ಯೋಹಾನ 19:4 - ದೇವ್ನಿ ಖ್ಹಾಚಿ ವಚನ್

⁴ ಅನ ಬಾದ್‌ಮ, ಪಿಲಾತನೆ ಪಾಛೊ಼ ಭಾರ್‌ ಜೈ಼ನ್‌, ಇವ್ಣುನ, “ಮನ ಇನಾಮ ಶನೀಶ್ ಗಲತ್‌ ಕೋ ದೆಖಾಯುನಿ ಕರಿ ತುಮೂನ ಮಾಲುಮ್‌ ಪಡಾನಿಘೋಣಿ, ಇನ ತುಮಾರ ಖ್ಹಾಮ್ಣೆ ಬಹರ್ ಲ್ಯಾವುಸ್‌ ದೇಖೊ” ಕರಿ ಬೋಲ್ಯೊ.

ಯೋಹಾನ 19:4 ပူးပေါင်းရင်းမြစ်များ

ಮತ್ತಾಯ 27:19

ಅತ್ರೇಸ್ ಕಾಹೆತೆ, ಪಿಲಾತ ನ್ಯಾವ್‍ನಿ ಖುಡ್‍ಶಿಪರ್ ಬೆಠೊರ‍್ಹವಾನಿ ವಖ್ಹತ್‌ಮ ಇನಿ ಬಾವಣ್ಣೆ, “ಯೋ ಅದ್ಮಿನ ಶಾತ್ಬಿ ನಕೊ ಕರೀಶ್, ಯೋ ನೀತಿವಾಳೊ ಹುಯಿರ‍್ಹೊಸ್, ಗಯೋತೆ ರಾತೆ ಖ್ಹೋಣ್ಯಮ ಮನ ಘಣು ಖ್ಹತಾಪ್ಣಿ ಹುಯು” ಕರಿ ಇನ ಬೋಲಿನ್ ಮೋಕ್ಲಿ.

ಮತ್ತಾಯ 27:24

ತದೆ ಪಿಲಾತನೆ ಮೇ ಕೆತ್ರು ಕರ‍್ಯೊತೋಬಿ ಚಾ಼ಲ್‌ಷೆ ಕೊಯ್ನಿ, ಅದ್ಮಿಖ್ಹಾರು ಕಲ್ಹಾಗಟ್ ಕರೆಜಾ಼ಯ್ ಕರಿ ಮಾಲುಮ್ ಕರಿಲೀನ್, ಪಾಣಿ ಲೀನ್, ಅದ್ಮಿನ ಖ್ಹಾಮ್ಣೆ ಇನ ಹಾತ್ನ ಧೊಯಿಲಿನ್, “ಆ ಅದ್ಮಿನ ಮರೈನಾಖನ ಮೇ ಜಿಮ್ಮೇದಾರ್ ಕಾಹೆ, ಆ ತುಮೇಸ್ ಕರುಕರಸ್ತೆ!” ಕರಿ ಬೋಲ್ಯೊ.

ಮತ್ತಾಯ 27:4

“ಶಾತ್ಬಿ ಗಲ್ತಿಕೊಂತೆ ಅದ್ಮಿನ ಧೋಕೇಥಿ ಮರೈನಾಖಿದ್ಯವಾನ ಧರಿ ದೀನ್, ಮೇ ಪಾಪ್ ಕರ‍್ಯೊ” ಕರಿ ಬೋಲ್ಯೊ. ತದೆ ಇವ್ಣೆ, “ಇನ ಹಮೆ ಶಾತ್ ಕರಿಯೆ? ಯೋ ತಾರು ಮಾಮ್ಲ!” ಕರಿ ಜ಼ವಾಬ್ ದಿದು.

