ಯೋಹಾನ 16:3 - ದೇವ್ನಿ ಖ್ಹಾಚಿ ವಚನ್

³ ಅದ್ಮಿಖ್ಹಾರು ಬಾನ ರ‍್ಹವೊ, ಮನ ರ‍್ಹವೊ ಮಾಲುಮ್‌ ಕರಿರಾಖ್ಯುಕೊಯ್ನಿತೆ ಇನಖ್ಹಾಜೆ, ತುಮೂನ ಅಮ್ ಖ್ಹಾರು ಕರ್ಶೆ.

ಯೋಹಾನ 16:3 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:22

ಮಾರೊ ಬಾ ಮನ ಖ್ಹಾರುಸ್‌ ಮಾರ ಹಾತ್ಮ ದೀರಾಖ್ಯೊಸ್, ಛಿಯ್ಯೊ ಕೋಣ್ ಕರಿ ಬಾನಸ್ ಮಾಲುಮ್ ಪಣ್ಕಿ ಬಿಜಾ಼ನ ಕಾಹೆ. ಬಾ ಕೋಣ್ ಕರಿ ಛಿಯ್ಯೋಸ್ ಪಣ್ಕಿ ಬಿಜು಼ ಕೋಣ್‌ಬಿ ಮಾಲುಮ್ ಕೋಕರಿರಾಖ್ಯೂನಿ. ಅಜು಼ ಛಿಯ್ಯೊ, ಕಿನ ಬಾನಿ ಬಾರೇಮ ಮಾಲುಮ್ ಕರಾವಸ್ಕಿ, ಇವ್ಣೆಸ್ ಬಾನ ಮಾಲುಮ್‌ ಕರಿಲ್ಯವಾಳು ಹುಯಿರ‍್ಹೂಸ್”.

ಯೋಹಾನ 15:21

ಕತೋಬಿ ಇವ್ಣೆ ಮನ ಮೋಕ್ಲಿರಾಖ್ಯೊತೆ ಇನ ಮಾಲುಮ್ ಕರ‍್ಯುಕೊಂತೆ ಇನಖ್ಹಾಜೆ ಆ ಖ್ಹಾರುಮಾರ ನಾಮ್‍ಥಿ ತುಮೂನ ಕರ್ಶೆ.

ಯೋಹಾನ 15:23

ಮಾರಪರ್ ವಹೇರ್‌ ಕರಾವಾಳು ಮಾರ ಬಾಪರ್‌ಬಿ ವಹೇರ್‌ ಕರಾವಾಳು ಹುಯಿರ‍್ಹುಸ್‍.

ಯೋಹಾನ 17:25

ಧರ್ಮಿ ಹುಯಿರ‍್ಹೋತೆ ಬಾ! ಆ ಜಗತ್‌ ತುನ ಮಾಲುಮ್‌ ಕರಿರಾಖ್ಯುಕೊಯ್ನಿ, ಕತೋಬಿ ಮೇ ತುನ ಮಾಲುಮ್‌ ಕರಿರಾಖ್ಯೋಸ್, ಅಜು಼ ತುನೆ ಮನಮೋಕ್ಲಿರಾಖ್ಯೋಸ್‌ ಕರಿ ಅವ್ಣೆ ಮಾಲುಮ್‌ ಕರಿರಾಖೂಸ್.

ಯೋಹಾನ 17:3

ಎಕ್ಕಸ್ ಖ್ಹಾಚೊ಼ ದೇವ್ ಹುಯಿರ‍್ಹೋತೆ ತುನಾಬಿ, ತುನೆ ಮೋಕ್‌ಲ್ಯೊತೆ ಯೇಸು ಕ್ರಿಸ್ತನ ಮಾಲುಮ್‌ ಕರಿ ಲೆವಾನೂಸ್‌ ಹರ್‌ಹಮೇಶಾನಿ ಜಿ಼ಂದ್‌ಗಿ.

