ಯೋಹಾನ 14:3 - ದೇವ್ನಿ ಖ್ಹಾಚಿ ವಚನ್

³ ಮೇ ಜೈ಼ನ್‌, ತುಮಾರಖ್ಹಾಜೆ ಝ಼ಗೊ ತಯಾರ್ ಕರಾನ ಬಾದ್‌ಮ, ಪಾಛೊ಼ಅಯಿನ್‌, ತುಮೂನ ಮಾರ ಜೋ಼ಡೆ ಬುಲೈಲಿ ಜೈ಼ಶ್. ಅಮ್ಮಸ್ ಮೇ ಛೂ಼ತೆ ಝ಼ಗೋಮಾಸ್‌ ತುಮೇಬಿ ರ‍್ಹಿಶು.

ಯೋಹಾನ 14:3 ပူးပေါင်းရင်းမြစ်များ

ಯೋಹಾನ 12:26

ಕೋಣ್ ಮಾರಿ ಸೇವೆ ಕರ್ನುಕರಿ ಛಾ಼ಕಿ ಮಾರ ಪೀಠೆ ಆವ್ಣುಸ್ ಆವ್ಣು, ತದೆ ಮೇ ಕಿಜ್ಜಾ಼ ರ‍್ಹೀಶ್‌ಕಿ ಹಿಜ್ಜಾ಼ಸ್ ಮಾರೊ ಸೇವಕ್‌ಬಿ ರ‍್ಹಿಶೆ. ಕೋಣ್ ಮಾರಿ ಸೇವೆ ಕರಾಸ್ಕಿ, ಇವ್ಣುನ ಮಾರೊ ಬಾ ಸನ್ಮಾನ್‌ ಕರ್ಶೆ.

ಯೋಹಾನ 14:28

ಮೇ ವಳ್ಯೊಜ಼ವುಸ್‌, ಕತೋಬಿ ಪಾಛೊ಼ಫರಿ ತುಮಾರಕನ ಐಶ್‌, ಕರಿ ಮೇ ಬೋಲ್ಯೋತೆ ವಾತೇನ ತುಮೆ ಖ್ಹಮ್‌ಜಿರಾಖ್ಯಾಸ್‌, ತುಮೆ ಮನ ಪ್ಯಾರ್ ಕರಾವಾಳು ಹುಯಿರ‍್ಹಾಹೊತ್ತೊ, ಮೇ ಬಾಕನ ವಳ್ಯೊಜ಼ವುಸ್ತೆ ಬಾರೇಮ ಖ್ಹುಶಿ ಕರ‍್ಯಾಹೋತ್‌; ಶನಕತೊ ಬಾ ಮಾರೇಥಿಬಿ ಮಹಾನ್ ಹುಯಿರ‍್ಹೋಸ್.

ಯೋಹಾನ 14:4

ಮೇ ವಳ್ಯೊಜ಼ವುಸ್ತೆ ಝ಼ಗೋನು ಮಾರಗ್ ತುಮೂನ ಮಾಲುಮ್‌ ಛಾ಼” ಕರಿ ಬೋಲ್ಯೊ.

ಯೋಹಾನ 17:24

“ಬಾ! ತುನೆ ಅವ್ಣುನ ಮನ ದಿದೊ, ಅಜು಼ ಮೇ ಕಿಜ್ಗಾ಼ ರ‍್ಹವುಸ್‍ಕಿ ಹಿಜ್ಜಾ಼ಸ್ ಅವ್ಣೇಬಿ ರ‍್ಹೇವ್ಣುಕರಿ ಅಜು಼ ಆ ಜಗತ್ನ ಉಬ್ಜಾ಼ನ ಅಗಾಡಿಸ್, ತುನೆ ಮನ ಪ್ಯಾರ್ ಕರೀನ್, ಮನ ದಿದೋತೆ ಮಹಿಮೆನ ಅವ್ಣೆ ದೇಕ್ಣು ಕರಿ ಮೇ ಆಖ್ಹ್ ಕರುಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:11

ಗಲಿಲಾಯವಾಳ ಅದ್ಮಿವೊ, ತುಮೆ ಶನ ಆಸ್ಮಾನ್ನಾಸ್ ದೇಖುಕರಸ್? ತುಮಾರಕಂಥು ಯೇಸು ಕಿಮ್ ಪರ್‌ಲೋಕ್ನ ಛ಼ಡಿಗಯೊತೆ ತುಮೆ ದೇಖ್ಯಾಕಿ ಇಮ್ನಿ ಪರಕ್ಮಾಸ್ ಪಾಛು಼ ಆವ್‌ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:17