ಮತ್ತಾಯ 27:54

ಖ್ಹೋಶಿಪಾಯಿನೊ ಮೋಟಾನೆ ಅಜು಼ ಇನಜೋ಼ಡೆ ಯೇಸುನ ಕಾವ್ಲಿ ಕರುಕರ್ತುಥೂತೆ ಇವ್ಣೆ ಜ಼ಮೀನ್ ಹಲ್ಯುತೆ ಅಜು಼ ಚಾ಼ಲ್ಯುತೆ ಖ್ಹಾರಸ್ನ ದೇಖಿನ್, ಘಣು ಡರಿನ್, “ಖ್ಹಾಚಮಾಬಿ ಆ ದೇವ್‌ನೊ ಛಿಯ್ಯೊ ಹುಯಿರ‍್ಹೋಥೊ!” ಕರಿ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:4

ತದೆ ಪಿಲಾತನೆ ಮಹಾಯಾಜಕರ್‌ ಅಜು಼ ಅದ್ಮಿನಿ ಭೀಡ್ನ, “ಆ ಅದ್ಮಿಮ ಮನ ಶನೀಶ್ ಗಲತ್‌ ಕೋ ದೆಖಾಯುನಿ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:41

ಅಪ್ಣುನತೋಬಿ, ನಿಶತ್ ಮಳಿರ‍್ಹೀಸ್ತೆ ಇನಾಮ ನ್ಯಾವ್‌ ಛಾ಼; ಶನಕತೊ ಅಪ್ಣೆ ಕರ‍್ಯಾತೆ ಗಲತ್‌ನಖ್ಹಾಜೆ, ಅಪ್ಣುನ ನಿಶತ್ ಮಳಿರ‍್ಹಿಸ್‌. ಕತೋಬಿ ಅನೆ ಶನೀಬಿ ಗಲತ್‌ ಕೋ ಕರ‍್ಯೋನಿ!”

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:47

ತದೆ ಖ್ಹೋಶಿಪಾಯಿನೊ ಮೋಟಾನೆ ಚಾ಼ಲ್ಯುತೆ ಇನ ದೇಖಿನ್‌, “ಖ್ಹಾಚಮಾಬಿ ಆ ಅದ್ಮಿ ನೀತಿವಾಳೊಸ್‌ ಹುಯಿರ‍್ಹೋಥೊ!” ಕರಿ ದೇವ್ನ ಖ್ಹರಾಯೊ.

ಯೋಹಾನ 18:33

ಅನಕೇಡೆಥು ಪಿಲಾತನೆ ಪಾಛೊ಼ಫರಿ ಮಹೇಲ್‌ಮ ಜೈ಼ನ್‌, ಯೇಸುನ ಬುಲೈನ್, “ತೂ ಯೆಹೂದ್ಯರ್‌ನೊ ರಾಜಾ಼ಕಿ ಶು?” ಕರಿ ಇನ ಪುಛಾ಼ಯೊ.

ಯೋಹಾನ 18:38

ತದೆ ಪಿಲಾತನೆ, “ಖ್ಹಾಚಿಕತೊ ಶಾತ್‌?” ಕರಿ ಪುಛಾ಼ಯೊ. ಆ ಬೋಲಾನ ಬಾದ್‌ಮ ಪಿಲಾತ ಪಾಛೊ಼ ಯೆಹೂದ್ಯರ್‌ಕನ ಬಹರ್ ಜೈ಼ನ್‌, “ಮನ ಅನಾಮ ಖೆವಿಸ್ ಗಲತ್‌ ದೆಖವ಼್‌ಕರಾಕೊಯ್ನಿ.

ಯೋಹಾನ 19:6

ಮಹಾಯಾಜಕರ್‌ ಅಜು಼ ಮಂದಿರ್‌ನ ಕಾವ್ಲಿ ಕರಾವಾಳನ ಯೇಸುನ ದೇಖಿನ್‌, “ಇನ ಶಿಲ್‌ಬೆಪರ್ ಠಂಗಾವ್! ಇನ ಶಿಲ್‌ಬೆಪರ್ ಠಂಗಾವ್!” ಕರಿ ಚಿಕ್ರಾಲಗ್ಯು ತದೆ ಪಿಲಾತನೆ ಇವ್ಣುನ, “ಹೋಣುಕತೊ ತುಮೇಸ್ ಅನ ಲೀಜೈ಼ನ್, ಶಿಲ್‌ಬೆಪರ್ ನಾಖೊ. ಮನ ಅನಾಮ ಖೆವಿಸ್ ಗಲತ್‌ ದೆಖಾಯು ಕೊಯ್ನಿ” ಕರಿ ಬೋಲ್ಯೊ.

