ಯೋಹಾನ 15:22 - ದೇವ್ನಿ ಖ್ಹಾಚಿ ವಚನ್

²² ಮೇ ಐನ್ ಆ ಜಗತ್ನಿ ಅದ್ಮಿವೊನಿ ಜೋ಼ಡೆ ವಾತೆ ನಾ ಬೋಲ್ಯೊಹೊತ್ತೊ, ಇವ್ಣುನ ಪಾಪಿ ದೋಷಿಕರಿ ಬೋಲಾಯುಹೊತ್‌ ಕೊಯ್ನಿ. ಕತೋಬಿ ಹಮ್ಕೆ ಮೇ ಐನ್ ವಾತೆ ಬೋಲಿರಾಖ್ಯೊಸ್ ಇನಖ್ಹಾಜೆ ಇವ್ಣ ಪಾಪ್ನ ಖಿವು ಭಾಣುಬಿ ಕೊಯ್ನಿ.

ಯೋಹಾನ 15:22 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:46

ತದೆ ಯೊ ಆಳ್‌ ಸೋಚಾಸ್‌ಕೊಂತೆ ದನ್ಮ ಅಜು಼ ಇನ ಮಾಲುಮಸ್ ಪಡಾಕೊಂತೆ ವಖ್ಹತ್‌ಮ, ಇನೊ ಯಜಮಾನ್ ಐನ್, ಇನ ಕತ್ರೀನ್ ಟುಕ್‌ಡಾ-ಟುಕ್‌ಡಾ ಕರೀನ್, ವಿಶ್ವಾಸ್‌ಕೊಂತೆ ಅದ್ಮಿನ ನಾಖಸ್ತೆ ಝ಼ಗೋಪರ್ ಇನ ನಾಕ್‌ಶೆ.

ಯೋಹಾನ 12:48

ಕೋಣ್ ಮನ ಝಿಟ್ಕಾರಿನ್, ಮಾರಿ ವಾತೇನ ಮಾನಕೊಂತೆ ಇವ್ಣುನ ತೀರ್ಪ್‌ ಕರಾವಾಳು ಏಕ್‌ ಛಾ಼. ಯೋ ಕೆಹುಕತೊ ಮೇ ಬೋಲ್ಯೋತೆ ಯೋ ವಾತೇಸ್‌, ಖ್ಹರ್ತಿನ ದನ್ಮ ಇವ್ಣುನ ತೀರ್ಪ್ ಕರ್ಶೆ.

ಯೋಹಾನ 15:23

ಮಾರಪರ್ ವಹೇರ್‌ ಕರಾವಾಳು ಮಾರ ಬಾಪರ್‌ಬಿ ವಹೇರ್‌ ಕರಾವಾಳು ಹುಯಿರ‍್ಹುಸ್‍.

ಯೋಹಾನ 15:24

ಏಕ್‍ ವಖ್ಹತ್ ಖ್ಹಾರಕಾಮ್ನ ಮೇ ಇವ್ಣಾಮ ನಾಕರ‍್ಯೊಹೋತ್ತೊ, ಇವ್ಣಾಪರ್ ಪಾಪ್ ಕೋ ರ‍್ಹಯುಹೋತ್ನಿ, ಕತೋಬಿ ಹಮ್ಕೆ ಇವ್ಣೆ ದೇಖಿರಾಖ್ಯೂಸ್‌, ತೋಬಿ ಮಾರಪರ್‌ಬಿ ಮಾರ ಬಾಪರ್‌ಬಿ ವಹೇರ್‌ ಕರಾಸ್.

ಯೋಹಾನ 16:9

ಪಾಪ್ನಿ ಬಾರೇಮಾಬಿ ಇವ್ಣೆ ಮನ ವಿಶ್ವಾಸ್‌ ಕರ‍್ಯುಕೊಯ್ನಿ.

ಯೋಹಾನ 19:11

ಯೇಸುನೆ ಜ಼ವಾಬ್ ದಿದೊ, “ದೇವ್ ತುನ ಮಾರಪರ್ ಅದಿಕಾರ್ ನಾ ದಿದೊಹೋತ್ತೊ, ತುನ ಮಾರಪರ್ ಕೆವ್ಹೀಸ್‌ ಅದಿಕಾರ್ ಕೋ ರ‍್ಹಯುಹೋತ್ನಿ, ಇನಖ್ಹಾಜೇಸ್ ಮನ ತಾರ ಹಾತ್‌ಮ ದೀರಾಖ್ಯೊಸ್ತೆ ಅದ್ಮಿನ, ತಾರೆಥೀಬಿ ಘಣು ಪಾಪ್ ಛಾ಼” ಕರಿ ಬೋಲ್ಯೊ.

