ಯೋಹಾನ 15:15 - ದೇವ್ನಿ ಖ್ಹಾಚಿ ವಚನ್

¹⁵ ಬಿಜು಼ ಖ್ಹಾಮ್ಣೆ ಮೇ ತುಮೂನ ಆಳ್‌ ಕರಿ ಬುಲಾವ್ ಕೊಯ್ನಿ, ಶನಕತೊ ಯಜಮಾನ್ ಶಾತ್‌ ಕರುಕರಸ್ ಕರಿ ಇನ ಆಳ್‌ನ ಮಾಲುಮ್‌ ಕೋ ರ‍್ಹೇಯ್ನಿ. ಅನಬದಲ್ ಮೇ ತುಮೂನ ದೋಸ್ತ್ ಕರಿ ಬುಲಾವುಸ್‌, ಶನಕತೊ ಬಾಥಿ ಮೇ ಶಾತ್ ಖ್ಹಮ್‌ಜ್ಯೋಕಿ ಖ್ಹಾರಸ್ನ ತುಮೂನ ಬೋಲಿರಾಖ್ಯೊಸ್.

ಯೋಹಾನ 15:15 ပူးပေါင်းရင်းမြစ်များ

ಮತ್ತಾಯ 13:11

ಯೇಸುನೆ ಇವ್ಣುನ, “ಸೊರ್ಗ ರಾಜ್ಯನಿ ಬಾರೇಮಾನಿ ಖ್ಹಾಚಿನ ಮಾಲುಮ್‌ ಕರಿಲ್ಯವಾನು ಕಿಮ್ ಕರಿ ಬೋಲಾನು ತುಮೂನ ದೆವೈರ‍್ಹೂಸ್‌, ಪಣ್ಕಿ ಇವ್ಣ ಕಾಹೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:23

ಅನ ಬಾದ್‌ಮ ಯೇಸುನೆ ಇನ ಶಿಷ್ಯರ್‌ ಭಣಿ ಫರೀನ್, ಖಲಿ ಇವ್ಣುನ ಬೋಲ್ಯೋಕಿ, “ತುಮೆ ದೇಖುಕರಾಸ್ತೆ ಆ ಖ್ಹಾರು ದೇಖವಾಳು ಧನ್ಯರ್ ಹುಯಿರ‍್ಹೂಸ್!

ಯೋಹಾನ 12:26

ಕೋಣ್ ಮಾರಿ ಸೇವೆ ಕರ್ನುಕರಿ ಛಾ಼ಕಿ ಮಾರ ಪೀಠೆ ಆವ್ಣುಸ್ ಆವ್ಣು, ತದೆ ಮೇ ಕಿಜ್ಜಾ಼ ರ‍್ಹೀಶ್‌ಕಿ ಹಿಜ್ಜಾ಼ಸ್ ಮಾರೊ ಸೇವಕ್‌ಬಿ ರ‍್ಹಿಶೆ. ಕೋಣ್ ಮಾರಿ ಸೇವೆ ಕರಾಸ್ಕಿ, ಇವ್ಣುನ ಮಾರೊ ಬಾ ಸನ್ಮಾನ್‌ ಕರ್ಶೆ.

ಯೋಹಾನ 13:16

ಮೇ ತುಮೂನ ಖ್ಹಾಚ ಬೋಲುಕರುಸ್, ಆಳ್‌ ಯಜಮಾನ್‍ಥಿ ಮೋಟೊ ಕಾಹೆ, ಅಜು಼ ಖಬರ್‌ದ್ಯವಾಳೊ ಇನ ಮೋಕ್‌ಲ್ಯೊತೆ ಇನೇಥಿ ಮೋಟೊ ಕಾಹೆ.

ಯೋಹಾನ 15:20

ಯಾದ್ ಕರಿಲೆವೊ ಆಳ್‌ ಯಜಮಾನ್‍ಥಿ ಮೋಟೊ ಕಾಹೆ’ ಕರಿ ಮೇ ಬೋಲ್ಯೋತೆ ವಾತೆ ಶಾತ್‍ಕತೊ ಇವ್ಣೆ ಮನ ಖ್ಹತಾಯೂತೊ, ತುಮೂನಾಬಿ ಖ್ಹತಾವ್‌ಶೆ; ಇವ್ಣೆ ಮಾರಿ ವಾತೇನ ಪಾಡಿ ಚಾ಼ಲ್ಯುತೊ, ತುಮಾರಿ ವಾತೆನಾಬಿ ಪಾಡಿ ಚಾ಼ಲ್‌ಷೆ.

