ಯೋಹಾನ 14:6 - ದೇವ್ನಿ ಖ್ಹಾಚಿ ವಚನ್

⁶ ಯೇಸುನೆ ಇನ, “ಮೇಸ್ ಮಾರಗ್‌ಬಿ, ಖ್ಹಾಚಾಬಿ, ಜಾನ್‌ಬಿ ಹುಯಿರ‍್ಹೋಸ್. ಮಾರೇಥಿ ಕೊಂತೆ ಕೋಣ್‌ಬಿ ಬಾಕನ ಆವಾನ ಕೋ ಹುವಾನಿ.

ಯೋಹಾನ 14:6 ပူးပေါင်းရင်းမြစ်များ

ಮತ್ತಾಯ 11:27

“ಮಾರೊ ಬಾ ಮನ ಖ್ಹಾರುಸ್‌ ಮಾರ ಹಾತ್ಮ ದೀರಾಖ್ಯೊಸ್. ಬಾನ ಮ್ಹೆಂದಿನ್ ಕೋಣ್‌ಬಿ ಛಿಯ್ಯಾನ ಮಾಲುಮ್‌ ಕರಿರಾಖ್ಯುಕೊಯ್ನಿ, ಅಜು಼ ಛಿಯ್ಯಾನ ಮ್ಹೆಂದಿನ್ ಕೋಣ್‌ಬಿ ಬಾನ ಮಾಲುಮ್‌ ಕರಿರಾಖ್ಯುಕೊಯ್ನಿ ಅಜು಼ ಛಿಯ್ಯೊ ಬಾನ ಕಿನ ವತಾಳ್ಣುಕರಿ ಆಖ್ಹ್‌ಕರಾಸ್ಕಿ, ಇವ್ಣೆ ಬಾನ ಮಾಲುಮ್‌ ಕರಿಲಿಶೆ.

ಯೋಹಾನ 1:14

ಯೋ ವಚನ್ ಅದ್ಮಿನು ರೂಪ್‍ನ ಲೀನ್ ವಾರ್‌ಖ್ಹೊಥೀಬಿ ಅಜು಼ ಖ್ಹಾಚಥೀಬಿ ಭರೈರ‍್ಹಾವಾಳೊ ಹುಯಿರೊಸ್. ಅಜು಼ ಅಪ್ಣಾಮ ಜಿವ್ಣುಕರ‍್ಯೊ. ಅಜು಼ ಅಪ್ಣೆ ಇನ ಮಹಿಮೆನ ದೇಖ್ಯ. ಯೊ ಬಾನೊ ಏಕ್‍ನೊ ಎಕ್ಕಸ್ ಛಿಯ್ಯಾನು ಮಹಿಮೆ ಹುಯಿರೊಥೊ.

ಯೋಹಾನ 1:17

ಧರ್ಮಶಾಸ್ತ್ರ ಮೋಶೆಥಿ ದೇವೈರ‍್ಹುಸ್ ಕತೋಬಿ ವಾರ್‌ಖ್ಹೊಬಿ ಖ್ಹಾಚ಼ಬಿ ಕ್ರಿಸ್ತಥಿ ಆಯುತೆ.

ಯೋಹಾನ 1:4

ಇನಾಮ ಜಾನ್‌ ಥು. ಯೋ ಜಾನ್‌ ಅದ್ಮಿ ಖ್ಹಾರಾನ ಉಜಾ಼ಳು ಹುಯಿರ‍್ಹುಥು.

ಯೋಹಾನ 10:28

ಮಾರ ಮೇಂಢಖ್ಹಾರಾನ ಮೇ ಹರ್‌ಹಮೇಶಾನಿ ಜಿ಼ಂದ್‌ಗಿ ದೀಶ್, ಅಜು಼ ಇವ್ಣೆ ಕದೇಬಿ ಮರ್‌ಶೆ ಕೊಯ್ನಿ. ಕೋಣ್‌ಬಿ ಇವ್ಣುನ ಮಾರ ಹಾತ್‌ಮಾಥು ಛಿನಾವಾನ ಕೋ ಉಶೇನಿ.

