ಯೋಹಾನ 18:28 - ದೇವ್ನಿ ಖ್ಹಾಚಿ ವಚನ್

²⁸ ಅನಕೇಡೆಥು ಇವ್ಣೆ ಯೇಸುನ ಕಾಯಫನ ಘರ್ ಕಂಥು ರಾಜ್ಯಪಾಲ್‌ನು ಮಹೇಲ್‌ನ ಬುಲೈಲಿಗಯು. ಯೆಹೂದ್ಯರ್‌ವಾಳನೆ ಇವ್ಣುನ ಮೈಲಾಪ್‍ ಹುಯಿನ್ ಪಸ್ಕನು ಖಾಣು ಖಾವಾನ ಅಡ್ಡಿಉಶೆಕರಿ ಮಹಾಲ್‌ನ ಮಹಿ ಕೋ ಗಯೂನಿ.

ಯೋಹಾನ 18:28 ပူးပေါင်းရင်းမြစ်များ

ಮತ್ತಾಯ 27:27

ಅನಕೇಡೆಥು ಪಿಲಾತನು ಸಿಪಾಯಿಖ್ಹಾರು ಯೇಸುನ ರಾಜ಼ನ ಮಹೇಲ್‌ಮ ಬುಲೈಲೀಜೈ಼ನ್, ಹಿಡಿ ದಂಡ್‌-ದಳವಾಯಿಸ್ ಹಿಜ಼್ಜ ಎಕ್ಟು ಹುಯಿನ್ ಭರೈರ‍್ಹೂಥು.

ಮಾರ್ಕ 15:16

ಶಿಪಾಯಿಖ್ಹಾರು ಯೇಸುನ ಪಿಲಾತನಿ ಮಹೇಲ್‌ನ ಖ್ಹಾಮ್ಣೆನಿ ಝ಼ಗೋಮ ಬುಲೈಲೀಜೈ಼ನ್, ದಂಡ್‌-ದಳ್‌ವಾಯಿನ ಎಕ್ಕದಮ್‌ ಬುಲಾಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:66

ವ್ಹಾಣು ಹುವ್ವಾದೀನ್, ಶಾಣುಖ್ಹಾರು ಅಜು಼ ಮಹಾಯಾಜಕ, ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿ ಖ್ಹಾರು ಎಕ್ಟುಹುಯಿನ್, ಯೇಸುನ ನ್ಯಾವ್ ಫೇಡಾನಿಝ಼ಗೊಕನ ಲೀಗಯು.

ಯೋಹಾನ 11:55

ಯೆಹೂದ್ಯರ್‌ನ ಪಸ್ಕ ಪೂಜಾ಼ನಿ ವಖ್ಹತ್ ಖನ್ನೆ ಐಗೈಥಿ, ಇನಖ್ಹಾಜೆ ಅದ್ಮಿಖ್ಹಾರು ಉಪ್ಲಿಬಾಜು಼ ಚ಼ಲಿಗಯುಥು. ಪೂಜಾ಼ಥಿ ಪಹಿಲೆ ಇವ್ಣುನ ಶುದ್ದಿಕರಣ್ ಕರಿಲೇವ್ಣು ಕರಿ ಗಾಮ್‌ಥು ಯೆರೂಸಲೇಮ್‌ ಆಯು.

ಯೋಹಾನ 18:13

ಇವ್ಣೆಪಹಿಲೆ ಅನ್ನಕನ ಬುಲೈಲಿಗಯು. ಆ ಅನ್ನ ಯೋ ವರಖ್ಹ್‌ಮ ಗಲ್‌ಢೊಯಾಜಕ್‌ ಹುಯಿರ‍್ಹೊಥೋತೆ ಕಾಯಫಾನೊ ಮಾಮ.

