ಯೋಹಾನ 14:16 - ದೇವ್ನಿ ಖ್ಹಾಚಿ ವಚನ್

¹⁶ ತದೆ ಮೇ ಬಾಕನ ಬೋಲಿಲೀಶ್‌, ತದೆ ಯೋ ತುಮೂನ ಬಿಜೇಕ್‍ಜ಼ಣೊ ಮದತ್‌ ಕರವಾಳನ ತುಮಾರಿ ಜೋ಼ಡ್ಮ ರ‍್ಹವಾನ ಮೋಕಲ್‌ಶೆ. ಯೋ ಮದತ್ ಕರಾವಾಳೊ ಹರ್‌ಹಮೇಶ ತುಮಾರ ಜೋ಼ಡೆ ರ‍್ಹಿಶೆ.

ಯೋಹಾನ 14:16 ပူးပေါင်းရင်းမြစ်များ

ಮತ್ತಾಯ 28:20

ಅಜು಼ ಮೇ ತುಮೂನ ಹುಕುಮ್‌ ದೀರಾಖ್ಯೋತೆ ಖ್ಹಾರಸ್ನ ಇವ್ಣೆ ಪಾಡಿ ಚಾ಼ಲಾನಿಘೋಣಿ ಇವ್ಣುನ ಬೋಲಿವತಾಳೊ. ಅಜು಼ ಯಾದ್ಮ ರ‍್ಹವಾದೇಕಿ ಜಗತ್‌ನು ಖ್ಹರ್ತಿ ಹುವಾಲಗೂಬಿ, ಹಮೇಶ ಮೇ ತುಮಾರ ಜೋ಼ಡೆಸ್ ರ‍್ಹೀಶ್” ಕರಿ ಬೋಲ್ಯೊ.

ಯೋಹಾನ 14:14

ತುಮೆ ಮಾರ ನಾಮ್‌ಪರ್‌ ಶಾತ್‌ ಮಾಂಗಿಲಿದತೋಬಿ, ಮೇ ಇನ ಪೂರ ಕರಿಶ್.

ಯೋಹಾನ 14:18

ಮೇ ತುಮೂನ ಅನಾದ್ರಿನಿತರ ಕೋ ಮ್ಹೇಲೀಶ್‌ನಿ; ಮೇ ತುಮಾರಕನ ಪಾಛೊ಼ ಐಶ್‌.

ಯೋಹಾನ 14:26

ಕತೋಬಿ ಯೋ ಮದತ್‌ ಕರವಾಳೊ, ಕತೊ ಮಾರ ನಾಮ್‌ಪರ್‌ ಬಾ ಮೋಕ್‌ಲ್‌ಶೇತೆ ಪವಿತ್ರಾತ್ಮಸ್ ತುಮೂನ ಖ್ಹಾರೂಸ್ ಶಿಕಾಡ್‍ಶೆ ಅಜು಼ ಮೇ ಬೋಲ್ಯೋತೆ ಅಖ್ಖಾಸ್ನ ತುಮಾರಿ ಯಾದ್ಮ ಲ್ಯಾವ್‌ಶೆ.

ಯೋಹಾನ 15:26

“ಬಾ ಕಂಥು ಆವ್‌ಶೇತೆ ಯೋ ಮದತ್‌ ಕರವಾಳೊ ಆತ್ಮ ಹುಯಿರ‍್ಹೋಸ್. ಯೊ ದೇವ್ನು ಖ್ಹಾಚ಼ನ ಬೋಲಸ್, ಯೋ ತುಮುನ ಮಾರಿ ಬಾರೇಮ ಸಾಕ್ಷಿ ಬೋಲ್‌ಶೆ.

ಯೋಹಾನ 16:22

ಇಮ್ಮಸ್ ತುಮೂನಾಬಿ ಹಮ್ಕೆ ದುಖ್ ರ‍್ಹಯುತೋಬಿ, ಮೇ ತುಮೂನ ಪಾಛೊ಼ ದೇಖಿಶ್‌, ತದೆ ತುಮಾರು ದಿಲ್‌ ಖ್ಹುಶೀಥಿ ಭರೈಜಾ಼ಶೆ, ಅಜು಼ ಕಿನೇಥೀಬಿ ತುಮಾರಿ ಖ್ಹುಶಿನ ದೂರ್ ಕಾಡಾನ ಕೋ ಉಶೇನಿ.

