ಯೋಹಾನ 17:13 - ದೇವ್ನಿ ಖ್ಹಾಚಿ ವಚನ್

¹³ ಅಜು಼ ಹಮ್ಕೆ ಮೇ ತಾರಕನ ವಳ್ಯಾವ್‌ಸ್‌, ಇನಖ್ಹಾಜೆ ಅವ್ಣಾಮ ಮಾರಿ ಖ್ಹುಶಿ ಭರ್‌ಪೂರ್‌ ಹುವಾನಿ ಘೋಣಿ, ಅನ ಜಗತ್‌ ರ‍್ಹವಾನಿ ವಖ್ಹತ್‌ಮಾಸ್‌ ಆ ವಾತೆನ ಖ್ಹಾರು ಬೋಲುಕರುಸ್.

ಯೋಹಾನ 17:13 ပူးပေါင်းရင်းမြစ်များ

ಯೋಹಾನ 13:3

ಬಾನೆ ಖ್ಹಾರಿಸ್ ಅದಿಕಾರ್‌ನ ಇನ ಹಾತ್‌ಮ ದೀರಾಖ್ಯೊಸ್ ಕರಿ ಯೇಸುನ ಮಾಲುಮ್‌ ಥೂ; ಅತ್ರೇಸ್ ಕಾಹೆತೆ ಯೇಸುನ ದೇವ್‌ಕಂಥೊ ಐರ‍್ಹೋಸ್ ಅಜು಼ ಪಾಛೊ಼ ದೇವ್‌ಕನ ವಳ್ಯೊಜ಼ವುಸ್‌ ಕರೀಬಿ ಮಾಲುಮ್‌ ಥೂ.

ಯೋಹಾನ 15:11

ಮಾರಾಮ ಛಾ಼ತೆ ಖ್ಹುಶಿ ತುಮಾರಮಾಬಿ ರ‍್ಹೇಣು ಕರಿ, ಅಜು಼ ತುಮಾರಿ ಖ್ಹುಶಿ ಭರೈನ್ ಝ಼ಲಕ್‌ಣು ಕರಿ ಮೇ ಆ ಖ್ಹಾರು ತುಮೂನ ಬೋಲಿರಾಖ್ಯೊಸ್.

ಯೋಹಾನ 16:33

ತುಮೆ ಮಾರಾಮ ರ‍್ಹೀನ್, ತುಮೂನ ಶಾಂತಿ ಮಳ್‌ಣು ಕರಿ ಆ ಖ್ಹಾರು ತುಮೂನ ಬೋಲಿರಾಖ್ಯೊಸ್. ಜಗತ್‌ಮ ತುಮೂನ ಖ್ಹತಾಪ್ಣಿ ಛಾ಼, ಕತೋಬಿ ಘಟ್ ರ‍್ಹವೊ,ಶನಕತೊ ಮೇ ಜಗತ್ನ ಜೂತಿರಾಖ್ಯೋಸ್‌” ಕರಿಬೋಲ್ಯೊ.

ಯೋಹಾನ 17:11

ಅನಪಾರ್ ಮೇ ಜಗತ್‌ಮ ಕೋರ‍್ಹಿಶ್‍ನಿ. ಇವ್ಣೆತೋಬಿ ಜಗತ್‌ಮ ರ‍್ಹಿಶೆ. ಮೇ ತಾರಾಕನ ಆವ್‌ಸ್. ಪರಿಶುದ್ ಹುಯಿರೋತೆ ಬಾ, ಅಪ್ಣೆ ಏಕ್‍ಹುಯಿರಾತೆ ತಿಮ್ ಅವ್ಣೇಬಿ ಏಕ್‍ಹುಯಿರ‍್ಯವಾದೆಕರಿ, ತುನೆ ಮನ ದಿದೊತೆ ತಾರ ನಾಮ್‍ಥಿ ಇವ್ಣುನ ಜ಼ತನ್ ರಾಕ್.

