ಯೋಹಾನ 12:48 - ದೇವ್ನಿ ಖ್ಹಾಚಿ ವಚನ್

⁴⁸ ಕೋಣ್ ಮನ ಝಿಟ್ಕಾರಿನ್, ಮಾರಿ ವಾತೇನ ಮಾನಕೊಂತೆ ಇವ್ಣುನ ತೀರ್ಪ್‌ ಕರಾವಾಳು ಏಕ್‌ ಛಾ಼. ಯೋ ಕೆಹುಕತೊ ಮೇ ಬೋಲ್ಯೋತೆ ಯೋ ವಾತೇಸ್‌, ಖ್ಹರ್ತಿನ ದನ್ಮ ಇವ್ಣುನ ತೀರ್ಪ್ ಕರ್ಶೆ.

ಯೋಹಾನ 12:48 ပူးပေါင်းရင်းမြစ်များ

ಮತ್ತಾಯ 10:15

ನ್ಯಾವ್‍ನಿ ತೀರ್ಪ್‌ನ ದನ್ಮ ಇಮ್ನ ಗಾಮ್‌ನಿ ಹಾಲ್‌ ಸೊದೋಮ್ ಅಜು಼ ಗೊಮೋರ್‌ ತಬರ್‌ಖಾನಿ ಹಾಲ್‌ಥೀಬಿ ಖರಾಬ್ ರ‍್ಹಿಶೆ ಕರಿ ಮೇ ತುಮೂನ ಖ್ಹಾಚಮಾಬಿ ಬೋಲುಸ್” ಕರಿ ಬೋಲ್ಯೊ.

ಮತ್ತಾಯ 21:42

ಯೇಸುನೆ ಇವ್ಣುನ, “ಘರ್ ಭಾಂದಾವಾಳು ನಕೊಕರಿ ಧಕೇಲೈ ಗಯೋತೆ ಬಂಡೋಸ್, ಅಖ್ಖೇಥಿ ಹೋಣುತೆ ಕೋಣಾನೊ ಬಂಡೊ ಹುಯೊ. ‘ಆ ಪ್ರಭುನೇಸ್ ಕರ‍್ಯೊತೆ, ಆ ಅಪ್ಣ ಡೋಳಾಮ ಆಶ್ಚರ್ಯ ದೆಖಾವಸ್!’ ಕರಿ ಧರ್ಮಶಾಸ್ತ್ರಮ ಛಾ಼ತೆ ತುಮೆ ಕದೆತೋಬಿ ಪಢ್ಯಾಕೊಯ್ನಿಕಿ ಶು?

ಮತ್ತಾಯ 25:31

ಅತ್ರೇಸ್ ಕಾಹೆತೆ ಅದ್ಮಿನೊ ಛಿಯ್ಯೊ ಇನಿ ಮಹಾನ್ ಮಹಿಮೆಥಿ ತಮಾಮ್‌ ದೇವ್‌ನು ದೂತರ್‌ನ ಜೋ಼ಡೆ ಆವಾನಿ ವಖ್ಹತ್‌ಮ, ಯೊ ಇನಿ ಮಹಿಮೆನು ಸಿಂಹಾಸನ್‍ಪರ್ ಬೇಖ್ಹ್‌ಶೆ.

ಮಾರ್ಕ 12:10

‘ಘರ್ ಭಾಂದಾವಾಳು ನಕೊಕರಿ ಧಕೇಲೈ ಗಯೋತೆ ಬಂಡೋಸ್, ಹೋಣುತೆ ಕೋಣಾನೊ ಬಂಡೊ ಹುಯೊ. ಅಮ್ಕರಿ ಧರ್ಮಶಾಸ್ತ್ರಮ ಪಢಿರಾಖ್ಯಸ್ನಿ!

ಮಾರ್ಕ 16:16

ನಂಬಿನ್, ಬ್ಯಾಪ್ತಿಸ್ಮ ಕರೈಲೆವಾಳು ದೇವ್ನಿ ನ್ಯಾವ್‍ನಿ ತೀರ್ಪ್‌ಥಿ ಬಚಿನ್ ಪರ್‌ಲೋಕ್‌ಮ ಜಾ಼ಶೆ; ಕೋಣ್ ನಂಬಾಕೊಯ್ನಿಕಿ ಇವ್ಣುನ ನಿಶತ್‌ಮಳ್‌ಶೆ.

