾಳ ಹುಯಿರಾಸ್.

1 ಯೋಹಾನ 5:1

ಯೇಸುಸ್ ಪ್ರಭು ಕರಿ ನಂಬವಾಳ ಹರೇಕ್ ಜ಼ಣಾಬಿ ದೇವ್ನ ಲಡ್ಕಾ ಹುಯಿರ‍್ಹಾಸ್. ಕೋಣ್ ಇನ ಪೈದಕರ‍್ಯೊತೆ ಬಾನ ಪ್ಯಾರ್ ಕರಸ್ಕಿ ಅಥ್ರಾನವಾಳು ಹರೇಕ್ ಜ಼ಣು ಇನ ಛಿಯ್ಯಾನ ಜಿನುಕು ಪ್ಯಾರ್‌ಕರಸ್‍.

1 ಯೋಹಾನ 5:20

ದೇವ್‌ನೊ ಛಿಯ್ಯೊ ಆ ಜಗತ್‌ಮ ಅಯಿನ್ ಅಪ್ಣೆ ಖ್ಹಾಚೊ಼ ಹುಯಿರೋಸ್ತೆ ದೇವ್ನ ಮಾಲುಮ್‌ ಕರಿಲ್ಯವಾನಿಘೊಣಿ ಅಪ್ಣುನ ಖ್ಹಯಾಲ್ ದೀರಾಖ್ಯೊಸ್‍ಕರಿ ಅಪ್ಣುನ ಮಾಲುಮ್‌ಛಾ಼. ಅಪ್ಣೆ ದೇವ್‌ನೊ ಛಿಯ್ಯೊ ಹುಯಿರೋತೆ ಕ್ರಿಸ್ತಮ ರ‍್ಹಾವಾನ ಖ್ಹಾಚ ದೇವ್‌ಮ ರ‍್ಹಾವವಾಳ ಹುಯಿರ‍್ಹಾಸ್. ಯೋ ಕ್ರಿಸ್ತಸ್ ಕದೇಬಿ ರ‍್ಹವಾನು ಹರ್‌ಹಮೇಶಾನೊ ಜಾನ್‌ಬಿ ಹುಯಿರ‍್ಹೊಸ್.

2 ಯೋಹಾ 1:9

ಕ್ರಿಸ್ತನಿ ಉಪದೇಶ್‍ಮ ನಾರ‍್ಹೀನ್ ಇನ ಮಿತ್‌ಮೀರಿನ್ ಜಾವಾಳಮ ದೇವ್ ಕೊರ‍್ಹೇಯಿನಿ. ಯೊ ಉಪದೇಶ್‍ಮ ಜ಼ಡ್‍ಗಾಠಿನ್ ರ‍್ಹಾವವಾಳಮ ಬಾನಿಬಿ ಛಿಯ್ಯಾನಿಬಿ ಜೋ಼ಡೆ ಗಳ್‍ಜೋ಼ಡ್ ರ‍್ಹಿಶೆ.

ಪ್ರಕಾಶಿತ್ 2:18

ಥುವತೈರಾಮ ಛಾ಼ತೆ ಸಬೇನು ದೂತಾನ ಅಮ್‍ಲೀಕ್, ಆಗ್‍ನಿ ಝ಼ಲ್‌ಪಟ್‌ನಿತರನ ಡೋಳಾ, ಝ಼ಮ್ಕಾಸ್‌ತೆ ತಾಂಬಾನಿತರನೊ ಪಂಜ಼ ರ‍್ಹವಾಳೊ ದೇವ್‌ನೊ ಛಿಯ್ಯೊ ಶಾತ್‌ ಬೋಲಾಸ್‍ಕತೊ,