ಯೋಹಾನ 13:4 - ದೇವ್ನಿ ಖ್ಹಾಚಿ ವಚನ್

⁴ ತದೆ ಯೇಸುನೆ ಖಾಣನ ಮ್ಹೆಂದಿನ್, ಉಪ್ಪರ್ ಉಠೀನ್, ಇನು ಉಪ್ಪರ್‌ಲ್ಯು ಝ಼ಗ್ಗಾನ ಕಾಡಿನಾಖಿನ್, ಪಿಛೋ಼ಡಿನ ಪಾಡೀನ್, ಕಂಬರ್‌ನ ಭಾಂದಿಲಿದೊ.

ಯೋಹಾನ 13:4 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:37

ಯಜಮಾನ್ ಐನ್ ಬಾಕಲ್ ಮಾರಾನಿ ವಖ್ಹತ್‌ಮ, ಇವ್ಣೆ ಬಾಕಲ್ ಕಾಡಸ್‌. ಪಾಛೊ಼ ಪ್ರಭು ಫರಿಅಯಿನ್‌, ಕೆಹೊಖ್ಹಾರೊ ಆಳ್‌ ತೈಯಾರ್ ಹುಯಿರ‍್ಹಿನ್, ಇನಖ್ಹಾಜೆ ಜ಼ಪಿರ‍್ಹೇವಾನು ಯೋ ದೇಖಾಸ್ಕಿ ಇವ್ಣೆ ಧನ್ಯ ಹುಯಿರ‍್ಹಿಶೆ! ಮೇ ತುಮೂನ ಖ್ಹಾಚಾಮ ಬೋಲುಸ್ಕಿ, ಯೋ ಇನಿ ಕಂಬರ್‌ನ ಲುಂಗ್ಡು ಭಾಂದಿಲೀನ್, ಇವ್ಣುನ ಖಾಣನ ಬೆಖ್ಹಾಡಿನ್‌, ಇವ್ಣ ಖನ್ನೆ ಐನ್, ಇವ್ಣಿ ಚಾ಼ಕ್ರಿ ಕರ್ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 17:7

“ತುಮಾರಾಮ ಕಿನಾತೋಬಿ ನಾಗ್ರಾವಾಳೊ ನತರ್‌ಕಿ ಮೇಂಢ ಚ಼ರಾವವಾಳೊ ಆಳ್‌ ಛಾ಼ ಕರಿ ಲ್ಹಾವೊ. ಯೋ ಆಳ್‌ ಖೇತರ್‌ಮಾಥು ಘರ್‌ಕನ ಆಯೂತೊ, ತುಮೆ ಇನ, ‘ಒಗ್ಗಿಆವ್, ಖಾಣನ ಬೇಖ್ಹ್‌’ ಕರಿ ಬೋಲಸ್ಕಿ ಶು?

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 17:8

ಕೊಯ್ನಿಸಸ್ ಕೊಯ್ನಿ! ತುಮೆ ಇನ, ‘ಮನ ಖಾಣು ತೈಯಾರ್‌ಕರ್, ಅಜು಼ ಕಂಬರ್‌ನ ಲುಂಗ್ಡು ಭಾಂದಿಲೀನ್, ಮೇ ಖೈನ್‌ಪೀಯ್ಯಾತೋಡಿ, ಮಾರಿ ಚಾ಼ಕ್ರಿಕರ್‌, ಬಾದ್‌ಮ ತೂ ಖೈನ್‌ಪೀ ಕರಿ ಬೋಲಾಕೊಯ್ನಿಕಿ ಶು?

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:27

ಕೋಣ್ ಮಹಾನ್? ಖಾಣು ಖಾವನ ಬೆಠೂತೆ ಯೋಕಿ, ಇನಿ ಚಾ಼ಕ್ರಿ ಕರಾವಾಳೊ? ಖಾವನ ಬೆಠೋಸ್ತೆ ಯೋಸ್ ಕಾಹೆಕಿಶು, ಕತೋಬಿ ಮೇ ತುಮಾರಾಮ ಚಾ಼ಕ್ರಿ ಕರಾವಾಳನಿಘೋಣಿ ಛೂ಼.

ಯೋಹಾನ 13:12

ಯೇಸುನೆ ಇವ್ಣ ಗೋಡ ಧೊವಾನ ಬಾದ್‌ಮ, ಇನು ಉಪ್ಪರ್‌ಲ್ಯು ಝ಼ಗ್ಗಾನ ಪೇರ‍್ಹಿಲೀನ್‌, ಪಾಛು಼ ಹಿಜ಼್ಜಾ ಬೇಶಿನ್ ಇನೆ ಬೋಲ್ಯೊಕಿ, “ಮೇ ತುಮೂನ ಕರ‍್ಯೊತೆ ಶಾತ್‌ ಕರಿ ತುಮೂನ ಮಾಲುಮ್‌ ಪಡ್ಯುಕಿಶು?” ಕರಿ ಪುಛಾ಼ಯೊ.

2 ಕೊರಿಂಥ 8:9

ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ವಾರ್‌ಖ್ಹಾನ ತುಮೆ ಮಾಲುಮ್ ಕರಿರಾಖ್ಯಸ್. ಕಿಮ್‌ಕತೊ ಯೋ ಧನ್‍ ದೌಲತ್‌ವಾಳೊ ರ‍್ಹಯೊತೋಬಿ ಯೋ ಗರೀಬ್ ಹುವಾಥೀಸ್ ತುಮೆ ಧನ್‌ ದೌಲತ್‌ವಾಳ ಬಣನಿತರ ಯೋ ತುಮಾರಖ್ಹಾಜೆ ಗರೀಬ್‍ಹುಯೊ.

1 ಯೋಹಾನ 3:11

ಅಪ್ಣೆ ಏಕ್‌ಥಿಏಕ್ ಪ್ಯಾರ್‌ಕರ‍್ನು ಕರಿ ಬೋಲಾನು ಸಂದೇಶ್‌ನಾಸ್‍ ತುಮೆ ಪಹಿಲೆಥು ಖ್ಹಮ್‍ಜಿರಾಖ್ಯಸ್ತೆ.