ಯೋಹಾನ 20:25 - ದೇವ್ನಿ ಖ್ಹಾಚಿ ವಚನ್

²⁵ ಇನಖ್ಹಾಜೆ ಬಿಜಾ಼ಖ್ಹಾರ ಶಿಷ್ಯರ್‌ನೆ, “ಹಮೆ ಪ್ರಭುನ ದೇಖ್ಯ!” ಕರಿ ಇನ ಬೋಲ್ಯ. ಕತೋಬಿ ತೋಮನೆ, “ಮೇ ಇನ ಹಾತ್‌ಮ ಮೇಕೇಥಿ ಹುಯೂತೆ ಫೋಡಾನ ದೇಖಿನ್‌, ಯೋ ಮೇಕೆ ಮರೈತೆ ಝ಼ಗೋಮ ಮಾರಿ ಅಂಗ್‌ಳಿ ಘಾಲಿನ್, ಇನಿ ಪಾಖ್ಹ್‌ಳಿಮ ಮಾರಹಾತೇಥಿ ಛಿಮಾಶೆ ತುಮಾರಿ ವಾತೇನ ನಂಬುಕೊಯ್ನಿ” ಕರಿ ಬೋಲ್ಯೊ.

ಯೋಹಾನ 20:25 ပူးပေါင်းရင်းမြစ်များ

ಮತ್ತಾಯ 27:42

“ಇನೆ ಬಿಜಾ಼ನಖ್ಹಾರು ಬಚಾ಼ಡ್ಯೊ, ಕತೋಬಿ ಇನು ಯೋಸ್ ಬಚಾ಼ಡಿಲ್ಯವಾನ ಕೋ ಹೋಯ್ನಿ! ಆ ಇಸ್ರಾಯೇಲ್‌ನೊ ರಾಜಾ಼ ಕಾಹೆಕಿ ಶು? ಆ ಹಮ್ಕೆ ಶಿಲ್‌ಬೆಪರ್‌ಥು ಉತ್ರಿನ್ ಹೇಟ್ ಆಯೋತೊ, ತದೆ ಹಮೆ ದೇಖಿನ್, ಇನಾಮ ವಿಶ್ವಾಸ್ ಕರ್ಶು!

ಮಾರ್ಕ 16:11

“ಯೇಸು ಜಿವ್ತೊಹುಯಿನ್ ಉಠಿರ‍್ಹೋಸ್, ಮನ ದೆಖಾಯೊ” ಕರಿ ಇನೆ ಬೋಲಿತೆ ವಾತೆನ ಖ್ಹಮ್‌ಜ್ಯು, ಕತೋಬಿ ಇವ್ಣೆ ಇನ ವಿಶ್ವಾಸ್ ಕರ‍್ಯುಕೊಯ್ನಿ.

ಮಾರ್ಕ 16:13

ಇವ್ಣೆ ಜೈ಼ನ್ ಬಿಜ಼ ಖ್ಹಾರಾನ ಬೋಲ್ಯು, ಕತೋಬಿ ಅವ್ಣಿ ವಾತೆನಾಬಿ ಇವ್ಣೆ ನಂಬ್ಯುಕೊಯ್ನಿ.

ಮಾರ್ಕ 16:14

ಬಾದ್‌ಮ ಗ್ಯಾರ‍್ಹ ಜ಼ಣ ಶಿಷ್ಯರ್‌ ಭರೈನ್ ಖಾಣು ಖವ಼್‌ಕರ್ತಥಾತೆ ತದೆ ಯೇಸು ಇವ್ಣುನಾಬಿ ದೆಖಾಯೊ. ಯೋ ಜಿವ್ತೊ ಹುಯಿನ್ ಉಠಾನ ಬಾದ್‌ಮ, ಇನ ದೇಖಾವಾಳನಿ ವಾತೆನ ಇವ್ಣೆ ನಂಬ್ಯುಕೊಂತೆ ಇನಾಖ್ಹಾಜೆ ಯೇಸುನೆ, ಇವ್ಣುನ ವಿಶ್ವಾಸ್‍ಕೊಂತೆ ಅಜು಼ ಇವ್ಣ ಬಂಡಾನ ದಿಲ್‌ನಖ್ಹಾಜೆ ಇವ್ಣುನ ಗುರ್‌ಕಾಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:25

