ಯೋಹಾನ 15:7 - ದೇವ್ನಿ ಖ್ಹಾಚಿ ವಚನ್

⁷ ತುಮೆ ಮಾರಾಮಬಿ ಮಾರಿ ವಚನ್ ತುಮಾರಾಮ ರ‍್ಹಯೀತೊ, ಶಾತ್‌ ಮಾಂಗಿಲಿದಾತೋಬಿ ಯೋ ತುಮೂನ ಮಳ್‌ಶೆ.

ಯೋಹಾನ 15:7 ပူးပေါင်းရင်းမြစ်များ

ಮತ್ತಾಯ 7:7

“ಮಾಂಗಿಲೇವೊ, ತದೆ ತುಮೂನ ದೇವಾವ್‌ಶೆ; ಢೂಂಡೊ, ತದೆ ತುಮೂನ ಮಳ್‌ಶೆ; ಖಟ್‌ಖಟಾವೊ, ತುಮುನ ಬಾಕಲ್‌ ನಿಕಳ್‌ಶೆ,

ಯೋಹಾನ 14:13

ಅಜು಼ ತುಮೆ ಮಾರ ನಾಮ್‌ಪರ್‌ ಶಾತ್‌ ಮಾಂಗಿಲಿದಾತೋ, ಮೇ ತುಮಾರಖ್ಹಾಜೆ ಯೋ ಖ್ಹಾರುಸ್ ಚ಼ಲೈಶ್‌, ಅನಖ್ಹಾಜೆ ಛಿಯ್ಯಾಥಿ ಬಾನ ಮಹಿಮೆ ಉಶೆ.

ಯೋಹಾನ 15:16

ತುಮೆ ಮನ ಚೂ಼ಣಿನ್ ಕಾಡಿರಾಖ್ಯಕೊಯ್ನಿ; ಮೇ ತುಮೂನ ಚೂ಼ಣಿನ್ ಕಾಡಿರಾಖ್ಯೊಸ್, ತುಮೆ ಜೈ಼ನ್‌, ಪಂಡು ದೇವ್ಣುಕರಿ ಅಜು಼ ಯೋ ಪಂಡು ಕೆದೇಬಿ ದ್ಯವಾನು ಹುಯಿರ‍್ಹೇಣು ಕರಿ, ಮೇ ತುಮೂನ ನೇಮ್‌ಶೈರಾಖ್ಯೋಸ್‌. ಅನಖ್ಹಾಜೆಸ್ ಮಾರ ನಾಮ್‍ಥಿ ತುಮೆ ಶಾತ್‌ ಮಾಂಗಿಲಿದಾತೋಬಿ ಬಾ ತುಮೂನ ಯೋ ದಿಶೆ.

ಯೋಹಾನ 16:23

ಯೋ ದನ್ಮ, ತುಮೆ ಮನ ಶಾತ್ಬಿ ಕೋ ಪುಛಾ಼ವ್‌ಶುನಿ. ಮೇ ತುಮೂನ ಖ್ಹಾಚ ಬೋಲುಕರುಸ್, ತುಮೆ ಮಾರ ನಾಮ್‌ಪರ್‌ ಶಾತ್‌ ಮಾಂಗಿಲಿದಾತೋಬಿ ಬಾ ತುಮೂನ ಯೋ ದಿಶೆ.

ಯೋಹಾನ 8:31

ತದೆ ಯೇಸುನೆ ಇನಾಪರ್ ವಿಶ್ವಾಸ್‌ ಕರ‍್ಯೋತೊ ಯೆಹೂದ್ಯರ್‌ನ, “ತುಮೆ ಮಾರಿ ವಾತೇನಿತರ ಚಾ಼ಲ್ಯಾತೊ,ತುಮೆ ಖ್ಹಾಚ಼ಮಾಬಿ ಮಾರ ಶಿಷ್ಯ ಹುಯಿರ‍್ಹಿಶು.

ಯೋಹಾನ 8:37

ತುಮೆ ಅಬ್ರಹಾಮ್‌ನಿ ಪಿಳ್ಗಿವಾಳ ಕರಿ ಮನ ಮಾಲುಮ್‌. ತೋಬಿ ತುಮೆ ಮನ ಮರ್‌ನಾಕ್ಣು ಕರಿ ಕೋಶಿಶ್ ಕರೋಸ್, ಶನಕತೊ ಮಾರಿ ವಾತೇನ ತುಮೆ ಮಾನ ಕೊಯ್ನಿ.

ಗಲಾತ್ಯ 4:2

ಬಾನೆ ಖ್ಹಣೇದ್ ಕರ‍್ಯೊತೆ ವಖ್ಹತ್‌ಲಗು ಪಾಲನ್‌ಕರಾವಳನಿ ಅಜು಼ ಚ಼ಲಾವವಾಳಾನಿ ಚ಼ಪ್ಪಣ್‌ಮ ರ‍್ಹೇಣು.

