ಯೋಹಾನ 18:20 - ದೇವ್ನಿ ಖ್ಹಾಚಿ ವಚನ್

²⁰ ತದೆ ಯೇಸುನೆ, “ಮೇ ಕದೇಬಿ ಜಗತ್ನ ಖ್ಹಾಮ್ಣೆಸ್ ವಾತೆ ಬೋಲಿರಾಖ್ಯೊಸ್; ಯೆಹೂದ್ಯ ಅದ್ಮಿಖ್ಹಾರು ಎಕ್ಟು ಹುಯಿನ್ ಆವಸ್ತೆ ಸಭೆ ಭರಾವನು ಮಂದಿರ್‌ಮ ಅಜು಼ ಮೋಟಿ ಮಂದಿರ್‌ಮ ಮೇ ಕದೇಬಿ ಬೋಲಿವತಾಳ್‌ತೊ ಆಯೊ, ಮೇ ಲಪೀನ್ ಕದೇಬಿ ಶಾತ್ಬಿ ಕೋ ಬೋಲಿರಾಖ್ಯೊನಿ.

ಯೋಹಾನ 18:20 ပူးပေါင်းရင်းမြစ်များ

ಮತ್ತಾಯ 24:26

ಇನಾಖ್ಹಾಜೆ ಕೋಣ್‌ತೋಬಿ ತುಮೂನ, “ಹಂದೇಖೊ, ಕ್ರಿಸ್ತ ಉಜ್ಜಾ಼ಡಿ ಝ಼ಗೋಮ ಛಾ಼’ ಕರಿ ಬೋಲ್ಯೂತೊ, ನಕೊ ಚಲ್ಯಾಜಾ಼ಶು, ‘ಹಂದೇಖೊ, ಯೋ ಮಹಿನಕೋಣಾಮ ಛಾ಼’ ಕರಿ ಬೋಲ್ಯೂತೊ, ನಕೊ ನಂಬ್‌ಶು.

ಮತ್ತಾಯ 26:55

ಯೋಸ್‍ ವೇಳ್ಮ ಯೇಸು ಝೂ಼ಂಡ್‍ಭಂದೈನ್ ಆಯಿರ‍್ಹುಥೂತೆ ಅದ್ಮಿವೋನ, “ಚೋ಼ರ್‌ನ ಧರಾನಿಘೋಣಿ ತಲ್ವಾರೆ ಅಜು಼ ಲಠ್ಠ ಪಳ್ಳಿನ್‌, ಮನ ಧರಾನಖ್ಹಾಜೆ ಆಯಾಕಿ ಶು? ಮೇ ದನ್‍ರೋಜ಼್, ಮಂದಿರ್‌ಮ ಬೇಶಿನ್, ವಚನ್ ಬೋಲಿನ್ ದೇವ್‌ಕರ್‌ತೊಥೋತೆ ತದೆ ತುಮೆ ಮನ ಧರ‍್ಯಾಕೊಯ್ನಿ.

ಮತ್ತಾಯ 26:65

ತದೆ ಮಹಾಯಾಜಕ್‌ನೆ ಇನ ಲುಂಗ್ಡಾನ ಫಾಡಿಲೀನ್, “ಆ ದೇವ್ನ ದೂಷಣೆ ಕರಾನಿ ವಾತೆ! ಅನೇಥಿ ಬಿಜು಼ ಖೆವಿ ಸಾಕ್ಷಿ ಅಪ್ಣುನ ಹೋಣು? ಅನೆ ದೇವ್ನ ಗಾಳೆಕರಾನಿ ವಾತೆ ಬೋಲ್ಯೋತೆ ತುಮೇಸ್ ಖ್ಹಮ್‌ಜ್ಯಾನಿ?

ಮತ್ತಾಯ 4:23

ಬಾದ್‌ಮ ಯೇಸು ಗಲಿಲಾಯ ಅಖ್ಖೂಸ್ ಫರೀನ್, ಹಿಜ್ಜಾ಼ನು ಯೆಹೂದ್ಯರ್‌ನ ಸಬೆ ಭರಾವಾನು ಮಂದಿರ್‌ಮ ಬೋಲಿದೇತೊಹುಯಿನ್‌, ದೇವ್ನಿ ರಾಜ್ಯನಿ ಬಾರೇಮನು ಅಛ್ಛಿ ಖಬರ್‌ನ ಬೋಲ್ತೊಹುಯಿನ್‌, ಅದ್ಮಿಮ ಥೂತೆ ಖ್ಹಾರೀಸ್‍ ತರ‍್ಹಾನು ರೋಗ್‌-ರಾಯನ ಅಛ್ಛು಼ ಕರ್ತೊ ಆಯೊ.

