ಯೋಹಾನ 2:15 - ದೇವ್ನಿ ಖ್ಹಾಚಿ ವಚನ್

¹⁵ ಇನಖ್ಹಾಜೆ ಯೇಸುನೆ ಶಿಂದ್ರಾಥಿ ವಾಟಿನ್ ಏಕ್‌ ಕೊಲ್ಡಾನ ಬಣಾಯೊ, ಇನೇಥಿ ಯೋ ಖ್ಹಾರಸ್ ಜಾನ್ವರ್‌ನ, ಢಾಂಡಾನ ಅಜು಼ ಮೇಂಢಾನ ಮಾರಿನ್, ಮಂದಿರ್‌ಮಾಥು ಭಾರ್‌ ಹಕೇಳ್ಯೊ; ಪೈಶಾ ತೋಡಾವಾಳಾನು ಮೇಜ್‌ನ ರಡ್‌ಕೈನ್‌, ಪೈಶ ರಂಚಿದಿದೊ.

ಯೋಹಾನ 2:15 ပူးပေါင်းရင်းမြစ်များ

ಮತ್ತಾಯ 21:12

ಯೇಸು ಮಂದಿರ್‌ಮ ಜೈ಼ನ್, ಹಿಜ್ಜಾ಼ ವೇಚ಼ವಾಳ ಅಜು಼ ಲ್ಯವಾಳ ತಮಾಮ್‌ ಅದ್ಮಿನ ಭಾರ್‌ ನಖ್ಹಾಡಿದಿದೊ. ಪೈಶಾ ತೋಡಾವಾನು ಧಂದೊ ಕರಾವಾಳಾನ ಅಜು಼ ಪರ‍್ಯಾವೊ ವೇಚ಼ವಾಳಾನು ಮೇಜ್‌ನ ರಡ್‌ಕೈನಾಖಿದಿದೊ.

ಯೋಹಾನ 18:6

ಯೇಸುನೆ ಇವ್ಣುನ, “ಮೇಸ್ ಯೋ” ಕರಿ ಬೋಲ್ಯೊ. ತದೆ ಇವ್ಣೆ ಪೀಠೆ ಖ್ಹರ್ಕಿನ್‌, ಜ಼ಮೀನ್‌ಪರ್ ಪಡಿಗಯು.

ಯೋಹಾನ 2:14

ಹಿಜ್ಜಾ಼ ಮಂದಿರ್‌ಮ ಅದ್ಮಿಖ್ಹಾರು ಢಾಂಡು, ಮೇಂಢು, ಅಜು಼ ಪರ‍್ಯಾವ ವೆಚು಼ಕರ್ತುಥೂತೆ ಯೇಸುನೆ ದೇಖ್ಯೊ, ಅಜು಼ ಪೈಶಾ ತೋಡಾವಾನು ಧಂದೊ ಕರಾವಾಳುಬಿ ಇವ್ಣಿ ಇವ್ಣಿ ಮೇಜ್‌ಪರ್‌ ಬೇಶಿನ್, ಧಂದೊ ಕರುಕರ್ತುಥು.

ಯೋಹಾನ 2:16

ಪರ‍್ಯಾವೊ ವೇಚ಼ವಾಳಾನ, “ಹಜ್ಜಾ಼ಥು ಅನ ಪಳ್ಳಿ ಜಾ಼ವೊ! ಮಾರ ಬಾನಘರ‍್ನ ಬಜಾ಼ರ್‌ನಿ ಝ಼ಗೊ ಕರಾನು ಭೀರಾಖೊ!” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 27:32

ಇನಖ್ಹಾಜೆ ಶಿಪಾಯಿಖ್ಹಾರನೆ, ಶಿಂದ್ರಾವ್‍ನ ಕತ್ರೀನ್ ದೋಣಿಯೇನ ಪಾಣಿಮ ಮ್ಹೆಂದಿದ.

2 ಕೊರಿಂಥ 10:4

ಹಮೆ ಜಂಗ್ ಭಿಡಾನಿ ವಖ್ಹ್‌ತೆ ಉಪಯೋಗ್ ಕರ‍್ಯೇತೆ ಕಫ್ಫನ್‌ಖ್ಹಾರು ಆ ಲೋಕ್‍ನು ಕಾಹೆ. ಯೋ ದೇವ್ನಿ ಗಣ್ತಿಮ ತಾಖತ್‍ವಾಳು ಹುಯಿರ‍್ಹಿನ್, ಕೋಟೆವ್ನ ರಡ್‍ಕೈನಾಖವಾಳು ಹುಯಿರ‍್ಹೂಸ್.