ಯೋಹಾನ 20:15 - ದೇವ್ನಿ ಖ್ಹಾಚಿ ವಚನ್

¹⁵ ಯೇಸುನೆ ಇನ, “ಅಲಿ ಆಯಾ, ತೂ ಶನ ರೊವ್‌ಕರಾಸ್ತೆ? ತೂ ಕಿನ ಢೂಂಡುಕರಾಸ್ತೆ?” ಕರಿ ಪುಛಾ಼ಯೊ. ಹೈರೋತೆ ಬಾಗ್‌ನ ದೇಖಿಲ್ಯವಾಳೊಕಿ ಶುಕಿ ಕರಿ ಮರಿಯನೆ ಸೋಚಿನ್, ಇನ, “ಮಾಲಿಕ್, ತೂ ಇನ ಪಾಡಿಲೀನ್ ಜೈ಼ರೊ ಉಶೇತೊ, ಕಿಜ್ಗಾ಼ ಮ್ಹೇಲಿರಾಖ್ಯೋಸ್‌ ಕರಿ ಮನ ಬೋಲ್, ಮೇ ಇನ ಪಳ್ಳಿಜ಼ವ್‌ಸ್‌” ಕರಿ ಬೋಲಿ.

ಯೋಹಾನ 20:15 ပူးပေါင်းရင်းမြစ်များ

ಮತ್ತಾಯ 12:34

ಅಲಾ ಖ್ಹಾಪ್‌ನ ಖಾನ್‌ದಾನ್‌ವಾಳ! ತುಮೆ ಖರಾಬ್ ರ‍್ಹವಾಪರ್, ತುಮಾರ ಮ್ಹೋಡವಾಟೆ ಅಛ಼್ಛು ವಾತೆ ಕಿಮ್ ನಿಕಳ್‌ಶೆ? ದಿಲ್ಮ ಭರೈರ‍್ಹೇಸ್ತೇಸ್‌ ಮ್ಹೋಡವಾಟೆ ನಿಕ್ಳಾಸ್‌.

ಮತ್ತಾಯ 28:5

ತದೆ ಯೋ ದೇವ್‌ನೊ ದೂತನೆ ಯೋ ತಯೇಡಾವ್‍ನ, “ತುಮೆ ಡರೊನಕೊ, ಶಿಲ್‌ಬೆಪರ್ ಮಾರ‍್ಯುಥೂತೆ ಯೇಸುನ ತುಮೆ ಢೂಂಡುಕರಾಸ್ ಕರಿ ಮನ ಮಾಲುಮ್.

ಮಾರ್ಕ 16:6

ತದೆ ಇನೆ ಇವ್ಣುನ, “ಡರೊನಕೊ, ಶಿಲ್‌ಬೆಪರ್ ಮಾರ‍್ಯೂಥೂತೆ, ನಜ಼ರೇತ್‌ನೊ ಯೇಸುನ ಢೂಂಡುಕರಾಸ್ ಕರಿ ಮನ ಮಾಲುಮ್. ಯೋ ಹಜ್ಜಾ಼ ಕೊಯ್ನಿ, ಯೋ ಜಿವ್ತೊ ಹುಯಿನ್ ಉಠಿರ‍್ಹೋಸ್! ಹಂದೇಖೊ, ಆಸ್ ಇನ ಮ್ಹೇಲಿರಾಖ್ಯುಥೂತೆ ಝ಼ಗೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:44

ಯೋಸೇಫ್‌ಬಿ ಮರಿಯ ಯೇಸು ಝೂ಼ಂಡ್‌‍ಮಾಸ್ ಉಷೆಕರಿ ಸೋಚಿನ್, ಏಕ್‌ ರೋಜ಼್‌ನಿ ಚಾ಼ಲ್ ಎವ್ಡಿ ಚಾ಼ಲ್‌ನಿ ಬಾದ್‌ಮ, ಇವ್ಣ ಮಾಯಮಾತ್ರಕನಾಬಿ, ರ‍್ಹವಾಳು ಖ್ಹಾರಾಕನಾಬಿ ಜೈ಼ನ್ ಢೂಂಡ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:5

ಯೋ ತಯೇಡ ಖ್ಹಾರಿ ಡರಿಗಯೇಥಿ. ಜ಼ಮೀನ್‍ತರಬ್‍ ಮುಡ್‌ಕ್ಯು ಝು಼ಕೈನ್‌, ಭೀರಿಗಯ್ಯೆ. ತದೆ ಇವ್ಣೆ ಇನ, “ಜಿವ್ತೊ ಹುಯಿನ್ ಉಠಿರ‍್ಹೋಸ್ತೆ ಇನ, ಮರ‍್ಯಾಹುಯಾಮ ಶನ ಢೂಂಡುಕರಾಸ್ತೆ?

ಯೋಹಾನ 1:38

ಇವ್ಣೆ ಪೀಠೆ ವಳ್ಯವತೆ ಯೇಸುನೆ ಪಾಛೊ಼ ಫರೀನ್ ದೇಖ್ಯೊ, ತದೆ ಯೊ ಇವ್ಣುನ ಬೋಲ್ಯೊ, “ತುಮೂನ ಶಾತ್ ಹೋಣು? ತದೆ ಇವ್ಣೆ ಜ಼ವಾಬ್ ದಿದು, “ರಬ್ಬಿ, ತೂ ಕಿಜ್ಗಾ಼ ಜಿವ್ಣು ಕರಸ್?” ಕರಿ ಬೋಲ್ಯ (ರಬ್ಬಿ ಕತೊ “ಗುರು” ಕರಿ).

ಯೋಹಾನ 18:4

ಇನಜೋ಼ಡೆ ಚಾ಼ಲ್‌ಶೇತೆ ಖ್ಹಾರುಸ್‌ ಯೇಸುನ ಮಾಲುಮ್‌ ಥೂ, ಇನಖ್ಹಾಜೆ ಯೋ ಖ್ಹಾಮ್ಣೆ ಜೈ಼ನ್‌, “ತುಮೆ ಕಿನ ಢೂಂಡುಕರಾಸ್ತೆ?” ಕರಿ ಪುಛಾ಼ಯೊ.

ಯೋಹಾನ 18:7

ಪಾಛೊ಼ ಯೇಸುನೆ ಇವ್ಣುನ, “ತುಮೆ ಕಿನ ಢೂಂಡುಕರಾಸ್ತೆ?” ಕರಿ ಪುಛಾ಼ಯೊ. ಇವ್ಣೆ, “ನಜ಼ರೇತ್‌ನೊ ಯೇಸುನ” ಕರಿ ಬೋಲ್ಯು.

ಯೋಹಾನ 20:13

ಯೋ ದೇವ್‌ನು ದೂತರ್ ಮರಿಯನ, “ಅಲಿ ಆಯಾ, ತೂ ಶನ ರೊವ್‌ಕರಾಸ್ತೆ?” ಕರಿ ಪುಛಾ಼ಯ. ತದೆ ಇನೆ, “ಮಾರೊ ಪ್ರಭುನು ಮುರ್ದಾನ ಇವ್ಣೆ ಪಳ್ಳಿಚ಼ಲಿಗಯು, ಅಜು಼ ಇನ ಕಿಜ್ಗಾ಼ ಮ್ಹೇಲಿರಾಖ್ಯುಸ್ ಕರಿ ಮನ ಮಾಲುಮ್‌ ಕೊಯ್ನಿ!” ಕರಿ ಜಾ಼ವಾಬ್‌ ದಿದಿ.