ಯೋಹಾನ 10:7

ಇನಖ್ಹಾಜೆ ಯೇಸುನೆ ಪಾಛೊ಼ ಬೋಲ್ಯೊ, “ಮೇ ತುಮೂನ ಖ್ಹಾಚ ಬೋಲುಸ್, ಮೇಸ್ ಮೇಂಢಾನ ಖ್ಹಾರು ದರ‍್ವಾಜು಼ ಹುಯಿರ‍್ಹೋಸ್.

ಯೋಹಾನ 10:9

ಮೇಸ್ ಯೋ ದರ‍್ವಾಜು಼, ಮಾರವಾಟೆ ಕೋಣ್-ಕೋಣ್ ಮಹಿ ಜಾ಼ಸ್ಕಿ ಇವ್ಣೆ ಬಚಿಜಾ಼ಶೆ ಅಜು಼ ಇವ್ಣೆ ಮಹಿ ಜಾ಼ಯೆಜಾ಼ಯ್‌, ಭಾರ್‌ಬಿ ಆಯೆಜಾ಼ಯ್‌, ಇವ್ಣುನ ಚ಼ರಣ್ಣು ಘಾಖ್ಹ್‌ ಮಳ್‌ಶೆ.

ಯೋಹಾನ 14:19

ಬಿಜು಼ ಥೋಡ ದನ್ನ ಬಾದ್‌ಮ ಆ ಜಗತ್‌ ಮನ ದೇಕ್‌ಶೆ ಕೊಯ್ನಿ, ಕತೋಬಿ ತುಮೆ ಮನ ದೇಕ್‌ಶು; ಮೇ ಜಿವ್‌ಸ್ತೆ ಇನಖ್ಹಾಜೆ ತುಮೇಬಿ ಜಿವ್‌ಶು.

ಯೋಹಾನ 15:1

“ಮೇಸ್ ಖ್ಹಾಚೊ಼ ದ್ರಾಕ್ಷಿನೊ ವೇಲೊ, ಮಾರೊ ಬಾ ಬಾಗ್‌ನ ದೇಕ್-ಭಾಲ್‌ ಕರಾವಾಳೊ.

ಯೋಹಾನ 18:37

ತದೆ ಪಿಲಾತನೆ ಇನ ಬೋಲ್ಯೊ, “ಇಮ್‍ಕತೊ, ತೂ ರಾಜಾ಼ ಕಿಶು?” ಕರಿ ಪುಛಾ಼ಯೊ. ಯೇಸುನೆ, “ಮೇ ರಾಜ಼ ಕರಿ ತೂಸ್ ಬೋಲುಕರಾಸ್‌. ಮೇ ಖ್ಹಾಚಿನಿ ಬಾರೇಮ ಸಾಕ್ಷಿ ಬೋಲಾನಖ್ಹಾಜೆ ಪೈದಾಹುಯಿನ್‌, ಆ ಜಗತ್‌ಮ ಐರ‍್ಹೋಸ್. ಖ್ಹಾಚಿ ಭಣಿವಾಳು ಮಾರಿ ವಾತೇನ ಖ್ಹಮ್‌ಜಾ಼ಸ್‌” ಕರಿ ಜವಾಬ್‌ ದಿದೊ.

ಯೋಹಾನ 5:21

ಬಾ ಕಿಮ್ ಮರ‍್ಯಹುಯಾನ ಉಠಾಡಿನ್ ಜಾನ್‌ ದೇಸ್ಕಿ, ಇಮ್ಮಸ್ ಛಿಯ್ಯೋಬಿ ಇನ ಹೋಣುತೆ ಇವ್ಣುನ ಜಾನ್‌ ದೇಸ್.

