ಯೋಹಾನ 17:12 - ದೇವ್ನಿ ಖ್ಹಾಚಿ ವಚನ್

¹² ಮೇ ಅವ್ಣ ಜೋ಼ಡೆ ಥೋತೆ ತದೆ ತುನೆ ಮನ ದಿದೋತೆ, ತಾರ ನಾಮ್ನಿ ಶಕಥ್ಥಿ ಅವ್ಣುನ ಜ಼ತನ್ ರಾಖ್ಯೊ. ಧರ್ಮಶಾಸ್ತ್ರನಿ ವಾತೆ ಪೂರಹುವಾನಿಘೊಣಿ, ನಾಶನಖ್ಹಾಜೆಸ್‌ ಕರಿ ಚೂ಼ಣಾಯೋತೆ ಯೋ ಏಕ್‌ ಅದ್ಮಿ ಮ್ಹೆಂದಿನ್, ಅವ್ಣಾಮ ಕೋಣ್‌ಬಿ ನಾಶ ಕೊಹುವಾನಿ.

ಯೋಹಾನ 17:12 ပူးပေါင်းရင်းမြစ်များ

ಯೋಹಾನ 13:18

“ಮೇ ತುಮಾರ ಖ್ಹಾರಾನಿ ಬಾರೇಮ ಕೋ ಬೋಲುಕರುನಿ: ಮೇ ಚೂ಼ಣಿರಾಖ್ಯೋಸ್ತೆ ಇವ್ಣಿ ಬಾರೇಮ ಮನ ಮಾಲುಮ್‌, ಕತೋಬಿ ‘ಮಾರ ಜೋ಼ಡೆ ಖಾಣು ಖಾವಳೋಸ್‌ ಮನ ಧೋಕ ದಿದೊ’ ಕರಿ ಧರ್ಮಶಾಸ್ತ್ರಮ ಛಾ಼ತೆ ವಾತೆ ಚಾ಼ಲ್ನು.

ಯೋಹಾನ 17:6

ಆ ಜಗತ್‌ಮ ಖೆವ ಅದ್ಮಿನ ಮನ ದಿರಾಖ್ಯೋಸ್ಕಿ, ಮೇ ತಾರ ನಾಮ್ನ ಮಾಲುಮ್ ಕರೈರಾಖ್ಯೋಸ್. ಇವ್ಣೆ ಮಾರುಸ್‌ ಹುಯಿರುಥು,ಅಜು಼ ತುನೇಸ್ ಇವ್ಣುನ ಮನ ದಿದೊ. ಇವ್ಣೆ ಮಾರಿ ವಚನ್ನ ಪಾಡಿನ್ ಚಾ಼ಲಿರಾಖ್ಯುಸ್‌.

ಯೋಹಾನ 18:9

ಇನಖ್ಹಾಜೆ ಬೋಲ್ಯೊ, “ಬಾ, ತುನೆ ಮನ ದಿದೋತೆ ಇವ್ಣಾಮ ಏಕ್‌ನಾಬಿ ಮೇ ಗುಮೈಲಿದೊಕೊಯ್ನಿ” ಕರಿ ಇನೆ ಬೋಲ್ಯೊಥೋತೆ ವಾತೆ ಅಮ್ ಪೂರಹುಯು.

ಯೋಹಾನ 6:37

ಬಾ ಮನ ದೇಸ್ತೆ ಇವ್ಣೆ ಖ್ಹಾರು ಮಾರಕನ ಆವ್‌ಶೆ, ಅಜು಼ ಮಾರಕನ ಆವಾಳಾನ ಪಾಛು಼ಮೇ ಧಕೇಲಿಶ್‌ ಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:25

ಯೂದನಿ ಝ಼ಗೋಮ ಅಪೊಸ್ತಲಹುಯಿನ್ ಸೇವೆಕರಾನ ಯೋ ಝ಼ಗೋನ ಮ್ಹೇಲಿನ್ ಕಿಜ್ಜಾ಼ ಇನಿ ಝ಼ಗೋಕಿ ಹಿಜ್ಜಾ಼ ಚ಼ಲೆಗಯೊ

