ಯೋಹಾನ 19:6 - ದೇವ್ನಿ ಖ್ಹಾಚಿ ವಚನ್

⁶ ಮಹಾಯಾಜಕರ್‌ ಅಜು಼ ಮಂದಿರ್‌ನ ಕಾವ್ಲಿ ಕರಾವಾಳನ ಯೇಸುನ ದೇಖಿನ್‌, “ಇನ ಶಿಲ್‌ಬೆಪರ್ ಠಂಗಾವ್! ಇನ ಶಿಲ್‌ಬೆಪರ್ ಠಂಗಾವ್!” ಕರಿ ಚಿಕ್ರಾಲಗ್ಯು ತದೆ ಪಿಲಾತನೆ ಇವ್ಣುನ, “ಹೋಣುಕತೊ ತುಮೇಸ್ ಅನ ಲೀಜೈ಼ನ್, ಶಿಲ್‌ಬೆಪರ್ ನಾಖೊ. ಮನ ಅನಾಮ ಖೆವಿಸ್ ಗಲತ್‌ ದೆಖಾಯು ಕೊಯ್ನಿ” ಕರಿ ಬೋಲ್ಯೊ.

ಯೋಹಾನ 19:6 ပူးပေါင်းရင်းမြစ်များ

ಮತ್ತಾಯ 26:58

ಪೇತ್ರ ದೂರ್‌ಥೋಸ್ ಯೇಸುನ ಪೀಠೆ-ಪೀಠೆ ಜಾ಼ತೊಹುಯಿನ್, ಮಹಾಯಾಜಕ್‌ನ ಘರ್‌ನ ಖ್ಹಾಮ್ಣೆನು ಬಲ್ಡತೋಡಿ ಆಯಿನ್, ಮಹಿ ಧಕೆಲ್‌ತೊ ಅಯಿನ್, ಇನಿ ಹಾಲ್ ಶಾತ್‌ ಉಷೆಕರಿ ದೇಕ್ಣು ಕರಿ, ಕಾವ್ಲಿನ ಶಿಪಾಯಿನ ಜೋ಼ಡೆ ಜೈ಼ನ್, ಬೇಶಿಗಯೊ.

ಮತ್ತಾಯ 27:22

ತದೆ ಪಿಲಾತನೆ, “ಇಮ್‍ಕತೊ, ಕ್ರಿಸ್ತ ಕರಿ ಬೋಲೈಲ್ಯವಾಳೊ ಯೇಸುನ ಮೇ ಶಾತ್‌ ಕರ‍್ನು?” ಕರಿ ಇವ್ಣುನ ಪುಛಾ಼ಯೊ. ತದೆ ಇವ್ಣೆ ಖ್ಹಾರಾಸ್, “ಇನ ಶಿಲ್‌ಬೇಪರ್ ಮರಾವ್!” ಕರಿ ಜ಼ವಾಬ್ ದಿದಾ.

ಮತ್ತಾಯ 27:24

ತದೆ ಪಿಲಾತನೆ ಮೇ ಕೆತ್ರು ಕರ‍್ಯೊತೋಬಿ ಚಾ಼ಲ್‌ಷೆ ಕೊಯ್ನಿ, ಅದ್ಮಿಖ್ಹಾರು ಕಲ್ಹಾಗಟ್ ಕರೆಜಾ಼ಯ್ ಕರಿ ಮಾಲುಮ್ ಕರಿಲೀನ್, ಪಾಣಿ ಲೀನ್, ಅದ್ಮಿನ ಖ್ಹಾಮ್ಣೆ ಇನ ಹಾತ್ನ ಧೊಯಿಲಿನ್, “ಆ ಅದ್ಮಿನ ಮರೈನಾಖನ ಮೇ ಜಿಮ್ಮೇದಾರ್ ಕಾಹೆ, ಆ ತುಮೇಸ್ ಕರುಕರಸ್ತೆ!” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:4

ತದೆ ಪಿಲಾತನೆ ಮಹಾಯಾಜಕರ್‌ ಅಜು಼ ಅದ್ಮಿನಿ ಭೀಡ್ನ, “ಆ ಅದ್ಮಿಮ ಮನ ಶನೀಶ್ ಗಲತ್‌ ಕೋ ದೆಖಾಯುನಿ” ಕರಿ ಬೋಲ್ಯೊ.

ಯೋಹಾನ 18:3

ತದೆ ಯೂದನೆ ಶಿಪಾಯ್ನಿ ಏಕ್‌ ಝೂ಼ಂಡ್‌ನ, ಮಹಾಯಾಜಕರ್‌ ಅಜು಼ ಫರಿಸಾಯರ್‌ನೆ ಮೋಕ್‌ಲ್ಯುತೆ ಮಂದಿರ್‌ನು ಥೋಡ ಕಾವ್ಲಿ ಕರಾವಾಳಾನ ಜೋ಼ಡ್ಮ ಬುಲೈಲಿನ್ ಆಗ್ನು ಢಿಟಂಬು ಅಜು಼ ಕಫ್ಫನ್‌ಅಖ್ಖು ಧರಿಲೀನ್, ಬಾಗ್‌ನ ಮಹಿ ಆಯೊ.

