ಯೋಹಾನ 15:24 - ದೇವ್ನಿ ಖ್ಹಾಚಿ ವಚನ್

²⁴ ಏಕ್‍ ವಖ್ಹತ್ ಖ್ಹಾರಕಾಮ್ನ ಮೇ ಇವ್ಣಾಮ ನಾಕರ‍್ಯೊಹೋತ್ತೊ, ಇವ್ಣಾಪರ್ ಪಾಪ್ ಕೋ ರ‍್ಹಯುಹೋತ್ನಿ, ಕತೋಬಿ ಹಮ್ಕೆ ಇವ್ಣೆ ದೇಖಿರಾಖ್ಯೂಸ್‌, ತೋಬಿ ಮಾರಪರ್‌ಬಿ ಮಾರ ಬಾಪರ್‌ಬಿ ವಹೇರ್‌ ಕರಾಸ್.

ಯೋಹಾನ 15:24 ပူးပေါင်းရင်းမြစ်များ

ಮತ್ತಾಯ 11:5

ಕಾಣಾವ್ನ ಡೋಳಾ ಆವ್‌ಶೆ, ಲಂಗ್ಡು ಖ್ಹಾರು ಚಾ಼ಲ್‌ಷೆ, ಖೋಡ್‍ ರ‍್ಹವಾಳು ಪಾಕ್‌ ಉಶೆ, ಭೈರಾವ್‍ನ ಖ್ಹಮ್‌ಜಾ಼ವ್‌ಶೆ, ಮರಿಗಯುಹುಯು ಜಿವ್ತು ಉಟ್‌ಶೆ, ಅಜು಼ ಗರೀಬ್‌ನ ಸುವಾರ್ತೆ ಬೋಲಾವ್‌ಶೆ.

ಮತ್ತಾಯ 21:32

ಬ್ಯಾಪ್ತಿಸ್ಮ ದ್ಯವಾಳೊ ಯೋಹಾನ ತುಮಾರಕನ ಆಯಿನ್, ತುಮೂನ ಜಿವಾನೊ ಬರೋಬರ್‌ನ ಮಾರಗ್‌ನ ವತಾಳ್ಯೊ, ತೋಬಿ ತುಮೆ ಇನ ನಂಬ್ಯಾಕೊಯ್ನಿ; ಕತೋಬಿ ಶುಂಕ ಮಾಂಗವಾಳು ಅಜು಼ ವ್ಯಬಿಚಾರ್‌ ಕರವಾಳು ಖ್ಹಾರು ಇನ ನಂಬ್ಯು. ಅನ ದೇಖಿನ್‌ಬಿ ತುಮೆ ತುಮಾರು ಮನ್‍ಫರಾಯಕೊಯ್ನಿ, ಇನಾಬಿ ನಂಬ್ಯಾ ಕೊಯ್ನಿ.

ಮತ್ತಾಯ 9:33

ಯೇಸುನೆ ಯೋ ಭೂತ್‌ನ ನಖ್ಹಾಡಾನ ಬಾದ್ಮ, ಯೋ ಮುಕ್ಕೊ ವಾತೆ ಬೋಲಾಲಗ್ಯೊ. ತದೆ ಯೋ ಅದ್ಮಿಖ್ಹಾರು, “ಇಸ್ರಾಯೇಲ್‌ಮ ಅಮ್ನು ಕಾಮ್ನ ಹಮೆ ಕದೇಸ್‌ ಕೋ ದೇಖಿರಾಖ್ಯಾನಿ!” ಕರಿ ಆಶ್ಚರ್ಯಖಾದು.

ಮಾರ್ಕ 2:12

ಅಮ್ ಬೋಲ್ತಾಸ್‌ನ ಇನೆ ಉಠೀನ್, ಇನಿ ಬಿಛಾ಼ವ್ಣಿನ ಪಳ್ಳಿನ್, ಅಖ್ಖಾನ ದೇಕ್ತಾಡೋಳೆ ಭಾದರ್ ಚ಼ಲೆಗಯೊ. ಅನ ದೇಖಿನ್ ಖ್ಹಾರುಜ಼ಣು ಘಣು ಅಶ್ಚರ್ಯಹುಯಿನ್, “ಹಮೆ ಹಂಕೆತೋಡಿ ಕದೇಬಿ ಅಮ್ನು ದೇಖೀಸ್‌ರಾಖ್ಯಕೊಯ್ನಿ” ಕರಿ ದೇವ್ನ ಸ್ತುತಿ ಕರ್ತುಹುಯಿನ್ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:19