ಮತ್ತಾಯ 9:35

ಯೇಸು ಖ್ಹಾರ ಖ್ಹಯೇರ್‌ಮ ಅಜು಼ ಗಾಮ್ಮ ಕರಿ ಫರ್ತೊಹುಯಿನ್, ಇವ್ಣಿ ಸಬೆ ಭರಾವಾನು ಮಂದಿರ್‌ಮ ಬೋಲಿದೇತೊಹುಯಿನ್‌, ರಾಜ್ಯನಿ ಅಛ್ಛಿ ಖಬರ್‌ನ ಬೋಲ್ತೊಹುಯಿನ್, ಖ್ಹಾರಿಸ್ ತರ‍್ಹಾನು ರೋಗ್‌-ರಾಯನ ಅಛ್ಛು಼ ಕರ್ತೊ ಆಯೊ.

ಮಾರ್ಕ 8:32

ಯೇಸುನೆ ಆ ವಾತೆನ ಶಾತ್ಬಿ ಲಪಾಡ್ಯೊಕೊಂತೆ ಬೋಲ್ಯೊ. ತದೆ ಪೇತ್ರನೆ ಯೇಸುನ ಬಾಜು಼ಮ ಬುಲೈಲಿಜೈ಼ನ್ ಇನ, “ಅಮ್ ನಕೊ ಬೋಲ್” ಕರಿ ಜಿದ್‌ಕರ‍್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:37

ಯೇಸು ದನ್ನು ಮಂದಿರ್‌ಮ ವಚನ್ ಬೋಲಿದೇತೋಥೊ ಅಜು಼ ಖ್ಹಾಂಜ಼್‌ನು ಆಲಿವ್‌ನು ಪಹಾಡ್‌ಕನ ಜೈ಼ನ್‌ ರಾತ್‌ ಅಖ್ಖು ಹಿಜ್ಜಾ಼ಸ್ ರ‍್ಹೇತೊಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:15

ಯೇಸು ಸಬೆ ಭರಾವಾನು ಮಂದಿರ್‌ಮ ಖ್ಹಾರು ಅಛ್ಛಿ ಖಬರ್‌ನ ಬೋಲಿದೆವಾಲಗ್ಯೊ, ಖ್ಹಾರುಸ್ ಅದ್ಮಿ ಇನ ಖ್ಹರಾಯು.

ಯೋಹಾನ 18:21

ಅಮ್ ರ‍್ಹವಾಪರ್, ಮನ ಶನ ಪುಛಾ಼ವಸ್ತೆ? ಮೇ ಶಶ್ಶಾತ್ ಬೋಲಿರಾಖ್ಯೊಸ್ ಕರಿ ಇನ ಖ್ಹಮ್‌ಜ್ಯೂತೆ ಅದ್ಮಿನ ಪುಛಾ಼ವೊ; ಮೇ ಬೋಲ್ಯೊತೆ ಇವ್ಣುನ ಮಾಲುಮ್‌” ಕರಿ ಬೋಲ್ಯೊ.

ಯೋಹಾನ 6:59

ಯೇಸುನೆ ಕಪೆರ್ನೌಮ್‌ನು ಸಭೆ ಭರಾವನು ಮಂದಿರ್‌ಮ ಆ ಖ್ಹಾರು ಬೋಲಿವತಾಳ್ಯೊ.

ಯೋಹಾನ 7:14

ಪೂಜಾ಼ ಖನ್ನೆ-ಖನ್ನೆ ಆಧು ಖತಮ್ ಹುವಾನ ಬಾದ್‌ಮ, ಯೇಸು ಮಂದಿರ್‌ಮ ಜೈ಼ನ್‌ ವಚನ್ ಬೋಲಿ ದೆವಾಲಗ್ಯೊ.