ಯೋಹಾನ 17:15

ಅವ್ಣುನ ಜಗತ್ನ ಹಾತ್‌ಮಾಥು ಕಾಡಿಲಿ ಜಾ಼ ಕರಿ ಮೇ ತುನ ಬೋಲುಕೊಯ್ನಿ, ಕತೋಬಿ ಖರಾಬ್‌ಥಿ ಬಚಾ಼ಡಿನ್, ಜ಼ತನ್ ರಾಕ್ಣು ಕರಿ ಮೇ ತುನ ಬೋಲಿಲೆವ್‌ಸ್

ಯೋಹಾನ 17:20

“ಮೆ ಖಲಿ ಅವ್ಣಖ್ಹಾಜೆಸ್‌ ಕಾಹೆ, ಕೋಣ್ ಅವ್ಣ ಸಂದೇಶ್‍ಥಿ ವಿಶ್ವಾಸ್‌ ಕರಾಸ್ಕಿ ಇವ್ಣಖ್ಹಾಜೆಬಿ ಪ್ರಾರ್ಥನೆ ಕರುಸ್.

ಯೋಹಾನ 4:14

ಕತೋಬಿ ಮೇ ದೆವ್‍ಸ್ತೆ ಪಾಣಿನ ಕೋಣ್ ಪಿಯ್ಯಾಸ್‍ಕಿ ಇವ್ಣುನ ಕದೇಬಿ ಠೋಖ್ಹ್‌ ಲಾಗ್‌ಶೆ ಕೊಯ್ನಿ. ಮೇ ಇನ ದೀಶ್‌ತೆ ಪಾಣಿ ಇವ್ಣಾಮ ಭರೈನ್ ಝ಼ರುಕರ್‌ಶೆ. ಯೋ ಇನ ಹಮೇಶಾನಿ ಜಿ಼ಂದ್‌ಗೀನ ದಿಶೆ” ಕರಿ ಬೋಲ್ಯೊ.

ಯೋಹಾನ 7:39

ಕತೋಬಿ ಯೇಸುನೆ ಇನ ನಂಬಾವಾಳು ಲೀಲಿಶೇತೆ ಪವಿತ್ರಾತ್ಮ ವರಾನಿ ಬಾರೇಮ ಬೋಲ್ಯೊ. ಯೇಸು ಬೀಜೂಬಿ ಮಹಿಮೆನ ಲೀರಾಖ್ಯೊಥೊ ಕೊಯ್ನಿ ಶನಕತೊ ಪವಿತ್ರಾತ್ಮ ವರ ಅಜೂ಼ಬಿ ದೆವೈರ‍್ಹುಥು ಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:4

ಅಮ್ ರ‍್ಹವಾನಿ ವಖ್ಹ್‌ತೆ ಏಕ್‌ಬಾರ್ ಶಿಷ್ಯರ್‌ನಿ ಜೋ಼ಡ್ಮ ಖಾಣು ಖಾವನಿವಖ್ಹ್‌ತೆ ಇನೆ ಇವ್ಣುನ “ಮಾರೊ ಬಾ ಏಕ್‌ ಜಿಭಾನ್‌ ದಿರಾಖ್ಯೊಸ್ ಕರಿ ಅನಿ ಬಾರೇಮ ಪಹಿಲೇಸ್ ತುಮೂನ ಮೇ ಬೋಲಿರಾಖ್ಯುತೆ ಇನ ಖ್ಹಮ್‌ಜಿರಾಖ್ಯಥಾತೆ ಇಮ್‌ ಆ ವಾಗ್ದಾನ್ನಿ ವರ್‌ದಾನ್ ಲ್ಯವಾನಖ್ಹಾಜೆ ತುಮೆ ಯೆರೂಸಲೇಮ್ಮ ಟಿವೈರ‍್ಹೇಣುಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:52

ಅಂತಿಯೋಕ್ಯಮ ಥೂತೆ ವಿಶ್ವಾಸಿಖ್ಹಾರು ಖ್ಹುಶಿಥಿ ಥು. ಬಿಜು಼ ಪವಿತ್ರಾತ್ಮಥಿ ಭರೈರೂಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:31

ಇನಬಾದ್ಮ ಯೂದಾಯ, ಗಲಿಲಾಯ, ಅಜು಼ ಸಮಾರ್ಯನ ತಬರ್‌ಖಾಮ ಥೀತೆ ಖ್ಹಾರಿ ಸಭೆಮ ಸಮಾಧಾನ್‍ ಪಡ್ಯು. ಸಬೆ ಭಡ್ತುಹುಯಿನ್ ಪ್ರಭುನ ಡರ್‌ಮಾಬಿ ಭಕ್ತಿಮಾಬಿ ಜಿವ್ತುಹುಯಿನ್, ಪವಿತ್ರಾತ್ಮಥಿ ಜಾ಼ಖ್ಹತ್ ಹೋತುಹುಯಿನ್ ಭಡ್ಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:17