ಮಾರ್ಕ 8:31

ಅಜು಼ ಯೇಸುನೆ, “ಅದ್ಮಿನೊ ಛಿಯ್ಯೊ ಘಣು ಲತಾಡ ಪಡ್ನು ಅಜು಼ ಶಾಣಾವ್‍ಥೀಬಿ, ಗಲ್‌ಢಯಾಜಕರ್‌ಥಿ, ಅಜು಼ ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಖ್ಹಾರು ಇನ ಝಿಟ್ಕಾರಿನ್ ಧಕೇಲಿದಿಶೆ. ಅಜು಼ ಇನ ಮಾರಿನಾಕ್‌ಶೆ, ಮರಿಜಾ಼ವಾನ ಬಾದ್‌ಮ, ತೀನ್‌ರೋಜ಼್ ಕೇಡೆ ಯೋ ಪಾಛೊ಼ ಜಿವ್ತೊಹುಯಿನ್ ಉಠೀನ್ ಆವ್‌ಶೆ” ಕರಿ ಇನ ಶಿಷ್ಯರ್‌ನ ಬೋಲಿದ್ಯವಾನಿಕ್‍ಳ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:16

ಯೇಸುನೆ ಇವ್ಣುನ, “ತುಮಾರಿ ವಾತೇನ ಖ್ಹಮ್‌ಜಾ಼ವಾಳು ಮಾರಿ ವಾತೆ ಖ್ಹಮ್‌ಜಾ಼ವಾಳು ಹುಯಿರ‍್ಹೂಸ್; ತುಮೂನ ಝಿಟ್ಕಾರವಾಳು ಮನ ಝಿಟ್ಕಾರವಾಳು ಹುಯಿರ‍್ಹೂಸ್; ಮನ ಝಿಟ್ಕಾರವಾಳು ಮನ ಮೋಕ್‌ಲ್ಯೊತೆ ಇನಾಸ್ ಝಿಟ್ಕಾರವಾಳು ಹುಯಿರ‍್ಹೂಸ್” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 17:25

ಕತೋಬಿ ಅನೇಥಿಬಿ ಅಗಾಡಿ, ಅದ್ಮಿನೊ ಛಿಯ್ಯೊ, ಘಣಿ ಖ್ಹತಾಪ್ಣಿ ಖೈನ್, ಆ ಹಗಾಮ್ನ ಅದ್ಮಿಥಿ ಝಿಟ್ಕಾರವ್ಣು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 20:17

ಕತೋಬಿ ಇವ್ಣುನ ದೇಖಿನ್ ಯೇಸುನೆ, “ಘರ್ ಭಾಂದಾವಾಳು ನಕೊಕರಿ ಝಿಟ್ಕಾರಯೋತೆ ಬಂಡೋಸ್, ಹೋಣುತೆ ಕೋಣಾನೊ ಬಂಡೊ ಹುಯೊ” ಕರಿ ಲೀಖೈರ‍್ಹೂತೆ ಇನಿ ಮತ್‌ಲಬ್ ಶಾತ್‌?” ಕರಿ ಪುಛಾ಼ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:30

ಕತೋಬಿ ಫರಿಸಾಯರ್ ಅಜು಼ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಇವ್ಣಿ ಬಾರೇಮ ದೇವ್ನಿ ಮರ್ಜಿನ ಝಿಟ್ಕಾರಿನ್, ಯೋಹಾನ್ನ ಹಾತೇಖ್ಹು ಬ್ಯಾಪ್ತಿಸ್ಮ ಕೋ ಲಿದೂನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:22