ಯೋಹಾನ 18:15

ಸೀಮೋನ್‌ ಪೇತ್ರ ಅಜು಼ ಶಿಷ್ಯರ್‌ಮ ಬಿಜೇಕ್‌ ಜ಼ಣೊ ಯೇಸುನ ಪೀಠೆ ಗಯೊ. ಯೋ ಬಿಜ್ಜೇಕ್‌ ಶಿಷ್ಯನ ಗಲ್‌ಢೊ ಯಾಜಕ್‌ ಅಛ್ಛಿಂತರ ಮಾಲುಮ್‌ ಥೂ. ಇನಖ್ಹಾಜೆ ಯೋ ಶಿಷ್ಯನೆ ಯೇಸುನ ಜೋ಼ಡೆ ಮಹಾಯಾಜಕ್‌ನು ಘರ್‌ನ ಖ್ಹಾಮ್ಣೇನಿ ಝ಼ಗೋಮ ಗಯೊ.

ಯೋಹಾನ 18:33

ಅನಕೇಡೆಥು ಪಿಲಾತನೆ ಪಾಛೊ಼ಫರಿ ಮಹೇಲ್‌ಮ ಜೈ಼ನ್‌, ಯೇಸುನ ಬುಲೈನ್, “ತೂ ಯೆಹೂದ್ಯರ್‌ನೊ ರಾಜಾ಼ಕಿ ಶು?” ಕರಿ ಇನ ಪುಛಾ಼ಯೊ.

ಯೋಹಾನ 18:39

ಕತೋಬಿ ಪಸ್ಕ ಪೂಜಾ಼ನಿ ವಖ್ಹತ್‌ಮ ಕೋಂಡಿ ಘಾಲಿರಾಖಾತೆ ಇವ್ಣಾಮ ಏಕ್‌ನ, ಮೇ ತುಮಾರಖ್ಹಾಜೆ ಭಾರ್‌ ಮ್ಹೇಲಾನಿ ಆದತ್ ಛಾ಼. ಮೇ ಯೆಹೂದ್ಯರ್‌ನ ರಾಜಾ಼ನ ತುಮಾರಖ್ಹಾಜೆ ಭಾರ್‌ ಮ್ಹೇಲ್ನು ಕರಿ ತುಮಾರಿ ಆಖ್ಹ್‌ಕಿ ಶು?” ಕರಿ ಪುಛಾ಼ಯೊ.

ಯೋಹಾನ 19:11

ಯೇಸುನೆ ಜ಼ವಾಬ್ ದಿದೊ, “ದೇವ್ ತುನ ಮಾರಪರ್ ಅದಿಕಾರ್ ನಾ ದಿದೊಹೋತ್ತೊ, ತುನ ಮಾರಪರ್ ಕೆವ್ಹೀಸ್‌ ಅದಿಕಾರ್ ಕೋ ರ‍್ಹಯುಹೋತ್ನಿ, ಇನಖ್ಹಾಜೇಸ್ ಮನ ತಾರ ಹಾತ್‌ಮ ದೀರಾಖ್ಯೊಸ್ತೆ ಅದ್ಮಿನ, ತಾರೆಥೀಬಿ ಘಣು ಪಾಪ್ ಛಾ಼” ಕರಿ ಬೋಲ್ಯೊ.

ಯೋಹಾನ 19:14

ತದೆ ಧೊಪಾರ್‌ ಹುಯಿಗಯುಥು ಅಜು಼ ಯೋ ದನ್ ಪಸ್ಕ ಪೂಜಾ಼ನ ಖ್ಹವಾರಾನೊ ದನ್ ಹುಯಿರ‍್ಹೋಥೊ. ಪಿಲಾತನೆ ಯೆಹೂದ್ಯರ್‌ನ, “ಹಂದೇಖೊ, ತುಮಾರೊ ರಾಜಾ಼ನ!” ಕರಿ ಬೋಲ್ಯೊ.

ಯೋಹಾನ 19:9

ಅಜು಼ ಪಾಛೊ಼ ಮಹೇಲ್‌ಮ ಜೈ಼ನ್‌, ಯೇಸುನ “ತೂ ಕಿಜ್ಜಾಥೊ ಐರ‍್ಹೋಸ್ತೆ?” ಕರಿ ಪುಛಾ಼ಯೊ. ಕತೋಬಿ ಯೇಸುನೆ ಜವಾಬ್‌ ಕೋ ದಿದೋನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:28