ಯೋಹಾನ 18:31

ಪಿಲಾತನೆ ಇವ್ಣುನ, “ಇಮ್‍ಕತೊ, ತುಮೇಸ್ ಅನ ಲೀಜೈ಼ನ್, ತುಮಾರಿ ಧರ್ಮಶಾಸ್ತ್ರನಿಘೊಣಿ ತೀರ್ಪ್‌ ಕರೊ” ಕರಿ ಬೋಲ್ಯೊ. ತದೆ ಯೆಹೂದ್ಯರ್‌ನೆ, “ಕಿನಾಬಿ ಮರಣ್ ದಂಡ್‌ ದ್ಯವಾನಿ ಹಕ್‌ ಹಮೂನ ಕೊಯ್ನಿ” ಕರಿ ಫರೈನ್ ಬೋಲ್ಯು.

ಯೋಹಾನ 18:38

ತದೆ ಪಿಲಾತನೆ, “ಖ್ಹಾಚಿಕತೊ ಶಾತ್‌?” ಕರಿ ಪುಛಾ಼ಯೊ. ಆ ಬೋಲಾನ ಬಾದ್‌ಮ ಪಿಲಾತ ಪಾಛೊ಼ ಯೆಹೂದ್ಯರ್‌ಕನ ಬಹರ್ ಜೈ಼ನ್‌, “ಮನ ಅನಾಮ ಖೆವಿಸ್ ಗಲತ್‌ ದೆಖವ಼್‌ಕರಾಕೊಯ್ನಿ.

ಯೋಹಾನ 19:15

ಇವ್ಣೆ, “ಇನ ಮರೈನಾಕ್‌! ಇನ ಮರೈನಾಕ್‌! ಇನ ಶಿಲ್‌ಬೆಪರ್ ಠಂಗಾವ್!” ಕರಿ ಚಿಕ್‌ರ‍್ಯು. ಅಜು಼ ಪಿಲಾತನೆ ಯೆಹೂದ್ಯರ್‌ನ, “ತುಮಾರ ರಾಜಾ಼ನ ಶಿಲ್‌ಬೆಪರ್ ನಖಾವ್ಣು ಕಿಶು?” ಕರಿ ಬೋಲಾನಿ ವಖ್ಹ್‌ತೆ ಮಹಾಯಾಜಕರ‍್ನೆ ಹಮೂನ ಕೈಸರ್ ಮ್ಹೇಲಿನ್ ಬಿಜೊ಼ ರಾಜ಼ ಕೊಯ್ನಿ ಕರಿ ಜ಼ವಾಬ್ ದಿದು.

ಯೋಹಾನ 19:4

ಅನ ಬಾದ್‌ಮ, ಪಿಲಾತನೆ ಪಾಛೊ಼ ಭಾರ್‌ ಜೈ಼ನ್‌, ಇವ್ಣುನ, “ಮನ ಇನಾಮ ಶನೀಶ್ ಗಲತ್‌ ಕೋ ದೆಖಾಯುನಿ ಕರಿ ತುಮೂನ ಮಾಲುಮ್‌ ಪಡಾನಿಘೋಣಿ, ಇನ ತುಮಾರ ಖ್ಹಾಮ್ಣೆ ಬಹರ್ ಲ್ಯಾವುಸ್‌ ದೇಖೊ” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:23

ಯೊ ಯೇಸುಸ್ ದೇವ್ನಿ ಘಟ್ ಖ್ಹೂಜ಼್‌ಥೀಬಿ, ಆವ್‌ಶೇತೆ ಹಗಾಮ್ನಿ ಪರಕ್ಮ ದೆವೈಜಾ಼ವದಿನ್, ತುಮೆ ಅಲಕ್ಅದ್ಮಿವೋನ ದೀನ್ ಶಿಲ್‌ಬೇಪರ್ ಮೇಕ್ ಮರೈನ್ ಮಾರಿನಾಖ್ಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:52

ಜಿವ್ತಥಾತೆ ಪ್ರವಾದಿಮ ಖ್ಹಾರಜ಼ಣನ ತುಮಾರ ಗುರುಖ್ಹಾರು ಖ್ಹತಾಯು. ನೀತಿವಾಳೊ ಎಕ್ಕಸ್‍ಜ಼ಣೊ ಹುಯಿರೋತೆ ಯೊ ಪಹಿಲೆಸ್ ಆವ್‍ಶೆಕರಿ ಖ್ಹಮ್‍ಜಾ಼ಯುಥು. ಕತೋಬಿ ತುಮಾರು ಗುರುಖ್ಹಾರು ಯೋ ಪ್ರವಾದಿಖ್ಹಾರನ ಮಾರಿನಾಖ್ಯು. ಹಮ್ಕೆ ತುಮೆ ಧರಿದೀನಸ್ ಇನ ಮರೈನಾಖ್ಯ.