ಯೋಹಾನ 17:23 - ದೇವ್ನಿ ಖ್ಹಾಚಿ ವಚನ್

²³ ಮೇ ಇವ್ಣಾಮ ರ‍್ಹೀಶ್ ಅಜು಼ ತೂ ಮಾರಾಮ ರ‍್ಹೀಶ್ ಅನೇಥಿ ಇವ್ಣೆ ಅಮ್ಮಸ್ ಭರ್‌ಪೂರ್‌ಥಿ ಏಕ್‌ ಹುಯಿರ‍್ಹಿಶೆ, ತದೆ ತುನೇಸ್ ಮನ ಮೋಕ್ಯಲ್ಯೋತೆ ಕರಿ ಅಜು಼ ತುನೆ ಮನ ಪ್ಯಾರ್ ಕರ‍್ಯೊತೆ ಇಮ್ಮಸ್, ಅವ್ಣುನಾಬಿ ಪ್ಯಾರ್ ಕರಿರಾಖ್ಯೋಸ್ ಕರಿ ಆ ಜಗತ್ನ ತದೆ ಮಾಲುಮ್‌ ಪಡ್‌ಶೆ.

ಯೋಹಾನ 17:23 ပူးပေါင်းရင်းမြစ်များ

ಯೋಹಾನ 10:38

ಕತೋಬಿ “ಮೇ ಅಮ್ ಕರ‍್ಯೊತೆ ಇನಖ್ಹಾಜೆ ಮನ ತುಮೆ ವಿಶ್ವಾಸ್‌ ಕೊ ಕರಾನಿ, ಆ ಕಾಮ್ನ ದೇಖಿನ್‌ ತೋಬಿ ನಂಬೊ. ತದೆ ಮಾರ ಮಹಿ ಬಾ ಛಾ಼ ಕರೀಬಿ, ಅಜು಼ ಬಾನ ಮಹಿ ಮೇ ಛೂ಼ ಕರೀಬಿ ತುಮೆ ಮಾಲುಮ್‌ ಕರಿಲಿಶು” ಕರಿ ಬೋಲ್ಯೊ.

ಯೋಹಾನ 13:35

ತುಮೆ ಏಕ್‌ಥಿ-ಏಕ್‌ ಪ್ಯಾರ್ ಕರ‍್ಯಾತೊ, ತದೆ ತುಮೆ ಹರೇಕ್ ಜ಼ಣು ಮಾರ ಶಿಷ್ಯರ್‌ ಕರಿ ಮಾಲುಮ್‌ ಉಷೆ” ಕರಿ ಬೋಲ್ಯೊ.

ಯೋಹಾನ 14:10

“ಮೇ ಬಾಮ ಛೂ಼, ಅಜು಼ ಬಾ ಮಾರಾಮ ಛಾ಼ ಕರಿ ತೂ ನಂಬಾಕೊಯ್ನಿಕಿ ಶು? ಮೇ ತುಮೂನ ಬೋಲುಸ್ತೆ ವಾತೆ, ಮಾರೇಥಿ ಮೇಸ್ ಬೋಲ್ಯೋತೆ ಕಾಹೆ; ಬಾ ಮಾರ ಮಹಿ ರ‍್ಹೀನ್, ಜಿವ್ಣುಕರೀನ್ ಇನು ಕಾಮ್ನ ಕರಾಸ್.

ಯೋಹಾನ 14:23

ಯೇಸುನೆ ಇನ, “ಕೋಣ್ ಮನ ಪ್ಯಾರ್ ಕರಾಸ್ಕಿ, ಇವ್ಣೆ ಮಾರಿ ವಾತೇನ ಪಾಡಿ ಚಾ಼ಲ್‌ಷೆ. ಮಾರೊ ಬಾ ಇನ ಪ್ಯಾರ್ ಕರ್ಶೆ, ಅಜು಼ ಮಾರೊ ಬಾಬಿ ಮೇ ಭೇಜ಼ಣ ಇನಾಕನ ಐನ್, ಇನಜೋ಼ಡೆ ಜಿವ್‌ಶು.

