ಯೋಹಾನ 20:21 - ದೇವ್ನಿ ಖ್ಹಾಚಿ ವಚನ್

²¹ ಯೇಸುನೆ ಇವ್ಣುನ, “ತುಮೂನ ಸಮಾಧಾನ್ ಹುವಾದೆ. ಬಾನೆ ಮನ ಮೋಕ್‌ಲ್ಯೊತೆ ಇಮ್ಮಸ್, ಮೇಬಿ ತುಮೂನ ಮೋಕ್ಲುಸ್‌” ಕರಿ ಬೋಲ್ಯೊ.

ಯೋಹಾನ 20:21 ပူးပေါင်းရင်းမြစ်များ

ಮತ್ತಾಯ 10:16

“ಖ್ಹಮ್‌ಜೊ಼! ಜ಼ರಕ್‌ನ ಮಹಿ ಮೇಂಢವ್‌ನ ಮೋಕ್ಲಾತೆ ಇಮ್‌ ಮೇ ತುಮೂನ ಮೋಕ್ಲುಕರುಸ್. ಇನಖ್ಹಾಜೇಸ್ ತುಮೆ ಖ್ಹಾಪ್‌ನಿತರ ಚಾ಼ತುರ್ ಅಜು಼ ಪರ‍್ಯಾವಾನಿಘೋಣಿ ಖೋಟ್‌ಕೊಂತೆ ಇಮ್‌ ರ‍್ಹವೊ.

ಮತ್ತಾಯ 10:40

“ಕೋಣ್‌ತೋಬಿ ತುಮೂನ ಬುಲೈಲಿದುತೊ, ಇವ್ಣೆ ಮನ ಬುಲೈಲೆವಾದಾಖ್ಹಲ್‌; ಮನ ಬುಲೈಲೆಸ್ತೆ ಇವ್ಣೆ ಮನ ಮೋಕ್‌ಲ್ಯೊತೆ ಇನಾಸ್ ಬುಲೈಲೆವಾದಾಖ್ಹಲ್‌,

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:36

ಇವ್ಣೆ ಭೇ ಜ಼ಣ ಆ ಬಾರೇಮ ಬೋಲುಕರಾನಿ ವಖ್ಹತ್‌ಮ, ಯೇಸು ಪ್ರಭುಸ್ ಇವ್ಣ ಇಚ಼್‌ಮ ಆಯಿ ಭೀರಿನ್, “ತುಮೂನ ಸಮಾಧಾನ್ ಹುವಾದೆ” ಕರಿ ಬೋಲ್ಯೊ.

ಯೋಹಾನ 13:20

ತುಮೂನ ಖ್ಹಾಚ ಬೋಲುಸ್, ಮೇ ಮೋಕ್ಲುಸ್ತೆ ಇವ್ಣುನ ಬುಲೈಲ್ಯವಾಳು, ಮನಾಬಿ ಬುಲೈಲ್ಯವಾಳು ಹುಯಿರ‍್ಹುಸ್‍. ಅಜು಼ ಮನ ಬುಲೈಲ್ಯವಾಳು ಮನ ಮೋಕ್‌ಲ್ಯೊತೆ ಇನಾಸ್ ಬುಲೈಲ್ಯವಾಳು” ಹುಯಿರ‍್ಹುಸ್‍.

ಯೋಹಾನ 14:27

ಮೆ ಶಾಂತಿನ ತುಮಾರಮ ಮ್ಹೇಲಿನ್ ವಳ್ಯೊಜ಼ವುಸ್‌, ಮಾರಾಮ ಛಾ಼ತೆ ಶಾಂತಿನ ತುಮೂನ ದೆವುಸ್‌; ಆ ಜಗತ್‌ ದೇಸ್ತೆ ಇಮ್‌ ಕಾಹೆ, ಮೇ ತುಮೂನ ದೆವ್‍ಸ್ತೆ, ತುಮಾರೊ ದಿಲ್‌ ಕಲಾವಾದೆ ನಕೊ, ಅಜು಼ ತುಮೆ ಡರೊ ನಕೊ.

ಯೋಹಾನ 20:19

ಯೋಸ್‌ ದನ್ನೆಕತೊ, ವಾರಾನ ಪಹಿಲ ದನ್ನೆ ಖ್ಹಾಂಜೆ, ಶಿಷ್ಯರ್‌ ಯೆಹೂದ್ಯರ್ ಅದಿಕಾರಿನ ಡರ್‌ಥಿ ಇವ್ಣೆ ಥಾತೆ ಘರ್‌ನು ಬಾಕಲ್‌ ಮೂಚಿನ್, ಮಹಿ ಥಾ. ತದೆ ಯೇಸು ಐನ್, ಇವ್ಣ ಇಚ಼್‌ಮ ಭೀರಿನ್‌, “ತುಮೂನ ಸಮಾಧಾನ್ ಹುವಾದೆ” ಕರಿ ಬೋಲ್ಯೊ.