ತದೆ ಯೇಸುನೆ, “ಖೆವಿ ವಾತೆ?” ಕರಿ ಪುಛಾ಼ಯೊ. ಇನ ಇವ್ಣೆ, “ನಜ಼ರೇತ್‌ನೊ ಯೇಸುನಿ ಬಾರೇಮ, ಯೊ ದೇವ್ನ ಅಜು಼ ಅದ್ಮಿನ ಡೋಳಾಮ ಪ್ರವಾದಿ ಹುಯಿರ‍್ಹೋಥೊ, ಕಾಮ್ಮಬಿ ಅಜು಼ ವಾತೇಮಾಬಿ ಮೋಟೊ ಪ್ರವಾದಿಹುಯಿರ‍್ಹೋಥೊ.

ಯೋಹಾನ 10:32

ತದೆ ಯೇಸುನೆ ಇವ್ಣುನ, “ಬಾನೆ ದಿದೋತೆ ಕೈಯೆಕ್ಕಿ ಅಛ್ಛು಼ ಕಾಮ್ನ ಮೇ ತುಮಾರ ಖ್ಹಾಮ್ಣೆ ಕರಿವತಾಳ್ಯೊ; ಯೋ ಖ್ಹಾರು ಕಾಮ್ಮಾಥು ಕೆಹು ಕಾಮ್ನಟೇಕೆ ಮಾರಪರ್ ತುಮೆ ಬಂಡಾ ಫೇಕ್‌ಣು ಕರಿ ಛಾ಼?” ಕರಿ ಪುಛಾ಼ಯೊ.

ಯೋಹಾನ 10:37

ಮೇ ಮಾರೊ ಬಾ ಬೋಲಾತೆ ಕಾಮ್ನ ನಾ ಕರ‍್ಯೊ ಉಶೇತೊ, ಮಾರಿ ವಾತೇನ ನಕೊ ನಂಬೊ.

ಯೋಹಾನ 12:10

ಕತೋಬಿ ಮಹಾಯಾಜಕರ್‌ ಲಾಜ಼ರ್‌ನಾಬಿ ಮರೈನಾಕ್ಣು ಕರಿ ಸೋಚ್ಯು.

ಯೋಹಾನ 12:45

ಕೋಣ್‍ ಮನ ದೇಖವಾಳೊಕಿ, ಮನ ಮೋಕ್‌ಲ್ಯೊತೆ ಇನಾಬಿ ದೇಖವಾಳೊ ಹುಯಿರ‍್ಹೋಸ್.

ಯೋಹಾನ 14:9

ಯೇಸುನೆ ಜ಼ವಾಬ್ ದೇತೊ ಹುಯಿನ್, “ಫಿಲಿಪ್ಪ, ಮೇ ಅತ್ರಾದನ್‌ ತುಮಾರ ಜೋ಼ಡೆ ರ‍್ಹಯೊತೋಬಿ, ತುನೆ ಮನ ಮಾಲುಮ್‌ ಕರಿಲಿದೊಕೊಯ್ನಿಕಿ ಶು? ಕೋಣ್ ಮನ ದೇಖ್ಯುಕಿ, ಇವ್ಣೆ ಬಾನಾಬಿ ದೇಖಿರಾಖ್ಯುಸ್‌. ಅಮ್ ರ‍್ಹವಾಪರ್, ತೂ, “ಹಮೂನ ಬಾನ ವತಾಳ್” ಕರಿ ಪುಛಾ಼ವಸ್ತೆ ಶನ?

ಯೋಹಾನ 15:21

ಕತೋಬಿ ಇವ್ಣೆ ಮನ ಮೋಕ್ಲಿರಾಖ್ಯೊತೆ ಇನ ಮಾಲುಮ್ ಕರ‍್ಯುಕೊಂತೆ ಇನಖ್ಹಾಜೆ ಆ ಖ್ಹಾರುಮಾರ ನಾಮ್‍ಥಿ ತುಮೂನ ಕರ್ಶೆ.

ಯೋಹಾನ 15:22

ಮೇ ಐನ್ ಆ ಜಗತ್ನಿ ಅದ್ಮಿವೊನಿ ಜೋ಼ಡೆ ವಾತೆ ನಾ ಬೋಲ್ಯೊಹೊತ್ತೊ, ಇವ್ಣುನ ಪಾಪಿ ದೋಷಿಕರಿ ಬೋಲಾಯುಹೊತ್‌ ಕೊಯ್ನಿ. ಕತೋಬಿ ಹಮ್ಕೆ ಮೇ ಐನ್ ವಾತೆ ಬೋಲಿರಾಖ್ಯೊಸ್ ಇನಖ್ಹಾಜೆ ಇವ್ಣ ಪಾಪ್ನ ಖಿವು ಭಾಣುಬಿ ಕೊಯ್ನಿ.