2 ಕೊರಿಂಥ 5:21

ಕ್ರಿಸ್ತಮ ಪಾಪಸ್ ಕೋಥೂನಿ. ಕತೋಬಿ ಹಮೆ ದೇವ್ನ ಸಮರ್ಪಣೆನಿ ಪರಕ್ಮ ನೀತಿಸ್ವರೂಪಿ ಹುಯಿರ‍್ಹಾವನಿತರ ದೇವ್ ಇನ ಪಾಪ ಸ್ವರೂಪಿಕರಿ ಬಣಾಯೊ.

ಇಬ್ರಿ 7:26

ಇನಖ್ಹಾಜೆ ಅಪ್ಣುನ ಹೋಣುತೆ ಇನ ಪೂರಕರಾವಳೊ ಮಹಾಯಾಜಕ ಹುಯಿರ‍್ಹೊಸ್ ಪರಿಶುದ್‌ಬಿ ದೋಷ್‍ಕೊಯ್ನಿತೇಬಿ, ಮೈಲಾಪ್‍ಕೊಯ್ನಿತೆಬಿ, ಪಾಪಿಮ ಮಳಾಕೊಂತೆ ನಿರ‍್ವಾಳೊಬಿ ಹುಯಿರ‍್ಹವಾಳೊಬಿ ಆಕಾಶ್ ಮಂಡಲ್‍ಥೀಬಿ ಊಚಾ಼ಮ ರ‍್ಹವಾಳೊ.

1 ಪೇತ್ರ 1:19

ಯೇಸು ಕ್ರಿಸ್ತಕರಿ ಬೋಲಾನು ಶನು ದೋಷ್‍ಕೊಂತೆ, ಶುದ್ದ ಹುಯಿರ‍್ಹುತೆ ಮೇಂಢಾನ ಚೆಲ್ಕಾನು ಕಿಮ್ಮತ್ನ ಲ್ಹೋಯಿಥೀಸ್‍ಕರಿ ತುಮುನ ಮಾಲುಮ್‍ಛಾ಼ನಿ.

1 ಪೇತ್ರ 2:22

ಯೋ ಶನು ಪಾಪ್‌ಬಿ ಕರ‍್ಯೊಕೊಯ್ನಿ, ಇನ ಮ್ಹೋಡಾಮಾಥಿ ಖೆವಿ ಠಗಾವಾನಿ ವಾತ್‍ಬಿ ಮಳಿಕೊಯ್ನಿ.

1 ಪೇತ್ರ 3:18

ಕ್ರಿಸ್ತಬಿ ನೀತಿವಾಳೊ ಹುಯಿರ‍್ಹಿನ್, ಅನೀತಿವಾಳಾನ ಖ್ಹಾಜೆ ಜಾನ್‍ದೀನ್ ಅಪ್ಣುನ ದೇವ್‌ಕನ ಮಳಾವನಖ್ಹಾಜೆ ಎಕ್ಕಸ್ ವಖ್ಹತ್ ಪಾಪ್ನ ಮಟಾವನಖ್ಹಾಜೆ ಖ್ಹತಾಪ್ಣಿ ಪಡೀನ್ ಶರೀರ್‌ಮರ‍್ಹೀನ್ ಆತ್ಮಮ ಜಿವವಾಳೊ ಹುಯೊ.

1 ಯೋಹಾನ 3:5

ಪಾಪ್ ಖ್ಹಾರುಸ್ ಕಾಡ್ಣುಕರಿ ಕ್ರಿಸ್ತ ಆಯೊಕರಿ ಬೋಲಾನುಬಿ, ಅಜು಼ ಇನಾಮ ಪಾಪಸ್ ಕೊಯ್ನಿಕರಿಬಿ ತುಮೂನ ಮಾಲುಮ್ ಛಾ಼.