ತದೆ ಯೇಸುನೆ ಇವ್ಣುನ, “ಅಲ ಬಿಣ್‍ಖ್ಹೈಲಾ, ಪ್ರವಾದಿಯೇನೆ ಬೋಲ್ಯಾತೆ ಇನ ವಿಶ್ವಾಸ್‌ ಕರಾಕೊಂತೆ ಮಂದ್‌ ದಿಲ್‌ವಾಳಾವೊ,

ಯೋಹಾನ 1:41

ಅನೆ ಪಹಿಲೆ ಇನ ಭೈ ಹುಯಿರ‍್ಹೋತೆ ಸೀಮೋನ್‌ಕನ ಜೈ಼ನ್‌, “ಹಮೂನ ಮೆಸ್ಸೀಯ ಮಳಿರ‍್ಹೋಸ್‌” ಕರಿ ಬೋಲ್ಯೊ. (“ಮೆಸ್ಸೀಯ” ಕತೊ ಇಬ್ರಿಯಾಮ “ಕ್ರಿಸ್ತ” ಕರಿ)

ಯೋಹಾನ 20:27

ಅನಕೇಡೆಥು ಯೇಸುನೆ ತೋಮನ, “ತಾರಿ ಅಂಗ್‌ಳಿನ ಹಜ಼್ಜ ಮ್ಹೇಲಿನ್, ಮಾರ ಹಾತ್ನ ಛೀಮಿನ್‌ ದೇಕ್; ತಾರ ಹಾತ್ನ ಖ್ಹಾಮ್ಣೆ ಕರೀನ್, ಮಾರಿ ಪಾಖ್ಹ್‌ಳಿಮ ಘಾಲ್‌, ವಿಶ್ವಾಸ್‌ಕೊಂತೆ ನಕೊ ರ‍್ಹೇ, ವಿಶ್ವಾಸ್‌ ಕರ್‌!” ಕರಿ ಬೋಲ್ಯೊ.

ಯೋಹಾನ 21:7

ಯೇಸುನೊ ಪ್ಯಾರ್‌ನೊ ಶಿಷ್ಯನೆ ಪೇತ್ರನ, “ಯೋ ಪ್ರಭುಲಾ!” ಕರಿ ಬೋಲ್ಯೊ. ಸೀಮೋನ್ ಪೇತ್ರನೆ ಇನ ಖ್ಹಮ್‌ಜಿನ್‌, ಮಾಛ್ಲು಼ ಖ್ಹಾವಾನಖ್ಹಾಜೆ ಪೇತ್ರನೆ ಝೋ಼ಳ್‍ನಾನ ಕಾಡಿ ಮ್ಹೇಲಿರಾಖ್ಯೊಥೊ ಯೊ ಪಾಛು಼ ಉಪ್ಪರ್‌ಲ್ಯು ಝ಼ಗ್ಗಾನ ಪೇರ‍್ಹಿಲೀನ್‌ ದರ‍್ಯಾವ್‌ಮ ಕೂದಿ ಗಯೊ.

ಯೋಹಾನ 6:30

ಇವ್ಣೆ ಇನ, “ಇಮ್‍ಕತೊ, ತೂ ದೇವ್‍ಥಿ ಆಯೊಹುಯೊ ಕರಿ ಹಮೆ ದೇಖಿನ್‌, ತುನ ವಿಶ್ವಾಸ್‌ ಕರಾನಿಘೋಣಿ ಕೆಹು ಖ್ಹಣೇದ್ ಕರಿ ವತಾಳಸ್‌?” ಕರಿ ಪುಛಾ಼ಯು.

ಇಬ್ರಿ 3:12

ಮಾರ ಭೈಯೇ ಭೇನೇವೊ ತುಮಾರಮ ಖರಾಬ್ ರ‍್ಹವೊ ಜಿವ್ತೊ ಜಾನ್ನೊ ದೇವ್ನ ಮ್ಹೇಲಾನು ಅವಿಶ್ವಾಸ್‌ನೊ ದಿಲ್‌ ಕಿನಾಮಬಿ ನಾರ‍್ಹೇವ್ಣುತೆ ಹೊಷಾರ್‌ಥಿ ದೇಖಿಲೆವೊ.

ಇಬ್ರಿ 3:18

“ಮಾರು ಆರಾಮ್ಮ ತುಮೆ ಮಳ್‍ಶೂಸ್ ಕೊಯ್ನಿಕರಿ ಕಿನಿ ಬಾರೇಮ ಇನೆ ಆಣ್ ಕರ‍್ಯೊತೆ? ಯೊ ಗಭ್ಭರ್‌ಕರ‍್ಯುತೆ ಇನಖ್ಹಾಜೇಸ್ ಕಾಹೆಕಿಶು?