ಯೋಹಾನ 8:19

ತದೆ ಇವ್ಣೆ, “ತಾರೊ ಬಾ ಕಿಜ್ಗಾ಼ ಛಾ಼?” ಕರಿ ಪುಛಾ಼ಯು. ಯೇಸುನೆ, “ತುಮೂನ ಮೇ ರ‍್ಹವೊ, ಮಾರೊ ಬಾ ರ‍್ಹವೊ ಮಾಲುಮ್‌ ಕೊಯ್ನಿ. ತುಮೆ ಮನ ಮಾಲುಮ್‌ ಕರ‍್ಯಾಹೋತ್ತೊ, ಮಾರ ಬಾನಾಬಿ ಮಾಲುಮ್‌ ಕರಿಲಿದಾಹೋತ್‌” ಕರಿ ಜ಼ವಾಬ್ ದಿದೊ.

ಯೋಹಾನ 8:55

ತೋಬಿ ತುಮೆ ಇನ ಪರ್ಖಿರಾಖ್ಯಕೊಯ್ನಿ, ಕತೋಬಿ ಮನ ಯೋ ಮಾಲುಮ್‌. ಯೋ ಮನ ಮಾಲುಮ್‌ಕೊಯ್ನಿ ಕರಿ ಮೇ ಬೋಲ್ಯೊತೊ, ಮೇಬಿ ತುಮಾರಿನಿತರ ಝೂ಼ಟೊ ಹುಯಿಜೈ಼ಶ್‌. ಕತೋಬಿ ಮನ ಯೋ ಮಾಲುಮ್‌, ಅಜು಼ ಮೇ ಇನಿ ವಾತೆನಿಘೋಣಿ ಚಾ಼ಲುಸ್‌.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:17

ಇಸ್ರಾಯೇಲ್‌ವಾಳವೊ, ಯೋ ರ‍್ಹವಾದೆ ತುಮೆ ಮಾಲುಮ್‌ ಕರ‍್ಯಕೊಂತೆ ಯೇಸುನ; ಅಮ್ ಕರ‍್ಯಕರಿ ಮನ ಮಾಲುಮ್ ಛಾ಼, ತುಮಾರ ಅದಿಕಾರಿ ಜಿನುಬಿ ಮಾಲುಮ್ ಕರೀಲಿದಾಕೊಯ್ನಿ.

1 ಕೊರಿಂಥ 2:8

ಅನ ಆ ಜಗತ್‌ನು ಅದಿಕಾರಿ ಖಿವೂಬಿ ಆ ಅಕ್ಕಲ್‍ನ ಮಾಲುಮ್ ಕರಿರಾಖ್ಯುಥು ಕೊಯ್ನಿ. ಮಾಲುಮ್ ಕರಿರಾಖ್ಯುಹೊತ್ತೊ ಇವ್ಣೆ ಮಹಿಮೆನೊ ಪ್ರಭುನ ಶಿಲ್‌ಬೆಪರ್ ಕೋ ಮರಾಯುಹೊತ್ನಿ.

2 ಥೆಸ 1:8

ಯೊ ಆಗ್‍ನಿ ಝ಼ಲ್‌ಪಟ್‌ ಜೋ಼ಡ್ಮ ಕೋಣ್ ದೇವ್ನ ಠೊಕ್ರಾವಸ್ಕಿ ಅಜು಼ ಯೇಸು ಪ್ರಭುನಿ ಬಾರೇನಿ ಸುವಾರ್ತೆನ ಮಾನ್ಯುಕೊಯ್ನಿಕಿ ಇವ್ಣುನ ನಿಶತ್‌ ದ್ಯವಾನ ಆವ್‌ಶೆ.