ಯೋಹಾನ 15:9

ಬಾನೆ ಮನ ಕಿಮ್ ಪ್ಯಾರ್ ಕರ‍್ಯೋಕಿ ಇಮ್ಮಸ್, ಮೇ ತುಮೂನ ಪ್ಯಾರ್ ಕರುಸ್; ತುಮೆ ಮಾರಿ ಲಾಡ್ಮ ಮಳಿರ‍್ಹವೊ.

ಯೋಹಾನ 16:27

ತುಮೆ ಮನ ಪ್ಯಾರ್‌ಕರೀನ್ ಮೇ ಬಾಕಂಥೊ ಆಯೋಕರಿ ವಿಶ್ವಾಸ್‌ ಕರ‍್ಯಾತೆ ಇನಖ್ಹಾಜೆ ಬಾಸ್ ತುಮೂನ ಪ್ಯಾರ್‌ಕರಾಸ್‌.

ಯೋಹಾನ 17:11

ಅನಪಾರ್ ಮೇ ಜಗತ್‌ಮ ಕೋರ‍್ಹಿಶ್‍ನಿ. ಇವ್ಣೆತೋಬಿ ಜಗತ್‌ಮ ರ‍್ಹಿಶೆ. ಮೇ ತಾರಾಕನ ಆವ್‌ಸ್. ಪರಿಶುದ್ ಹುಯಿರೋತೆ ಬಾ, ಅಪ್ಣೆ ಏಕ್‍ಹುಯಿರಾತೆ ತಿಮ್ ಅವ್ಣೇಬಿ ಏಕ್‍ಹುಯಿರ‍್ಯವಾದೆಕರಿ, ತುನೆ ಮನ ದಿದೊತೆ ತಾರ ನಾಮ್‍ಥಿ ಇವ್ಣುನ ಜ಼ತನ್ ರಾಕ್.

ಯೋಹಾನ 17:21

ಬಾ ತುನೆ ಮನ ಮೋಕ್‌ಲ್ಯೊತೆ ಆ ಜಗತ್‌ ನಂಬಾನಖ್ಹಾಜೆ, ತೂ ಮಾರಾಮ ಅಜು಼ ಮೇ ತಾರಾಮ ಛೂ಼ತೆ ಇಮ್ಮಸ್ ಅವ್ಣೇಬಿ ಅಪ್ಣಾಮ ರ‍್ಹೇವ್ಣುಕರಿ ಇವ್ಣೆಖ್ಹಾರು ಏಕ್‌ ಹುಯಿರ‍್ಹೇಣು ಕರಿ, ಮೇ ಪ್ರಾರ್ಥನೆ ಕರುಸ್.

ಯೋಹಾನ 17:24

“ಬಾ! ತುನೆ ಅವ್ಣುನ ಮನ ದಿದೊ, ಅಜು಼ ಮೇ ಕಿಜ್ಗಾ಼ ರ‍್ಹವುಸ್‍ಕಿ ಹಿಜ್ಜಾ಼ಸ್ ಅವ್ಣೇಬಿ ರ‍್ಹೇವ್ಣುಕರಿ ಅಜು಼ ಆ ಜಗತ್ನ ಉಬ್ಜಾ಼ನ ಅಗಾಡಿಸ್, ತುನೆ ಮನ ಪ್ಯಾರ್ ಕರೀನ್, ಮನ ದಿದೋತೆ ಮಹಿಮೆನ ಅವ್ಣೆ ದೇಕ್ಣು ಕರಿ ಮೇ ಆಖ್ಹ್ ಕರುಸ್.

ಯೋಹಾನ 17:26

ಮೇ ಅವ್ಣುನ ತಾರ ನಾಮ್ನ ಮಾಲುಮ್ ಕರೈರಾಖ್ಯೋಸ್, ಬಿಜೂ಼ಬಿ ಇನ ಮಾಲುಮ್‌ ಕರವ್‌ಸ್ ಕರೀಶ್, ತುನೆ ಮಾರಪರ್ ಖಿವಿ ಪ್ಯಾರ್ ವತಾಳ್ಯೊಕಿ ಮೇಬಿ ಇವ್ಣಾಮ ರ‍್ಹೇವ್ಣುಕರಿ ಪ್ರಾರ್ಥನೆ ಕರುಸ್” ಕರಿ ಬೋಲ್ಯೊ.