ಯೋಹಾನ 3:29

ವ್ಹೆತುಲ್ಡಾನ ಮಳಾಸ್ತೆ ವ್ಹೆತುಲ್ಡೀಸ್, ಕತೋಬಿ ವ್ಹೆತುಲ್ಡಾನೊ ದೋಸ್ ಇನ ಖನ್ನೆ ಭೀರಿನ್‌, ಇನಿ ಅವಾಜ಼್‌ನ ಖ್ಹಮ್‌ಜಿನ್‌ ಘಣು ಖ್ಹುಶಿಕರಸ್. ಆಸ್ ಮನ ಛಾ಼ತೆ ಖ್ಹುಶಿ, ಯೋ ಪೂರ ಹುಯು.

ಯೋಹಾನ 7:33

ತದೆ ಯೇಸು ಇವ್ಣುನ, “ಬಿಜು಼ ಥೋಡ ದನ್ ಮೇ ತುಮಾರ ಜೋ಼ಡೆ ರ‍್ಹೀಶ್, ಇನ ಬಾದ್‌ಮ ಮನ ಮೋಕ್‌ಲ್ಯೊತೆ ಇನಾಕನ ಮೇ ಚ಼ಲ್ಯೊಜೈ಼ಶ್‌.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:52

ಅಂತಿಯೋಕ್ಯಮ ಥೂತೆ ವಿಶ್ವಾಸಿಖ್ಹಾರು ಖ್ಹುಶಿಥಿ ಥು. ಬಿಜು಼ ಪವಿತ್ರಾತ್ಮಥಿ ಭರೈರೂಥು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:17

ಶನಕತೊ ಖಾವಪೀಯಾನು ದೇವ್ನು ರಾಜ್ಯ ಕಾಹೆ. ನೀತಿ, ಸಮಾಧಾನ್, ಪವಿತ್ರಾತ್ಮಮ ಛಾ಼ತೆ ಖ್ಹುಶಿಸ್ ಹುಯಿರ‍್ಹಿಸ್.

ಗಲಾತ್ಯ 5:22

ಕತೋಬಿ ದೇವ್ನ ಆತ್ಮಾಥಿ ಉಬ್‌ಜಾ಼ನು ಫಲ್ ಶಾತ್‌ಕತೊ, ಪ್ಯಾರ್, ಶಂತೋಖ್ಹ್‌, ಸಮಾಧಾನ್, ಖ್ಹಮಾಳಿ ರ‍್ಹವಾನು, ದಯಾ, ಬಿಜೇಕ್ನ ಮದತ್‌ಕರಾನು, ವಿಶ್ವಾಸ್, ಆಸ್‌ಹುಯಿರ‍್ಹುಸ್.

ಇಬ್ರಿ 12:2

ಯೇಸು ಇನಖ್ಹಾಮ್ಣೆ ಮ್ಹೇಲಿರಾಖ್ಯೊತೆ ಖ್ಹುಶಿನಖ್ಹಾಜೆ ಖ್ಹರಮ್‌ನಾಬಿ ಖ್ಹಾಯ್‌ ಕರ‍್ಯೊಕೊಂತೆ ಶಿಲ್‌ಬೇನಿ ಮರಣ್ಣ ಖ್ಹಮಾಳಿನ್, ದೇವ್ನು ಸಿಂಹಾಸನ್ನ ಖಾವಿಬಾಜು಼ಮ ಬೆಠೋಸ್.

1 ಯೋಹಾನ 1:4

ಅಪ್ಣಿ ಶಂತೋಖ್ಹ್‌ ಪೂರ ಹುವಾದೆಕರಿ ಹಮೆ ಅನಿ ಬಾರೇಮ ಲೀಖುಕರಿಯೇಸ್.

2 ಯೋಹಾ 1:12

ಮೇ ತುಮುನ ಬೋಲಾನು ಘಣುಛೆ. ಮೇ ಇಂಕ್‍ಥಿ ಕಾಗತ್‌ಪರ್ ಲೀಖಿನ್ ಖ್ಹಮ್‌ಜಾ಼ಡನ ಇಷ್ಟಕೊಯ್ನಿ. ಕತೋಬಿ ಮೇಸ್ ತುಮಾರಕನ ಐನ್, ತುಮಾರಿಜೋ಼ಡೆ ಆಮಖ್ಹಾಮೆ ವಾತೆ ಬೋಲಾನ ಆಖ್ಹ್‌ ಕರುಸ್. ತದೆ ತುಮಾರಿ ಖ್ಹುಶಿ ಭರ್‌ಪೂರ್‌ ಉಷೆ.