ಯೋಹಾನ 15:23

ಮಾರಪರ್ ವಹೇರ್‌ ಕರಾವಾಳು ಮಾರ ಬಾಪರ್‌ಬಿ ವಹೇರ್‌ ಕರಾವಾಳು ಹುಯಿರ‍್ಹುಸ್‍.

ಯೋಹಾನ 16:9

ಪಾಪ್ನಿ ಬಾರೇಮಾಬಿ ಇವ್ಣೆ ಮನ ವಿಶ್ವಾಸ್‌ ಕರ‍್ಯುಕೊಯ್ನಿ.

ಯೋಹಾನ 3:2

ಯೋ ಏಕ್‌ ರಾತೆ ಯೇಸುಕನ ಐನ್, “ರಬ್ಬಿ, ತು ದೇವ್‍ಥಿ ಆಯೋಹುಯೊ ಫಡಾವವಾಳೊ ಕರಿ ಹಮೂನ ಮಾಲುಮ್‌. ತು ಕರಾತೆ ಖ್ಹಣೇದ್‍ನು ಕಾಮ್ ಕರಾನ, ದೇವ್ನಿ ಮದತ್ ಕೊಯ್ನಿತೆ ಕಿನೇಥೀಬಿ ಕೋ ಹುವಾನಿ” ಕರಿ ಬೋಲ್ಯೊ.

ಯೋಹಾನ 5:36

ಮಾರಿ ಸಾಕ್ಷಿ ಯೋಹಾನ್‌ಥೀಬಿ ಮೋಟಿ ಸಾಕ್ಷಿ ಹುಯಿರಿಶ್. ಶನಕತೊ ಬಾ ಖೆವುಕಾಮ್ ಪೂರ ಕರಾನ ಮನ ದಿದೊತೆ ಯೋ ಕಾಮ್ನ ಕರುಕರೂಸ್.ಕರಿಬೋಲಾನ ಆ ಕಾಮಸ್ ಸಾಕ್ಷಿ.

ಯೋಹಾನ 6:36

ಕತೋಬಿ ತುಮೆ ಮನ ದೇಖ್ಯಾತೋಬಿ, ವಿಶ್ವಾಸ್‌ ಕರ‍್ಯಾಕೊಂತೆ ಛಾ಼ ಕರಿ ಮೇ ಅಗಾಡಿಸ್ ಬೋಲ್ಯೋನಿ.

ಯೋಹಾನ 7:31

ಕತೋಬಿ ಝೂ಼ಂಡ್‌ಮ ಥೂತೆ ಘಣು ಅದ್ಮಿ ಇನಾಪರ್ ವಿಶ್ವಾಸ್‌ ಕರ‍್ಯು ಅಜು಼, “ಕ್ರಿಸ್ತ ಆಯೋತೊ ತದೆ, ಅನೆ, ಕರ‍್ಯೊತೆ ಅದ್ಭುತ್ ಕಾಮ್‍ಥೀಬಿ ಆಜೂ಼ಬಿ ಜಾ಼ಖ್ಹತ್ ಕಾಮ್ ಕರಾಸ್ಕಿಶುಕೀನಿ?” ಕರಿ ಬೋಲ್ಯು.

ಯೋಹಾನ 9:32

ಪೈದಾಖ್ಹ್‌ಥೂಸ್‌ ಕಾಣು ಹುಯಿರ‍್ಹೂತೆ ಏಕ್‌ ಅದ್ಮಿನ ಕೋಣ್‌ತೋಬಿ ಅಛ್ಛು಼ ಕರ‍್ಯುತೆ ಬಾರೇಮ ಜಗತ್‌ ಶುರುವಾತ್‌ಥು ಏಕ್‌ನೇಬಿ ಖ್ಹಮ್‌ಜಿರಾಖ್ಯು ಕೊಯ್ನಿ.