ಅನ ಬಾದ್‌ಮ ಯೇಸುನೆ ಇವ್ಣುನ, “ಅದ್ಮಿನೊ ಛಿಯ್ಯೊ ಘಣು ಲತಾಡ ಪಡ್ನು, ಯೆಹೂದ್ಯರ್‌ನು ಶಾಣಾವ್‍ಥೀಬಿ, ಗಲ್‌ಢಯಾಜಕರ್‌ಥಿ ಅಜು಼ ಮೋಶೆನಿ ಧರ್ಮಶಾಸ್ತ್ರ ಶಿಕಾಡವಾಳ ಶಾಸ್ತ್ರಿಯೇಥಿ ಧಕೇಲೈಜಾ಼ಶೆ, ಅಜು಼ ಇನ ಮಾರಿನಾಕ್‌ಶೆ, ಕತೋಬಿ ತೀನ್ ದನ್ನ ಬಾದ್‌ಮ, ಯೋ ಜಿವ್ತೊಹುಯಿನ್ ಉಠಿ ಆವ್‌ಶೆ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:26

ಕೋಣ್‌ತೋಬಿ ಮನಾಬಿ ಅಜು಼ ಮಾರಿ ವಚನ್ನಖ್ಹಾಜೆಬಿ ಖ್ಹರ್‌ಮಾಯೂತೊ, ಇನ ಅದ್ಮಿನೊ ಛಿಯ್ಯೊ ಯೋಬಿ ಇನ ಬಾನಿ ಪರಿಶುದ್ದ ದೂತರ್‌ನಾಬಿ ಛಾ಼ತೆ ಮಹಿಮೆನಿ ಜೋ಼ಡೆ ಆವಾನಿ ವಖ್ಹತ್‌ಮ ಇನಿ ಬಾರೇಮ ಖ್ಹರ್‌ಮಾವ್‌ಶೆ.

ಯೋಹಾನ 11:24

ತದೆ ಮಾರ್ಥನೆ, “ಅಂತಿಮ್‌ ದನ್ಮ ಯೋ ಪಾಛು಼ಜಿವ್ತೊಹುಯಿನ್ ಉಠಿ ಆವ್‍ಶೆಕರಿ ಮನ ಮಾಲುಮ್‌” ಕರಿ ಫರೈನ್ ಬೋಲಿ.

ಯೋಹಾನ 5:45

ಮಾರ ಬಾನ ಖ್ಹಾಮ್ಣೆ ಭೀರಿನ್ ಮೇ, ತುಮುನ ಅಪರಾದಿ ಕರಿ ಭೀರಾಕಿಶ್ ಕರಿ ನಕೊ ಸೋಚೊ ತುಮೆ ಭರೋಖ್ಹೊ ಕರಿರಾಖ್ಯಾತೆ ಮೋಶೆಸ್‌ ತುಮಾರಪರ್ ಅಪರಾದ್ ಲಗಾಡ್‌ಶೆ.

ಯೋಹಾನ 6:39

ದೇವ್ನೆ ಮನ ದಿದೋತೆ ಅದ್ಮಿಮ ಏಕ್‌ನಾಬಿ ಮೇ ಗುಮೈನಾಲೇವ್ಣುತೆ, ಅಂತಿಮ್‌ ದನ್ಮ ಮೇ ಇವ್ಣ ಖ್ಹಾರಾನ ಪಾಛು಼ ಜಿವ್ತು ಉಠಾಡ್ನು ಕರಿ ಬೋಲಾನುಸ್ ದೇವ್ನಿ ಮರ್ಜಿ.

ಯೋಹಾನ 8:47

ಖಿವು ಏಕ್‍ಜ಼ಣು ದೇವ್‍ಥಿ ಪೈದಾಹುಯುಕಿ ದೇವ್ನಿ ವಾತೆನ ಖ್ಹಮ್‌ಜಾ಼ಸ್‌, ತುಮೆ ದೇವ್ನ ಸಂಬಂದ್ ನಾರ‍್ಹಯಾತೊ, ಇನಖ್ಹಾಜೆ ಇನ ಖ್ಹಮ್‌ಜಾ಼ಕೊಯ್ನಿ” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:31

ಜಗತ್ನ ಅದ್ಮಿಖ್ಹಾರಾನು ನ್ಯಾಯನ ಫೆಡಾವನಖ್ಹಾಜೆ ದೇವ್ನೆ ಏಕ್‍ದನ್ನ ಖ್ಹಣೇದ್ ಕರಿರಾಖ್ಯೋಸ್. ತದೆ ನ್ಯಾವ್‌ನ ಫೇಡಾವನಖ್ಹಾಜೆ ಇನೆ ಏಕ್‍ಜ಼ಣಾನ ಕೇತ್ರಾಕಿ ವರಖ್ಹ್‌ನ ಪಾರಸ್ ಚೂ಼ಣಿರಾಖ್ಯೊಸ್. ಅನ ಹರೇಕ್‌ಜ಼ಣಾನ ಮಾಲುಮ್ ಕರಾವನಖ್ಹಾಜೆ ಆ ಏಕ್‍ಜ಼ಣಾನ ಮರ‍್ಯಹುಯಮಾಥು ಜಿವ್ತು ಉಠಾಡಿರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:23

