ಯೋಹಾನ 17:25 - ದೇವ್ನಿ ಖ್ಹಾಚಿ ವಚನ್

²⁵ ಧರ್ಮಿ ಹುಯಿರ‍್ಹೋತೆ ಬಾ! ಆ ಜಗತ್‌ ತುನ ಮಾಲುಮ್‌ ಕರಿರಾಖ್ಯುಕೊಯ್ನಿ, ಕತೋಬಿ ಮೇ ತುನ ಮಾಲುಮ್‌ ಕರಿರಾಖ್ಯೋಸ್, ಅಜು಼ ತುನೆ ಮನಮೋಕ್ಲಿರಾಖ್ಯೋಸ್‌ ಕರಿ ಅವ್ಣೆ ಮಾಲುಮ್‌ ಕರಿರಾಖೂಸ್.

ಯೋಹಾನ 17:25 ပူးပေါင်းရင်းမြစ်များ

ಮತ್ತಾಯ 11:27

“ಮಾರೊ ಬಾ ಮನ ಖ್ಹಾರುಸ್‌ ಮಾರ ಹಾತ್ಮ ದೀರಾಖ್ಯೊಸ್. ಬಾನ ಮ್ಹೆಂದಿನ್ ಕೋಣ್‌ಬಿ ಛಿಯ್ಯಾನ ಮಾಲುಮ್‌ ಕರಿರಾಖ್ಯುಕೊಯ್ನಿ, ಅಜು಼ ಛಿಯ್ಯಾನ ಮ್ಹೆಂದಿನ್ ಕೋಣ್‌ಬಿ ಬಾನ ಮಾಲುಮ್‌ ಕರಿರಾಖ್ಯುಕೊಯ್ನಿ ಅಜು಼ ಛಿಯ್ಯೊ ಬಾನ ಕಿನ ವತಾಳ್ಣುಕರಿ ಆಖ್ಹ್‌ಕರಾಸ್ಕಿ, ಇವ್ಣೆ ಬಾನ ಮಾಲುಮ್‌ ಕರಿಲಿಶೆ.

ಮತ್ತಾಯ 16:16

ತದೆ ಸೀಮೋನ ಪೇತ್ರನೆ, “ತೂ ಆವ್ಣುತೆ ಕ್ರಿಸ್ತ, ಜಿವ್ತೊ ದೇವ್‌ನೊ ಛಿಯ್ಯೊ” ಕರಿ ಜ಼ವಾಬ್ ದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:22

ಮಾರೊ ಬಾ ಮನ ಖ್ಹಾರುಸ್‌ ಮಾರ ಹಾತ್ಮ ದೀರಾಖ್ಯೊಸ್, ಛಿಯ್ಯೊ ಕೋಣ್ ಕರಿ ಬಾನಸ್ ಮಾಲುಮ್ ಪಣ್ಕಿ ಬಿಜಾ಼ನ ಕಾಹೆ. ಬಾ ಕೋಣ್ ಕರಿ ಛಿಯ್ಯೋಸ್ ಪಣ್ಕಿ ಬಿಜು಼ ಕೋಣ್‌ಬಿ ಮಾಲುಮ್ ಕೋಕರಿರಾಖ್ಯೂನಿ. ಅಜು಼ ಛಿಯ್ಯೊ, ಕಿನ ಬಾನಿ ಬಾರೇಮ ಮಾಲುಮ್ ಕರಾವಸ್ಕಿ, ಇವ್ಣೆಸ್ ಬಾನ ಮಾಲುಮ್‌ ಕರಿಲ್ಯವಾಳು ಹುಯಿರ‍್ಹೂಸ್”.

ಯೋಹಾನ 1:18

ದೇವ್ನ ಕೋಣ್‌ಬಿ ಕದೇಬಿ ಕೊ ದೇಖ್ಯುನಿ, ಕತೋಬಿ ಏಕ್‍ನೊ ಏಕ್‌ ಛಿಯ್ಯೊ, ಯೊ ದೇವ್ನಿಘೋಣಿ ಛಾ಼. ಅಜು಼ ಬಾನಿ ಜೋ಼ಡ್ಮಾಸ್ ಛಾ಼ ಇನೇಸ್‌ ಅಪ್ಣುನ ಯೊ ಕೋಣ್ ಕರಿ ವತಾಳಿರಾಖ್ಯೊಸ್.