ಶನಕತೊ ಖಾವಪೀಯಾನು ದೇವ್ನು ರಾಜ್ಯ ಕಾಹೆ. ನೀತಿ, ಸಮಾಧಾನ್, ಪವಿತ್ರಾತ್ಮಮ ಛಾ಼ತೆ ಖ್ಹುಶಿಸ್ ಹುಯಿರ‍್ಹಿಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:13

ಭರೋಖ್ಹಾನ ದ್ಯವಾಳೊ ದೇವ್ ಪವಿತ್ರಾತ್ಮನಿ ಶಕಥ್ಥಿ ಘಣು ಭರೋಖ್ಹಾಥಿ ನಂಬಾವಾಳನ ಖ್ಹುಶಿ ಅಜು಼ ಸಮಾಧಾನ್‌ಥಿ ಭರಾದೆ, ಅನಖ್ಹಾಜೇಥಿ ಶಕಥ್ಥಿ ಆಖ್ಹ್‌ಮ ಭಡ್ತಾ ಜಾ಼ವ್ಣುತೆ ತಿಮ್ ತುಮೂನ ವಿಶ್ವಾಸ್‍ಥಿ ಮಳಾತೆ ಹರೇಕ್ ಖುಷಿ ಸಮಾಧಾನ್ ದ್ಯವಾದೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:5

ಆ ಭರೋಖ್ಹೊ ಕದೇಬಿ ನಿರಾಶ್‍ ಕೋಕರ್‌ಶೇನಿ, ಶನಕತೊ ದೇವ್ನಿ ಪ್ಯಾರ್‌ ಅಪ್ಣುನ ಇನಿ ವರಹುಯಿರ‍್ಹಿತೆ ಪವಿತ್ರಾತ್ಮಥಿ ಅಪ್ಣ ದಿಲ್ಮ ರಂಚಿರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:34

ಅಪರಾದಿಕರಿ ನಿಶತ್‌ ಕರಾವವಾಳು ಕೋಣ್? ಕ್ರಿಸ್ತಯೇಸು ಮರಣ್‍ಲಿದೊ. ಅಜು಼ ಎತ್ರೇಸ್ ಕಾಹೆತೆ ಮರ‍್ಯಹುಯಮಾಥು ಉಠಿನ್ ದೇವ್ನ ಖಾವಿಬಾಜು಼ಮ ಬೇಶಿನ್. ಯೋಸ್ ಅಪ್ಣಖ್ಹಾಜೆ ಬಿಂತೀನಿವ್ಹಾರ್ ಕರಾವಾಳೊ ಹುಯಿರೋಸ್.

ಗಲಾತ್ಯ 5:22

ಕತೋಬಿ ದೇವ್ನ ಆತ್ಮಾಥಿ ಉಬ್‌ಜಾ಼ನು ಫಲ್ ಶಾತ್‌ಕತೊ, ಪ್ಯಾರ್, ಶಂತೋಖ್ಹ್‌, ಸಮಾಧಾನ್, ಖ್ಹಮಾಳಿ ರ‍್ಹವಾನು, ದಯಾ, ಬಿಜೇಕ್ನ ಮದತ್‌ಕರಾನು, ವಿಶ್ವಾಸ್, ಆಸ್‌ಹುಯಿರ‍್ಹುಸ್.

ಫಿಲಿಪ್ಪಿ 2:1

ಕ್ರಿಸ್ತಮ ಪವಿತ್ರಾತ್ಮಥಿ ಮಳಿನ್ ರ‍್ಹವಾನು, ಪ್ಯಾರ್‌ನ ಸಮಾಧಾನ್, ಅಜು಼ ಗೋರ್‌ನಿ ದಯಾಥಿ ಏಕ್‌ಥಿಏಕ್ ಹುಮ್ಮಖ್ಹ್‌ವಾಳ ಹುಯಿ‍ರ‍್ಹೆವೊ.