ಯೋಹಾನ 6:33

ದೇವ್ ದೇಸ್ತೆ ಯೋ ರೋಟೊ, ಸೊರ್ಗಾಥು ಉತ್ರಿ ಐರ‍್ಹುಥು, ಅಜು಼ ಜಗತ್ನ ಜಾನ್‌ ದೇಸ್.

ಯೋಹಾನ 6:51

ಕತೋಬಿ ಸೊರ್ಗಾಥು ಉತ್ರಿ ಆಯೋತೆ ರೋಟೊ ಕೋಣ್ ಖಾಸ್ಕಿ ಯೊ ಮರಕೊಯ್ನಿ. ಹರ್‌ಹಮೇಶ ಜಿವ್ತು ರ‍್ಹಿಶೆ; ಅಜು಼ ಮೇ ದೆವ್‍ಸ್ತೆ ರೋಟೊ ಮಾರಿ ಬೋಟಿಸ್‌, ಆ ಜಗತ್‌ ಜಿವಾದೆ ಕರಿ ಮೇ ಅನ ದೀಶ್‌ತೆ” ಕರಿ ಬೋಲ್ಯೊ.

ಯೋಹಾನ 6:57

ಜಿವ್ತೊ ಹುಯಿರ‍್ಹೋತೆ ಬಾನೆ ಮನ ಮೋಕ್ಲಿರಾಖ್ಯೊಸ್, ಅಜು಼ ಮೇ ಇನೇಥಿಸ್ ಜಿವ್‌ಸ್‌. ಇನಖ್ಹಾಜೆ ಕೋಣ್ ಮನ ಖಾಸ್ಕಿ ಯೋ ಮಾರೇಥಿ ಜಿವ್‌ಶೆ.

ಯೋಹಾನ 6:68

ಸೀಮೋನ್‌ ಪೇತ್ರನೆ ಯೇಸುನ, “ಪ್ರಭು, ತುನ ಮ್ಹೆಂದಿನ್ ಹಮೆ ಕಿಜ್ಗಾ಼ ಜ಼ಯ್ಯೆ? ತಾರಕನ ಹರ್‌ಹಮೇಶಾನಿ ಜಿ಼ಂದ್‌ಗಿ ದ್ಯವಾನಿ ವಾತೆ ಛಾ಼.

ಯೋಹಾನ 8:32

ತುಮೆ ಖ್ಹಾಚ಼ನ ಮಾಲುಮ್‌ ಕರಿಲಿಶು, ಅಜು಼ ಯೋ ಖ್ಹಾಚು಼ ತುಮೂನ ಛೋ಼ಡಾವ್‌ಶೆ” ಕರಿ ಬೋಲ್ಯೊ.

ಯೋಹಾನ 8:51

ಮೇ ತುಮೂನ ಖ್ಹಾಚಸ್ ಬೋಲುಸ್, ಮೆ ಶಿಕಾಡನು ಖ್ಹಮ್‌ಜಿನ್‌ ಇನೀನಿಘೋಣಿ ಚಾ಼ಲವಾಳು ಕದೇಬಿ ಮರ್‌ಶೆ ಕೊಯ್ನಿ” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:15

ಅಮ್ ತುಮೆ ಜಾನ್‍ದೇವಳಾನಸ್ ಮರೈನಾಖ್ಯ. ಕತೋಬಿ ದೇವ್ನೆ ಇನ ಮರ‍್ಯಾಹುಯಾಮಾಥು ಉಠಾಡ್ಯೊ; ಅನಿ ಬಾರೇಮ ಹಮೇಸ್ ಸಾಕ್ಷಿಖ್ಹಾರು ಹುಯಿರಾಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:12