ಯೋಹಾನ 20:22

ಅಮ್ ಬೋಲಾನ ಬಾದ್‌ಮ, ಯೇಸುನೆ ಇವ್ಣಾಪರ್ ಫೂಕಿನ್‌, “ಅಲ್ಲೇವೊ ಪವಿತ್ರಾತ್ಮನ.

ಯೋಹಾನ 20:26

ಆಟ್ ದನ್ ಬಾದ್‌ಮ, ಇನ ಶಿಷ್ಯರ್‌ ಪಾಛು಼ ಮಹಿ ಥಾತೆ ತದೆ, ತೋಮಾಬಿ ಇವ್ಣಿ ಜೋ಼ಡೆ ಥೊ. ಬಾಕಲ್‌ ಮೂಚೈ಼ರ‍್ಹೂಥು, ತದೆ ಯೇಸು ಐನ್, ಇವ್ಣ ಇಚ಼್‌ಮ ಭೀರಿನ್‌, “ತುಮೂನ ಸಮಾಧಾನ್ ಹುವಾದೆ” ಕರಿ ಬೋಲ್ಯೊ.

ಯೋಹಾನ 3:17

ದೇವ್ನೆ ಇನ ಛಿಯ್ಯಾನ ಮೋಕ್‌ಲ್ಯೊತೆ ಆ ಜಗತ್ನ ಅದ್ಮಿನ ರಕ್ಷಣೆ ಹೋಣುಕರಿ ಮೋಕ್‌ಲ್ಯೊತೆ ಪಣ್ಕಿ, ತೀರ್ಪ್‌ ಕರಾನಖ್ಹಾಜೆ ಕಾಹೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:2

ಇನೆ ಪರಲೋಕ್‌ನ ಜಾ಼ವಾಲಗು ಇನು ಅಪೊಸ್ತಲರ‍್ನ ಚೂ಼ಣಾಯಹುಯ ಪವಿತ್ರಾತ್ಮನಿ ಶಕಥ್ಥಿ ಶಿಕಾಡ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:8

ಕತೋಬಿ ಪವಿತ್ರಾತ್ಮ ತುಮಾರಪರ್ ಆಯಿಗೋತೊ, ತುಮೆ ಶಕತ್‍ಲೀನ್ ಯೆರೂಸಲೇಮ್ಮಾಬಿ ಯೂದಾಯಮಬಿ, ಸಮಾರ್ಯ ತಬರ್‌ಖಾಮಾಬಿ ಅಜು಼ ಜಗತ್ನ ಕಡೆಷಿ ಲಗೂಬಿ ಮನ ಸಾಕ್ಷಿಹುಯಿರಿಶು.

2 ತಿಮೊ 2:2

ಕೈಯೆಕ್ಕಿ ಸಾಕ್ಷಿನ ಖ್ಹಾಮ್ಣೆ ತೂ ಮಾರೇಥಿ ಖ್ಹಮ್‌ಜ್ಯೋಥೊ ಯೊ ಖ್ಹಾಚಿ ಪಢಂತ್‌ನ ತೂ ಲೀಲೆ. ಇನಾಸ್ ಯೋಗ್ಯ ಹುಯಿರ‍್ಹಾವವಾಳನ ಪೋಚಾ಼ವ್. ಯೊ ಪಢಂತ್‌ನ ಬಿಜಾ಼ನ ಶಿಕಾಡನ ನಿಯತ್‌ವಾಳೊ ಹುಯಿರ‍್ಹಿಶೆ.

ಇಬ್ರಿ 3:1

ಇನಖ್ಹಾಜೆ ಕ್ರಿಸ್ತಮ ಪರಿಶುದ್ಧರ‍್ಹವಾಳ ಭೈಯೇ ಭೇನೆವೊ ಸೊರ್ಗನು ಬುಲಾವ್ಣಿಮ ಭಾಗ್‌ ಲೀರಾಖವಾಳವೊ, ಅಪ್ಣೆ ಮಾನಿರಾಖ್ಯತೆ ಅಪೊಸ್ತಲಬಿ ಅಜು಼ ಮಹಾಯಾಜಕ್‍ಬಿ ಹುಯಿರ‍್ಹೋತೆ ಯೇಸುನಿ ಬಾರೇಮ ಧ್ಯಾನ್ ಲಗಾಡಿನ್ ಸೋಚೊ.

3 ಯೋಹಾ 1:14

ಮೆ ಜ಼ಲ್‌ದಿ ಆಯಿನ್ ತುನ ದೆಖಿಶ್‍ಕರಿ ಭರೋಖ್ಹೊ ಕರುಸ್. ತದೆ ಅಪ್ಣೆ ಆಮೆಖ್ಹಾಮೆಥಿ ವಾತೆ ಬೊಲಿಯೆ.