ಯೋಹಾನ 15:21

ಕತೋಬಿ ಇವ್ಣೆ ಮನ ಮೋಕ್ಲಿರಾಖ್ಯೊತೆ ಇನ ಮಾಲುಮ್ ಕರ‍್ಯುಕೊಂತೆ ಇನಖ್ಹಾಜೆ ಆ ಖ್ಹಾರುಮಾರ ನಾಮ್‍ಥಿ ತುಮೂನ ಕರ್ಶೆ.

ಯೋಹಾನ 16:27

ತುಮೆ ಮನ ಪ್ಯಾರ್‌ಕರೀನ್ ಮೇ ಬಾಕಂಥೊ ಆಯೋಕರಿ ವಿಶ್ವಾಸ್‌ ಕರ‍್ಯಾತೆ ಇನಖ್ಹಾಜೆ ಬಾಸ್ ತುಮೂನ ಪ್ಯಾರ್‌ಕರಾಸ್‌.

ಯೋಹಾನ 16:3

ಅದ್ಮಿಖ್ಹಾರು ಬಾನ ರ‍್ಹವೊ, ಮನ ರ‍್ಹವೊ ಮಾಲುಮ್‌ ಕರಿರಾಖ್ಯುಕೊಯ್ನಿತೆ ಇನಖ್ಹಾಜೆ, ತುಮೂನ ಅಮ್ ಖ್ಹಾರು ಕರ್ಶೆ.

ಯೋಹಾನ 16:30

ತುನ ಖ್ಹಾರುಸ್‌ ವಾತೆ ಮಾಲುಮ್‌ ಕರಿ,ಹಮೂನ ಮಾಲುಮ್. ಅಜು಼ ತುನ ಕೋಣ್‌ಬಿ ಪುಛಾ಼ವಾನಿ ಜ಼ರೂರತ್ ಕೊಯ್ನಿ ಅನೇಥಿ ತೂ ದೇವ್‌ಕಂಥೊ ಆಯೊಹುಯೊ ಕರಿ ಹಮೆ ವಿಶ್ವಾಸ್ ಕರಿಯೇಸ್” ಕರಿ ಬೋಲ್ಯ.

ಯೋಹಾನ 17:11

ಅನಪಾರ್ ಮೇ ಜಗತ್‌ಮ ಕೋರ‍್ಹಿಶ್‍ನಿ. ಇವ್ಣೆತೋಬಿ ಜಗತ್‌ಮ ರ‍್ಹಿಶೆ. ಮೇ ತಾರಾಕನ ಆವ್‌ಸ್. ಪರಿಶುದ್ ಹುಯಿರೋತೆ ಬಾ, ಅಪ್ಣೆ ಏಕ್‍ಹುಯಿರಾತೆ ತಿಮ್ ಅವ್ಣೇಬಿ ಏಕ್‍ಹುಯಿರ‍್ಯವಾದೆಕರಿ, ತುನೆ ಮನ ದಿದೊತೆ ತಾರ ನಾಮ್‍ಥಿ ಇವ್ಣುನ ಜ಼ತನ್ ರಾಕ್.

ಯೋಹಾನ 17:18

ತುನೆ ಮನ ಆ ಜಗತ್‌ಮ ಮೋಕ್‌ಲ್ಯೊತೆ ಇಮ್ಮಸ್, ಮೇಬಿ ಅವ್ಣುನ ಆ ಜಗತ್‌ಮ ಮೋಕ್ಲಿರಾಖ್ಯೊಸ್.