ಯೋಹಾನ 16:12

ಮೇ ತುಮೂನ ಬೋಲ್ನುತೆ ವಾತೆ ಬಿಜೂ಼ಬಿ ಘಣಿ ಛಾ಼, ಕತೋಬಿ ಹಮ್ಕೆ ಇನ ಝೇಲಾನ ತುಮೂನ ಕೋ ಉಶೇನಿ.

ಯೋಹಾನ 17:26

ಮೇ ಅವ್ಣುನ ತಾರ ನಾಮ್ನ ಮಾಲುಮ್ ಕರೈರಾಖ್ಯೋಸ್, ಬಿಜೂ಼ಬಿ ಇನ ಮಾಲುಮ್‌ ಕರವ್‌ಸ್ ಕರೀಶ್, ತುನೆ ಮಾರಪರ್ ಖಿವಿ ಪ್ಯಾರ್ ವತಾಳ್ಯೊಕಿ ಮೇಬಿ ಇವ್ಣಾಮ ರ‍್ಹೇವ್ಣುಕರಿ ಪ್ರಾರ್ಥನೆ ಕರುಸ್” ಕರಿ ಬೋಲ್ಯೊ.

ಯೋಹಾನ 20:17

ಯೇಸುನೆ ಇನ, “ಮನ ಧರ್‌ನಕೊ, ಶನಕತೊ ಮೇ ಬಿಜೂ಼ಬಿ ಬಾಕನ ಕೋ ಜೈ಼ರ‍್ಹೋನಿ. ಕತೋಬಿ ತೂ ಮಾರ ಭೈಯೇಕನ ಜೈ಼ನ್‌, “ಮೇ ಮಾರೊ ಬಾ ಅಜು಼ ಇವ್ಣೊ ಬಾ, ಮಾರೊ ದೇವ್ ಅಜು಼ ಇವ್ಣೊ ದೇವ್ ಹುಯಿರ‍್ಹೋತೆ ಇನಕನ ಪಾಛೊ಼ ವಳ್ಯೊಜ಼ವುಸ್‌ ಕರಿ ಬೋಲ್” ಕರಿ ಬೋಲ್ಯೊ.

ಯೋಹಾನ 4:19

ಯೋ ತಯೇಡಾನೆ, “ಪ್ರಭು, ತೂ ಪ್ರವಾದಿ ಕರಿ ಮನ ದೆಖಾವಸ್” ಕರಿ ಬೋಲಿ.

ಯೋಹಾನ 8:26

ತುಮಾರಿ ತೀರ್ಪ್‌ನಿ ಬಾರೇಮ ವಾತೆ ಬೋಲಾನು ಮಾರಕನ ಘಣು ಛಾ಼. ಕತೋಬಿ ಮನ ಮೋಕ್‌ಲ್ಯೊತೆ ಯೋ ಖ್ಹಾಚೊ಼ ಹುಯಿರ‍್ಹೋಸ್ ಅಜು಼ ಇನೇಥಿ ಮೇ ಶಾತ್‌ ಖ್ಹಮ್‌ಜ್ಯೋಕಿ ಇನಾಸ್ ಆ ಜಗತ್ನ ಮೇ ಬೋಲುಸ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:27

ಶನಕತೊ ಏಕ್‌ಬಿ ಲಪಾಡ್ಯೊಕೊಂತೆ ದೇವ್ನಿ ಖ್ಹೂಜ಼್‌ನ ತುಮೆ ಖ್ಹಮ್‌ಜಿಲೇವ್ಣುತೆ ಪರಕ್ಮ ಹರೇಕ್ ವಾತೆನಾಬಿ ಮೇ ತುಮೂನ ಖ್ಹಮ್‌ಜಾ಼ಡ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:15

ಮೇ ಶಾತ್‍ಕರೂಸ್‍ ಕರಿ ಬೋಲಾನು ಮಾಲುಮ್‌ಕೊಂತೆ ಹುಯಿರ‍್ಹೋಸ್. ಶನಕತೊ ಮೇ ಶಾತ್ ಕರ್ನುಕರಿ ಆಖ್ಹ್‌ಕರೂಸ್ಕಿ ಇನ ಕರುಕೊಯ್ನಿ, ಕೆವ್ಹಾನ ವಹೇರ್‌ಕರುಸ್ಕಿ ಇನಾಸ್ ಕರಾವಾಳೊ ಹುಯಿರ‍್ಹೋಸ್.