2 ಥೆಸ 2:16

ಅಪ್ಣುನ ಪ್ಯಾರ್ ಕರೀನ್, ಕೆದೇಬಿ ರ‍್ಹವಾನು ಹುಮ್ಮಖ್ಹ್‌ನಬಿ, ಅಛ಼್ಛು ಭರೋಖ್ಹಾನಬಿ ಇನಿ ವಾರ್‌ಖ್ಹೇಥಿ ದಿದೋತೆ ಅಪ್ಣೊ ಬಾ ಹುಯಿರ‍್ಹೋತೆ ದೇವ್‌ಬಿ ಅಪ್ಣೊ ಪ್ರಭು ಯೇಸು ಕ್ರಿಸ್ತ ಯೋಸ್ ತುಮಾರ ದಿಲ್‌ಮನ್ನ ಧಿಲ್‌ಪತ್‌ ದ್ಯವಾದೆ.

ಇಬ್ರಿ 7:25

ಇನಖ್ಹಾಜೆ ಯೋ ಇನೇಥಿ ದೇವ್‌ಕನ ಆವಾಳಾನ ಪೂರ ಬಚಾ಼ಡನ ಶಕತ್‌ವಾಳೊ ಹುಯಿರ‍್ಹೊಸ್. ಶನಕತೊ ಇವ್ಣಖ್ಹಾಜೆ; ದೇವ್‌ಕನ ಬಿಂತೀಕರಾನ ಕೆದೇಬಿ ಜಿವಿರ‍್ಹವಾಳೊ ಹುಯಿರ‍್ಹೊಸ್.

1 ಯೋಹಾನ 2:1

ಮಾರ ಪ್ಯಾರ್‌ನ ಲಡ್ಕಾವೊ, ತುಮೆ ಪಾಪ್ ನಾಕರ‍್ನುತೆ ರ‍್ಹೇವ್ಣು ಮೇ ಆ ಅಖ್ಖು ತುಮೂನ ಲೀಖುಕರುಸ್. ಏಕ್‍ ವೇಳ್ಮ ಕೋಣ್‌ತೋಬಿ ಪಾಪ್ ಕರ‍್ಯುಸ್‍ಉಶೇತೊ ಅಪ್ಣ ಭಣೀಥು ಬಾಕನ ಬೋಲಿಲ್ಯವಾನ ಏಕ್‍ಜ಼ಣೊ ಛಾ಼. ಯೋಸ್ ನೀತಿವಾಳೊ ಯೇಸುಕ್ರಿಸ್ತ ಮದತ್‌ಕರಾವಾಳು ಹುಯಿರೋಸ್.

1 ಯೋಹಾನ 2:27

ತುಮೆ ಪ್ರಭು ಯೇಸುಥಿ ಪವಿತ್ರಾತ್ಮನಿ ಅಭಿಷೇಕ್ ಲೀರಾಖವಾಳ ಹುಯಿರಾಸ್‍. ಯೊ ಪವಿತ್ರಾತ್ಮ ತುಮಾರಮ ಛೆ. ಅನಖ್ಹಾಜೇಥಿ ಕೋಣ್‌ಬಿ ತುಮುನ ಬೋಧನೆ ಕರಾನಿ ಜ಼ರೂರತ್ ಕೊಯ್ನಿ. ಇನೆ ತುಮುನ ಕರ‍್ಯೊತೆ ಪವಿತ್ರಾತ್ಮಸ್ ತುಮೂನ ಅಖ್ಖಿ ಸಮಚಾರ್‌ಮ ಬೋಧನೆ ಕರಾನು ಹುಯಿರುಸ್. ಯೋ ಝೂ಼ಟಿಕಾಹೆ ಖ್ಹಾಚಿ ಹುಯಿರ‍್ಹುಸ್‍. ಯೊ ತುಮೂನ ಬೋಧನೆ ಕರ‍್ಯುತೆ ಪರಕ್ಮಾಸ್ ಇನಾಮ ಘಟ್ ರ‍್ಹಿಶು.

2 ಯೋಹಾ 1:2

ಅಪ್ಣಾಮ ಜ಼ಡ್‍ಗಾಠಿಛಾ಼ತೆ ಅಜು಼ ಕದೇಬಿ ಅಪ್ಣ ಜೋ಼ಡೆ ಛೇತೆ ಖ್ಹಾಚ಼ನಖ್ಹಾಜೆ, ಮೆ ತುಮುನ ಖ್ಹಾಚಮಾಬಿ ಪ್ಯಾರ್‌ಕರೂಸ್. ಮೇಸ್ ಕಾಹೆತೆ ಖ್ಹಾಚಿನ ಪ್ಯಾರ್‌ಕರವಾಳು ಖ್ಹಾರುಸ್ ತುಮುನ ಪ್ಯಾರ್‌ಕರಾಸ್‌.