ಯೋಹಾನ 16:19 - ದೇವ್ನಿ ಖ್ಹಾಚಿ ವಚನ್

¹⁹ ಯೇಸುನೆ ಇವ್ಣೆ ಇನ ಪುಛಾ಼ವ್ಣು ಕರಿ ಛಾ಼ ಕರಿ ಮಾಲುಮ್‌ ಕರಿಲೀನ್, ಇವ್ಣುನ, “ಥೋಡ ದನ್ನ ಬಾದ್‌ಮ ತುಮೆ ಮನ ದೇಕ್‌ಶು ಕೊಯ್ನಿ, ಕತೋಬಿ ಅನ ಬಾದ್‌ಮ ಥೋಡ ದನ್ನ ಕೇಡೆ ತುಮೆ ಮನ ದೇಕ್‌ಶು; ಆಸ್ಕಿ ಶು ತುಮೆ ತುಮಾರ-ತುಮಾರ ಮಹಿ ಪುಛಾ಼ವ್‌ ಕರಾಸ್ತೆ?

ಯೋಹಾನ 16:19 ပူးပေါင်းရင်းမြစ်များ

ಮತ್ತಾಯ 6:8

ಇನಖ್ಹಾಜೇಸ್ ತುಮೆ ಇವ್ಣಿನಿಘೋಣಿ ನಕೊ ಕರೊ, ತುಮೆ ತುಮಾರ ಬಾಕನ ಮಾಂಗಿಲ್ಯವಾನ ಅಗಾಡಿಸ್, ತುಮೂನ ಶಾತ್‌ ಜ಼ರೂರತ್ ಛಾ಼ ಕರಿ ಇನ ಮಾಲುಮ್‌.

ಮತ್ತಾಯ 9:4

ಇವ್ಣೆ ಇಮ್‌ ಸೋಚುಕರಾತೆ ಯೇಸುನೆ ಮಾಲುಮ್‌ ಕರೀಲಿನ್‌, ಇವ್ಣುನ, “ಶನ ತುಮೆ ತುಮಾರ ಮನ್‌ಮ ಅಮ್ ಖರಾಬ್ ಸೋಚೋ಼ಸ್ತೆ?

ಮಾರ್ಕ 9:32

ಕತೋಬಿ ಇವ್ಣೆ ಯೋ ವಾತೆನ ಪರ್‌ಖ್ಯುಕೊಯ್ನಿ, ಅಜು಼ ಇನಿ ಬಾರೇಮ ಯೇಸುನ ಪುಛಾ಼ವನಾಬಿ ಡರಿಗಯು.

ಯೋಹಾನ 13:33

ಮಾರ ಲಡ್ಕಾ, ಬಿಜು಼ ಥೋಡಿ ವಖ್ಹತ್ ಮೇ ತುಮಾರ ಜೋ಼ಡೆ ರ‍್ಹೀಶ್. “ಮನ ಢೂಂಡ್‌ಶು, ಕತೋಬಿ ಯೆಹೂದ್ಯರ್‌ನ ಬೋಲ್ಯೋತೆ ಇಮ್ಮಸ್, ಮೇ ಜ಼ವುಸ್ತೆ ಹಿಜ್ಜಾ಼ ತುಮೆ ಕೋ ಆವಾನ ಉಶೇನಿ” ಕರಿ ಮೇ ಹಮ್ಕೆ ತುಮೂನಾಬಿ ಬೋಲುಸ್.

ಯೋಹಾನ 14:19

ಬಿಜು಼ ಥೋಡ ದನ್ನ ಬಾದ್‌ಮ ಆ ಜಗತ್‌ ಮನ ದೇಕ್‌ಶೆ ಕೊಯ್ನಿ, ಕತೋಬಿ ತುಮೆ ಮನ ದೇಕ್‌ಶು; ಮೇ ಜಿವ್‌ಸ್ತೆ ಇನಖ್ಹಾಜೆ ತುಮೇಬಿ ಜಿವ್‌ಶು.

ಯೋಹಾನ 16:16

“ಥೋಡ ದನ್ನ ಬಾದ್‌ಮ ತುಮೆ ಮನ ದೇಕ್‌ಶು ಕೊಯ್ನಿ, ಕತೋಬಿ ಇನ ಬಾದ್‌ಮ ಥೋಡ ದನ್ ಕೇಡೆ ಮನ ದೇಕ್‌ಶು” ಕರಿ ಬೋಲ್ಯೊ.

ಯೋಹಾನ 16:18

ಅನೆ ಬೋಲ್ಯೊತೆ ‘ಥೋಡ ದನ್ನ ಬಾದ್‌ಮ’ ಕರಿ ಅನಿ ಮತ್‌ಲಬ್ ಶಾತ್‌? ಶಾತ್‌ ಬೋಲಸ್ಕಿ ಹಮೂನ ಮಾಲುಮ್‌ ಕೊಯ್ನಿ!” ಕರಿ ಬೋಲಿಲಿದು.

ಯೋಹಾನ 16:23

ಯೋ ದನ್ಮ, ತುಮೆ ಮನ ಶಾತ್ಬಿ ಕೋ ಪುಛಾ಼ವ್‌ಶುನಿ. ಮೇ ತುಮೂನ ಖ್ಹಾಚ ಬೋಲುಕರುಸ್, ತುಮೆ ಮಾರ ನಾಮ್‌ಪರ್‌ ಶಾತ್‌ ಮಾಂಗಿಲಿದಾತೋಬಿ ಬಾ ತುಮೂನ ಯೋ ದಿಶೆ.

