ಯೋಹಾನ 12:43 - ದೇವ್ನಿ ಖ್ಹಾಚಿ ವಚನ್

⁴³ ಶನಕತೊ ಇವ್ಣೆ ದೇವ್‍ಥಿ ಆವಸ್ತೆ ಖ್ಹರಾವ್ಣಿಥೀಬಿ, ಅದ್ಮಿಥಿ ಆವಸ್ತೆ ಮರ್ಯಾದಿಪರಸ್‌ ಇವ್ಣುನ ಘಣು ಪ್ಯಾರ್ ಥೂ.

ಯೋಹಾನ 12:43 ပူးပေါင်းရင်းမြစ်များ

ಮತ್ತಾಯ 6:2

ಇನಖ್ಹಾಜೇಸ್ ತು ಧರಮ್ ದ್ಯವಾನಿ ವಖ್ಹತ್‌ಮ, ನಕೊ ಫೂಕಿಲೇವೊ. ಅದ್ಮಿಥಿ ಖ್ಹರಾವ್ಣಿ ಕರಿಲೇವ್ಣುಕರಿ ಖೋಟ್ ದಿಲ್‌ವಾಳು ಯೆಹೂದ್ಯರ್‌ಬಿ ಸಬೆ ಭರಾವಾನು ಮಂದಿರ್‌ಮ ಅಜು಼ ಗಲ್ಲಿಯೇಮ ಅಮ್ಮಸ್ ಕರಾಸ್. ಮೇ ಖ್ಹಾಚಮಾಬಿ ಬೋಲುಸ್ಕಿ, ಇವ್ಣುನ ಮಳ್‌ಣುತೆ ಧನ್ಯವಾದ್ ತದೇಸ್‌ ಮಳಿಗಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:15

ತದೆ ಯೇಸುನೆ ಇವ್ಣುನ, “ಅದ್ಮಿನ ಖ್ಹಾಮ್ಣೆ, ತುಮೆ ಬರೊಬರ್‌ ಕರಿ ವತಾಳಿಲೇಸ್; ಕತೋಬಿ ದೇವ್ನೆ ತುಮಾರು ದಿಲ್‌ ಕಿಮ್ನು ಕರಿ ಮಾಲುಮ್‌ ಕರಿರಾಖ್ಯೋಸ್. ಅದ್ಮಿನ ಡೋಳಾಮ ಘಣ ಮೋಟಾ ಕರಿ ಬೋಲೈಲೇಸ್ತೆ ಇವ್ಣೆ, ದೇವ್ನ ಡೋಳಾಮ ಗಲೀಜ಼್ ಹುಯಿರ‍್ಹೂಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 19:17

ಯೋ ಇನ, “ಶಬಾಶ್! ತೂ ಅಛ್ಛೊ಼ ಸೇವಕ್! ತೂ ಥೋಡಾಮ ನಿಯಥ್ಥಿ ರ‍್ಹಯೋತೆ ಇನಖ್ಹಾಜೆ, ಮೇ ತುನ ದಖ್ಹ್‌ ಖ್ಹಯೇರ್‌ಪರ್‌ ಅದಿಕಾರಿಕರಿನ್ ಮ್ಹೇಲುಕರೂಸ್‌” ಕರಿ ಬೋಲ್ಯೊ.

ಯೋಹಾನ 12:26

ಕೋಣ್ ಮಾರಿ ಸೇವೆ ಕರ್ನುಕರಿ ಛಾ಼ಕಿ ಮಾರ ಪೀಠೆ ಆವ್ಣುಸ್ ಆವ್ಣು, ತದೆ ಮೇ ಕಿಜ್ಜಾ಼ ರ‍್ಹೀಶ್‌ಕಿ ಹಿಜ್ಜಾ಼ಸ್ ಮಾರೊ ಸೇವಕ್‌ಬಿ ರ‍್ಹಿಶೆ. ಕೋಣ್ ಮಾರಿ ಸೇವೆ ಕರಾಸ್ಕಿ, ಇವ್ಣುನ ಮಾರೊ ಬಾ ಸನ್ಮಾನ್‌ ಕರ್ಶೆ.

ಯೋಹಾನ 5:41

“ಮನ ಅದ್ಮಿನಿ ಖ್ಹರಾವ್ಣಿ ಹೋಣು ಕೊಯ್ನಿ.

ಯೋಹಾನ 5:44

ತುಮೆ ಏಕ್‌ಥಿ ಏಕ್‌ ಮಾನ್-ಮರ‍್ಯಾದಿನ ಆಖ್ಹ್ ಕರೋಸ್, ಕತೋಬಿ ಏಕ್‍ನೊ ಎಕ್ಕಸ್ ದೇವ್‍ಥಿ ಆವಸ್ತೆ ಖ್ಹರಾವ್ಣಿನ ತುಮೆ ಹೋಣು ಕರಿ ಆಖ್ಹ್ ಕೋ ಕರೋನಿ. ಅಮ್ ರ‍್ಹವಾಪರ್ ತುಮೆ ಮನ ಕಿಮ್ ನಂಬ್‌ಶು?

