ಯೋಹಾನ 16:2 - ದೇವ್ನಿ ಖ್ಹಾಚಿ ವಚನ್

² ಇವ್ಣೆ ತುಮೂನ ಸಬಾಮಂದಿರ್‌ಥು ಭಾರ್‌ ಕಾಡಿನಾಕ್‌ಶೆ; ಯೋ ಕೊಂತೆ ತುಮೂನ ಮಾರಿನಾಖವಾಳೊ ಇನೆ ದೇವ್ನ ಬಲಿದಿದೊಕರಿ ಸೋಚಾನ ಹಗಾಮ್ ಆವ್‌ಶೆ.

ಯೋಹಾನ 16:2 ပူးပေါင်းရင်းမြစ်များ

ಮತ್ತಾಯ 10:28

ಅತ್ರೇಸ್ ಕಾಹೆತೆ, ಶರೀರ್‌ನ ಮರ್‌ನಾಖಿನ್ ಆತ್ಮನ ಮಾರಾನ ಕೋ ಹುವ್ವಾನಿತೆ ಅದ್ಮಿನ ದೇಖಿನ್‌ ನಕೊ ಡರೊ; ಕತೋಬಿ ಆತ್ಮಾನ ಅಜು಼ ಶರೀರ್‌ನ ಭೇನ ನರಕ್ಮ ನಾಖಿನ್ ಬರ್ಬಾತ್ ಕರಾವಾಳೊ ದೇವ್ನ ದೇಖಿನ್ ಡರೊ.

ಮತ್ತಾಯ 24:9

ತದೆ ತುಮೂನ ಧರೀನ್ ದಂಡನೆ ದೀನ್ ಮಾರ ನಾಮ್ನಖ್ಹಾಜೆ ಹರೇಕ್ ದೇಖ್ಹ್‌ವಾಳು ತುಮೂನ ವಹೇರ್‌ ಕರ್ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:22

ಅದ್ಮಿನ ಛಿಯ್ಯಾನ ಖ್ಹಾಜೇಥಿ ಅದ್ಮಿಖ್ಹಾರು ತುಮೂನ ಖ್ಹರಮ್‌ ಕಾಡಿನ್, ದಾವೊ ಕರೀನ್, ಭಾರ್ ಕಾಡಿನಾಖಿನ್, ತುಮಾರು ನಾಮ್ ಬೋಲಾನುಬಿ ಖರಾಬ್‌ಕರಿ ಝಿಟ್ಕಾರ‍್ಯುತೊ, ತುಮೆ ಧನ್ಯ ಹುಯಿರ‍್ಹಾಸ್.

ಯೋಹಾನ 12:42

ತದೇಬಿ ಘಣು ಯೆಹೂದ್ಯರ್‌ನು ಅದಿಕಾರಿನೆ ಯೇಸುಪರ್‌ ವಿಶ್ವಾಸ್‌ ಕರ‍್ಯು, ಕತೋಬಿ ಸಭೆ ಭರಾವನು ಮಂದಿರ್‌ಮಾಥು ಭಾರ್ ನಾಖಿದಿಶೆ ಕರಿ ಫರಿಸಾಯರ್‌ನ ಡರ್‌ಥಿ, ಅದ್ಮಿನ ಖ್ಹಾಮೆ ಬೋಲಿಲಿದುಕೊಯ್ನಿ.

ಯೋಹಾನ 16:25

ಮೇ ಆ ಖ್ಹಾರು ಮತ್ಲಬ್‌ಥಿ ತುಮೂನ ಬೋಲಿರಾಖ್ಯೊಸ್. ಕತೋಬಿ ಬಿಜು಼ ಖ್ಹಾಮ್ಣೆ ಮತ್ಲಬ್‌ನಿ ಖೇಣಿಥಿ ಕಾಹೆತೆ ಬಾನಿ ಬಾರೇಮ ನೇರ್‌ವಳಿಥಿ ತುಮಾರ ಜೋ಼ಡೆ ವಾತೆ ಬೋಲಾನಿ ವಖ್ಹತ್ ಆವ್‌ಶೆ.

ಯೋಹಾನ 16:32

ಹಂದೇಖೊ, ವಖ್ಹತ್ ಐರ‍್ಹೀಸ್ ಹಂಕೇಸ್‌ ಯೋ ವಖ್ಹತ್ ಐರ‍್ಹೀಸ್, ತುಮಾರಾಮ ಏಕೇಕ್‌ ಜ಼ಣು, ಇವ್ಣಿ-ಇವ್ಣಿಝ಼ಗೋಮ ಛಿದ್‍ರೈಜಾ಼ಶು ಮನ ಏಕ್ಲನಾಸ್‌ ಮ್ಹೆಂದಿದ ಕರಿತುಮೆ ನಕೊಸೋಚೊ ಕತೋಬಿ ಮಾರೊ ಬಾ ಮಾರ ಜೋ಼ಡೆ ಛಾ಼.

ಯೋಹಾನ 4:21

ಯೇಸುನೆ ಯೊ ತಯೇಡಾನ ಅಮ್ಮ ಮಾರಿ ವಾತ್ನ ನಂಬ್, “ಏಕ್‌ ವಖ್ಹತ್ ಆವ್‌ಶೆ, ಯೋ ವಖ್ಹತ್‌ಮ ತುಮೆ ಬಾನ ಆರಾದನೆ ಕರಾನಖ್ಹಾಜೆ ಆ ಪಹಾಡ್‌ನಾಬಿ ರ‍್ಹವೊ, ಯೆರೂಸಲೇಮ್‌ನಾಬಿ ರ‍್ಹವೊ ಕೋ ಜಾ಼ಶುನಿ.