ಆವ್ಣುತೆ ರಕ್ಷಣೆ ಬಿಜು಼ ಕಿನಾಮಬಿ ಮಳ್‍ಶೆಕೊಯ್ನಿ; ಇನ ನಾಮ್‍ಥೀಸ್ ಪಣ್ಕಿ ಆಬ್‌ನ ಹೇಟ್ ಅದ್ಮಿನ ದೀರಾಖ್ಯುತೆ ಬಿಜ಼ ಖೆವ ನಾಮ್‌ಥಿಬಿ ಅಪ್ಣುನ ರಕ್ಷಣೆ ಕೋಉಷೇನಿ. ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:2

ದಮಸ್ಕ ಖ್ಹಯೇರ‍್ನಿ ಸಭೆನ ಚಿಟ್ಟಿ ಲೀಖಿನ್ ದಮಸ್ಕಮ ಕ್ರಿಸ್ತಾನ ಮಾರಗ್‍ಮ ಚಾ಼ಲವಾಳು ತಯೇಡ ರ‍್ಹವೊ ಪರ್ಖ್ಹೊ ರ‍್ಹವೊ ಇವ್ಣುನ ಬೇಡಿ ಘಾಲಿನ್ ಖ್ಹತಾವನ ಯೆರೂಸಲೇಮ್ಮ ಖೇಚಿಲಿ ಆವಾನ ಮನ ಹುಕುಮ್ ದೆವೊ ಕರಿ ಬೋಲಿಲಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:16

ಅಮ್ಮಸ್ ಯೆಹೂದ್ಯರ್‌ಕಾಹೆತೆ ಅದ್ಮಿವೊನಖ್ಹಾಜೆ ಯೇಸುಕ್ರಿಸ್ತನಿ ಸೇವಕ್‌ಹುವಾನಖ್ಹಾಜೆ ಮನ ದೇವ್ನಿ ಆಶೀರ್ವಾದ್‌ ಹುಯು. ಮೇ ದೇವ್ನಿ ಸುವಾರ್ತೆನಿ ಸೇವೆನ ಏಕ್‌ ಯಾಜಕ್‍ನಿತರ ಚ಼ಲೈನ್ ಪವಿತ್ರಾತ್ಮಥಿ ದೇವ್ನ ಸಮರ್ಪಣ್‌ಕರಾನ ಕೋಶಿಷ್ ಕರುಕರೂಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:2

ಇನೆ ಅಪ್ಣುನ ವಿಶ್ವಾಸ್‍ಥಿ ದೇವ್ನಿ ಕೃಪೆನ ಆಖ್ಹ್‌ರಾಮ ಲಾಯೊ. ಹಮ್ಕೆ ಅಪ್ಣೆ ಇನಮಹಿ ಜಿವುಕರಿಯೇಸ್. ಇನಖ್ಹಾಜೆ ದೇವ್ನಿ ಮಹಿಮೆಮ ಅಪ್ಣೆ ಭಾಗ್‍ಹುಯಿರ‍್ಹಾಸ್‍ಕರಿ ನಂಬಿನ್ ಇನಮಹಿ ಅಪ್ಣೆ ಹುಮ್ಮಖ್ಹ್‌ ಲಿಯೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:21

ಕಿಮ್ ಪಾಪ್ ಮರಣ್‍ಥಿ ರಾಜ಼್ ಚ಼ಲಾಯುಕಿ ಇಮ್ಮಸ್ ದೇವ್ನಿ ವಾರ್‌ಖ್ಹೊ ಅಪ್ಣೊ ಪ್ರಭು ಯೇಸುಕ್ರಿಸ್ತಥಿ ಹರ್‌ಹಮೇಶಾನಿ ಜಿ಼ಂದ್‌ಗಿ ದ್ಯವಾನ ನೀತಿಥಿ ರಾಜ಼್ ಚ಼ಲಾವಸ್.