ಯೋಹಾನ 17:21

ಬಾ ತುನೆ ಮನ ಮೋಕ್‌ಲ್ಯೊತೆ ಆ ಜಗತ್‌ ನಂಬಾನಖ್ಹಾಜೆ, ತೂ ಮಾರಾಮ ಅಜು಼ ಮೇ ತಾರಾಮ ಛೂ಼ತೆ ಇಮ್ಮಸ್ ಅವ್ಣೇಬಿ ಅಪ್ಣಾಮ ರ‍್ಹೇವ್ಣುಕರಿ ಇವ್ಣೆಖ್ಹಾರು ಏಕ್‌ ಹುಯಿರ‍್ಹೇಣು ಕರಿ, ಮೇ ಪ್ರಾರ್ಥನೆ ಕರುಸ್.

ಯೋಹಾನ 17:23

ಮೇ ಇವ್ಣಾಮ ರ‍್ಹೀಶ್ ಅಜು಼ ತೂ ಮಾರಾಮ ರ‍್ಹೀಶ್ ಅನೇಥಿ ಇವ್ಣೆ ಅಮ್ಮಸ್ ಭರ್‌ಪೂರ್‌ಥಿ ಏಕ್‌ ಹುಯಿರ‍್ಹಿಶೆ, ತದೆ ತುನೇಸ್ ಮನ ಮೋಕ್ಯಲ್ಯೋತೆ ಕರಿ ಅಜು಼ ತುನೆ ಮನ ಪ್ಯಾರ್ ಕರ‍್ಯೊತೆ ಇಮ್ಮಸ್, ಅವ್ಣುನಾಬಿ ಪ್ಯಾರ್ ಕರಿರಾಖ್ಯೋಸ್ ಕರಿ ಆ ಜಗತ್ನ ತದೆ ಮಾಲುಮ್‌ ಪಡ್‌ಶೆ.

ಯೋಹಾನ 17:3

ಎಕ್ಕಸ್ ಖ್ಹಾಚೊ಼ ದೇವ್ ಹುಯಿರ‍್ಹೋತೆ ತುನಾಬಿ, ತುನೆ ಮೋಕ್‌ಲ್ಯೊತೆ ಯೇಸು ಕ್ರಿಸ್ತನ ಮಾಲುಮ್‌ ಕರಿ ಲೆವಾನೂಸ್‌ ಹರ್‌ಹಮೇಶಾನಿ ಜಿ಼ಂದ್‌ಗಿ.

ಯೋಹಾನ 17:8

ತುನೆ ಮನ ದಿದೋತೆ ವಾತೆನ ಮೇ ಇವ್ಣುನ ದೀರಾಖ್ಯೊಸ್; ಅವ್ಣೆ ಯೋ ವಾತೇನ ಮಾನಿಲಿದು ಅಜು಼ ಖ್ಹಾಚ಼ಮಾಬಿ ಮೇ ತಾರಕಂಥೊ ಐರ‍್ಹೋಸ್ ಕರಿ ಮಾಲುಮ್ ಕರ‍್ಯು ಅಜು಼ ತುನೆ ಮನ ಮೋಕ್‌ಲ್ಯೊ ಕರಿ ವಿಶ್ವಾಸ್‌ ಕರಸ್.

ಯೋಹಾನ 3:17

ದೇವ್ನೆ ಇನ ಛಿಯ್ಯಾನ ಮೋಕ್‌ಲ್ಯೊತೆ ಆ ಜಗತ್ನ ಅದ್ಮಿನ ರಕ್ಷಣೆ ಹೋಣುಕರಿ ಮೋಕ್‌ಲ್ಯೊತೆ ಪಣ್ಕಿ, ತೀರ್ಪ್‌ ಕರಾನಖ್ಹಾಜೆ ಕಾಹೆ.