ಯೋಹಾನ 17:3

ಎಕ್ಕಸ್ ಖ್ಹಾಚೊ಼ ದೇವ್ ಹುಯಿರ‍್ಹೋತೆ ತುನಾಬಿ, ತುನೆ ಮೋಕ್‌ಲ್ಯೊತೆ ಯೇಸು ಕ್ರಿಸ್ತನ ಮಾಲುಮ್‌ ಕರಿ ಲೆವಾನೂಸ್‌ ಹರ್‌ಹಮೇಶಾನಿ ಜಿ಼ಂದ್‌ಗಿ.

ಯೋಹಾನ 17:8

ತುನೆ ಮನ ದಿದೋತೆ ವಾತೆನ ಮೇ ಇವ್ಣುನ ದೀರಾಖ್ಯೊಸ್; ಅವ್ಣೆ ಯೋ ವಾತೇನ ಮಾನಿಲಿದು ಅಜು಼ ಖ್ಹಾಚ಼ಮಾಬಿ ಮೇ ತಾರಕಂಥೊ ಐರ‍್ಹೋಸ್ ಕರಿ ಮಾಲುಮ್ ಕರ‍್ಯು ಅಜು಼ ತುನೆ ಮನ ಮೋಕ್‌ಲ್ಯೊ ಕರಿ ವಿಶ್ವಾಸ್‌ ಕರಸ್.

ಯೋಹಾನ 3:17

ದೇವ್ನೆ ಇನ ಛಿಯ್ಯಾನ ಮೋಕ್‌ಲ್ಯೊತೆ ಆ ಜಗತ್ನ ಅದ್ಮಿನ ರಕ್ಷಣೆ ಹೋಣುಕರಿ ಮೋಕ್‌ಲ್ಯೊತೆ ಪಣ್ಕಿ, ತೀರ್ಪ್‌ ಕರಾನಖ್ಹಾಜೆ ಕಾಹೆ.

ಯೋಹಾನ 6:56

ಮಾರಿ ಬೋಟಿನ ಖೈನ್, ಮಾರೂ ಲ್ಹೋಯಿನ ಪಿಯ್ಯಾವಾಳು ಯೊ ಮಾರಾಮ ರ‍್ಹೇಸ್‌, ಅಜು಼ ಮೇ ಇವ್ಣಾಮ ಜಿವಿರ‍್ಹೀಶ್‌.

1 ಕೊರಿಂಥ 1:30

ತುಮೂನ ಕ್ರಿಸ್ತಯೇಸುಮ ಏಕ್‌ಭಾಗ್ ಕರಿ ಬಣಾಯೋತೆ ದೇವ್ನೇಸ್. ಕ್ರಿಸ್ತ ಅಪ್ಣಖ್ಹಾಜೆ ದೇವ್‌ಕಂಥು ಆಯೋತೆ ಗ್ಯಾನಿ ಹುಯಿರೊಸ್. ಅಪ್ಣೆ ನೀತಿವಾಳ ಹುಯಿರ‍್ಹವಾನ, ಅಪ್ಣೆ ಅಖ್ಖು ಪವಿತ್ರಹುಯಿರ‍್ಹಾಸ್.

2 ಕೊರಿಂಥ 5:21

ಕ್ರಿಸ್ತಮ ಪಾಪಸ್ ಕೋಥೂನಿ. ಕತೋಬಿ ಹಮೆ ದೇವ್ನ ಸಮರ್ಪಣೆನಿ ಪರಕ್ಮ ನೀತಿಸ್ವರೂಪಿ ಹುಯಿರ‍್ಹಾವನಿತರ ದೇವ್ ಇನ ಪಾಪ ಸ್ವರೂಪಿಕರಿ ಬಣಾಯೊ.