1 ಕೊರಿಂಥ 15:45

ಪಹಿಲೊ ಅದ್ಮಿಹುಯಿರೋತೆ ಆದಾಮ್ ಜಾನ್‌ ಲಿದೋತೆ ಏಕ್ಜ಼ಣೊಹುಯೊ. ಖ್ಹರ್ತಿನೊ ಅದಾಮ್‌ತೋಬಿ ಜಾನ್ನದ್ಯವಾಳೊ ಆತ್ಮಹುಯೊ” ಕರಿ ಪವಿತ್ರ ದಪ್ತರ್‌ಮ ಲೀಖೈರ‍್ಹುಸ್.

ಎಫೆಸ 2:18

ಇನಾಖ್ಹಾಜೆ ಕ್ರಿಸ್ತಥಿ ಯೆಹೂದ್ಯರ್ ಅಜು಼ ಯೆಹೂದ್ಯರ್‌ಕಾಹೆತೆ ಅದ್ಮಿ ಹಮೆಬಿ ತುಮೆ ಎಕ್ಕಸ್ ಆತ್ಮಥಿ ಬಾಕನ ಆವಾನ ವಾಟ್‍ಹುಯು.

ಕೊಲೊಸ್ಸೆ 2:17

ಆ ಅಖ್ಖು ಅಗಾಡಿ ಅವ್ಣುಥೂತೆ ಕಾಮ್ನಿ ಛಾ಼ಯ ಹುಯಿರುಸ್, ಕತೋಬಿ ಯೋ ಅಖ್ಖಾನು ಖ್ಹಾಚು಼ರೂಪ್ ಕ್ರಿಸ್ತಸ್.

ಕೊಲೊಸ್ಸೆ 2:9

ಶನಕತೊ ದೇವ್ನು ಹರೇಕ್ ಭರ್‌ಪೂರ್‌ನು ಜಿವ್ಣು ಕ್ರಿಸ್ತನ ಶರೀರ್‌ಮ ಜಿವಿರ‍್ಹೂಸ್,

ಕೊಲೊಸ್ಸೆ 3:4

ತುಮುನ ಜಾನ್‌ ಹುಯಿರ‍್ಹೋತೆ ಕ್ರಿಸ್ತ ದೆಖಾವನಿ ವಖ್ಹ್‌ತೆ ತುಮೇಬಿ ಇನಿ ಜೋ಼ಡ್ಮ ಮಹಿಮೆಮ ದೆಖಾವ್‌ಶು.

ಇಬ್ರಿ 7:25

ಇನಖ್ಹಾಜೆ ಯೋ ಇನೇಥಿ ದೇವ್‌ಕನ ಆವಾಳಾನ ಪೂರ ಬಚಾ಼ಡನ ಶಕತ್‌ವಾಳೊ ಹುಯಿರ‍್ಹೊಸ್. ಶನಕತೊ ಇವ್ಣಖ್ಹಾಜೆ; ದೇವ್‌ಕನ ಬಿಂತೀಕರಾನ ಕೆದೇಬಿ ಜಿವಿರ‍್ಹವಾಳೊ ಹುಯಿರ‍್ಹೊಸ್.

ಇಬ್ರಿ 9:8

ಆ ಡೇರಾನು ಪಹಿಲು ಭಾಗ್‌ ಅಜೂ಼ಬಿ ರ‍್ಹಾವಾಲಗು ಘಣು ಪರಿಶುಧ್ ಝ಼ಗೊನ ಜಾ಼ವನು ಮಾರಗ್ ಹಮ್ಕೆಲಗು ದೆಖಾಯುಕೊಯ್ನಿ. ಕರಿಬೋಲಾನು ಪವಿತ್ರಾತ್ಮ ಬೋಲಿವತಾಳಸ್.

1 ಪೇತ್ರ 1:21

ಇನ ಮರ‍್ಯಾಹುಯಾಮಾಥು ಉಠಾಡಿನ್ ಇನ ಮಹಿಮೆ ದಿದಾಹುಯಾ ದೇವ್‌ಮ ತುಮೆ ಇನೇಥಿ ವಿಶ್ವಾಸ್ ಕರಾವಾಳ ಹುಯಿರ‍್ಹಾಸ್. ಅಮ್‍ರ‍್ಹವಾಪರ್ ತುಮಾರಿ ವಿಶ್ವಾಸ್‍ಬಿ ಟಿವಾವ್ಣಿಬಿ ದೇವ್‍ಮಾಸ್‍ ಭೀಯುಸ್.