ಯೋಹಾನ 6:19

ಇವ್ಣೆ ಡೋಣ್ಣಾ ಹುಟ್ ಘಾಲಿನ್ ಚ಼ಲಾವ್ತಹುಯಿನ್, ತೀನ್‌ಕಿ-ಚಾರ್ ಮೈಲ್ ಜೈ಼ನ್‌ ಪೋಚಾ಼ನ ಬಾದ್‌ಮ ಯೇಸು ಪಾಣಿಪರ್‌ ಚಾ಼ಲ್ತೊಹುಯಿನ್‌ ಡೋಣ್ಣಾ ಖನ್ನೆ ವಳ್ಯಾವಾತೆ ದೇಖಿನ್‌, ಇವ್ಣೆ ಡರಿಗಯಾ.

ಯೋಹಾನ 7:29

ಕತೊ ಮನ ಯೋ ಮಾಲುಮ್‌, ಶನಕತೊ ಮೇ ಇನಾಕಂಥು ಆಯೊ ಅಜು಼ ಇನೇಸ್‌ ಮನ ಮೋಕ್ಲಿರಾಖ್ಯೊಸ್” ಕರಿ ಬೋಲ್ಯೊ.

ಯೋಹಾನ 8:19

ತದೆ ಇವ್ಣೆ, “ತಾರೊ ಬಾ ಕಿಜ್ಗಾ಼ ಛಾ಼?” ಕರಿ ಪುಛಾ಼ಯು. ಯೇಸುನೆ, “ತುಮೂನ ಮೇ ರ‍್ಹವೊ, ಮಾರೊ ಬಾ ರ‍್ಹವೊ ಮಾಲುಮ್‌ ಕೊಯ್ನಿ. ತುಮೆ ಮನ ಮಾಲುಮ್‌ ಕರ‍್ಯಾಹೋತ್ತೊ, ಮಾರ ಬಾನಾಬಿ ಮಾಲುಮ್‌ ಕರಿಲಿದಾಹೋತ್‌” ಕರಿ ಜ಼ವಾಬ್ ದಿದೊ.

ಯೋಹಾನ 8:55

ತೋಬಿ ತುಮೆ ಇನ ಪರ್ಖಿರಾಖ್ಯಕೊಯ್ನಿ, ಕತೋಬಿ ಮನ ಯೋ ಮಾಲುಮ್‌. ಯೋ ಮನ ಮಾಲುಮ್‌ಕೊಯ್ನಿ ಕರಿ ಮೇ ಬೋಲ್ಯೊತೊ, ಮೇಬಿ ತುಮಾರಿನಿತರ ಝೂ಼ಟೊ ಹುಯಿಜೈ಼ಶ್‌. ಕತೋಬಿ ಮನ ಯೋ ಮಾಲುಮ್‌, ಅಜು಼ ಮೇ ಇನಿ ವಾತೆನಿಘೋಣಿ ಚಾ಼ಲುಸ್‌.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:23

ಮೆ ತುಮಾರ ಖ್ಹಯೇರ್‌ಮ ಚಾ಼ಲಿನ್ ವೇಳ್ಮ ತುಮೆ ಪೂಜ಼ಕರಾತೆ ದೇವ್ತಿನು ಮೂರತ್ನ ದೇಖಾನಿವಖ್ಹ್‌ತೆ ಏಕ್‌ ಚಾ಼ಚ಼ರ್‌ಪರ್ ‘ಮಾಲುಮ್‌ಕೊಂತೆ ದೇವ್ನ ಕರಿ ಲೀಖೈರ‍್ಹೂಥು. ಇನಖ್ಹಾಜೆ ತುಮೆ ಖೆವಾನ ಮಾಲುಮ್‌ಕೊಂತೆ ಪೂಜ಼ಕರಸ್ಕಿ ಇನಾಸ್ ತುಮೂನ ಮಾಲುಮ್‌ ಕರಾವುಸ್ ಖ್ಹಮ್‍ಜೊ಼” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:18