1 ಕೊರಿಂಥ 2:16

ಪವಿತ್ರ ದಪ್ತರ್‌ಮ ಬೋಲಾನಿತರ, “ಪ್ರಭುನ ದಿಲ್ನ ಕೋಣ್‍ ಮಾಲುಮ್‌ ಕರಿರಾಖ್ಯುಸ್? ಇನ ಖ್ಹೂಜ಼್ ಬೋಲಿ ದಿಶೆ ಕೋಣ್?” ಅಪ್ಣೆತೋಬಿ ಕ್ರಿಸ್ತಯೇಸುನೊ ದಿಲ್ನ ಲೀರಾಖವಾಳ ಹುಯಿರ‍್ಹಾಸ್.

ಗಲಾತ್ಯ 4:6

ತುಮೆ ಛಿಯ್ಯಾಹುಯಿರ‍್ಹಾತೆ ಖ್ಹಾಜೆ ದೇವ್ನೆ, “ಬಾ! ಬಾ!” ಕರಿ ಚಿಕ್ರಾಸ್ತೆ ಇನ ಛಿಯ್ಯಾನ ಆತ್ಮಾನ ಅಪ್ಣ ದಿಲ್ಮ ಮೋಕ್‌ಲ್ಯೊ.

ಎಫೆಸ 1:9

ದೇವ್ ಇನೆ ಖ್ಹೂಜ಼್ ಕರ‍್ಯೊತೆ ಇನ ಕರ‍್ಯೊ, ಅಜು಼ ಕ್ರಿಸ್ತನ ಖ್ಹಾಜೇಥಿ ತದೇಸ್‌ ಪೂರಹುವನ ಖ್ಹಾಜೆ ತೀರ್ಮಾನ್ ಕರಿರಾಖ್ಯೊತೆ ಇನಿ ಗಪ್ಲತ್‌ನಿ ಖ್ಹೂಜ಼್‌ನ ಅಪ್ಣುನ ಮಾಲುಮ್‌ ಕರಾಯೊ.

ಎಫೆಸ 3:5

ಗಯೋತೆ ಹಗಾಮ್ಮ ಅದ್ಮಿವೊನ ಆ ಮಾಯ್ನೊ ಕೊಬೋಲಾಯುನಿ ಕತೋಬಿ ದೇವ್ನೆ ಇನ ಪವಿತ್ರಾತ್ಮಥಿ ಅಪೊಸ್ತಲರ‍್ನ ಅಜು಼ ಪ್ರವಾದಿಖ್ಹಾರನ ಮಾಲುಮ್ ಕರೈರಾಖ್ಯೋಸ್.

ಕೊಲೊಸ್ಸೆ 1:26

ಯೋ ಪಾಛ಼್‌ಲ್ಯಾ ಹಗಾಮ್‌ಥೀಬಿ, ಜ಼ಗ್‍ಜ಼ಮಾನೇಥೀಬಿ, ಓಠೆಹುಯಿನ್ ಮ್ಹೇಲೈರ‍್ಹೂತೆ ಗಪ್ಲತ್‌ನಿ ವಾತೆಖ್ಹಾರು ಕತೋಬಿ ಹಮ್ಕೆ ದೇವ್ನ ಅದ್ಮಿವ್‌ನ ಬೋಲೈರ‍್ಹೂಸ್.

ಫಿಲೆಮೋನ 1:16

ಅನಪಾರ್ ಯೋ ಗುಲಾಮ್ ನಾಹುಯಿರ‍್ಹೇವ್ಣುತೆ, ಕತೋಬಿ ಯೊ ಗುಲಾಮ್‌ಥೀಬಿ ಘಣೊ ಊಚೊ಼ ಛಾ಼. ಯೋ ವಿಶೇಷ್‍ಪರಕ್ಮ ಮನ ಘಣೊ ಪ್ಯಾರ್‌ನೊ ಭೈ ಹುಯಿರೋಸ್ ಅಮ್‍ ರ‍್ಹವಾಪರ್ ಏಕ್‌ ಜಗತ್‌ನೊ ಭೈಹುಯಿನ್ ಪ್ರಭುನ ಸಂಬಂದಾಮ ಬಿಜೂ಼ಬಿ ಕೆತ್ರೇಕ್ಕಿ ಮನಾಬಿ ತುನ ಪ್ಯಾರ‍್ನೊ ಹುಯಿರ‍್ಹಿಶೆ ಕೊಯ್ನಿಕಿ ಶು?

ಯಾಕೋಬ 1:1

ದೇವ್‍ನಾಬಿ ಪ್ರಭುಹುಯಿರೋತೆ ಯೇಸು ಕ್ರಿಸ್ತನಾಬಿ ದಾಸ ಹುಯಿರೋತೆ ಯಾಕೋಬ ಅಲಕ್‍ ದೇಖ್ಹ್‌ಮ ಛಿಡ್‍ಕೈರ‍್ಹುತೆ ಭಾರ ಖೂಮ್‍ವಾಳನ ಲಿಖಾನು ಶಾತ್‍ಕತೊ, ತುಮೂನ ಅಛ್ಛು಼ ಹುವಾದೆ.