1 ಪೇತ್ರ 2:4

ತುಮೆ ಜಿವ್ತುರ‍್ಹವಾನ ಬಂಡೊ ಹುಯಿರ‍್ಹಾವಾಳಕನ ಐರ‍್ಹಾಸ್. ಯೋ ಬಂಡೊ ಅದ್ಮೆವ್‍ಥಿ ಝಿಟ್ಕಾರ‍್ಯುತೋಬಿ ದೇವ್‍ಥಿ ಚೂ಼ಣೈಗಯಹುಯುಬಿ ಘಣ ಮೋಲ್‍ನೂಬಿ ಹುಯು.

1 ಪೇತ್ರ 3:18

ಕ್ರಿಸ್ತಬಿ ನೀತಿವಾಳೊ ಹುಯಿರ‍್ಹಿನ್, ಅನೀತಿವಾಳಾನ ಖ್ಹಾಜೆ ಜಾನ್‍ದೀನ್ ಅಪ್ಣುನ ದೇವ್‌ಕನ ಮಳಾವನಖ್ಹಾಜೆ ಎಕ್ಕಸ್ ವಖ್ಹತ್ ಪಾಪ್ನ ಮಟಾವನಖ್ಹಾಜೆ ಖ್ಹತಾಪ್ಣಿ ಪಡೀನ್ ಶರೀರ್‌ಮರ‍್ಹೀನ್ ಆತ್ಮಮ ಜಿವವಾಳೊ ಹುಯೊ.

1 ಯೋಹಾನ 1:8

ಅಪ್ಣಾಮ ಪಾಪ್‍ಕೊಯ್ನಿಕರಿ ಅಪ್ಣೆ ಬೋಲ್ಯಾತೊ ಅಪ್ಣುನ ಅಪ್ಣೆಸ್ ಠಗೈಲ್ಯವಾಳ ಹುಯಿರಾಸ್‍ ಅಜು಼ ಖ್ಹಾಚಿ ಕರಿ ಬೋಲಾನು ಅಪ್ಣಾಮ ಕೊಯ್ನಿ.

1 ಯೋಹಾನ 2:23

ಕೋಣ್ ದೇವ್ನ ಛಿಯ್ಯಾನ ಝಿಟ್ಕಾರವಾಳೊಕಿ ಯೋ ದೇವ್ನ ಮಳ್ಯೊಹುಯೊ ಕಾಹೆ. ಕೋಣ್ ಛಿಯ್ಯಾನ ಮಾನಿಲೇಸ್ಕಿ ಯೋ ಬಾಹುಯಿರೋತೆ ದೇವ್ನ ಮಳ್ಯೊಹುಯೊ ಹುಯಿರ‍್ಹೊಸ್.

1 ಯೋಹಾನ 5:20

ದೇವ್‌ನೊ ಛಿಯ್ಯೊ ಆ ಜಗತ್‌ಮ ಅಯಿನ್ ಅಪ್ಣೆ ಖ್ಹಾಚೊ಼ ಹುಯಿರೋಸ್ತೆ ದೇವ್ನ ಮಾಲುಮ್‌ ಕರಿಲ್ಯವಾನಿಘೊಣಿ ಅಪ್ಣುನ ಖ್ಹಯಾಲ್ ದೀರಾಖ್ಯೊಸ್‍ಕರಿ ಅಪ್ಣುನ ಮಾಲುಮ್‌ಛಾ಼. ಅಪ್ಣೆ ದೇವ್‌ನೊ ಛಿಯ್ಯೊ ಹುಯಿರೋತೆ ಕ್ರಿಸ್ತಮ ರ‍್ಹಾವಾನ ಖ್ಹಾಚ ದೇವ್‌ಮ ರ‍್ಹಾವವಾಳ ಹುಯಿರ‍್ಹಾಸ್. ಯೋ ಕ್ರಿಸ್ತಸ್ ಕದೇಬಿ ರ‍್ಹವಾನು ಹರ್‌ಹಮೇಶಾನೊ ಜಾನ್‌ಬಿ ಹುಯಿರ‍್ಹೊಸ್.

