ಯೋಹಾನ 18:4 - ದೇವ್ನಿ ಖ್ಹಾಚಿ ವಚನ್

⁴ ಇನಜೋ಼ಡೆ ಚಾ಼ಲ್‌ಶೇತೆ ಖ್ಹಾರುಸ್‌ ಯೇಸುನ ಮಾಲುಮ್‌ ಥೂ, ಇನಖ್ಹಾಜೆ ಯೋ ಖ್ಹಾಮ್ಣೆ ಜೈ಼ನ್‌, “ತುಮೆ ಕಿನ ಢೂಂಡುಕರಾಸ್ತೆ?” ಕರಿ ಪುಛಾ಼ಯೊ.

ಯೋಹಾನ 18:4 ပူးပေါင်းရင်းမြစ်များ

ಮತ್ತಾಯ 16:21

ತಪ್‌ಥೊ ಯೇಸು, “ಮೇ ಯೆರೂಸಲೇಮ್‌ನ ಜೈ಼ನ್‌, ಹಿಜ್ಜಾ಼ ಶಾಣಾವ್‍ಥೀಬಿ, ಗಲ್‌ಢಯಾಜಕರ್‌ಥಿ, ಅಜು಼ ಮೋಶೆನಿ ವಚನ್ ಶಿಕಾಡವಾಳ ಶಾಸ್ತ್ರಿಯೇಥಿ ಘಣು ಲತಾಡ ಖ್ಹಮಾಳ್‌ಣು ಅಜು಼ ಇವ್ಣೆ ಇನ ಮರ್‌ನಾಕ್‌ಶೆ; ಕತೋಬಿ ತೀನ್ ದನ್‌ಕೇಡೆ ಮೇ ಪಾಛೊ಼ ಜಿವ್ತೊಹುಯಿನ್, ಉಠೀನ್ ಆಯಿಶ್” ಕರಿ ಶಿಷ್ಯರ್‌ನ ಬೋಲಾನ ಶುರು ಕರ‍್ಯೊ.

ಮತ್ತಾಯ 26:2

“ಬಿಜು಼ ಬೇ ದನ್ಮ ಪಸ್ಕ ಪೂಜಾ಼ ಆವ್‍ಶೆಕರಿ ತುಮೂನ ಮಾಲುಮ್; ತದೆ ಅದ್ಮಿನೊ ಛಿಯ್ಯಾನ ಶಿಲ್‌ಬೇಪರ್ ನಾಖಾನಖ್ಹಾಜೆ ಇವ್ಣಹಾತ್ಮ ದಿನಾಕ್‌ಶೆ” ಕರಿ ಬೋಲ್ಯೊ.

ಮತ್ತಾಯ 26:21

ಇವ್ಣೆ ಖಾಣು ಖವ್‍ಕರಾನಿ ವಖ್ಹತ್‌ಮ, ಯೇಸುನೆ ಇವ್ಣುನ, “ಮೇ ಖ್ಹಾಚಮಾಬಿ ಬೋಲುಸ್ಕಿ, ತುಮಾರಾಮ ಏಕ್‌ ಜ಼ಣೊ ಮನ ಧೋಕೇಥಿ ಧರಿದಿಶೆ” ಕರಿ ಬೋಲ್ಯೊ.

ಮತ್ತಾಯ 26:31

ತದೆ ಯೇಸುನೆ ಇವ್ಣುನ, “ಆ ರಾತೆ ತುಮೆ ಖ್ಹಾರುಸ್ ಮನ ಮ್ಹೆಂದಿನ್, ಮಿಲೈಜಾ಼ಶು; ದೇವ್ ವಚನ್‌ಮ ಬೋಲುಕರಸ್ ಮೆ ಮೇಂಢ ಚ಼ರಾವವಾಳಾನ ಮರ್‌ನಾಕಿಶ್, ತದೆ ಮಂಧಾಮಾಥು ಮೇಂಢ ಛಿಡ್‌ಗರ್‌ ಹುಯಿಜಾ಼ಶೆ,

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:44

ಅಜು಼ ಯೇಸುನೆ ಇವ್ಣುನ, “ಮೇ ತುಮಾರ ಜೋ಼ಡೆಸ್ ಥೋತೆ ತದ್ದೇಸ್, ಆ ಖ್ಹಾರು ತುಮೂನ ಬೋಲ್ಯೊಥೋನಿ. ಮೋಶೇನು ಧರ್ಮಶಾಸ್ತ್ರ, ಪ್ರವಾದಿಯೇನು ಪುಸ್ತಕ್‌ಮ ಅಜು಼ ಕೀರ್ತನೇಮ ಮಾರಿ ಬಾರೇಮ ಲೀಖೈರ‍್ಹೂತೆ ಅಖ್ಖು ಪೂರಹುವಾನು ಜ಼ರೂರತ್ ಛಾ಼ ಕರಿ ಮೇ ತುಮೂನ ಬೋಲ್ಯೊಥೊ ಕೊಯ್ನಿಕಿ ಶು?” ಕರಿ ಬೋಲ್ಯೊ.