ಯೊ ಪ್ರವಾದಿನಿ ವಾತೆನ ಖ್ಹಮ್‍ಜ಼ಕೊಂತೆ ಹರೇಕ್ ಜ಼ಣೊಬಿ ದೇವ್ನ ಅದ್ಮಿಥಿ ಅಲಕ್‌ಹುಯಿನ್ ನಾಶ್‌ಹುಯಿಜಾ಼ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:16

ಇನಖ್ಹಾಜೆ ಮೇ ಬೋಲುತೆ ಸುವಾರ್ತೆನಿಘೋಣಿ ಯೋ ದನ್ಮ ಅಮ್ಮಸ್ ದೇವ್ ಯೇಸುಕ್ರಿಸ್ತಥಿ ಅಖ್ಖಾಮ ಗಪ್ಲಥ್ಥಿ ರ‍್ಹೇಯ್ತೆ ಸೋಚ್ನ ತೀರ್ಪ್‌ ಕರ್ಶೆ.

2 ಕೊರಿಂಥ 4:3

ಹಮೆ ಬೋಲೇತೆ ಸುವಾರ್ತೆ ಥೋಡಜ಼ಣಾನ ಲಪಿರ‍್ಹೂಉಷೆತೊ ನಾಶನನ ಮಾರಗ್‍ಮ ರ‍್ಹವಾಳನ ಖಲಿ ಯೋ ಲಪಿರ‍್ಹೂಸ್.

2 ಥೆಸ 1:8

ಯೊ ಆಗ್‍ನಿ ಝ಼ಲ್‌ಪಟ್‌ ಜೋ಼ಡ್ಮ ಕೋಣ್ ದೇವ್ನ ಠೊಕ್ರಾವಸ್ಕಿ ಅಜು಼ ಯೇಸು ಪ್ರಭುನಿ ಬಾರೇನಿ ಸುವಾರ್ತೆನ ಮಾನ್ಯುಕೊಯ್ನಿಕಿ ಇವ್ಣುನ ನಿಶತ್‌ ದ್ಯವಾನ ಆವ್‌ಶೆ.

ಇಬ್ರಿ 10:25

ಸಬೆ ಮಳಾನು ಆದತ್‌ನ ಥೋಡುಜ಼ಣು ಮ್ಹೆಲಿದಿದೂತೆ ತಿಮ್ ಅಪ್ಣೆ ಮ್ಹೇಲಿನಾದೆವ್ಣುತೆ, ಅಪ್ಣುನ ಮಾಲುಮ್‌ ಛಾ಼ತೆ ಪರಕ್ಮ ಪ್ರಭು ಆವಾನದನ್‍ ಖನ್ನೆ ಐಗಾತೆ ಇನಖ್ಹಾಜೆ ಬಿಜೂ಼ಬಿ ಘಣು ಏಕ್‌ಥಿಏಕ್ ಹುಮ್ಮಖ್ಹ್‌ ದಿಯೇ.

ಇಬ್ರಿ 12:25

ವಾತೆ ಬೋಲುಕರಾತೆಯಿನ ಝಿಟ್ಕಾರ‍್ನುನಾತೆ ತಿಮ್ ದೇಖಿಲೆವೊ ಶನಕತೊ ಜ಼ಮೀನ್‌ಪರ್ ದೇವ್ನಿ ವಚನ್ ಬೋಲ್ಯಹುಯಾನ ಝಿಟ್ಕಾರವಾಳು ನಿಶತ್ನ ಛುಕಿಜಾ಼ವನ ನಾಹುಯುಕತೊ, ಸೊರ್ಗಾಥು ವಾತೆ ಬೋಲಾವಳನ ಮ್ಹೇಲಿನ್ ಅಪ್ಣೆ ದೂರ್ ಗಯಾತೊ ನಿಶಥ್ಥಿ ಕಿಮ್ ಛು಼ಕ್‍ಶು?

