ಯೋಹಾನ 16:30 - ದೇವ್ನಿ ಖ್ಹಾಚಿ ವಚನ್

³⁰ ತುನ ಖ್ಹಾರುಸ್‌ ವಾತೆ ಮಾಲುಮ್‌ ಕರಿ,ಹಮೂನ ಮಾಲುಮ್. ಅಜು಼ ತುನ ಕೋಣ್‌ಬಿ ಪುಛಾ಼ವಾನಿ ಜ಼ರೂರತ್ ಕೊಯ್ನಿ ಅನೇಥಿ ತೂ ದೇವ್‌ಕಂಥೊ ಆಯೊಹುಯೊ ಕರಿ ಹಮೆ ವಿಶ್ವಾಸ್ ಕರಿಯೇಸ್” ಕರಿ ಬೋಲ್ಯ.

ಯೋಹಾನ 16:30 ပူးပေါင်းရင်းမြစ်များ

ಯೋಹಾನ 16:17

ಅನ ಖ್ಹಮ್‌ಜಿನ್‌, ಇನ ಶಿಷ್ಯರ್‌ಮ ಥೋಡಾನೆ, “ಅನಿ ಮತ್‌ಲಬ್ ಶಾತ್‌? ಥೋಡ ದನ್ನ ಬಾದ್‌ಮ, ತುಮೆ ಮನ ದೇಕ್ಶುಕೊಯ್ನಿ,ಕತೋಬಿ ಅನ ಬಾದ್‌ಮ ಥೋಡ ದನ್‌ಕೇಡೆ ಮನ ದೇಕ್‌ಶು ಕರಿ ಬೋಲಾಸ್ನಿ? ಅಜು಼, ‘ಶನಕತೊ, ಮೇ ಬಾಕನ ವಳ್ಯೊಜ಼ವುಸ್‌ ಕರೀಬಿ ಬೋಲಾಸ್ನಿ?” ಕರಿ ಇವ್ಣ-ಇವ್ಣ ಮಹಿ ವಾತೆ ಬೋಲಿಲಿದು.

ಯೋಹಾನ 16:23

ಯೋ ದನ್ಮ, ತುಮೆ ಮನ ಶಾತ್ಬಿ ಕೋ ಪುಛಾ಼ವ್‌ಶುನಿ. ಮೇ ತುಮೂನ ಖ್ಹಾಚ ಬೋಲುಕರುಸ್, ತುಮೆ ಮಾರ ನಾಮ್‌ಪರ್‌ ಶಾತ್‌ ಮಾಂಗಿಲಿದಾತೋಬಿ ಬಾ ತುಮೂನ ಯೋ ದಿಶೆ.

ಯೋಹಾನ 16:26

ಯೋ ದನ್ಮ, ಮಾರ ನಾಮ್‌ಪರ್‌ ಮಾಂಗಿಲಿಶು; ಮೇ ಬಾಕನ ತುಮಾರಖ್ಹಾಜೆ ಮಾಂಗಿಲೀಶ್‌ ಕರಿ ಮೇ ತುಮೂನ ಬೋಲಿಶ್ ಕೊಯ್ನಿ.

ಯೋಹಾನ 16:31

ತದೆ ಯೇಸುನೆ ಇವ್ಣುನ, “ಹಮ್ಕೆ ವಿಶ್ವಾಸ್‌ ಕರೋಸ್ಕಿಶು?

ಯೋಹಾನ 17:8

ತುನೆ ಮನ ದಿದೋತೆ ವಾತೆನ ಮೇ ಇವ್ಣುನ ದೀರಾಖ್ಯೊಸ್; ಅವ್ಣೆ ಯೋ ವಾತೇನ ಮಾನಿಲಿದು ಅಜು಼ ಖ್ಹಾಚ಼ಮಾಬಿ ಮೇ ತಾರಕಂಥೊ ಐರ‍್ಹೋಸ್ ಕರಿ ಮಾಲುಮ್ ಕರ‍್ಯು ಅಜು಼ ತುನೆ ಮನ ಮೋಕ್‌ಲ್ಯೊ ಕರಿ ವಿಶ್ವಾಸ್‌ ಕರಸ್.