ಗಲಾತ್ಯ 3:28

ತುಮೆ ಅಖ್ಖುಜ಼ಣು ಕ್ರಿಸ್ತ ಯೇಸುಮ ಎಕ್ಕಸ್ ಹುಯಿರ‍್ಹಾಸ್ತೆಖ್ಹಾಜೆ ಮೆ ಯೆಹೂದ್ಯರ್‌ವಾಳೊ ನತರ್ ಯೆಹೂದ್ಯಕಾಹೇತೆ ಕರಿ ರ‍್ಹವೊ, ಛುಟ್ಕಾರ್‌ವಾಳ ನತರ್ ದಾಸರ್‌ ಕರಿ ರ‍್ಹವೊ, ಪರ್ಖ್ಹೊ ಅಜು಼ ತಯೇಡ ಕರಿ ರ‍್ಹವೊ ಫರಕ್ ಕೊಯ್ನಿ.

ಫಿಲಿಪ್ಪಿ 3:15

ಅಪ್ಣಾಮ ಪುರ್ಗುಲ್ ಹುಯಿರ‍್ಹವಾಳ ಖ್ಹಾರಸ್ ಜ಼ಣ ಆ ಬಾರೇಮ ಪೂರ ಹುಯಿರ‍್ಹೇವ್ಣು. ಅಜು಼ ಖಿವುತೋಬಿ ಏಕ್‌ ವಾತೆವ್ಮ ತುಮೆ ಅಲಕ್ ಸೋಚ್‌ವಾಳ ಹುಯಿರ‍್ಹಾತೊ ಇನ ದೇವ್ ತುಮುನ ವತಾಳಿ ದಿಶೆ.

ಕೊಲೊಸ್ಸೆ 1:28

ಕ್ರಿಸ್ತ ಯೇಸುಮ ಹರೇಕ್‌ಜ಼ಣಾನಬಿ ಝೇತಾವ್‌ತಹುಯಿನ್ ಖ್ಹಾರೀಸ್‍ ಅಕ್ಕಲ್‌ಮ ಹರೇಕ್‌ಜ಼ಣಾನಬಿ ಬೋಧನೆ ಕರ್ತೊಹುಯಿನ್ ಪೂರ ಗ್ಯಾನ್ ದೀನ್ ದೇವ್ನ ಖ್ಹಾಮ್ಣೆ ಚಾ಼ತುರ್ ಕರೀನ್ ಭೀರಾಖನಖ್ಹಾಜೆ ಕೋಶಿಶ್ ಕರುಕರೆಸ್.

ಕೊಲೊಸ್ಸೆ 2:2

ಕಿಮ್‌ಕತೊ ಇವ್ಣ ದಿಲ್ನ ಪ್ಯಾರ್‌ಥಿ ಲೀರಾಖಿನ್ ಹುಮ್ಮಖ್ಹ್‌ಹುಯಿನ್ ಮಳ್‌ಣುಕರಿ ಛಾ಼ತೆ ಪೂರ ಅಕ್ಕಲ್‍ಥಿ ಬಾ ದೇವ್ನ ಮಾಯ್ನನ ಕತೊ ಕ್ರಿಸ್ತನ ಮಾಲುಮ್‌ ಕರಿಲ್ಯವಾಥಿಸ್ ಹುಯಿರ‍್ಹುಸ್.

ಕೊಲೊಸ್ಸೆ 3:14

ಅಜು಼ ಭರ್‌ಪೂರ್‌ಮ ಅಖ್ಖುಜ಼ಣು ಒಗ್ಗಟ್‍ಥಿ ಭಂದೈರ‍್ಹೀನ್ ಪ್ಯಾರ್‌ಮ ಭರೈರ‍್ಹೆವೊ.

