ಯೋಹಾನ 15:1 - ದೇವ್ನಿ ಖ್ಹಾಚಿ ವಚನ್

¹ “ಮೇಸ್ ಖ್ಹಾಚೊ಼ ದ್ರಾಕ್ಷಿನೊ ವೇಲೊ, ಮಾರೊ ಬಾ ಬಾಗ್‌ನ ದೇಕ್-ಭಾಲ್‌ ಕರಾವಾಳೊ.

ಯೋಹಾನ 15:1 ပူးပေါင်းရင်းမြစ်များ

ಮತ್ತಾಯ 15:13

ಯೇಸುನೆ, “ಪರಲೋಕ್‍ಮ ಛಾ಼ತೆ ಮಾರೊ ಬಾ ಗಾಡ್ಯೊಕೊಂತೆ ಝಾ಼ಡಖ್ಹಾರನ ಜ಼ಡ್‌ ಖ್ಹಮೇಥು ಉಖ್ಡಿ ನಾಕ್‌ಶೆ” ಕರಿ ಜವಾಬ್‌ ದಿದೊ.

ಮತ್ತಾಯ 20:1

ಸೊರ್ಗಾನು ರಾಜ್ಯ ಏಕ್‌ ದ್ರಾಕ್ಷಿನೊ ಬಾಗ್‌ನೊ ಯಜಮಾನ್ನಿಘೋಣಿ ಛಾ಼.ಏಕ್‌ ದನ್ನೆ ವ್ಹಾಣಾನು ಯೋ ಇನ ಬಾಗ್‌ಮ ಕಾಮ್ ಕರಾನಖ್ಹಾಜೆ ಥೋಡ ಕೂಲಿಆಳ್‍ನ ಬುಲಾವನ ನಿಕ್‌ಳ್ಯೊ.

ಮತ್ತಾಯ 21:33

“ಬಿಜೇಕ್ ಮತ್ಲಬ್‌ನಿ ಖೇಣಿನ ಖ್ಹಮ್‌ಜೊ಼: ಏಕ್‌ ಜ಼ಮೀನ್‌ದಾರ್ ಥೊ. ಇನೆ ಇನಿ ಜ಼ಮೀನ್‌ಮ ದ್ರಾಕ್ಷಿನೊ ಬಾಗ್‌ನ ಬಣೈನ್, ಇನ ಅಶ್‌ಪಿಶ್ ವಾಡ್‌ಗಿ ನಖೈನ್, ದ್ರಾಕ್ಷಿನೊರಖ್ಹ್ ಕಾಡಾನಖ್ಹಾಜೆ ಖಾಡ್ ಖೋಂದೈನ್, ಕಾವ್ಲಿನಖ್ಹಾಜೆ ಅಟ್‌ಲೊ ಭಂದಾಯೊ. ಅನಕೇಡೆಥು ಯೋ ಬಾಗ್‌ನ ಇನೆ ವಾರ್‌ನ ಕರಾವಾಳನ ಹಾತ್‌ಮ ದೀನ್, ದೇಖ್ಹ್‌ಪರ್ ಚ಼ಲೆಗಯೊ ಕರಿ ಯೇಸುನೆ ಬೋಲ್ಯೊ.

ಮಾರ್ಕ 12:1

ತದೆ ಯೇಸುನೆ ಇವ್ಣ ಜೋ಼ಡೆ ಮತ್ಲಬ್‌ನಿ ಖೇಣಿಯೇಥಿ ಬೋಲಾಲಗ್ಯೋಕಿ, “ಏಕ್‌ ಅದ್ಮಿನೆ ಏಕ್‌ ದ್ರಾಕ್ಷಿನು ಬಾಗ್ ಬಣೈನ್, ಇನ ಅಶ್‌ಪೀಶ್‌ ವಾಡ್‌ಗಿ ನಖೈನ್, ದ್ರಾಕ್ಷಿನೊ ರಖ್ಹ್‌ ಕಾಡಾನಖ್ಹಾಜೆ ಖಾಡ್ ಖೋಂದಾಯೊ ಅಜು಼ ಕಾವ್ಲಿನಖ್ಹಾಜೆ ಉಪ್ಪರ್ ಅಟ್‌ಲೊ ಭಂದಾಯೊ. ಅಜು಼ ಇನೆ ಯೋ ದ್ರಾಕ್ಷಿನಬಾಗ್‌ನ ವಾರ್‌ ಕರಾವಾಳವ್‌ನ ದೀನ್, ಘರ್‌ಥೊ ನಿಕ್ಳಿನ್ ದೇಖ್ಹ್‌ಪರ್ ಚ಼ಲೆಗಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:6

ಅನ ಬಾದ್‌ಮ ಯೇಸುನೆ ಏಕ್‌ ಮತ್ಲಬ್‌ನಿ ಖೇಣಿನ ಬೋಲ್ಯೊ: ಯೋ ಶಾತ್‌ಕತೊ, “ಏಕ್‌ ಅದ್ಮಿನೆ ಇನು ದ್ರಾಕ್ಷಿನು ಬಾಗ್‌ಮ ಏಕ್‌ ಅಂಜೀರ್‌ನು ಝಾ಼ಡ್‌ಣ ಪಾಳಿರಾಖ್ಯೋಥೊ. ಏಕ್‌ ಹಲ್ಲ ಯೋ ಅದ್ಮಿ ಯೋ ಝಾ಼ಡಾಮ ಪಂಡು ಢೂಂಡ್‌ತುಹುಯಿನ್, ಹಿಜ್ಜಾ಼ ಆಯು, ಕತೋಬಿ ಏಕ್‌ಬಿ ಮಳ್ಯುಕೊಯ್ನಿ.