ಗಲಾತ್ಯ 5:16

ಮೇ ಬೋಲಾನು ಶಾತ್‌ಕತೊ ಪವಿತ್ರಾತ್ಮನಿ ತರೀಖಾಮ ಚಾ಼ಲೊ ತದೆ ತುಮೆ ಶರೀರ್‌ನ ಲಾಲಚ್‌ನಿ ಖೆವಿ ಪರಕ್ಮಬಿ ಕೋಕರ್‌ಶುನಿ.

ಕೊಲೊಸ್ಸೆ 3:16

ಕ್ರಿಸ್ತನು ವಚನ್ ತುಮಾರಮ ಭಡ್ತುಹುಯಿನ್ ಜಿವಾದೆ. ಹರೇಕ್ ಅಕ್ಕಲ್‌ಮ ಏಕ್‌ಥಿ ಏಕ್‌ ಶಿಕ್ತಹುಯಿನ್ ಉಪದೇಶ್ ಕರತಾಹುಯಿನ್, ಅಕ್ಕಲ್ ಬೋಲ್ತಹುಯಿನ್ ಕೀರ್ತನೆಥೀಬಿ, ಸ್ತುತಿನು ಗೀದ್‍ಥೀಬಿ ಆತ್ಮೀಕ್ ಗೀದ್‍ಥೀಬಿ ಅಜು಼ ತುಮಾರ ದಿಲ್ಮ ದೇವ್ನ ಧನ್ಯವಾದ್ನು ಗೀದ್‌ ಬೋಲೊ.

1 ಯೋಹಾನ 2:14

ಲಡ್ಕಾವೊ, ತುಮೆ ಬಾನ ಮಾಲುಮ್‌ ಕರಿರಾಖ್ಯತೆ ಇನಖ್ಹಾಜೆ ತುಮೂನ ಲೀಖುಕರುಸ್. ತುಮೆ ಶಕತ್‌ವಾಳ ಹುಯಿರಾತೆ ಇನಖ್ಹಾಜೇಬಿ ದೇವ್ನಿ ವಚನ್‍ ತುಮಾರಮ ಜಿವಿರ‍್ಹುಸ್ತೆ ಇನಖ್ಹಾಜೇಬಿ ಕೇಡ್‌ ಕರವಾಳನ ಹರೈರಾಖ್ಯಾತೆ ತುಮೂನ ಮೇ ಲೀಖುಕರುಸ್.

1 ಯೋಹಾನ 2:27

ತುಮೆ ಪ್ರಭು ಯೇಸುಥಿ ಪವಿತ್ರಾತ್ಮನಿ ಅಭಿಷೇಕ್ ಲೀರಾಖವಾಳ ಹುಯಿರಾಸ್‍. ಯೊ ಪವಿತ್ರಾತ್ಮ ತುಮಾರಮ ಛೆ. ಅನಖ್ಹಾಜೇಥಿ ಕೋಣ್‌ಬಿ ತುಮುನ ಬೋಧನೆ ಕರಾನಿ ಜ಼ರೂರತ್ ಕೊಯ್ನಿ. ಇನೆ ತುಮುನ ಕರ‍್ಯೊತೆ ಪವಿತ್ರಾತ್ಮಸ್ ತುಮೂನ ಅಖ್ಖಿ ಸಮಚಾರ್‌ಮ ಬೋಧನೆ ಕರಾನು ಹುಯಿರುಸ್. ಯೋ ಝೂ಼ಟಿಕಾಹೆ ಖ್ಹಾಚಿ ಹುಯಿರ‍್ಹುಸ್‍. ಯೊ ತುಮೂನ ಬೋಧನೆ ಕರ‍್ಯುತೆ ಪರಕ್ಮಾಸ್ ಇನಾಮ ಘಟ್ ರ‍್ಹಿಶು.

1 ಯೋಹಾನ 3:22

ಅಪ್ಣೆ ದೇವ್ನಿ ಹುಕುಮ್‌ನ ಅಖ್ಖುಲೀನ್ ಚಾ಼ಲ್ಯಾತೊ ಇನು ಪಸಂದ್‌ನು ಕಾಮ್‍ಕರವಾಳ ಹುಯಿರ‍್ಹಾತೊ ಅಪ್ಣೆ ಶಾತ್ಬಿ ಮಾಂಗಿ ಲಿಯೆಜಾ಼ಯ್‍.

1 ಯೋಹಾನ 5:14

ಅಜು಼ ದೇವ್ನ ಖ್ಹೂಜ಼್‍ಥಿ ಶಾತ್ತೋಬಿ ಮಾಂಗಿಲಿದಾತೊ ಯೋ ಅಪ್ಣಿ ಬಿಂತಿನ ಖ್ಹಮಜ಼್‌ಶೆ ಕರಿ ಅಪ್ಣುನ ಭರೋಖ್ಹೊ ಛಾ಼.