ಯಾಕೋಬ 2:23

ಇನಖ್ಹಾಜೇಸ್ ಅಬ್ರಹಾಮ್‌ನೆ ದೇವ್ನ ವಿಶ್ವಾಸ್ ಕರ‍್ಯೊ ಅಜು಼ ಯೋ ವಿಶ್ವಾಸ್ ಇನಿ ಗಣ್ತಿಮ ನೀತಿಕರಿ ಚೂ಼ಣೈಗು ಕರಿ ಬೋಲನಿ ಧರ್ಮಶಾಸ್ತ್ರನಿ ವಾತ್ ಅಮ್‍ ಪೂರಹುಯು ಇನಖ್ಹಾಜೆ ಅಬ್ರಹಾಮ್ ದೇವ್‌ನೊ ದೋಸ್ತಿಕರಿ ಬೋಲೈಲಿದೊ.

1 ಪೇತ್ರ 1:11

ಇವ್ಣಾಮಥೂತೆ ಕ್ರಿಸ್ತನು ಆತ್ಮ ಕ್ರಿಸ್ತನ ಆವ್ಣುತೆ ವದೇಖ್ಹ್‌ ಅಖ್ಖಾನಾಬಿ, ಯೋ ಅಖ್ಖಾನವಾರ್ ಉಷೇತೆ ಮಹಿಮೆನಾಬಿ, ಪಹಿಲೇಸ್ ಖ್ಹಮ್‌ಜಾ಼ಡಾದೀನ್ ದೇವ್ ಖೆವ ಹಗಾಮ್ನ ನತರ್ ಕೆಥ್ರಾನ ಹಗಾಮ್ನ ವತಾಳ್‌ಶೇಕರಿ ಬೋಲಾನು ಇವ್ಣೆ ಪರ್ಖಿನ್ ದೇಖ್ಯು.

2 ಪೇತ್ರ 1:1

ಯೇಸು ಕ್ರಿಸ್ತನೊ ಸೇವಕ್ ಅಜು಼ ಅಪೊಸ್ತಲ ಹುಯಿರ‍್ಹೋತೆ ಸೀಮೋನ್ ಪೇತ್ರ, ಅಪ್ಣೊ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ನೀತಿಥಿ ಹಮಾರಿನಿತರಸ್ ಅಛ್ಛಿ ವಿಶ್ವಾಸ್ ಮಳಿರ‍್ಹೀಸ್ತೆ ಇವ್ಣುನ ಶಾತ್ ಲೀಖುಸ್‌ಕತೊ,

ಯೂದನೆ ಲೀಖ್ಯೋತೆ ಚಿಟ್ಟಿ 1:1

ಯೇಸು ಕ್ರಿಸ್ತನೊ ಸೇವಕ್‌ಬಿ, ಯಾಕೋಬನೊ ಭೈಬಿ ಹುಯಿರೋತೆ ಯೂದ ಬುಲೈ ರ‍್ಹವಾಳಾನ, ಬಾ ಹುಯಿರೋತೆ ದೇವ್‌ಮ ಪ್ಯಾರ್‌ನ ಹುಯಿರಾತೆ ಅಜು಼ ಯೇಸು ಕ್ರಿಸ್ತನಖ್ಹಾಜೆ ಬಚಿರ‍್ಹಾತೆ ಇವ್ಣುನ ಶಾತ್ ಲೀಖುಸ್‌ಕತೊ,

ಪ್ರಕಾಶಿತ್ 1:1

ಯೇಸು ಕ್ರಿಸ್ತನಿ ಪ್ರಕಾಶಿತ್ ವಚನ್ ಒಗ್ಗಿಸ್‌ಮ ಚಾ಼ಲ್ನುತೆ ಬಾರೇಮ ಯೋ ಇನ ದಾಸಖ್ಹಾರನ ವತಾಳನಖ್ಹಾಜೆ ಆ ಖ್ಹಾರು ದೇವ್‍ಥಿ ದೆವಾಯುತೆ. ಯೇಸು ಇನ ದೂತನ ಮೋಕ್ಲಿನ್ ಇನೇಥಿ ಆ ಖ್ಹಾರಿವಾತ್ನ ಯೋಹಾನ ಮಾಲುಮ್‌ ಕರಾಯೊ.