1 ಯೋಹಾನ 5:6

ಪ್ರಭು ಯೇಸುಸ್ ಪಾಣಿಥಿ ಅಜು಼ ಲ್ಹೋಯಿಥಿ ಆಯಿರ‍್ಹೋಸ್. ಖಾಲಿ ಪಾಣಿಥೀಸ್‍ ಕಾಹೆ, ಕತೋಬಿ ಪಾಣಿಥೀಬಿ ಲ್ಹೋಯಿಥಿಸ್‍ ಆಯಿರ‍್ಹೊಸ್ತೆ. ಅನ ಪವಿತ್ರಾತ್ಮಸ್ ಸಾಕ್ಷಿ. ಶನಕತೊ ಪವಿತ್ರಾತ್ಮಸ್ ಖ್ಹಾಚೊ಼ ಹುಯಿರೋಸ್.

2 ಯೋಹಾ 1:9

ಕ್ರಿಸ್ತನಿ ಉಪದೇಶ್‍ಮ ನಾರ‍್ಹೀನ್ ಇನ ಮಿತ್‌ಮೀರಿನ್ ಜಾವಾಳಮ ದೇವ್ ಕೊರ‍್ಹೇಯಿನಿ. ಯೊ ಉಪದೇಶ್‍ಮ ಜ಼ಡ್‍ಗಾಠಿನ್ ರ‍್ಹಾವವಾಳಮ ಬಾನಿಬಿ ಛಿಯ್ಯಾನಿಬಿ ಜೋ಼ಡೆ ಗಳ್‍ಜೋ಼ಡ್ ರ‍್ಹಿಶೆ.

ಪ್ರಕಾಶಿತ್ 1:5

ಯೇಸು ವಿಶ್ವಾಸ್‌ನಿ ಸಾಕ್ಷಿ ಹುಯಿರ್‍ಹೊಸ್, ಮರ‍್ಯಹುಯಾಮಥು ಪಹಿಲೆ ಉಠ್ಯೊತೆ ಧರ್ತಿನ ರಾಜಾ಼ವ್ನೊ ಮಾಲಿಕ್ ಹುಯಿರ‍್ಹವವಾಳೊ ಯೇಸು ಕ್ರಿಸ್ತಥಿ ತುಮುನ ವಾರ್‌ಖ್ಹೊಬಿ ಶಾಂತಿಬಿ ಮಳಾದೆ. ಅಪ್ಣುನ ಪ್ಯಾರ್‌ಕರವಾಳೊ ಇನು ಪವಿತ್ರ ಲ್ಹೋಯಿಥಿ ಅಪ್ಣುನ ಪಾಪ್‌ಥಿ ಛೋ಼ಡಾಯೊ.

ಪ್ರಕಾಶಿತ್ 19:11

ಇನಪಾರ್ ಪರ್‌ಲೋಕ್ ನಿಕ್ಳಿರ‍್ಹಾವನು ಮೇ ದೇಖ್ಯೊ. ತದೆ ದೇಕ್, ಧೋಳೊ ಘೋಡೊ ಮನ ದೆಖಾಯು. ಇನಾಪರ್‌ ಬೆಠೊರ‍್ಹವಾಳಾನ ವಿಶ್ವಾಸ್‌ವಾಳೊ, ಖ್ಹಾಚೊ಼ಕರಿ ನಾಮ್. ಯೊ ನೀತಿಥಿ ನ್ಯಾವ್‌ನ ಫೇಡವಾಳೊ, ನೀತಿಥಿ ಜಂಗ್‌ಭೀಡವಾಳೊ ಹುಯಿರೊಸ್.

