ಯೋಹಾನ 13:12 - ದೇವ್ನಿ ಖ್ಹಾಚಿ ವಚನ್

¹² ಯೇಸುನೆ ಇವ್ಣ ಗೋಡ ಧೊವಾನ ಬಾದ್‌ಮ, ಇನು ಉಪ್ಪರ್‌ಲ್ಯು ಝ಼ಗ್ಗಾನ ಪೇರ‍್ಹಿಲೀನ್‌, ಪಾಛು಼ ಹಿಜ಼್ಜಾ ಬೇಶಿನ್ ಇನೆ ಬೋಲ್ಯೊಕಿ, “ಮೇ ತುಮೂನ ಕರ‍್ಯೊತೆ ಶಾತ್‌ ಕರಿ ತುಮೂನ ಮಾಲುಮ್‌ ಪಡ್ಯುಕಿಶು?” ಕರಿ ಪುಛಾ಼ಯೊ.

ಯೋಹಾನ 13:12 ပူးပေါင်းရင်းမြစ်များ

ಮತ್ತಾಯ 13:51

ಯೇಸುನೆ ಇನ ಶಿಷ್ಯರ್‌ನ, “ಆ ಖ್ಹಾರಿ ವಾತೆನಿ ಮತ್‌ಲಬ್ ತುಮೂನ ಮಾಲುಮ್‌ಪಡ್ಯುಕಿ ಶು?” ಕರಿ ಪುಛಾ಼ಯೊ. ಇವ್ಣೆ, “ಓಹೊ” ಕರಿ ಜವಾಬ್‌ ದಿದಾ.

ಮಾರ್ಕ 4:13

ಬಾದ್‌ಮ ಯೇಸುನೆ ಇವ್ಣುನ, “ಆ ಮತ್ಲಬ್‌ನಿ ಖೇಣಿ ತುಮೂನ ಮಾಲುಮ್‌ಪಡ್ಯು ಕೊಯ್ನಿಕಿ ಶು? ಇಮ್‍ಕತೊ, ಮೇ ಬೋಲುಸ್ತೆ ಬಿಜಿಖ್ಹಾರಿ ಮತ್ಲಬ್‌ನಿ ಖೇಣಿಯೇನ ತುಮೆ ಕಿಮ್ ಮಾಲುಮ್‌ ಕರ್ಶು?

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:27

ಕೋಣ್ ಮಹಾನ್? ಖಾಣು ಖಾವನ ಬೆಠೂತೆ ಯೋಕಿ, ಇನಿ ಚಾ಼ಕ್ರಿ ಕರಾವಾಳೊ? ಖಾವನ ಬೆಠೋಸ್ತೆ ಯೋಸ್ ಕಾಹೆಕಿಶು, ಕತೋಬಿ ಮೇ ತುಮಾರಾಮ ಚಾ಼ಕ್ರಿ ಕರಾವಾಳನಿಘೋಣಿ ಛೂ಼.

ಯೋಹಾನ 13:4

ತದೆ ಯೇಸುನೆ ಖಾಣನ ಮ್ಹೆಂದಿನ್, ಉಪ್ಪರ್ ಉಠೀನ್, ಇನು ಉಪ್ಪರ್‌ಲ್ಯು ಝ಼ಗ್ಗಾನ ಕಾಡಿನಾಖಿನ್, ಪಿಛೋ಼ಡಿನ ಪಾಡೀನ್, ಕಂಬರ್‌ನ ಭಾಂದಿಲಿದೊ.

ಯೋಹಾನ 13:7

ಯೇಸುನೆ ಇನ, “ಮೇ ಶಾತ್‌ ಕರುಕರುಸ್ತೆ ಕರಿ ಹಮ್ಕೆ ತುನ ಮಾಲುಮ್‌ ಕೋ ಪಡ್‌ಶೇನಿ, ಕತೋಬಿ ಬಾದ್‌ಮ ತುನ ಮಾಲುಮ್‌ ಪಡ್‌ಶೆ” ಕರಿ ಬೋಲ್ಯೊ.