ಯೋಹಾನ 13:33 - ದೇವ್ನಿ ಖ್ಹಾಚಿ ವಚನ್

³³ ಮಾರ ಲಡ್ಕಾ, ಬಿಜು಼ ಥೋಡಿ ವಖ್ಹತ್ ಮೇ ತುಮಾರ ಜೋ಼ಡೆ ರ‍್ಹೀಶ್. “ಮನ ಢೂಂಡ್‌ಶು, ಕತೋಬಿ ಯೆಹೂದ್ಯರ್‌ನ ಬೋಲ್ಯೋತೆ ಇಮ್ಮಸ್, ಮೇ ಜ಼ವುಸ್ತೆ ಹಿಜ್ಜಾ಼ ತುಮೆ ಕೋ ಆವಾನ ಉಶೇನಿ” ಕರಿ ಮೇ ಹಮ್ಕೆ ತುಮೂನಾಬಿ ಬೋಲುಸ್.

ಯೋಹಾನ 13:33 ပူးပေါင်းရင်းမြစ်များ

ಯೋಹಾನ 13:36

ಸೀಮೋನ್‌ ಪೇತ್ರನೆ ಯೇಸುನ, “ಪ್ರಭು, ತೂ ಕಿಜ಼್ಜಾ ವಳ್ಯೊಜಾ಼ಸ್‌?” ಕರಿ ಪುಛಾ಼ಯೊ. ತದೆ ಯೇಸುನೆ, “ಮೇ ವಳ್ಯೊಜ಼ವುಸ್ತೆ ಹಿಜ್ಜಾ಼ ತೂ ಹಮ್ಕೆ ಆವಾನ ಕೋ ಉಶೇನಿ, ಕತೋಬಿ ಬಾದ್‌ಮ ತೂ ಮಾರ ಪೀಠೆ ಐಶ್‌” ಕರಿ ಬೋಲ್ಯೊ.

ಯೋಹಾನ 14:19

ಬಿಜು಼ ಥೋಡ ದನ್ನ ಬಾದ್‌ಮ ಆ ಜಗತ್‌ ಮನ ದೇಕ್‌ಶೆ ಕೊಯ್ನಿ, ಕತೋಬಿ ತುಮೆ ಮನ ದೇಕ್‌ಶು; ಮೇ ಜಿವ್‌ಸ್ತೆ ಇನಖ್ಹಾಜೆ ತುಮೇಬಿ ಜಿವ್‌ಶು.

ಯೋಹಾನ 14:2

ಮಾರ ಬಾನ ಘರ್‌ಮ ಘಣ ಕೋಣ ಛಾ಼, ಇಮ್‌ ನಾ ರ‍್ಹಯುಹೋತ್ತೊ, ತುಮಾರಖ್ಹಾಜೆ ಝ಼ಗೊ ತಯಾರ್ ಕರಾನಟೇಕೆ ವಳ್ಯೊಜ಼ವುಸ್‌ನಿ.

ಯೋಹಾನ 7:36

ತುಮೆ ಮನ ಢೂಂಡ್‌ಶು, ಕತೋಬಿ ಮೇ ತುಮೂನ ಕೋ ಮಳಿಶ್‌ನಿ, ಶನಕತೊ ಮೇ ಛೂ಼ತೆ ಹಿಜ್ಜಾ಼ ತುಮೂನ ಕೋ ಆವಾನ ಉಶೇನಿ” ಕರಿ ಇನೆ ಬೋಲ್ಯೋತೆ ವಾತೆನಿ ಮತ್‌ಲಬ್ ಶಾತ್‌?” ಕರಿ ಇವ್ಣ-ಇವ್ಣ ಮಹಿಸ್ ಬೋಲಿಲಿದು.

ಗಲಾತ್ಯ 4:19

ಮಾರ ಪ್ಯಾರ್‌ನ ಲಡ್ಕಾವ್‍ನಿಘೋಣಿ ಛಾ಼ತೆ ಗಲಾತ್ಯವಾಳವೊ, ಆಯ ಇನ ಲಡ್ಕಾನಖ್ಹಾಜೆ ಜ಼ಣತ್‌ನಿ ಅಜ಼ ಪಡಾನಿಘೋಣಿ, ಕ್ರಿಸ್ತ ಯೇಸುನು ಚಾ಼ವ್‌ಭಾವ್ ತುಮಾರಮ ಆವಲಗು ತುಮಾರ ಖ್ಹಾಜೆ ಮೆ ಎಥ್ರಾನಿಸ್ ಅಜ಼ ಪಡುಕರುಸ್.

1 ಯೋಹಾನ 2:1

ಮಾರ ಪ್ಯಾರ್‌ನ ಲಡ್ಕಾವೊ, ತುಮೆ ಪಾಪ್ ನಾಕರ‍್ನುತೆ ರ‍್ಹೇವ್ಣು ಮೇ ಆ ಅಖ್ಖು ತುಮೂನ ಲೀಖುಕರುಸ್. ಏಕ್‍ ವೇಳ್ಮ ಕೋಣ್‌ತೋಬಿ ಪಾಪ್ ಕರ‍್ಯುಸ್‍ಉಶೇತೊ ಅಪ್ಣ ಭಣೀಥು ಬಾಕನ ಬೋಲಿಲ್ಯವಾನ ಏಕ್‍ಜ಼ಣೊ ಛಾ಼. ಯೋಸ್ ನೀತಿವಾಳೊ ಯೇಸುಕ್ರಿಸ್ತ ಮದತ್‌ಕರಾವಾಳು ಹುಯಿರೋಸ್.

1 ಯೋಹಾನ 4:4

ಪ್ಯಾರ್‌ನ ಲಡ್ಕಾವೊ, ತುಮೆತೋಬಿ ದೇವ್‌ಮ ಮಳಿರ‍್ಹವಾಳ. ಅಜು಼ ಇನ ತುಮೆ ಜೂತಿರ‍್ಹವಾಳ ಹುಯಿರ‍್ಹಾಸ್ ಇವ್ಣೆ ಜಗತ್‌ಮ ಛಾ಼ತೆ ದುರಾತ್ಮಥೀಬಿ ತುಮಾರಮ ಛಾ಼ತೆ ಆತ್ಮ ಮಹಾನ್ ಹುಯಿರ‍್ಹೂಸ್ ಇನಖ್ಹಾಜೇಥಿಸ್ ಯೋ ಝೂ಼ಟ ಪ್ರವಾದಿಯೇವ್‍ನ ಆತ್ಮನ ಜೂತಿಗಯ.

1 ಯೋಹಾನ 5:21

ಪ್ಯಾರ್‌ನ ಲಡ್ಕಾವೊ ಮೂರತ್ ದೂರ್ ರ‍್ಹೀನ್ ತುಮುನ ಬಚಾ಼ಡಿಲೇವೊ.