ಯೋಹಾನ 16:11 - ದೇವ್ನಿ ಖ್ಹಾಚಿ ವಚನ್

¹¹ ನ್ಯಾವ್‌ನಿ ಬಾರೇಮ ಆ ಜಗತ್ನ ಅದಿಪತಿನ ನ್ಯಾವ್‍ನಿ ತೀರ್ಪ್ ಹುಯಿಗಯು.

ಯೋಹಾನ 16:11 ပူးပေါင်းရင်းမြစ်များ

ಮತ್ತಾಯ 12:18

ಹಂದೇಕ್‌, ಮಾರೊ ಸೇವಕ್, ಅನ ಮೇ ಚೂ಼ಣಿ ರಾಖ್ಯೋಸ್, ಆ ಮಾರೊ ಪ್ಯಾರ್‌ನೊ ಹುಯಿರ‍್ಹೋಸ್, ಅನೇಥಿ ಮೇ ಖ್ಹುಶಿ ಛೂ಼. ಮೇ ಮಾರು ಆತ್ಮಾನ ಇನಾಪರ್‌ ರಾಖುಸ್, ಅಜು಼ ಯೋ ಅಲಕ್‌ ಅದ್ಮಿವೋನಾಬಿ ಮಾರಿ ನ್ಯಾವ್‌ನ ಬೋಲಿವತಾಳ್‌ಶೆ.

ಮತ್ತಾಯ 12:36

ಅತ್ರೇಸ್ ಕಾಹೆತೆ, ಮೇ “ತುಮೂನ ಶಾತ್‌ ಬೋಲುಸ್‌ಕತೊ, ಅದ್ಮಿಖ್ಹಾರು ಫಾಯಿದೊಕೊಂತೆ ಬೋಲಾಸ್ತೆ ಹರೇಕ್ ವಾತೇನಿ ಬಾರೇಮ ನ್ಯಾವ್‍ನಿ ತೀರ್ಪ್‌ನ ದನ್ಮ ಗಣ್ತಿ ದೇವ್ಣುಪಡ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:18

ತದೆ ಯೇಸುನೆ ಇವ್ಣುನ, “ಶೈತಾನ್ ವಿಜ಼್‌ಳೀನಿಮತ್‌ ಪರ್‌ಲೋಕ್‌ಥು ಹೇಟ್ ಪಡಾತೆ ಮೇ ದೇಖ್ಯೊ.

ಯೋಹಾನ 12:31

ಆ ಜಗತ್ನ ತೀರ್ಪ್ ಹುವಾನಿ ಘಡಿ ಆಸ್; ಯೊ ಆ ಜಗತ್ನ ರಾಜ಼್‌ಭಾರ್‌ ಚ಼ಲಾಯೊತೆ ಆ ಅದಿಪತಿನ ಭಾರ್‌ ಧಕೇಲ್‌ಶೆ.

ಯೋಹಾನ 14:30

ಬಿಜು಼ ಮೇ ತುಮಾರ ಜೋ಼ಡೆ ಜಾ಼ಖ್ಹತ್ ವಾತೆ ಕೋ ಬೋಲೂನಿ, ಶನಕತೊ ಆ ಜಗತ್ನ ಅದಿಕಾರಿ ವಳ್ಯಾವಸ್. ಇನ ಮಾರಪರ್ ಖೆವಿಸ್ ಹಕ್‌ ಕೊಯ್ನಿ.

ಯೋಹಾನ 16:12

ಮೇ ತುಮೂನ ಬೋಲ್ನುತೆ ವಾತೆ ಬಿಜೂ಼ಬಿ ಘಣಿ ಛಾ಼, ಕತೋಬಿ ಹಮ್ಕೆ ಇನ ಝೇಲಾನ ತುಮೂನ ಕೋ ಉಶೇನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:42

ಅಜು಼ ಯೋಸ್ ಜಿವ್ತುರ‍್ಹವಾಳನ, ಮರಿರ‍್ಹಾವಳನ ದೇವ್‍ಥಿ ನ್ಯಾವ್‍ನೊ ಅಧಿಪತಿಹುಯಿನ್ ಚೂ಼ಣಾಯೊಹುಯೊ ಕರಿ ವತಾಳನಖ್ಹಾಜೆ ಸಾಕ್ಷಿ ಬೋಲ್‌ನು ಕರಿ ಅಪ್ಣುನ ಹುಕುಮ್‌ ದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:25

ಕತೋಬಿ ಪೌಲನೆ, ನೀತಿ,ಅಜು಼ ಇನುಯೋ ದಾಬುಕ್ ರ‍್ಹವಾನು, ಅಜು಼ ಖ್ಹಾಮ್ಣೆ ಉಳ್ಯಾವತೆ ನ್ಯಾಯತೀರ್ಪ್‌ನಿ ಬಾರೇಮ ಬೋಲಾಮ ಫೇಲಿಕ್ಸನೆ ಡರಿನ್, “ಹಮ್ಕೆ ತೂ ಜಾ಼ ಮನ ವಖ್ಹತ್ ಮಳಾದಿನ್ ತುನ ಬುಲೈಮಂಗೈಷ್” ಕರಿಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:18