ಯೋಹಾನ 16:26

ಯೋ ದನ್ಮ, ಮಾರ ನಾಮ್‌ಪರ್‌ ಮಾಂಗಿಲಿಶು; ಮೇ ಬಾಕನ ತುಮಾರಖ್ಹಾಜೆ ಮಾಂಗಿಲೀಶ್‌ ಕರಿ ಮೇ ತುಮೂನ ಬೋಲಿಶ್ ಕೊಯ್ನಿ.

ಯೋಹಾನ 16:30

ತುನ ಖ್ಹಾರುಸ್‌ ವಾತೆ ಮಾಲುಮ್‌ ಕರಿ,ಹಮೂನ ಮಾಲುಮ್. ಅಜು಼ ತುನ ಕೋಣ್‌ಬಿ ಪುಛಾ಼ವಾನಿ ಜ಼ರೂರತ್ ಕೊಯ್ನಿ ಅನೇಥಿ ತೂ ದೇವ್‌ಕಂಥೊ ಆಯೊಹುಯೊ ಕರಿ ಹಮೆ ವಿಶ್ವಾಸ್ ಕರಿಯೇಸ್” ಕರಿ ಬೋಲ್ಯ.

ಯೋಹಾನ 21:17

ತೀನ್ನೆಹಲ್ಲ ಯೇಸುನೆ, “ಯೋಹಾನ್ನ ಛಿಯ್ಯಾ ಸೀಮೋನ್‌, ತೂ ಮನ ಪ್ಯಾರ್ ಕರಾಸ್ಕಿ ಶು?” ಕರಿ ಪುಛಾ಼ಯೊ. ಯೇಸುನೆ ತೀನ್ನೆಹಲ್ಲ ಇನ, “ತೂ ಮನ ಪ್ಯಾರ್ ಕರಾಸ್ಕಿಶು?” ಕರಿ ಪುಛಾ಼ವ್‌ತಾನ, ಪೇತ್ರನ ದುಖ್‍ಹುಯು. ತದೆ ಇನೆ, “ಪ್ರಭು, ತುನ ಖ್ಹಾರುಸ್‌ ಮಾಲುಮ್‌; ಮೇ ತುನ ಪ್ಯಾರ್ ಕರುಸ್ ಕರೀಬಿ ತುನ ಮಾಲುಮ್‌!” ಕರಿ ಬೋಲ್ಯೊ. ಯೇಸುನೆ ಇನ, “ಮಾರ ಮೇಂಢವ್‌ನಿ ಖ್ಹದರ್‌ಕರ್‌” ಕರಿ ಬೋಲ್ಯೊ.

ಯೋಹಾನ 6:61

ಇನ ಶಿಷ್ಯರ್‌ ಅನಿ ಬಾರೇಮ ಮಶ್ಲಾ ಮಾರುಕರಸ್ ಕರಿ ಯೇಸುನೆ ಮಾಲುಮ್‌ ಕರಿಲೀನ್, “ಆ ವಾತೇಥಿ ತುಮಾರ ದಿಲ್ನ ಟೋಚಾ಼ಯುಕಿ ಶು?

ಯೋಹಾನ 7:33

ತದೆ ಯೇಸು ಇವ್ಣುನ, “ಬಿಜು಼ ಥೋಡ ದನ್ ಮೇ ತುಮಾರ ಜೋ಼ಡೆ ರ‍್ಹೀಶ್, ಇನ ಬಾದ್‌ಮ ಮನ ಮೋಕ್‌ಲ್ಯೊತೆ ಇನಾಕನ ಮೇ ಚ಼ಲ್ಯೊಜೈ಼ಶ್‌.

ಇಬ್ರಿ 4:13

ಇನಿ ನಜ಼ರ‍್ಮ ಓಠೆ ಹುಯಿರ‍್ಹುತೆ ಖಿವಿ ಉಬ್‍ಜಾ಼ವ್ಣಿಬಿ ಕೊಯ್ನಿ. ಇನ ಡೋಳೇಥಿ ಲಪಿಹುಯು ಖಿವೂಬಿ ಕೊಯ್ನಿ. ಇನ ಡೋಳಾಮ ಅಖ್ಖೂಬಿ ಖುಲಮ್‌ಖುಲ್ಲ ಛಾ಼. ಅಜು಼ ಎಥ್ರಾನವಾಳನ ಅಪ್ಣೆ ಗಣ್ತಿ ದೇವ್ಣುಪಡಾಸ್.

ಪ್ರಕಾಶಿತ್ 2:23

ಯೋ ಹುಯಿರೀತೆ ಇನ ಲಡ್ಕಾವ್‍ನ ಮಾರಿನಾಖಿಶ್‌. ತದೆ ಮೆ ಅದ್ಮಿ ಖ್ಹಾರನ ದಿಲ್ನ ಮಹಿ ತರೀಪ್ಷ ಕರಾವಾಳೊ ಕರಿ ಖ್ಹಾರಿ ಸಬೇವ್‌ನ ಮಾಲುಮ್‌ ಪಡ್‌ಶೆ. ತುಮಾರಮ ಹರೇಕ್‌ನಾಬಿ ಇವ್ಣ ಇವ್ಣ ಕಾಮ್ ಕಿಮ್ಕಿ ತಿಮ್ಮಸ್ ಪ್ರತಿಫಲ್ ದಿಶ್.