ಯೋಹಾನ 4:23

ಖ್ಹಾಚ ಆರಾದನೆ ಕರಾವಾಳು ಬಾನಿ ಆರಾದನೆ ಆತ್ಮಥೀಬಿ, ಖ್ಹಾಚಿಥೀಬಿ ಕರ್ಶೆ, ಯೋ ವಖ್ಹತ್ ಹಂಕೇಸ್‌ ಐಗು. ಬಾ ಇನ ಆರಾದನೆ ಕರಾವಾಳು ಅಮ್ನುಸ್ ರ‍್ಹೇವ್ಣುಕರಿ ಆಖ್ಹ್ ಕರಾಸ್.

ಯೋಹಾನ 9:22

ಇನ ಆಯ-ಬಾನೆ ಯೆಹೂದ್ಯರ್‌ನ ಅದಿಕಾರಿ ಡರಿನ್, ಅಮ್ನಿ ವಾತೇನ ಬೋಲ್ಯುತೆ, ಶನಕತೊ ಯೇಸುನ ಕ್ರಿಸ್ತ ಕರಿ ಕೋಣ್ ವಿಶ್ವಾಸ್ ಕರಾಸ್ಕಿ, ಇವ್ಣುನ ಯೆಹೂದ್ಯರ‍್ನು ಸಬಾ ಮಂದಿರ್‌ಮಾಥು ಭಾರ್‌ ನಾಕ್‌ಶು ಕರಿ ಇವ್ಣೆ ಬೋಲಿರಾಖ್ಯುಥು.

ಯೋಹಾನ 9:34

ಆ ವಾತೆನ ಖ್ಹಮ್‌ಜಿನ್‌ ಇವ್ಣೆ, “ತೂ ಖಲಿ ಪಾಪ್‌ಮ ಪೈದಾ ಹುಯೊತೆ, ಹಮೂನ ಬೋಲಿವತಳಾಸ್ಕಿ ಶು?” ಕರಿಬೋಲಿನ್‌, ಸಬೇನು ಮಂದಿರ್‌ಮಾಥು ಇನ ಧಕೇಲಿ ಭಾರ್‌ ಕಾಡಿನಾಖ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:33

ಯೆಹೂದ್ಯರ್‌ನ ಗಲ್‌ಢೊಖ್ಹಾರು ಆ ವಾತ್ನ ಖ್ಹಮ್‌ಜಿನ್‌ ಘಣು ಚ಼ಂಢಾಳ್ ಛ಼ಡಿನ್ ಅಪೊಸ್ತಲರ‍್ನ ಮಾರಿನಾಕ್ಣು ಕರಿ ಥೂ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:56

ತದೆ ಇನೆ, “ದೇಖೊ ಪರ್‌ಲೋಕ್ ನಿಕ್‍ಳೈರ‍್ಹೂತೆ; ಅದ್ಮಿನೊ ಛಿಯ್ಯೊ ದೇವ್ನ ಖಾವಿಬಾಜು಼ಮ ಭಿಯೋತೆ ಮೆ ದೇಖುಕರುಸ್” ಕರಿ ಬೋಲ್ಯೊ.

1 ಕೊರಿಂಥ 4:13

ಹಮುನ ಚಾ಼ವ್‌ಣ್ಯಕಾಡನಿ ವಖ್ಹ್‌ತೆ ಗೋರ್‌ಥಿ ಜವಾಬ್‌ ದಿಶು.ಆ ಜಗತ್ನಿ ಝಿಟ್ಕಾರ್‌ಥಿ ಮೋಟ ಶಾತ್ಬಿ ಕಾಹೆ. ಹಮೆ ಹಮ್ಕೆಲಗೂಬಿ ಜಗತ್‌ಮ ಜ಼ಮೀನ್ನ ಕಚ್ರಾ಼ನಿತರಸ್ ಛಿಯ್ಯೆ಼.

ಫಿಲಿಪ್ಪಿ 3:6

ಜಾ಼ತ್ನೊ ಅಭಿಮಾನ್ ದೇಖ್ಯೊತೊ ಮೆ ಕ್ರಿಸ್ತ ಸಬೆನ ಖ್ಹತಾವವಾಳೊ, ಧರ್ಮಶಾಸ್ತ್ರನಿ ನೀತಿನ ದೇಖ್ಯುತೊ ಮೆ ನಿರ್ದೋಷಿ.

ಪ್ರಕಾಶಿತ್ 6:9

ಇನೆ ಪಾಚ಼್‌ನ ಮುದ್ರಾನ ಫೋಡಾನಿವಖ್ಹ್‌ತೆ; ದೇವ್ನ ವಚನ್ನಖ್ಹಾಜೇಥಿಬಿ, ಇವ್ಣುನ ರ‍್ಹವಾನು ಬರೋಬರ್‌ನಿ ಸಾಕ್ಷಿನ ಖ್ಹಾಜೇಥಿಬಿ, ಮರಾವಳನು ಆತ್ಮಖ್ಹಾರು, ಬಲಿಪೀಠ್‌ನ ಹೇಟ್ ರ‍್ಹವಾನು ದೇಖ್ಯೊ.