ಯೋಹಾನ 2:14 - ದೇವ್ನಿ ಖ್ಹಾಚಿ ವಚನ್

¹⁴ ಹಿಜ್ಜಾ಼ ಮಂದಿರ್‌ಮ ಅದ್ಮಿಖ್ಹಾರು ಢಾಂಡು, ಮೇಂಢು, ಅಜು಼ ಪರ‍್ಯಾವ ವೆಚು಼ಕರ್ತುಥೂತೆ ಯೇಸುನೆ ದೇಖ್ಯೊ, ಅಜು಼ ಪೈಶಾ ತೋಡಾವಾನು ಧಂದೊ ಕರಾವಾಳುಬಿ ಇವ್ಣಿ ಇವ್ಣಿ ಮೇಜ್‌ಪರ್‌ ಬೇಶಿನ್, ಧಂದೊ ಕರುಕರ್ತುಥು.

ಯೋಹಾನ 2:14 ပူးပေါင်းရင်းမြစ်များ

ಮಾರ್ಕ 11:15

ಇವ್ಣೆ ಯೆರೂಸಲೇಮ್‌ನ ಅವಾದಿನ್, ಯೇಸು ಮೋಟಿ ಮಂದಿರ್‌ಮ ಜೈ಼ನ್, ಹಿಜ್ಜಾ಼ ವೇಚ಼ವಾಳಾನ ಲ್ಯವಾಳಾನ ಭಾರ್ ನಖ್ಹಾಡಲಗ್ಯೊ. ಅಜು಼ ಇನೆ ಪೈಶಾ ತೋಡಾವಾನು ಧಂದೊ ಕರಾವಾಳಾನ ಖುಡ್‌ಶಿನಾಬಿ, ಪರ‍್ಯಾವೊ ವೇಚ಼ವಾಳಾನು ಮೇಜ್‌ನ ರಡ್‌ಕೈನಾಖಿದಿದೊ.

ಮಾರ್ಕ 11:17

ಅಜು಼ ಯೇಸುನೆ ದೇವ್ನಿ ವಚನ್ನ ಬೋಲಿ ದೇತೊಹುಯಿನ್, “ದೇವ್ನೆ ಬೋಲ್ಯೊತೆ ಇಮ್‌, ‘ಮಾರಿ ಮಂದಿರ್‌ ಖ್ಹಾರ ಜಾ಼ತ್‌ವಾಳ ಅದ್ಮಿನ ಪ್ರಾರ್ಥನೆನು ಘರ್ ಕರಿ ಬೋಲೈಲೀಶೆ’ ಕರಿ ಲೀಖೈರ‍್ಹೂಸ್‌ನಿ? ಕತೋಬಿ ತುಮೆ ಅನ ಚೋ಼ರ್‌ನಿ ಘವಿ ಬಣೈರಾಖ್ಯಾಸ್!” ಕರಿ ಬೋಲ್ಯೊ.

ಯೋಹಾನ 2:15

ಇನಖ್ಹಾಜೆ ಯೇಸುನೆ ಶಿಂದ್ರಾಥಿ ವಾಟಿನ್ ಏಕ್‌ ಕೊಲ್ಡಾನ ಬಣಾಯೊ, ಇನೇಥಿ ಯೋ ಖ್ಹಾರಸ್ ಜಾನ್ವರ್‌ನ, ಢಾಂಡಾನ ಅಜು಼ ಮೇಂಢಾನ ಮಾರಿನ್, ಮಂದಿರ್‌ಮಾಥು ಭಾರ್‌ ಹಕೇಳ್ಯೊ; ಪೈಶಾ ತೋಡಾವಾಳಾನು ಮೇಜ್‌ನ ರಡ್‌ಕೈನ್‌, ಪೈಶ ರಂಚಿದಿದೊ.