ತೂ ಇವ್ಣ ಖ್ಹಾರಾನ ಖ್ಹಾಚ಼ನ ಖ್ಹಮ್‌ಜಾ಼ಡಿನ್ ಇವ್ಣುನ ಅಂಧಾರಮ ಥೂತೆ ಇವ್ಣಡೋಳನ ಉಜಾ಼ಳಾಮ ಆವಾನಿತರಾಬಿ ಶೈತಾನ್‍ನಿ ಅದಿಕಾರ್‌ಥಿ ದೇವ್‌ಭಣಿ ಫರಾನಿತರಾಬಿ ಕರ‍್ನು. ತದೆ ಇವ್ಣು ಪಾಪ್‌ಖ್ಹಾರು ಮಾಪ್‌ಉಷೆ. ಪರಿಶುದ್ಧರ್‌ನಿ ಜೋ಼ಡ್ಮ ಹುಕುಮ್‌ ಲೀಲಿಶೆ. ಇವ್ಣ ಡೋಳ ಉಖಡ್‌ನುಕರಿ ಇವ್ಣಕನ ಮೇ ತುನ ಮೋಕ್ಲುಸ್‌ ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:20

ಅಜು಼ ಸಮಾಧಾನ್ನೊ ದೇವ್ ವಗ್ಗಿಸ್ ಶೈತಾನ್ನ ತುಮಾರ ಗೋಡ ಹೇಟ್‍ನಾಖಿನ್ ಚ಼ಗ್‌ದಿನಾಕ್‍ಶೆ. ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸುನಿ ವಾರ್‌ಖ್ಹೊ ತುಮಾರ ಜೋ಼ಡ್ಮ ರ‍್ಹವಾದೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:16

ಇನಖ್ಹಾಜೆ ಮೇ ಬೋಲುತೆ ಸುವಾರ್ತೆನಿಘೋಣಿ ಯೋ ದನ್ಮ ಅಮ್ಮಸ್ ದೇವ್ ಯೇಸುಕ್ರಿಸ್ತಥಿ ಅಖ್ಖಾಮ ಗಪ್ಲಥ್ಥಿ ರ‍್ಹೇಯ್ತೆ ಸೋಚ್ನ ತೀರ್ಪ್‌ ಕರ್ಶೆ.

1 ಕೊರಿಂಥ 4:5

ಅನಖ್ಹಾಜೆ ಕಬ್ಲಗು ಪ್ರಭು ಕೊ ಆವಾನಿಕಿ ಯೊ ವಖ್ಹತ್‌ನ ಅಗ್ಗಳಸ್ ಶನುಬಾರೇಮಾಬಿ ನ್ಯಾವ್‌ನು ತೀರ್ಪ್ ನಕೊಕರ್ಷು; ಇನೆ ಅಂಧಾರಮಾನು ಲಪಿಹುಯು ಕಾಮ್‌ಖ್ಹಾರು ಉಜಾ಼ಳಾಮ ಲೀನ್‌ ಆವ್‌ಶೆ. ಅದ್ಮಿನಿ ದಿಲ್ನಿಖ್ಹಾರಿ ಸೋಚ್ನ ಭಾರ್‌ ಕಾಡ್‌ಶೆ. ತದೆ ಹರೇಕ್‍ಜ಼ಣಾನ ಆವ್ಣುತೆ ಖ್ಹರಾವ್ಣಿ ದೇವ್‍ಥೀಸ್‍ ಮಳ್‌ಶೆ.

2 ಕೊರಿಂಥ 4:4

ದೇವ್‌ನೊ ರೂಪ್ ಹುಯಿರೋತೆ ಕ್ರಿಸ್ತನಿ ಉಜಾ಼ಖ್ಹ್‌ನ ವತಾಳನು ಮಹಿಮೆನಿ ಸುವಾರ್ತೆ ಅವ್ಣಾಮ ಉಜಾ಼ಖ್ಹ್‌ ನಾಹೊಣುಕರಿ, ಆ ಜಗತ್‌ನು ದೇವ್‌ ವಿಶ್ವಾಸ್‌ಕೊಂತೆ ಇವ್ಣ ದಿಲ್ನ ಕಾಣು ಕರಿನಾಖ್ಯು.

ಎಫೆಸ 2:2

ಅಗ್ಗಳ್ ತುಮೆ ಆ ಜಗತ್ನಿ ರೀತಿಥೀಬಿ, ವಹಿರಾನ ಗೋಳಾಮ ಅದಿಕಾರ್ ಚ಼ಲಾವತೆ ಅದಿಪತಿನ ಕತೊ ವಿಧೇಯ ಕೊಹುವಾಂತೆ ಲಡ್ಕಾವ್‌ಮ ಹಮ್ಕೆ ಚ಼ಲಾವತೆ ಆತ್ಮನಿಘೊಣಿ ಜಿವ್ಣು ಚಾ಼ಲಾಯ.

