ಯೋಹಾನ 16:16 - ದೇವ್ನಿ ಖ್ಹಾಚಿ ವಚನ್

¹⁶ “ಥೋಡ ದನ್ನ ಬಾದ್‌ಮ ತುಮೆ ಮನ ದೇಕ್‌ಶು ಕೊಯ್ನಿ, ಕತೋಬಿ ಇನ ಬಾದ್‌ಮ ಥೋಡ ದನ್ ಕೇಡೆ ಮನ ದೇಕ್‌ಶು” ಕರಿ ಬೋಲ್ಯೊ.

ಯೋಹಾನ 16:16 ပူးပေါင်းရင်းမြစ်များ

ಮಾರ್ಕ 16:19

ಯೇಸು ಪ್ರಭುನೆ ಇವ್ಣ ಜೋ಼ಡೆ ಆ ಖ್ಹಾರು ಬೋಲಿನ್ ಹುಯಿಜಾ಼ವಾನ ಬಾದ್‌ಮ ಇಮ್ಮಸ್ ಸೊರ್ಗಮ ಪಡೈಗಯೊ ಅಜು಼ ಯೇಸು ದೇವ್ನ ಖಾವಿ ಬಾಜು಼ಮ ಬೇಶಿಗಯೊ.

ಯೋಹಾನ 12:35

ತದೆ ಯೇಸುನೆ ಇವ್ಣುನ ಬೋಲ್ಯೊ, “ಬಿಜು಼ ಥೋಡ ದನ್ನಸ್‌ ಉಜಾ಼ಳು ತುಮಾರಾಮ ರ‍್ಹಿಶೆ, ಅಂಧಾರು ತುಮಾರಪರ್ ಢಪಾವನ ಅಗಾಡಿಸ್ ಉಜಾ಼ಳು ರ‍್ಹವಾನಿವಖ್ಹ್‌ತೆಸ್ ಚಾ಼ಲೊ. ಅಂಧಾರಾಮ ಚಾ಼ಲವಾಳಾನ ಯೋ ಕಿಜ಼್ಜಾ ವಳ್ಯೊಜಾ಼ಸ್ ಕರಿ ಮಾಲುಮ್‌ ಕೋಪಡಾನಿ.

ಯೋಹಾನ 13:3

ಬಾನೆ ಖ್ಹಾರಿಸ್ ಅದಿಕಾರ್‌ನ ಇನ ಹಾತ್‌ಮ ದೀರಾಖ್ಯೊಸ್ ಕರಿ ಯೇಸುನ ಮಾಲುಮ್‌ ಥೂ; ಅತ್ರೇಸ್ ಕಾಹೆತೆ ಯೇಸುನ ದೇವ್‌ಕಂಥೊ ಐರ‍್ಹೋಸ್ ಅಜು಼ ಪಾಛೊ಼ ದೇವ್‌ಕನ ವಳ್ಯೊಜ಼ವುಸ್‌ ಕರೀಬಿ ಮಾಲುಮ್‌ ಥೂ.

ಯೋಹಾನ 13:33

ಮಾರ ಲಡ್ಕಾ, ಬಿಜು಼ ಥೋಡಿ ವಖ್ಹತ್ ಮೇ ತುಮಾರ ಜೋ಼ಡೆ ರ‍್ಹೀಶ್. “ಮನ ಢೂಂಡ್‌ಶು, ಕತೋಬಿ ಯೆಹೂದ್ಯರ್‌ನ ಬೋಲ್ಯೋತೆ ಇಮ್ಮಸ್, ಮೇ ಜ಼ವುಸ್ತೆ ಹಿಜ್ಜಾ಼ ತುಮೆ ಕೋ ಆವಾನ ಉಶೇನಿ” ಕರಿ ಮೇ ಹಮ್ಕೆ ತುಮೂನಾಬಿ ಬೋಲುಸ್.

ಯೋಹಾನ 16:10

ಮೇ ಬಾಕನ ಜೈ಼ನ್‌, ನೀತಿನಿ ಬಾರೇಮ ಅದ್ಮಿಖ್ಹಾರನ ಖ್ಹಾಮ್ಣೆ ಸಾಕ್ಷಿದಿಶ್, ಬಿಜು಼ ಅನಪಾರ್ ಮನ ಘಣಿ ವಖ್ಹತ್ ದೇಕ್‌ಶು ಕೊಯ್ನಿ.