ಯೋಹಾನ 9:41

ಯೇಸುನೆ ಇವ್ಣುನ, “ತುಮೆ ಕಾಣ ಹುಯಿರ‍್ಹಾಹೋತ್ತೊ, ತುಮೂನ ಪಾಪ್ ಕೋ ರ‍್ಹಯುಹೋತ್ನಿ; ಕತೋಬಿ ಹಮೂನ ಡೋಳಾ ದೆಖವ್‌ಕರಾಸ್‌ ಕರಿ ಬೋಲೋಸ್‌ನಿ, ಇನಖ್ಹಾಜೆ ತುಮೆ ಪಾಪಿ ಹುಯಿರಾಸ್” ಕರಿ ಜವಾಬ್‌ ದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:38

ದೇವ್ನ ನಜ಼ರೇತ್‌ನ ಯೇಸುನಿ ಬಾರೇಮ ಮಾಲುಮ್. ಇನ ಪವಿತ್ರಾತ್ಮಥಿಬಿ ಶಕಥ್ಥಿ ಅಬಿಷೇಕ್ ಕರ‍್ಯೊ ಯೊ ಅಖ್ಖೀಸ್ ಬಾಜೂ಼ಮ ಫರ್ತೊಹುಯಿನ್ ಅದ್ಮಿಖ್ಹಾರನ ಅಛ್ಛು಼ ಕರ‍್ಯೊ. ಭೂತ್ ಧರಿರ‍್ಹಾವಳನಬಿ ಗುಣ್‌ಕರ‍್ಯೊ. ಶನಕತೊ ದೇವ್ ಇನಿ ಜೋ಼ಡ್ಮ ಛಾ಼ಕರಿ ಬೋಲಾನು ವತಾಳಿದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:22

“ಇಸ್ರಾಯೇಲ್ ಅದ್ಮಿವೊ, ಮಾರಿ ವಾತ್ನ ಖ್ಹಮ್‍ಜೊ; ನಜ಼ರೇತ್‌ನೊ ಯೇಸು ಛಾ಼ನಿ ದೇವ್ ತುಮುನಾಬಿ ಮಾಲುಮ್‌ ರ‍್ಹವಾನಿತರ ದೇವ್ನೆಸ್ ಇನೇಥಿ ಚ಼ಲಾಯೊತೆ ಮಹಾ ಕಾಮ್‍ಬಿ, ಅದ್ಭುತ್‌ಕಾಮ್‍ಥಿ ಇನ ಪಸಂದ್ ಹುವಾನಿತರ ತುಮೂನ ವತಾಳಿ ದಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:30

ಏಕ್ನಪರ್‌ ಏಕ್‍ ಖರಾಬ್ ಬೋಲವಾಳು ದೇವ್ನವಹೇರ್ ಕರವಾಳುಬಿ, ಖ್ಹರಮ್‍ಕಡಾವಾಳೂಬಿ ಹಂಕಾರ್‌ವಾಳೂಬಿ, ಗಬ್ಬರ್‌ಕರವಾಳು ಅಜು಼ ಬಡೈಮಾರವಾಳೂಬಿ, ಇವ್ಣೆ ಕದೇಬಿ ಖರಾಬ್ ಕಾಮ್ ಕರಾನಸ್‍ ಸೋಚವಾಳು, ಆಯಾಬಾನಿ ವಾತೆನ ನಾ ಖ್ಹಮ್‍ಜಾ಼ವಾಳೂಬಿ,

2 ತಿಮೊ 3:4

ಧೋಕೊ ದ್ಯವವಾಳು, ದುಡ್ಕಿನ್ ವಾತೆ ಬೋಲವಾಳು, ಹಂಕಾರಿಅಖ್ಖು, ದೇವ್ನ ಪ್ಯಾರ್‌ಕರಾಥೀಬಿ ಹೋಶ್‌ನಿ ಭೋಗ್‌ಮಾಸ್ ಖುಷಿಕರವಾಳು ಹುಯಿರ‍್ಹೂಸ್.

ಯಾಕೋಬ 4:4

ವಿಶ್ವಾಸ್‌ಕೊಂತೆ ಅದ್ಮಿವೊ, ಜಗತ್ನಿ ಜೋ಼ಡ್ಮ ದೋಸ್ತಿಕರಾನು ದೇವ್ನ ವಹೇರ್‌ ಕರಾನು ಕರಿ ತುಮುನ ಮಾಲುಮ್ ಕೊಯ್ನಿಕಿ ಶು? ಇನಖ್ಹಾಜೆ ಜಗತ್ನ ದೋಸ್ತಿಹುಯಿರ‍್ಹೆವುಸ್‌ ಕರಿ ಬೋಲಿಲ್ಯಾವಾಳೊ ಇನುಯೋಸ್ ದೇವ್ನ ವಿರೋದಿ ಬಣೈಲೆಸ್.