ಯೋಹಾನ 9:41

ಯೇಸುನೆ ಇವ್ಣುನ, “ತುಮೆ ಕಾಣ ಹುಯಿರ‍್ಹಾಹೋತ್ತೊ, ತುಮೂನ ಪಾಪ್ ಕೋ ರ‍್ಹಯುಹೋತ್ನಿ; ಕತೋಬಿ ಹಮೂನ ಡೋಳಾ ದೆಖವ್‌ಕರಾಸ್‌ ಕರಿ ಬೋಲೋಸ್‌ನಿ, ಇನಖ್ಹಾಜೆ ತುಮೆ ಪಾಪಿ ಹುಯಿರಾಸ್” ಕರಿ ಜವಾಬ್‌ ದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:30

ಗಯೂತೆ ಹಗಾಮ್ಮ ಅದ್ಮಿಖ್ಹಾರು ದೇವ್ನ ಮಾಲುಮ್ ಕರ‍್ಯುಕೊಯ್ನಿ. ಕತೋಬಿ ದೇವ್ನೆ ಯೊ ಶಾತ್ಬಿ ಕರ‍್ಯೊಕೊಯ್ನಿ. ಹಮ್ಕೆತೋಬಿ ಜಗತ್ನಿ ಅಖ್ಖಿಬಾಜು಼ಮ ರ‍್ಹವಾಳು ಅದ್ಮಿಖ್ಹಾರು ಖರಾಬ್ ಮಾರಗ್‌ನ ಮ್ಹೇಲಿನ್ ಇನಾಭಣಿ ಫರ್‌ನುಕರಿ ಹುಕುಮ್ ದೆವುಕರಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:20

ಕಿಮ್‌ಕತೊ ಡೋಳಾಮ ದೆಖಾವಕೊಂತೆ ಇನಿ ಚಾ಼ಲ್‍ಚ಼ಲಣ್‍ಅಖ್ಖು ಕತೊ ಇನಿ ಕದೇಬಿ ರ‍್ಹವಾನಿ ಶಕತ್‌ಬಿ, ದೇವ್ನಿಸ್ವಭಾವ್‍ಬಿ, ಜಗತ್‌ ಉಬ್‌ಜಾ಼ಯೋತೆ ಧರೀನ್ ಇನೆ ಕರ‍್ಯೊತೆ ಉಬ್‍ಜಾ಼ವ್ಣಿಥಿ ಯೋ ಮಾಲುಮ್‍ಪಡಸ್. ಅಮ್‍ ರ‍್ಹವಾಪರ್ ಇವ್ಣೆ ಖಿವು ಭಾಣುಬಿ ಬೋಲಾನ ಕೊಉಷೇನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:1

ಇನಖ್ಹಾಜೆ ‘ಬಿಜ಼ ಅದ್ಮಿನಿ ಬಾರೇಮ ತೀರ್ಪ್‌ ಕರಾವಾಳೊ ಮಾರೊ ದೋಸ್ತಿ, ತೂ ಕೋಣ್‌ರ‍್ಹಿಯೋತೊಬಿ ತುನ ಇನೇಥಿ ಕ್ಷಮಾಕೊಯ್ನಿ. ಶನಕತೊ ಬಿಜೇಕ್‍ಜ಼ಣಾನು ಗಲತ್ನ ಢೂಂಡಾವಾಳೊ ಹುಯಿರೋತೆ ತೂ, ಇವ್ಣೆ ಕರಾತೆ ಇನಾಸ್ ತೂಬಿ ಕರಸ್. ಇನಖ್ಹಾಜೆ ತಾರುತೂಸ್ ಅಪರಾದಿ ಕರಿ ಸಾಬಿತ್ ಕರಿಲೇಸ್.

ಯಾಕೋಬ 4:17

ಅಮ್‍ರ‍್ಯವಾಪರ್‌ ಅಛ್ಛಾ಼ನ ಕರ್ನುಕರಿ ಮಾಲುಮ್ ರ‍್ಹೀನ್‌ಬಿ ಕೋ ಕರಾಂತೆ ಯೊ ಪಾಪ್ ಕರಾವಾಳೊ ಹುಯಿರ‍್ಹೊಸ್.

1 ಪೇತ್ರ 2:16

ಛುಟ್ಕಾರ್ ಲೀಲೆವೊ, ಕತೋಬಿ ಖರಾಬ್ ಫನೈನ ಲಪಾಡನಖ್ಹಾಜೆ ತುಮಾರಿ ಛುಟ್ಕಾರ್‌ನ ನಕೊ ಉಪಯೋಗ್‍ಕರೊ. ಕತೋಬಿ ತುಮೆ ದೇವ್ನ ಸೇವಕ್‌ನಿತರ ಚಾ಼ಲಿಲೆವೊ.