ಪೇತ್ರನೆ ಇವ್ಣುನ, “ಯೆಹೂದ್ಯವಾಳವೊ ಏಕ್‌ ಜ಼ಣೊ ಅಲಕ್‌ಅದ್ಮಿಥಿ ಮಳೀನ್‍ ರ‍್ಹವಾನುರ‍್ಹೇವೊ, ಇವ್ಣಿಜೋ಼ಡೆ ರ‍್ಹವಾನು ಯೆಹೂದ್ಯರ್‌ನ ಪದತ್ತಿನ ವಿರೋದ್ ಹುಯಿರ‍್ಹುಸ್ ಕರಿ ತುಮೂನ ಮಾಲುಮ್‌ ಛಾ಼. ಕತೋಬಿ ಖಿವಿ ಅದ್ಮಿನಾಬಿ ಕಮ್‍ಶಿಲ್‍ವಾಳೊ, ಅಪವಿತ್ರವಾಳೊ ಕರಿ ನಾ ಬೋಲ್‌ನು ಕರಿ ದೇವ್ನೆ ಮನ ವತಾಳಿರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:32

ಇನಖ್ಹಾಜೆ; ತೂ ಕಿನಾತೋಬಿ ಯೊಪ್ಪನ ಮೋಕ್ಲಿನ್ ಪೇತ್ರಕರಿ ಬೋಲೈಲ್ಯವಾಳೊ ಸೀಮೋನನ ಬುಲಾವ್ಣು. ಯೋ ಚಾ಼ಂಬ್ಡಾನು ಕಾಮ್‌ಕರಾವಾಳೊ ಸಿಮೋನನ ಘರ್‌ಮ ಛಾ಼. ಯೋ ಘರ್‌ ದರ‍್ಯಾವ್ನ ಕಿನಾರೆ ಛಾ಼ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:3

ತೂ, “ಯೆಹೂದ್ಯರ್ ಕಾಹೆತೆ ಇವ್ಣಕನಾಬಿ ಅಜು಼ ಖ್ಹತ್ನ ಕರಾಯುಕೊಂತೆ ಇವ್ಣ ಘರೇಬಿ ತುನೆ ಇವ್ಣಿಜೋ಼ಡ್ಮ ಜೈ಼ನ್ ಖಾಣುಬಿ ಖಾದೊ ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:13

ಅಪ್ಣೊ ಗುರುಗುರಬ್‌ಲ್ಯ ಹುಯಿರೋತೆ ಅಬ್ರಹಾಮ್ ಇಸಾಕ್ ಯಾಕೋಬನೊ ದೇವ್‌ ಅಜು಼ ಅಪ್ಣೊ ಗುರುಗುರಬ್‌ಲ್ಯನೊ ದೇವ್ ಇನೊ ದಾಸಹುಯಿರ‍್ಹೊತೆ ಯೇಸುನ ಮಹಿಮೆ ಕರಿರಾಖ್ಯೊಸ್. ಕತೋಬಿ ತುಮೆ ಇನ ಪಿಲಾತನ ಹಾತ್ಮ ಮಾರನ ಧರಿನ್‍ ದಿದಾ; ಬಿಜು಼ ಪಿಲಾತನೆ ಇನ ಛೋ಼ಡಾವ್ಣು ಕರಿ ಖ್ಹೂಜ಼್‌ ಕರಾದಿನ್, ಇನಖ್ಹಾಮ್ಣೆ ತುಮೆ ಯೇಸು ಹೋಣುಕೊಯ್ನಿ ಕರಿ ಬೋಲ್ಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:27

ಯೋ ವಾಥ್ಥಿಸ್ ಹೆರೋದಬಿ ಪೊಂತ್ಯ ಪಿಲಾತಬಿ, ತೂ ಅಬಿಷೇಕ್ ಕರ‍್ಯೊತೆ ತಾರೊ ಪವಿತ್ರ ಸೇವಕ್ ಹುಯಿರೋತೆ ಯೇಸುನ ವಿರೋದ್ ಯೆಹೂದ್ಯರ್‌ಕಾಹೆತೆ ಖ್ಹಾರು ಅಜು಼ ಇಸ್ರಾಯೇಲ್‌ನು ಅದ್ಮಿಖ್ಹಾರು ಒಟ್‍ ಹುಯಿನ್ ಭರೈರ‍್ಹೂಥು.