ಯೋಹಾನ 13:1

ಪಸ್ಕ ಪುಜಾ಼ನ ಅಗಾಡಿ ಯೇಸು ಆ ಜಗತ್ನ ಮ್ಹೇಲಿನ್, ಬಾಕನ ಜಾ಼ವಾನಿ ವಖ್ಹತ್ ಐಗೈ ಕರಿ ಮಾಲುಮ್ ಕರೀನ್, ಆ ಜಗತ್‌ಮ ಛಾ಼ತೆ ಇನು ಕರಿ ಥೂತೆ ಯೋ ಖ್ಹರಾನ ಹಮೇಶ ಪ್ಯಾರ್ ಕರ‍್ಯೊ ಅಜು಼ ಖರ್ತಿಲಗೂಬಿ ಪ್ಯಾರ್ ಕರ್ತೊಸ್ ಆಯೊ.

ಯೋಹಾನ 13:11

ಯೇಸುನ ಇನ ಧೋಕೇಥಿ ಧರಿ ದಿಶೇತೆ ಕೋಣ್ ಕರಿ ಮಾಲುಮ್‌ ಥೂತೆ ಇನಖ್ಹಾಜೆ, ಇನೆ, “ತುಮಾರಾಮ ಹರೇಕ್ ಜ಼ಣು ಪಾಕ್‌ ಕಾಹೆ” ಕರಿ ಬೋಲ್ಯೋತೆ.

ಯೋಹಾನ 18:5

ಇವ್ಣೆ, “ನಜ಼ರೇತ್‌ನೊ ಯೇಸುಕಿಶು” ಕರಿ ಬೋಲ್ಯು. ತದೆ ಯೇಸುನೆ, “ಮೇಸ್ ಯೋ” ಕರಿ ಜವಾಬ್‌ ದಿದು. ಯೇಸುನ ಧೋಕೊ ದಿದೋತೆ ಯೂದಬಿ ಇವ್ಣಿ ಜೋ಼ಡೆ ಹಿಜ್ಜಾ಼ಸ್ ಭೀರ‍್ಯೋಥೊ.

ಯೋಹಾನ 18:7

ಪಾಛೊ಼ ಯೇಸುನೆ ಇವ್ಣುನ, “ತುಮೆ ಕಿನ ಢೂಂಡುಕರಾಸ್ತೆ?” ಕರಿ ಪುಛಾ಼ಯೊ. ಇವ್ಣೆ, “ನಜ಼ರೇತ್‌ನೊ ಯೇಸುನ” ಕರಿ ಬೋಲ್ಯು.

ಯೋಹಾನ 19:28

ಆ ಖ್ಹಾರು ಹುವಾನ ಬಾದ್‌ಮ, ಹಮ್ಕೆ ಖ್ಹಾರುಸ್‌ ಖತಮ್ ಹುಯಿಗಯು ಕರಿ ಯೇಸುನೆ ಮಾಲುಮ್‌ ಕರಿಲೀನ್, ವಚನ್‌ಮಾನಿ ವಾತೆ ಚಾ಼ಲಾನಿಘೋಣಿ, “ಮನ ಠೋಖ್ಹ್‌ ಲಾಗುಕರಾಸ್‌” ಕರಿ ಬೋಲ್ಯೊ.

ಯೋಹಾನ 6:64

ತೋಬಿ ತುಮಾರಾಮ ಥೋಡು ಜ಼ಣು ನಂಬಾಕೊಯ್ನಿ” ಕರಿ ಬೋಲ್ಯೊ. ಕೋಣ್ ಇನ ನಂಬುಕರಾಕೊಯ್ನಿ ಅಜು಼ ಕೋಣ್ ಇನ ಧೋಕೇಥಿ ಧರಿದಿಶೇತೆ ಕರಿ ಬೋಲಾನು ಪಹಿಲೇಥುಸ್ ಯೇಸುನ ಮಾಲುಮ್‌ ಥೂ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:28

ತಾರ ಜಾನ್ನೊ ಮಾರಗ್‌ ಮನ ಖ್ಹಮ್‍ಜಾ಼ಡಿರಾಖ್ಯೊಸ್. ತಾರ ಖ್ಹಾಮೆ ಮನ ಭರ್‌ಪೂರ್‌ ಖುಷಿಕರೈಷ್’ ಕರಿ ಬೋಲಿರಾಖ್ಯೊಸ್.

1 ಪೇತ್ರ 4:1

ಕ್ರಿಸ್ತನೆ ಅಪ್ಣಖ್ಹಾಜೆ ಇನ ಶರೀರ್‌ಮ ಲತಾಡ ಪಡ್ಯುತೆಖ್ಹಾಜೆ ತುಮೇಬಿ ಜಿನು ಯೋ ದಿಲ್‌ವಾಳ ಹುಯಿನ್ ಖ್ಹತಾಪ್ಣಿಲ್ಯವಾನ ತಯಾರ್‌ಹುವೋ. ಶನಕತೊ ಶರೀರ್‌ಮ ಖ್ಹತಾಪ್ಣಿ ಪಡ್ಯೊಹುಯೊ, ಪಾಪ್ ಕರಾನು ಭಿರಾಖವಾಳೊ ಹುಯಿರ‍್ಹೊಸ್.