ತೂ ಇವ್ಣ ಖ್ಹಾರಾನ ಖ್ಹಾಚ಼ನ ಖ್ಹಮ್‌ಜಾ಼ಡಿನ್ ಇವ್ಣುನ ಅಂಧಾರಮ ಥೂತೆ ಇವ್ಣಡೋಳನ ಉಜಾ಼ಳಾಮ ಆವಾನಿತರಾಬಿ ಶೈತಾನ್‍ನಿ ಅದಿಕಾರ್‌ಥಿ ದೇವ್‌ಭಣಿ ಫರಾನಿತರಾಬಿ ಕರ‍್ನು. ತದೆ ಇವ್ಣು ಪಾಪ್‌ಖ್ಹಾರು ಮಾಪ್‌ಉಷೆ. ಪರಿಶುದ್ಧರ್‌ನಿ ಜೋ಼ಡ್ಮ ಹುಕುಮ್‌ ಲೀಲಿಶೆ. ಇವ್ಣ ಡೋಳ ಉಖಡ್‌ನುಕರಿ ಇವ್ಣಕನ ಮೇ ತುನ ಮೋಕ್ಲುಸ್‌ ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:28

ಶನಖ್ಹಾಜೆಕತೊ ಯೊ ಅದ್ಮಿಖ್ಹಾರು ದೇವ್ನಿ ಗ್ಯಾನ್ನ ಝಿಟ್ಕಾರ‍್ಯುತೆ ಇನಖ್ಹಾಜೆ ಇವ್ಣುನ ಪಾಪ್ನುಕಾಮ್‍ ಕರಾನ ಮ್ಹೆಲಿದಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:11

ಅಕ್ಲಿ ಏಕ್‍ ಜ಼ಣೂಬಿ ಕೊಯ್ನಿ. ದೇವ್ನ ಢೂಂಡಾವಾಳೊ ಏಕ್‌ಬಿ ಕೊಯ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:26

ಅಮ್ನಿಪರಕ್ಮ ದೇವ್ ಮೇ ನೀತಿವಾಳೊಕರಿ ವತಾಳಿಲೇಸ್.ಅಜು಼ ಯೋ ಯೇಸುನ ವಿಶ್ವಾಸ್‍ಕರಾವಾಳ ಹರೇಕ್ನ ನೀತಿವಾಳಕರಿ ಬಣಾವಸ್.

1 ಕೊರಿಂಥ 1:21

ಹೈರೂತೆ ದೇವ್ನಿ ಗ್ಯಾನ್ನಿ ಖ್ಹೂಜ಼್ ಹುಯಿರ‍್ಹುಥು. ಜಗತ್‌ ಇನಿ ಶೊಂತ್ ಗ್ಯಾನ್‌ಥಿ ದೇವ್ನ ಖ್ಹಮ್‍ಜಿರಾಖ್ಯುಥು ಕೊಯ್ನಿ. ಇನಖ್ಹಾಜೆ ಘೈಲಾನಿತರ ದೆಖಾವತೆ ಬೋಧನ್‍ಥಿ ವಿಶ್ವಾಸ್ ಕರವಾಳನಿ ರಕ್ಷಣೆ ಕರಾನು ದೇವ್ನ ಅಛ್ಛು಼ಕರಿ ದೆಖಾಯು.

1 ಕೊರಿಂಥ 15:34

ನೀತಿನಖ್ಹಾಜೆ ಹೊಷಾರಿ ಹುವೊ, ಪಾಪ್ನ ನಕೊಕರೊ. ಥೋಡಜ಼ಣಾನ ದೇವ್ನಿ ಬಾರೇಮ ಮಾಲುಮ್ಮಸ್‍ಕೊಯ್ನಿ. ತುಮೂನ ಖ್ಹರಮ್‌ ಲಾಗಾದೆಕರಿ ಮೇ ಆ ವಾತ್ ಬೋಲುಕರುಸ್.

2 ಕೊರಿಂಥ 4:4

ದೇವ್‌ನೊ ರೂಪ್ ಹುಯಿರೋತೆ ಕ್ರಿಸ್ತನಿ ಉಜಾ಼ಖ್ಹ್‌ನ ವತಾಳನು ಮಹಿಮೆನಿ ಸುವಾರ್ತೆ ಅವ್ಣಾಮ ಉಜಾ಼ಖ್ಹ್‌ ನಾಹೊಣುಕರಿ, ಆ ಜಗತ್‌ನು ದೇವ್‌ ವಿಶ್ವಾಸ್‌ಕೊಂತೆ ಇವ್ಣ ದಿಲ್ನ ಕಾಣು ಕರಿನಾಖ್ಯು.