ಯೋಹಾನ 7:26

ಕತೋಬಿ ದೇಖೊ, ಆ ಹೈರೋತೆ ಖ್ಹಾರಾನ ಇಚ಼್‌ಮಾಸ್ ವಾತ್‍ಬೋಲ್‍ತೊ ಛಾ಼ಲ್ಯೊಫಂಡಾಸ್ ತೋಬಿ ಯೊ ಅದ್ಮಿ ಇನ ಶಾತ್ಬಿ ಕರುಕರಕೊಯ್ನಿ. ಅಮ್ಮಸ್ ಕಾಹೇಕಿಶು? ಅಮ್ನಿ ಪರಕ್ಮ ಯೆಹೂದ್ಯರ‍್ನು ಅದಿಕಾರಿಖ್ಹಾರು ಆಸ್ ಖ್ಹಾಚ಼ಮಾಬಿ ಕ್ರಿಸ್ತಸ್ ಕರಿ ಮಾಲುಮ್‌ ಕರಿಲಿದು.

ಯೋಹಾನ 7:28

ಯೇಸು ಮಂದಿರ್‌ಮ ಬೋಲಿ ದೇವ್ ಕರ್ತೊಥೊ. ತದೆ ಯೊ ಊಚಿ ಆವಾಜ಼್‌ಥಿ ಬೋಲ್ಯೊ, “ಯೊ ಕಿಜ್ಜಾಥೊ ಆಯೊಕರಿ ತುಮೂನ ಮಾಲುಮ್‍ಕಿಶು, ಮಾರಿ‍ಶೊಂತ್ ಅದಿಕಾರ್‌ಥಿ ಕೊ ಆಯೋನಿ ಮನ ಮೋಕ್ಲಿರಾಖ್ಯೊತೆ ಖ್ಹಾಚ ಏಕ್‍ಜ಼ಣಾನ ಖ್ಹಣೇದ್ ಕೊ ಧರಾನಿ.”

ಯೋಹಾನ 7:4

ಖಿವು ಏಕ್‍ಜ಼ಣೊ ಅದ್ಮಿಮ ವತಾಳಿಲೇವ್ಣು ಕರಿ ಇಷ್ಟ ಪಡಸ್‍ಕಿ ಯೋ ಇನಕಾಮ್‍ನ ಲಪಾಡಿನ್ ಕರಾಕೊಯ್ನಿ. ಶನಕತೊ ತೂ ಅದ್ಭುತ್ ಕಾಮ್ನ ಕರಾಸ್, ಇನಖ್ಹಾಜೆ, ಆ ಜಗತ್ನ ಖ್ಹಾಮ್ಣೆ ತಾರುತೂಸ್ ವತಾಳಿಲೆ” ಕರಿ ಬೋಲ್ಯು.

ಯೋಹಾನ 8:2

ಯೋ ಪಾಛೊ಼ಫರಿ ಮಂದಿರ್‌ನ ಆಯೊ. ತದೆ ತಮಾಮ್‌ ಅದ್ಮಿ ಐನ್, ಇನ ಅಶ್‌ಪಿಶ್‍ ಭರಾಯು, ಅಜು಼ ಯೇಸು ಬೇಶಿನ್, ಇವ್ಣುನ ಬೋಲಿ ವತಾಳಲಗ್ಯೊ.

ಯೋಹಾನ 8:26

ತುಮಾರಿ ತೀರ್ಪ್‌ನಿ ಬಾರೇಮ ವಾತೆ ಬೋಲಾನು ಮಾರಕನ ಘಣು ಛಾ಼. ಕತೋಬಿ ಮನ ಮೋಕ್‌ಲ್ಯೊತೆ ಯೋ ಖ್ಹಾಚೊ಼ ಹುಯಿರ‍್ಹೋಸ್ ಅಜು಼ ಇನೇಥಿ ಮೇ ಶಾತ್‌ ಖ್ಹಮ್‌ಜ್ಯೋಕಿ ಇನಾಸ್ ಆ ಜಗತ್ನ ಮೇ ಬೋಲುಸ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:26

ಅಗ್ರಿಪ್ಪ ರಾಜ಼ ಆ ವಾತೆಖ್ಹಾರು ಅಛ್ಛಿನಿತರ ಮಾಲುಮ್ ಕರಾಖ್ಯೊಹುಯೊ; ಶನಕತೊ ಇನಖ್ಹಾಮ್ಣೆ ಬರಬ್ಬರ್‌ಥೀಸ್ ವಾತೆ ಬೋಲುಸ್ ಅನಾಮ ಏಕ್‌ಬಿ ಇನ ಲಪಿಛಪಿಕೊರ‍್ಹೂನಿ ಕರಿ ನಂಬಿರಾಖ್ಯೊಸ್, ಶನಕತೊ ಆ ಏಕ್‌ ಕೋಣಾಮ ಚಾ಼ಲ್ಯುತೆ ವಾತೆ ಕಾಹೆ.