ಪ್ರಕಾಶಿತ್ 20:15

ಯೋ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುನಾಮ್‍ ಲೀಖೈರ‍್ಹಾವನು ದೆಖಾಯು ಕೊಯ್ನಿಕಿ ಇನ ಆಗ್ನ ತಲಾವ್ಮ ಭಿರ್ಕಾಯು.

ಪ್ರಕಾಶಿತ್ 22:1

ಅನಕೇಡೆಥು ದೇವ್ನದೂತನೆ ಫಟಕ್‌ಡಿನಿಘೋಣಿ ಉಜಾ಼ಖ್ಹ್‌ ದ್ಯವಾನು ಜಾನ್ನು ಪಾಣಿನ ನದ್ದೀನ ಮನ ವತಾಳ್ಯೊ. ಯೊ ನದ್ದಿ ದೇವ್ ಬಿಜು಼ ಮೇಂಢಾನ ಚೆಲ್ಕಾನು ಸಿಂಹಾಸನ್‌ಕಂಥು ಉಬ್ಜಿನ್,

ಪ್ರಕಾಶಿತ್ 22:17

ಆತ್ಮ ಅಜು಼ ವ್ಯತುಲ್ಡೀಬಿ, ಆವ್ಣುಕರಿ ಬೋಲ್‌ಶೆ. ಖ್ಹಮ್‌ಜಾ಼ವಾಳೊ, ಆವ್‌ಕರಿ ಬೋಲಾದೆ. ಠೋಖ್ಹ್‌ ರ‍್ಹವಾಳೊ ಆವಾದೆ, ಆಖ್ಹ್ ರ‍್ಹವಾಳೊ ಜಾನ್ನಪಾಣಿನ ಮೋಲ್‌ಕೊಂತೆ ಫುಗಟ್‍ಥಿ ಲಿಲ್ಯಾವದೆ.

ಪ್ರಕಾಶಿತ್ 3:14

ಲವೊದಿಕೀಯಮ ಛಾ಼ತೆ ಸಬೆನ ದೂತನ ಲೀಕ್, ವಿಶ್ವಾಸ್ ಯೋಗ್ಯಬಿ, ಖ್ಹಾಚಿ ಸಾಕ್ಷಿಬಿ, ದೇವ್ನಿ ಬಣಾವಟ್ನ ರಾಜ಼ ಹುಯಿರೋತೆ ‘ಆಮೆನ್’ ಕರಿ ರ‍್ಹವಾಳೊ ಶಾತ್‌ ಬೋಲಸ್‍ಕತೊ,

ಪ್ರಕಾಶಿತ್ 3:7

ಫಿಲಿಡೇಲ್ಫಿಯಾಮ ಛಾ಼ತೆ ಸಬೆನ ದೂತನ ಅಮ್‍ಲೀಕ್: ಪರಿಶುದ್ಧಬಿ, ಖ್ಹಾಚೊ಼ಹುಯಿರ‍್ಯವಾಳೊಬಿ, ದಾವೀದನು ಬೀಗಾನು ಕೀಲಿ ಲೀರಾಖವಾಳೋಬಿ, ಕಿನೇಥೀಬಿ ನಾ ಮೂಚ಼ನಹೋಣುತೆ ಇಮ್‌ ಕಾಡವಾಳೊ, ಖೆವಾಥೀಬಿ ಉಖ್ಡಾನ ನಾ ಹೋಣುತೆ ಇಮ್‌ ಮೂಚಾ಼ವಾಳೊ ಹುಯಿರೋತೆ ಶಾತ್‌ ಬೋಲಾಸ್‍ಕತೊ,