2 ಥೆಸ 1:8

ಯೊ ಆಗ್‍ನಿ ಝ಼ಲ್‌ಪಟ್‌ ಜೋ಼ಡ್ಮ ಕೋಣ್ ದೇವ್ನ ಠೊಕ್ರಾವಸ್ಕಿ ಅಜು಼ ಯೇಸು ಪ್ರಭುನಿ ಬಾರೇನಿ ಸುವಾರ್ತೆನ ಮಾನ್ಯುಕೊಯ್ನಿಕಿ ಇವ್ಣುನ ನಿಶತ್‌ ದ್ಯವಾನ ಆವ್‌ಶೆ.

ಇಬ್ರಿ 8:11

ಆನಾಹುಯಿನ್ ಹರೇಕ್‍ಜ಼ಣು ಇನ ಭೀಡೆವಾಳನಬಿ ಇನ ಭೈನಾಬಿ, ‘ಪ್ರಭುನ ಮಾಲುಮ್ ಕರ‍್ಲೆವೊಕರಿ ಬೋಧನೆ ಕರ್ನುಕೊಯ್ನಿ. ಶನಕತೊ ಕೀಳ್‌ಥಿಬಿ ಧರೀನ್ ಊಚ಼ ಹುಯಿರ‍್ಹವಾಳು ಖ್ಹಾರೂಸ್ ಮನ ಮಾಲುಮ್‌ಕರ‍್ಲಿಶೆ.

1 ಯೋಹಾನ 1:9

ಕತೋಬಿ ಅಪ್ಣೆ ಅಪ್ಣ ಪಾಪ್ನ ಮಾನೀನ್ ಬೋಲಿಲಿದತೊ ತದೆ ವಿಶ್ವಾಸ್‍ವಾಳೊಬಿ ನೀತಿವಾಳೊಬಿ ಹುಯಿರ‍್ಹೋತೆ ದೇವ್ ಅಪ್ಣಪಾಪ್ನ ಕ್ಷಮಾಪಣ್ ಕರಿನ್ ಅಖ್ಖಿ ನೀಚ್‌ಕಾಮ್‍ಥಿ ಅಪ್ಣುನ ಪಾಕ್‍ಕರಶೆ.

ಪ್ರಕಾಶಿತ್ 13:8

ಜಗತ್‌ ಉಬ್‌ಜಾ಼ನ ಪಹಿಲೆಸ್ ರ‍್ಹೇಖ್ಹಾಯೊತೆ ಮೇಂಢಾನ ಚೆಲ್ಕು ಹುಯಿರ‍್ಹವಾಳನ ಛಾ಼ತೆ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುಕಿನು ನಾಮ್‌ಖ್ಹಾರು ಲೀಖೈರ‍್ಹುಕೊಯ್ನಿಕಿ ಜ಼ಮೀನ್ನು ಯೊ ಅದ್ಮಿಖ್ಹಾರೂಸ್ ಯೊ ಭಯಂಕರ್ ಜಾನ್ವರ್‌ನ ಆರಾದನೆ ಕರ್ಶೆ.

ಪ್ರಕಾಶಿತ್ 16:5

ಇನಪಾರ್ ಪಾಣಿನ ಅಧಿಕಾರ‍್ನ ದೂತನೆ ಅಮ್ ಬೋಲ್ಯೋಕಿ, “ತೂಸ್ ಕೆದೇಬಿ ರ‍್ಹವವಾಳೊಬಿ, ಥೋತೆ ಪರಿಶುದ್ ದೇವ್. ಶನಕತೊ ತೂ ದೆವ್‌ಕರಾಸ್ತೆ ತೀರ್ಪ್ ಅಖ್ಖು ನ್ಯಾವ್‌ನು ಹುಯಿರ‍್ಹುಸ್.