ಯೋಹಾನ 2:18 - ದೇವ್ನಿ ಖ್ಹಾಚಿ ವಚನ್

¹⁸ ಯೆಹೂದ್ಯರ್ ಅದಿಕಾರಿನೆ ಯೇಸುನ ಖನ್ನೆ ಐನ್ ಬೋಲ್ಯು,ತೂ ಹಮೂನ ಖಿವು ಅದ್ಭುತ್ ಖ್ಹಣೇದ್‍ನು ಕಾಮ್ನ ಕರಿನ್ ವತಾಳಿಸ್ಕಿ ಅನೇಥಿ ತೂ ಶಾತ್ ಕರುಕರಾಸ್ಕಿ ಇನಿ ಹಕ್ ತುನ ಛಾ಼ ಕರಿ ಸಾಬಿತ್ ಉಷೆ.

ಯೋಹಾನ 2:18 ပူးပေါင်းရင်းမြစ်များ

ಮತ್ತಾಯ 21:23

ಯೇಸು ಪಾಛೊ಼ ಮಂದಿರ್‌ಮ ಐನ್, ವಚನ್ನ ಬೋಲಿದೆವ್‍ಕರಾನಿ ವಖ್ಹತ್‌ಮ, ಗಲ್‌ಢಯಾಜಕರ್‌ ಅಜು಼ ಶಾಣುಖ್ಹಾರು ಇನಾಕನ ಆಯಿನ್, “ತೂ ಖೆವಿ ಹಕ್‌ಥಿ ಆ ಖ್ಹಾರು ಕರುಕರಸ್? ಆ ಹಕ್ನ ತುನ ದಿದೂತೆ ಕೋಣ್?” ಕರಿ ಪುಛಾ಼ಯು.

ಮಾರ್ಕ 8:11

ಬಾದ್‌ಮ ಫರಿಸಾಯರ್‌ವಾಳು ಥೋಡು ಅದ್ಮಿ ಯೇಸುಕನ ಐನ್, ಇನಜೋ಼ಡೆ ಅಬ್ಬಾಜ಼ಬ್ಬಿ ವಾತೆ ಬೋಲಾಲಗ್ಯು. ಇನಾಮ ಗಲ್ತಿ ಢೂಂಡಾನಖ್ಹಾಜೆ, “ತೂ ದೇವ್‍ಥಿ ಆಯೊ ಹುಯೊ ಕರಿ ಮಾಲುಮ್‌ ಪಡಾನಟೇಕೆ, ಆಕಾಶ್‌ಮ ಏಕ್‌ ಖ್ಹಣೇದ್‍ನು ಕಾಮ್ ಕರೀನ್ ವತಾಳ್” ಕರಿ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:29

ಅದ್ಮಿ ಝೂ಼ಂಡೆ-ಝೂ಼ಂಡೆ ಭರೈನ್ ಆವ್‍ಕರಾನಿ ವಖ್ಹತ್‌ಮ, ಯೇಸುನೆ ಇವ್ಣುನ, “ಆ ಪಿಳ್ಗಿ ಖರಾಬ್ ಪಿಳ್ಗಿ ಹುಯಿರ‍್ಹೂಸ್! ಅವ್ಣೆ ಅದ್ಭುತ್ ಕಾಮ್ ದೇಕ್ಣು ಕರಿ ಆಖ್ಹ್ ಕರಾಸ್, ಕತೋಬಿ ಯೋನಾನಿ ಜಿ಼ಂದ್‌ಗೀಮ ಚಾ಼ಲ್ಯುತೆ ಅದ್ಭುತಾಸ್ ಪಣ್ಕಿ ಬಿಜು಼ ಅದ್ಭುತ್ ಅವ್ಣುನ ಕೋ ಮಳ್‌ಶೇನಿ.

ಯೋಹಾನ 1:19

ಯೆರೂಸಲೇಮ್‌ನು ಯೆಹೂದ್ಯರ್‌ನ ಅದಿಕಾರಿಯೋನೆ ಯಾಜಕರ್‌ ಅಜು಼ ಲೇವಿವಾಳಾನ ಯೋಹಾನಕನ ಮೋಕ್ಲಿನ್, “ತೂ ಕೋಣ್?” ಕರಿ ಪುಛಾ಼ವನಟೇಕೆ ಮೋಕ್‍ಲ್ಯು.

ಯೋಹಾನ 1:25

ಇವ್ಣೆ ಯೋಹಾನ್ನ ಬೋಲ್ಯು, “ತೂ ಕ್ರಿಸ್ತಬಿ ಕಾಹೆ ಕರಿ ಬೋಲಾನು ಉಷೇತೊ ಎಲೀಯಬಿ ಕಾಹೆ, ಪ್ರವಾದೀಬಿ ಕಾಹೆ, ಇಮ್‍ಕತೊ, ತೂ ಬ್ಯಾಪ್ತಿಸ್ಮ ಶನ ದೇಸ್?” ಕರಿ ಪುಛಾ಼ಯು.

ಯೋಹಾನ 6:30

ಇವ್ಣೆ ಇನ, “ಇಮ್‍ಕತೊ, ತೂ ದೇವ್‍ಥಿ ಆಯೊಹುಯೊ ಕರಿ ಹಮೆ ದೇಖಿನ್‌, ತುನ ವಿಶ್ವಾಸ್‌ ಕರಾನಿಘೋಣಿ ಕೆಹು ಖ್ಹಣೇದ್ ಕರಿ ವತಾಳಸ್‌?” ಕರಿ ಪುಛಾ಼ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:7

ಅವ್ಣೆ ಪೇತ್ರಬಿ ಯೋಹಾ‍ನನ ಬೀಚ್ಮ ಭೀರಾಖಿನ್ ತುಮೆ ಖಿವಿ ಶಕಥ್ಥಿ ಅಜು಼ ಕಿನ ನಾಮ್‍ಥಿ ಆ ಅಖ್ಖು ಕರೋಸ್? ಕರಿ ಬೋಲಖ್ಹತರ್,

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:28

“ತುಮೆ ಆ ನಾಮ್‌ಪರ್‌ ಬೋಧನೆ ನಾಸ್‍ಕರ‍್ನು ಕರಿ ತುಮೂನ ಹುಕುಮ್‌ ಕರ‍್ಯಥಾನಿ; ರ‍್ಹಯುತೋಬಿ ತುಮೆ ಕರ‍್ಯಾತೆಶಾತ್? ಯೆರೂಸಲೇಮ್‌ನ ತುಮಾರಿ ಬೋಧನೆಥಿ ಫೈಲೈದಿದ, ಆ ಮರೈರ‍್ಹುಥೆ ಅದ್ಮಿನ ಹಮೇಸ್ ಜಿಮ್ಮೇದಾರಿ ಕರಿ ಕರಾನ ತುಮೆ ಕೋಶಿಶ್ ಕರುಕರಸ್” ಕರಿ ಬೋಲ್ಯು.