ಯೋಹಾನ 16:22

ಇಮ್ಮಸ್ ತುಮೂನಾಬಿ ಹಮ್ಕೆ ದುಖ್ ರ‍್ಹಯುತೋಬಿ, ಮೇ ತುಮೂನ ಪಾಛೊ಼ ದೇಖಿಶ್‌, ತದೆ ತುಮಾರು ದಿಲ್‌ ಖ್ಹುಶೀಥಿ ಭರೈಜಾ಼ಶೆ, ಅಜು಼ ಕಿನೇಥೀಬಿ ತುಮಾರಿ ಖ್ಹುಶಿನ ದೂರ್ ಕಾಡಾನ ಕೋ ಉಶೇನಿ.

ಯೋಹಾನ 16:28

ಮೇ ಬಾಕಂಥೊ ಜಗತ್ನ ಆಯೊ; ಹಮ್ಕೆ ಆ ಜಗತ್ನ ಮ್ಹೆಂದಿನ್, ಬಾಕನ ವಳ್ಯೊಜ಼ವುಸ್‌” ಕರಿ ಬೋಲ್ಯೊ.

ಯೋಹಾನ 16:5

ಕತೋಬಿ ಹಮ್ಕೆ, ಮೇ ಮನ ಮೋಕ್‌ಲ್ಯೊತೆ ಇನಾಕನ ವಳ್ಯೊಜ಼ವುಸ್‌, ತೋಬಿ ತೂ ಕಿಜ್ಗಾ಼ ವಳ್ಯೊಜಾ಼ಸ್‌? ಕರಿ ತುಮಾರಾಮ ಏಕ್‌ನೇಬಿ ಮನ ಪುಛಾ಼ಯಕೊಯ್ನಿ.

ಯೋಹಾನ 17:13

ಅಜು಼ ಹಮ್ಕೆ ಮೇ ತಾರಕನ ವಳ್ಯಾವ್‌ಸ್‌, ಇನಖ್ಹಾಜೆ ಅವ್ಣಾಮ ಮಾರಿ ಖ್ಹುಶಿ ಭರ್‌ಪೂರ್‌ ಹುವಾನಿ ಘೋಣಿ, ಅನ ಜಗತ್‌ ರ‍್ಹವಾನಿ ವಖ್ಹತ್‌ಮಾಸ್‌ ಆ ವಾತೆನ ಖ್ಹಾರು ಬೋಲುಕರುಸ್.

ಯೋಹಾನ 17:5

ಬಾ! ಹಮ್ಕೆ, ತೂ ತಾರ ಖ್ಹಾಮ್ಣೆ ಮನ ಮಹಿಮೆ ಕರ್‌, ಜಗತ್‌ ಉಬ್ಜಾ಼ನ ಅಗಾಡಿ ತಾರ ಜೋ಼ಡೆ ಮನ ಥೀತೆ ಯೋಸ್‌ ಮಹಿಮೆ ಮನ ದೇ.

ಯೋಹಾನ 7:33

ತದೆ ಯೇಸು ಇವ್ಣುನ, “ಬಿಜು಼ ಥೋಡ ದನ್ ಮೇ ತುಮಾರ ಜೋ಼ಡೆ ರ‍್ಹೀಶ್, ಇನ ಬಾದ್‌ಮ ಮನ ಮೋಕ್‌ಲ್ಯೊತೆ ಇನಾಕನ ಮೇ ಚ಼ಲ್ಯೊಜೈ಼ಶ್‌.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:3

ಆ ಹೈರುತೆ ಯೊ ಮರಾನಿ ಬಾದ್‌ಮ ಚಾ಼ಲ್ಯುತೆ, ಇನೆ ಬಚಿನ್ ಆಯೋತೆ ಇನಿ ಬಾರೇಮ ಅಪೊಸ್ತಲರ‍್ನ ವತಾಳಿಲಿದೊ ಇನೆ ಜಿವೀನ್ ಉಠ್ಯೊತೆ ಘಣಿ ವಖ್ಹತ್‌ಲಗೂಬಿ ಕೈಏಕ್ ಜ಼ಣಾನ ದೆಖಾವ್ತೊರ‍್ಹಯೊ ದೇವ್ನಿ ರಾಜ್ಯನಿ ಬಾರೇಮ ಇವ್ಣಮ ಬೋಲ್ತೊರ‍್ಹಿಯೊ.

ಇಬ್ರಿ 12:2

ಯೇಸು ಇನಖ್ಹಾಮ್ಣೆ ಮ್ಹೇಲಿರಾಖ್ಯೊತೆ ಖ್ಹುಶಿನಖ್ಹಾಜೆ ಖ್ಹರಮ್‌ನಾಬಿ ಖ್ಹಾಯ್‌ ಕರ‍್ಯೊಕೊಂತೆ ಶಿಲ್‌ಬೇನಿ ಮರಣ್ಣ ಖ್ಹಮಾಳಿನ್, ದೇವ್ನು ಸಿಂಹಾಸನ್ನ ಖಾವಿಬಾಜು಼ಮ ಬೆಠೋಸ್.