1 ತಿಮೊ 1:13

ಅಗಾಡಿ ಮೇ ಕ್ರಿಸ್ತನಿ ವಿರೋದ್ ವಾತೆ ಬೋಲಿನ್, ಇನ ಖ್ಹತೈರಾಖ್ಯೋಸ್ ಅಜು಼ ಇನಿ ಖ್ಹರಮ್‌ಬಿ ಕಾಡಿರಾಖ್ಯೊಸ್. ಶನಕತೊ, ಮೇ ತದೆ ಅವಿಶ್ವಾಸ್‌ಮ ಥೊ, ಇನಖ್ಹಾಜೆ ಮೇ ಶಾತ್‌ ಕರುಕರೂಸ್ ಕರಿ ಮನ ಮಾಲುಮ್ ಕೋ ಥೂನಿ. ತೋಬಿ ದೇವ್ನೆ ಮಾರಪರ್ ಗೋರ್‌ ಕರಿರಾಖ್ಯೋಸ್.

1 ಯೋಹಾನ 2:23

ಕೋಣ್ ದೇವ್ನ ಛಿಯ್ಯಾನ ಝಿಟ್ಕಾರವಾಳೊಕಿ ಯೋ ದೇವ್ನ ಮಳ್ಯೊಹುಯೊ ಕಾಹೆ. ಕೋಣ್ ಛಿಯ್ಯಾನ ಮಾನಿಲೇಸ್ಕಿ ಯೋ ಬಾಹುಯಿರೋತೆ ದೇವ್ನ ಮಳ್ಯೊಹುಯೊ ಹುಯಿರ‍್ಹೊಸ್.

1 ಯೋಹಾನ 3:1

ಅಪ್ಣೆ ದೇವ್ನ ಲಡ್ಕಾ ಕರಿ ಬೋಲೈಲೇವ್ಣುಕತೊ ಬಾ ಅಪ್ಣುನ ಕೆಥ್ರಾನಿ ಪ್ಯಾರ್ ಕರಿರಾಖ್ಯೊಸ್ ದೇಖೊ; ಖ್ಹಚಂಬಿ ಅಪ್ಣೆ ದೇವ್ನ ಲಡ್ಕಾ ಹುಯಿರಾಸ್. ಆ ಜಗತ್‌ ಇನ ಮಾಲುಮ್‌ಕರ‍್ಲಿದುಕೊಂತೆ ಇನಾಖ್ಹಾಜೆ ಅಪ್ಣುನಾಬಿ ಮಾಲುಮ್‌ ಕರ‍್ಲೆಯ್‍ಕೊಯ್ನಿ.

1 ಯೋಹಾನ 4:8

ಪ್ಯಾರ್ ನಾಕರವಾಳೊ ದೇವ್ನ ಮಾಲುಮ್ ಕರಿರಾಖ್ಯಕೊಂತೆ ಹುಯಿರ‍್ಹೊಸ್. ಶನಕತೊ ದೇವ್ ಪ್ಯಾರ್‌ವಾಳೊ ಹುಯಿರ‍್ಹೊಸ್.

1 ಯೋಹಾನ 5:20

ದೇವ್‌ನೊ ಛಿಯ್ಯೊ ಆ ಜಗತ್‌ಮ ಅಯಿನ್ ಅಪ್ಣೆ ಖ್ಹಾಚೊ಼ ಹುಯಿರೋಸ್ತೆ ದೇವ್ನ ಮಾಲುಮ್‌ ಕರಿಲ್ಯವಾನಿಘೊಣಿ ಅಪ್ಣುನ ಖ್ಹಯಾಲ್ ದೀರಾಖ್ಯೊಸ್‍ಕರಿ ಅಪ್ಣುನ ಮಾಲುಮ್‌ಛಾ಼. ಅಪ್ಣೆ ದೇವ್‌ನೊ ಛಿಯ್ಯೊ ಹುಯಿರೋತೆ ಕ್ರಿಸ್ತಮ ರ‍್ಹಾವಾನ ಖ್ಹಾಚ ದೇವ್‌ಮ ರ‍್ಹಾವವಾಳ ಹುಯಿರ‍್ಹಾಸ್. ಯೋ ಕ್ರಿಸ್ತಸ್ ಕದೇಬಿ ರ‍್ಹವಾನು ಹರ್‌ಹಮೇಶಾನೊ ಜಾನ್‌ಬಿ ಹುಯಿರ‍್ಹೊಸ್.