ಫಿಲಿಪ್ಪಿ 2:9

ಅನಖ್ಹಾಜೆಸ್ ದೇವ್ನೆ ಇನ ಘಣು ಊಚೊ಼ ಪಾಡ್ಯೊ ಅಜು಼ ಅಖ್ಖಾ ನಾಮ್‌ಥಿಬಿ ಊಚು಼ ಹುಯಿರ‍್ಹುತೆ ನಾಮ್ನ ಇನ ದಯ ಕರಿರಾಖ್ಯೊಸ್.

2 ಥೆಸ 2:3

ಕೋಣ್‌ಬಿ ಕೆವ್ಹಿ ತರಿಖಾಮಾಬಿ ಠಗಾವ್ಣುನಾತೆ ಇಮ್‌ ದೇಖಿಲೇವೊ. ಶನಕತೊ ಪಹಿಲೆ ವಿಶ್ವಾಸ್‌ನ ಕಾಡಿನಾಖಿನ್ ನಾಶಕರವಾಳೊ, ವಿರೋದಿ ಭಡ್ಕಲಗುಬಿ ಯೊ ದನ್ ಆವ್‌ಶೆ ಕೊಯ್ನಿ.

ಇಬ್ರಿ 2:13

ಮೇ ಪಾಛೊ಼ ಫರಿನ್ ದೇವ್‌ಪರ್‌ ಭರೋಖ್ಹೊ ಕರಿರಾಖವಾಳೊಕರಿಬಿ, ಹಂದೇಖೊ ಮೇಬಿ ಅಜು಼ ದೇವ್ನೆ ಮನ ದಿರಾಖ್ಯೊಸ್ತೆ ಲಡ್ಕಾವ್‍ಬಿ ಛಿಯ್ಯೆಕರಿಬಿ ಬೋಲಾಸ್.

1 ಯೋಹಾನ 2:19

ಇವ್ಣೆಅಖ್ಖು ಅಪ್ಣ ಖನ್ನೆಥಿ ನಿಕ್ಳಿ ಚ಼ಲೀಗು. ಶನಕತೊ ಇವ್ಣೆ ಖ್ಹಾಚಮಾಬಿ ಅಪ್ಣವಾಳು ಕಾಹೆ. ಇವ್ಣೆ ಅಪ್ಣವಾಳು ರ‍್ಹಿಯುಹೊತ್ತೊ, ಅಪ್ಣಿಜೋಡ್ಮಾಸ್ ರ‍್ಹಿಯುಹೊತ್. ಕತೋಬಿ ಇವ್ಣೆ ಅಪ್ಣೇಥಿ ನಿಕ್ಳಿಗಯುತೆ ಇನಖ್ಹಾಜೆ ಇವ್ಣೆಅಖ್ಖು ಅಪ್ಣವಾಳು ಕಾಹೆಕರಿ ಖ್ಹಾಚೇಥಿ ಮಾಲುಮ್‍ಪಡಸ್.

ಪ್ರಕಾಶಿತ್ 19:12

ಇನ ಭೇ ಡೋಳ ಆಗ್‍ನಿ ಝ಼ಲ್‌ಪಟ್‍ನಿತರ ಛಾ಼. ಇನ ಮಾಥಾಪರ್ ಕೈಯೆಕ್ಕಿ ಕಿರೀಟ್‌ಖ್ಹಾರು ಛಾ಼, ಇನ ಏಕ್‌ ನಾಮ್ ಲೀಖೈದೆವೈರ‍್ಹೂಸ್, ಯೊ ಇನ ಪಣ್ಕಿ ಬಿಜು಼ ಕಿನಾಬಿ ಮಾಲುಮ್‌ ಕೊರಿಷೇನಿ.