ಯೋಹಾನ 1:17

ಧರ್ಮಶಾಸ್ತ್ರ ಮೋಶೆಥಿ ದೇವೈರ‍್ಹುಸ್ ಕತೋಬಿ ವಾರ್‌ಖ್ಹೊಬಿ ಖ್ಹಾಚ಼ಬಿ ಕ್ರಿಸ್ತಥಿ ಆಯುತೆ.

ಯೋಹಾನ 1:9

ಯೊ ಖ್ಹಾಚು಼ ಉಜಾ಼ಳು ಹುಯಿರುಥು ಅಜು಼ ಯೊ ಜಗತ್‌ಮ ಆವಾಳು ಥು, ಯೊ ಅಖ್ಖಾ ಅದ್ಮಿನ ಉಜಾ಼ಖ್ಹ್‌ ದೆವಾಳು ಹುಯಿರ‍್ಹುಥು.

ಯೋಹಾನ 15:2

ಮಾರಾಮ ರ‍್ಹೀನ್, ಪಂಡು ದೇಯಿಕೊಂತೆ ಹರೇಕ್ ಡಾಳಿನ ಯೋ ಕತ್ರಿನಾಖಸ್‌; ಅಜು಼ ಪಂಡು ದೇಸ್ತೆ ಹರೇಕ್ ಡಾಳಿನ ಬಿಜೂ಼ಬಿ ಜಾ಼ಖ್ಹತ್ ಪಂಡು ದ್ಯವಾನಿಘೋಣಿ ಇನ ಛಾ಼ಟಿನ್ ಪಾಕ್‍ಕರಾಸ್.

ಯೋಹಾನ 6:32

ತದೆ ಯೇಸುನೆ ಇವ್ಣುನ, “ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಸೊರ್ಗಾಮ ತುಮೂನ ರೋಟೊ ದಿದೋತೆ ಮೋಶೆನೆ ಕಾಹೆ ಪಣ್ಕಿ ಮಾರೊ ಬಾ ಸೊರ್ಗಾಥು ಖ್ಹಾಚೊ಼ ರೋಟಾನ ದಿಶೆ.

ಯೋಹಾನ 6:55

ಮಾರಿ ಬೋಟಿ ಖ್ಹಾಚ ಖಾಣು ಅಜು಼ ಮಾರು ಲ್ಹೋಯಿ ಖ್ಹಾಚ ಪಾನ್ಕ ಹುಯಿರ‍್ಹುಸ್‍.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:17

ಖ್ಹಾಚಮಾಬಿ ಫುಟಿರ‍್ಹುತೆ ಆಲಿವ್ ಝಾ಼ಡ್‌ನಿ ಡಾಳಿಯೆ ಟುಟಿಗಯು, ಅಜು಼ ಝಾ಼ಡಿನು ಆಲಿವ್ ಝಾ಼ಡ್‌ನಿ ಡಾಳೀನಿಘೊಣಿ ಹುಯಿರೋತೆ ತುನ ಇನಿ ಝ಼ಗೋಮ ಖಶಿ ಭಾಂದಿರಾಖಾತೆ ಯೋ ಖ್ಹಾಚ ಆಲಿವ್ ರಖ್ಹ್‌ನಿ ಜ಼ಡ್‌ಮ ಯೋ ಭಾಗ್‌ಲೀರಾಖ್ಯುತೊಬಿ ಯೋ ಡಾಳಿಯೇವ್‌ನ ಮ್ಹೇಲಿನ್ ತುನ ಚಿಕಾವನ ಉಪ್ಪರ್ ತೂ ಡಾಳಿನಿಬಾರೇಮ ಭಡೈಲೆನಕೊ.

1 ಕೊರಿಂಥ 3:9

ಶನಕತೊ ಹಮೆ ದೇವ್ನಖ್ಹಾಜೆ ಜೋ಼ಡ್ಮಕಾಮ್‍ ಕರಾವಾಳ. ತುಮೆ ದೇವ್ನು ಖೇತರ್‌ ಹುಯಿರ‍್ಹಾಸ್. ದೇವ್ನು ಪ್ರಾರ್ಥನೇನಿ ಮಂದಿರ್‌ ಹುಯಿರ‍್ಹಾಸ್.

1 ಯೋಹಾನ 2:8

ಕತೋಬಿ ಮೇ ತುಮೂನ ಲೀಖುಕರುತೆ‍ ನವಿ ಹುಕುಮ್‍ನಿತರಾಸ್ ಛಾ಼. ಹೈರುತೆ ಇನಾಮಾಬಿ ತುಮಾರಮಾಬಿ ಖ್ಹಾಚು಼ಹುಯಿರ‍್ಹುಸ್. ಶನಕತೊ ಅಂಧಾರು ಚ಼ಲ್ಯುಜೈನ್‌, ಖ್ಹಾಚು಼ ಉಜಾ಼ಳು ಹಮ್ಕೆ ಉಜಾ಼ಖ್ಹ್‌ ಹೂಕರಸ್.