ಯೋಹಾನ 2:11

ಯೇಸುನೆ ಆ ಪಹಿಲು ಖ್ಹಣೇದ್ನ ಕಾಮ್ನ ಗಲಿಲಾಯನು ಕಾನಾ ಕರಿ ಗಾಮ್ಮಕರ‍್ಯೊ. ಹಿಜ಼್ಜ ಯೇಸು ಇನ ಮಹಿಮೆನ ವತಾಳ್ಯೊ, ಅಜು಼ ಇನ ಶಿಷ್ಯರ್‌ನೆ ಇನಾಪರ್‌ ವಿಶ್ವಾಸ್‌ ಕರ‍್ಯಾ.

ಯೋಹಾನ 21:17

ತೀನ್ನೆಹಲ್ಲ ಯೇಸುನೆ, “ಯೋಹಾನ್ನ ಛಿಯ್ಯಾ ಸೀಮೋನ್‌, ತೂ ಮನ ಪ್ಯಾರ್ ಕರಾಸ್ಕಿ ಶು?” ಕರಿ ಪುಛಾ಼ಯೊ. ಯೇಸುನೆ ತೀನ್ನೆಹಲ್ಲ ಇನ, “ತೂ ಮನ ಪ್ಯಾರ್ ಕರಾಸ್ಕಿಶು?” ಕರಿ ಪುಛಾ಼ವ್‌ತಾನ, ಪೇತ್ರನ ದುಖ್‍ಹುಯು. ತದೆ ಇನೆ, “ಪ್ರಭು, ತುನ ಖ್ಹಾರುಸ್‌ ಮಾಲುಮ್‌; ಮೇ ತುನ ಪ್ಯಾರ್ ಕರುಸ್ ಕರೀಬಿ ತುನ ಮಾಲುಮ್‌!” ಕರಿ ಬೋಲ್ಯೊ. ಯೇಸುನೆ ಇನ, “ಮಾರ ಮೇಂಢವ್‌ನಿ ಖ್ಹದರ್‌ಕರ್‌” ಕರಿ ಬೋಲ್ಯೊ.

ಯೋಹಾನ 5:20

ಶನಕತೊ, ಬಾ ಇನ ಛಿಯ್ಯಾನ ಪ್ಯಾರ್ ಕರಾಸ್ ಅಜು಼ ಯೋ ಕರಾಸ್ತೆ ಖ್ಹಾರಾನ ಇನ ಒತಾಳಸ್. ಅತ್ರೇಸ್ ಕಾಹೆತೆ ಅನೇಥಿಬಿ ಮೋಟು ಕಾಮ್‌ಖ್ಹಾರು ಇನ ವತಾಳ್‌ಶೆ; ಇನ ದೇಖಿನ್‌ ತುಮೆ ಆಶ್ಚರ್ಯ ಕರ್ಶು.

ಯೋಹಾನ 8:42

ಯೇಸುನೆ ಯೆಹೂದ್ಯರ್‌ನ, “ಖ್ಹಾಚಮಾಬಿ ದೇವಸ್ ತುಮಾರೊ ಬಾ ಹುಯಿರ‍್ಹೊಹೋತ್ತೊ, ತುಮೆ ಮನ ಪ್ಯಾರ್ ಕರ‍್ಯಾಹೋತ್‌, ಶನಕತೊ ಮೇ ದೇವ್‌ಕಂಥೊ ಆಯೊ ಅಜು಼ ಹಮ್ಕೆ ಹಜ್ಜಾ಼ ಛು಼. ಮೇ ಆಯೋತೆ ಮಾರಿ ಶೊಂತ್‌ ಅದಿಕಾರ್‌ಪರ್‌ ಕಾಹೆ, ಪಣ್ಕಿ ದೇವ್ನೇಸ್ ಮನ ಮೋಕ್‌ಲ್ಯೊ.

ಇಬ್ರಿ 4:13

ಇನಿ ನಜ಼ರ‍್ಮ ಓಠೆ ಹುಯಿರ‍್ಹುತೆ ಖಿವಿ ಉಬ್‍ಜಾ಼ವ್ಣಿಬಿ ಕೊಯ್ನಿ. ಇನ ಡೋಳೇಥಿ ಲಪಿಹುಯು ಖಿವೂಬಿ ಕೊಯ್ನಿ. ಇನ ಡೋಳಾಮ ಅಖ್ಖೂಬಿ ಖುಲಮ್‌ಖುಲ್ಲ ಛಾ಼. ಅಜು಼ ಎಥ್ರಾನವಾಳನ ಅಪ್ಣೆ ಗಣ್ತಿ ದೇವ್ಣುಪಡಾಸ್.