ಇಬ್ರಿ 2:3

ಅಪ್ಣ ಖ್ಹಾಮ್ಣೆ ಮ್ಹೇಲಿರಾಖ್ಯೊತೆ ಅಥ್ರಾನಿ ಮಹಾನ್ ರಕ್ಷಣೆನ ಅಪ್ಣೆ ಕರ‍್ಹಯ್ಯಕಾಡ್ಯುತೊ, ಛು಼ಕಿಜಾ಼ವನುತೋಬಿ ಕಿಮ್? ಆ ಹೈರುತೆ ಪ್ರಭುಥಿ ಪಹಿಲೆ ಬೋಲಾಯು ಅಜು಼ ಇನೇಥಿ ಖ್ಹಮ್‌ಜ್ಯಥಾತೆ ಅನ ಹಮೂನ ಘಟ್‌ಕರಾಯು.

ಇಬ್ರಿ 4:12

ದೇವ್ನಿ ವಚನ್ ಜಿವ್ತಜಾನ್ನು, ಕಾಮ್ ಕರ್ತುರ‍್ಯವಾನುಬಿ ಅಜು಼ ಖಿವಿ ಬೇಮ್ಹೋಡಾನಿ ತಲ್ವಾರ್‌ಥೀಬಿ ಚಾ಼ಲ್ತು ರ‍್ಹೀನ್, ಜಾನ್ನಬಿ ಆತ್ಮಾನ, ಕೀಲ್ ಬಿಶ್ಶಾನಾಬಿ ಅಲಕ್‍ ಕರಾಯೆತ್ರೆ ಪರಕ್ಮ ಪೇಶಿ ನಿಕ್‌ಳ ಎತ್ರೆಬಿ, ದಿಲ್ನಿಖ್ಹೂಜ್‍ನಾಬಿ ಸೋಚ್ ಸಮಜ್‌ನಾಬಿ ಪರ್ಖಾನು ಹುಯಿರ‍್ಹುಸ್.

1 ಪೇತ್ರ 1:5

ಕಡ್‍ಶೀನ ದನ್ಮ ಮಾಲುಮ್‌ ಹುವಾನ ತಯ್ಯಾರ್‌ಹುಯಿರ‍್ಹುತೆ ರಕ್ಷಣೆ ವಿಶ್ವಾಸ್ ಕರಾವಾಳ ತುಮುನ ಮಳ್‌ಣುಕರಿ ದೇವ್ ತುಮುನ ಇನಿ ಶಕಥ್ಥಿ ಬಚಾ಼ಡಸ್.

2 ಪೇತ್ರ 3:3

ಅಖ್ಖೇಥಿ ಪಹಿಲೆಸ್ ತುಮೆ ಅನ ಯಾದ್ಮರಾಖಿರಾಕ್ಣು; ಥೋಡುಜ಼ಣು ಇವ್ಣಿ ಖರಾಬ್ ಆಖ್ಹ್‌ನಿ ಅಧೀನ್‍ಮ ಜಿವ್ಣುಕರಾತೆ ದೇಖವಸ್. ಇವ್ಣೆ ಚಿಂಘಾವ್ಣಿ ಕರ್ತುಹುಯಿನ್,

2 ಪೇತ್ರ 3:7

ಹಮ್ಕೆ ಛಾ಼ತೆ ಆಬ್-ಧರ್ತಿಖ್ಹಾರನ ಯೋಸ್‌ ವಚನ್ನಿ ತಾಖತ್ತಿ ಆಗ್‌ಥಿ ನಾಶಕರಾನಟೇಕೆ ಟಿವಾಡಿರಾಖ್ಯುಸ್. ಖರಾಬ್ ಅದ್ಮಿಖ್ಹಾರು ವಿನಾಶ್‌ಹುವಾನು ನ್ಯಾವ್ನತೀರ್ಪ್‌ನ ದನ್‍ಲಗುಬಿ ಆ ಅಖ್ಖಾನ ಮ್ಹೇಲಿರಾಖ್ಯುಸ್.