ಕೊಲೊಸ್ಸೆ 2:15

ದೇವ್ ಇನ ವಿರೋದ್ ಹುಯಿರ‍್ಹುಥೂತೆ ರಾಜ್‍಼ನಾಬಿ, ಅದಿಕಾರ್‌ನಾಬಿ, ಯೋ ಅಖ್ಖಾನ ಬಿಣ್‍ ಖಪ್ಫನ್‌ವಾಳ ಬಣೈನ್ ಶಿಲ್‌ಬೇನು ಜೀತ್ಮ ಯೋ ಅಖ್ಖಾನ ಹಿಡಿ ಜಗತ್ನ ಖ್ಹಾಮ್ಣೆ ವತಾಳ್ಯೊ.

ಇಬ್ರಿ 2:14

ಅತ್ರೇಸ್ ಕಾಹೆತೆ ಲಡ್ಕಾವ್‌ಖ್ಹಾರು ಲ್ಹೊಯಿಥಿಬಿ ಬೋಟಿಥಿ ಹುಯಿರುತೆ ಇಮ್ಮಸ್ ಯೇಸು ಜಿನು ಇವ್ಣಿನಿತರಸ್ ಲ್ಹೋಯಿಬಿ ಬೋಟಿಥಿಹುಯೊ. ಇನಿ ಮರಣ್‌ಥೀಸ್ ಮರಣ್ಣಿ ಅಧಿಕಾರ್‌ ಲೀರಾಖವಾಳ ಶೈತಾನ್ನ ಮಟಾಯೊ.

ಇಬ್ರಿ 6:2

ಬ್ಯಾಪ್ತಿಸ್ಮನಿ ಬಾರೇಮ ಬೋಲ್ನುಕತೊ, ಹಾತ್‍ಮ್ಹೇಲಾನುಬಿ, ಪಾಛು಼ಜಿವ್ತು ಹುವಾನುಬಿ ಅಜು಼ ಹರ್‌ಹಮೇಶಾನು ನ್ಯಾಯತೀರ್ಪ್‌ನ ಬಾರೇಮ ತುಮುನ ಖ್ಹಮ್‌ಜಾ಼ಡೈರ‍್ಹುಸ್.

ಇಬ್ರಿ 9:27

ಎಕ್ಕಸ್ ವಖ್ಹತ್ ಮರಾನುಬಿ ಅಜು಼ ಇನಕೇಡೆಥು ದೇವ್‍ಥಿ ತೀರ್ಪ್ ಲೀಲ್ಯಾವಾನು ಹುಯಿರ‍್ಹುಸ್.

2 ಪೇತ್ರ 3:7

ಹಮ್ಕೆ ಛಾ಼ತೆ ಆಬ್-ಧರ್ತಿಖ್ಹಾರನ ಯೋಸ್‌ ವಚನ್ನಿ ತಾಖತ್ತಿ ಆಗ್‌ಥಿ ನಾಶಕರಾನಟೇಕೆ ಟಿವಾಡಿರಾಖ್ಯುಸ್. ಖರಾಬ್ ಅದ್ಮಿಖ್ಹಾರು ವಿನಾಶ್‌ಹುವಾನು ನ್ಯಾವ್ನತೀರ್ಪ್‌ನ ದನ್‍ಲಗುಬಿ ಆ ಅಖ್ಖಾನ ಮ್ಹೇಲಿರಾಖ್ಯುಸ್.

1 ಯೋಹಾನ 3:8

ಪಾಪ್ ಕರಾವಾಳೊ ಶೈತಾನ್‍ನಿ ಪಿಳ್ಗಿವಾಳೊ. ಶೈತಾನ್‍ ಜ಼ಮಾನೇಥುಬಿ ಪಾಪ್ ಕರವಾಳೋಸ್. ಇನಖ್ಹಾಜೆ ಇನು ಖರಾಬ್ ಕಾಮ್‍ಖ್ಹಾರಾನ ನಾಶ್ ಕರ್ನುಸ್ ಕರಿ, ದೇವ್‌ನೊ ಛಿಯ್ಯೊ ಆಯೋತೆ.

ಪ್ರಕಾಶಿತ್ 1:7

“ದೇಖೊ ಯೋ ವಾದ್‍ಳಾನ ಜೋ಼ಡೆ ಆವಾಳೊ ಹುಯಿರೊಸ್, ಹರೇಕ್ನೊ ಡೋಳೊ ಇನ ದೇಕ್‍ಷೆ ಇನ ಭೋಕ್ಯುಹುಯುಬಿ ಇನ ದೇಕ್‍ಷೆ” ಆ ಜಗತ್‌ನು ಅಖ್ಖು ಖೂಮ್‌ವಾಳು ಅಂದ್ರೋಖ್ಹ್‌ ಕರ್ಶೆ. ಒಹೊ ಇಮ್ಮಸ್ ಉಷೆ ಆಮೆನ್.