ಹಮ್ಕೆ ಅಪ್ಣೆ ಲಡ್ಕಾ ಹುಯಿರ‍್ಹಾತೊ, ಹಕ್‍ದಾರ್ ಹುಯಿರ‍್ಹಯೇಸ್; ದೇವ್ನ ಹಕ್‍ದಾರ್ ಅಜು಼ ಕ್ರಿಸ್ತನಿ ಜೋ಼ಡ್ಮ ಹಕ್‍ದಾರ್ ಹುಯಿರ‍್ಹಾಸ್. ಅಪ್ಣೆ ಕ್ರಿಸ್ತನು ಖ್ಹತಾಪ್ಣಿಮ ಖ್ಹಾಚಮಾಸ್ ಭಾಗ್‍ಲ್ಯಾವವಾಳ ರ‍್ಹಯಾತೊ, ಇನಿ ಮಹಿಮೆಮಾಬಿ ಭಾಗ್‌ಲ್ಯವಾಳ ಹುಯಿರ‍್ಹಿಶು.

ಫಿಲಿಪ್ಪಿ 1:23

ಆ ಭೇನ ಇಚ಼್‌ಮ ಖ್ಹಪ್‌ಡಿರ‍್ಹೋಸ್, ಹಜ್ಜಾ಼ಥು ನಿಕ್ಳಿನ್ ಕ್ರಿಸ್ತ ಯೇಸುನಿ ಜೋ಼ಡ್ಮ ರ‍್ಹೇವ್ಣುಕರಿ ಬೋಲಾನುಸ್ ಮಾರಿ ಆಖ್ಹ್ ಹುಯಿರ‍್ಹೀಸ್, ಯೊ ಘಣು ಅಛ್ಛು಼ಸ್ ಹುಯಿರ‍್ಹುಸ್.

2 ಥೆಸ 1:12

ಅಮ್ಮಸ್ ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತನು ನಾಮ್ ತುಮಾರೇಥಿ ಮಹಿಮೆ ಉಶೆ, ಅಜು಼ ಇಮ್ಮಸ್ ತುಮೇಬಿ ಇನಾಮ ಮಹಿಮೆ ಲಿಶು. ಯೋ ಮಹಿಮೆ ಅಪ್ಣೊ ದೇವ್ ಅಜು಼ ಪ್ರಭು ಹುಯಿರ‍್ಹವಾಳ ಯೇಸು ಕ್ರಿಸ್ತನಿ ವಾರ್‌ಖ್ಹೇಥಿ ಚಾ಼ಲಾದೆ.

2 ತಿಮೊ 2:12

ಅಪ್ಣೆ ಕೆದೆಕೆದೇಬಿ ಖ್ಹಮಾಳಿಲಿದಾತೊ, ಇನ ಜೋ಼ಡೆಸ್ ಅದಿಕಾರ್‌ಬಿ ಚ಼ಲಾವ್‌ಶು, ಅಪ್ಣೆ ಇನ ಭಣಿವಾಳ ಕಾಹೆ ಕರಿ ಬೋಲ್ಯಾತೊ, ಯೋಬಿ ಅಪ್ಣೆ ಇನಾಭಣಿವಾಳ ಕಾಹೆ ಕರಿ ಬೋಲ್‌ಶೆ.

ಇಬ್ರಿ 9:28

ಇಮ್ಮಸ್ ಕ್ರಿಸ್ತ ಜಿನುಬಿ ಕೈಯೆಕ್ಕಿ ಅದ್ಮಿನು ಪಾಪ್ ಕಾಡಾನಖ್ಹಾಜೆ ಎಕ್ಕಸ್ ವಖ್ಹತ್ ಸಮರ್ಪಣ್‌ ಹುಯೊ. ಯೋ ಬೇನೆ ಹಲ್ಲ ದೆಖಾವ್‌ಶೆತೆ ಪಾಪ್ನ ಕಾಡನ ಕಾಹೆಕತೊ ಕೋಣ್ ಟಿವೈರ‍್ಹುಸ್ಕಿ ಇನ ಬಚಾ಼ನಖ್ಹಾಜೆ ಆವ್‌ಶೇತೆ.

ಪ್ರಕಾಶಿತ್ 3:21

ಮೇ ಜೂತಿನ್ ಮಾರ ಬಾನಿ ಜೋ಼ಡ್ಮ ಸಿಂಹಾಸನ್‌ಮ ಬೆಠೂತೆ ತಿಮ್ಮಸ್ ಜೂತಹುಯಾನ ಮಾರ ಜೋ಼ಡೆ ಸಿಂಹಾಸನ್‌ಮ ಬೇಖ್ಹಾನಿ ಅಧಿಕಾರ‍್ನ ಮೇ ದಿಶ್.