1 ಪೇತ್ರ 5:10

ಕ್ರಿಸ್ತ ಯೇಸುಮ ತುಮುನ ಹಮೇಶಾನಿ ಮಹಿಮೆನ ಬುಲಾಯೋತೆ ಭರ್‌ಪೂರ್‌ ವಾರ್‌ಖ್ಹಾನೊ ದೇವಸ್, ತುಮೆ ಥೋಡುವಖ್ಹತ್ ಖ್ಹತಾನ ಬಾದ್ಮ ತುಮುನ ಅಛ್ಛಿರ‍್ಹಾಮ ಲೀಅಯಿನ್ ತಳ್‌ಗಠೈನ್‌ ತಾಖತ್‍ದಿಷೆ.

1 ಯೋಹಾನ 1:3

ಬಾ ಹುಯಿರೋತೆ ದೇವ್ನ ಅಜು಼ ಇನೊ ಛಿಯ್ಯೊ ಹುಯಿರೋತೆ ಯೇಸುಕ್ರಿಸ್ತನಿ ಜೋಡ್ಮರ‍್ಹವಾನುಬಿ ಹಮುನ ಛಾ಼ತೆ ಗಳ್‌ಜೋ಼ಡ್ಮ ತುಮೆಜಿನು ಭಾಗ್‌ಲೀಲ್ಯವಾಳ ಹುಯಿರ‍್ಹೇವ್ಣುಕರಿ ಹಮೆ ದೇಖಿರಾಖ್ಯತೆ, ಖ್ಹಮ್‍ಜಿರಾಖ್ಯತೆ ತುಮೂನ ಬೋಲಿವತಾಳೆಸ್‍.

1 ಯೋಹಾನ 3:1

ಅಪ್ಣೆ ದೇವ್ನ ಲಡ್ಕಾ ಕರಿ ಬೋಲೈಲೇವ್ಣುಕತೊ ಬಾ ಅಪ್ಣುನ ಕೆಥ್ರಾನಿ ಪ್ಯಾರ್ ಕರಿರಾಖ್ಯೊಸ್ ದೇಖೊ; ಖ್ಹಚಂಬಿ ಅಪ್ಣೆ ದೇವ್ನ ಲಡ್ಕಾ ಹುಯಿರಾಸ್. ಆ ಜಗತ್‌ ಇನ ಮಾಲುಮ್‌ಕರ‍್ಲಿದುಕೊಂತೆ ಇನಾಖ್ಹಾಜೆ ಅಪ್ಣುನಾಬಿ ಮಾಲುಮ್‌ ಕರ‍್ಲೆಯ್‍ಕೊಯ್ನಿ.

1 ಯೋಹಾನ 4:19

ದೇವ್ ಅಪ್ಣುನ ಪಹಿಲೆ ಪ್ಯಾರ್ ಕರ‍್ಯೊತೆ ಇನಖ್ಹಾಜೆ ಅಪ್ಣೆ ಇನ ಪ್ಯಾರ್ ಕರಿಯೇಸ್.

ಪ್ರಕಾಶಿತ್ 3:9

ಖ್ಹಮಜ಼್! ಯೆಹೂದ್ಯರ್‌ಕರಿ ಝೂ಼ಟೊ ಬಡೈಮಾರಿನ್‍ ಥೋಡುಜ಼ಣು ಶೈತಾನ್ನ ಸಬೆನಾ ಮಂದಿರ್‌ಮ ರ‍್ಹವಾಳು ಹುಯಿರ‍್ಹುಸ್. ಯೋ ಅದ್ಮಿಖ್ಹಾರು ತಾರಖ್ಹಾಮ್ಣೆ ಆಯಿನ್ ತಾರ ಗೋಡಾಪರ್ ಆಡ್‍ಪಡಿನ್ ಖ್ಹಲಾಮ್ ಕರಾನಿಘೋಣಿ ಕರೀಶ್. ಮೇ ಪ್ಯಾರ್ ಕರ‍್ಯೊತೆ ಅದ್ಮಿ ತುಮೇಸ್‍ಕರಿ ಬೋಲಾನು ತದೆ ಇವ್ಣೆ ಮಾಲುಮ್ ಕರಿಲಿಶೆ.