ಯೋಹಾನ 7:18

ಕೋಣ್ ಇನುಯೋಸ್ ವಾತೆಬೋಲಿಲೇಸ್ಕಿ ಇನಿ ಶೊಂತ್ ಇಜ಼್ಜತ್‌ನ ಢೂಂಡಸ್. ಇನುಯೋಸ್ ಖ್ಹಾಚ಼ನ ಲೀಲಾವನ ಕೋಶಿಶ್ ಕರಾಸ್, ಕತೋಬಿ ಕೋಣ್‌ಇನ ಮೋಕ್‌ಲ್ಯೊತೆ ಇನಿ ಇಜ್ಜತ್‍ನ ಢೂಂಡಾವಾಳೊ ಅದ್ಮಿಸ್‌ ಖ್ಹಾಚೊ಼; ಇನಾಮ ಶನೀಶ್ ಗಲತ್‌ ಕೊ ರ‍್ಹೇಯ್ನಿ.

ಯೋಹಾನ 8:54

ತದೆ ಯೇಸುನೆ, “ಮಾರು ಮೇಸ್ ಖ್ಹರೈಲಿದೋತೊ, ಯೋ ಮರ್ಯಾದಿನ ಶನೀಶ್ ಬೆಲೆಕೊಯ್ನಿ. ಮನ ಮರ್ಯಾದಿ ದ್ಯವಾಳೊ ಮಾರೊ ಬಾ, ತುಮೆ ಇನ ಹಮಾರೊ ದೇವ್ ಕರಿ ಬೋಲೋಸ್‌.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:29

ಕತೋಬಿ ದಿಲ್ನಮಹಿ ಯೆಹೂದ್ಯ ಹುಯಿರ‍್ಹಾವಾಳೋಸ್ ಖ್ಹಾಚೊ಼ ಯೆಹೂದ್ಯ; ಇಮ್ಮಸ್ ದೇವ್ನಆತ್ಮನ ಕಾಮ್‍ಥಿಹುವಾನು ಖ್ಹತ್ನ ದಿಲ್ಮ ಹುವಾಸ್. ಯೋ ಖಲಿ ನಿಯಮ್‌ನಿ ಲೀಖಾಪಟ್ ಹುಯಿರ‍್ಹುಕೊಯ್ನಿ. ದೇವ್‍ಥೀಸ್‍ ಆವಾನು ಹುಯಿರ‍್ಹುಸ್ ಪಣ್ಕಿ ಎಥ್ರಾನವಾಳನ ಖ್ಹರಾವ್ಣಿ, ಅದ್ಮಿಥಿ ಆವಾನು ಕಾಹೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:7

ಥೋಡುಜ಼ಣು ಅಛ್ಛಾ಼ನ ಕರ್ತುಹುಯಿನ್. ಮಹಿಮೆ, ಇಜ಼್ಜತ್‌, ಹಮೇಶನಜಾನ್ನ ಜಿವ್ಣನ ಢೂಂಡಸ್. ಇವ್ಣುನ ದೇವ್ ಹರ್‌ಹಮೇಶಾನಿ ಜಿ಼ಂದ್‌ಗಿ ದಿಶೆ.

1 ಕೊರಿಂಥ 4:5

ಅನಖ್ಹಾಜೆ ಕಬ್ಲಗು ಪ್ರಭು ಕೊ ಆವಾನಿಕಿ ಯೊ ವಖ್ಹತ್‌ನ ಅಗ್ಗಳಸ್ ಶನುಬಾರೇಮಾಬಿ ನ್ಯಾವ್‌ನು ತೀರ್ಪ್ ನಕೊಕರ್ಷು; ಇನೆ ಅಂಧಾರಮಾನು ಲಪಿಹುಯು ಕಾಮ್‌ಖ್ಹಾರು ಉಜಾ಼ಳಾಮ ಲೀನ್‌ ಆವ್‌ಶೆ. ಅದ್ಮಿನಿ ದಿಲ್ನಿಖ್ಹಾರಿ ಸೋಚ್ನ ಭಾರ್‌ ಕಾಡ್‌ಶೆ. ತದೆ ಹರೇಕ್‍ಜ಼ಣಾನ ಆವ್ಣುತೆ ಖ್ಹರಾವ್ಣಿ ದೇವ್‍ಥೀಸ್‍ ಮಳ್‌ಶೆ.

2 ಕೊರಿಂಥ 10:18

ತಿನುತ್ಯೋಸ್ ಖ್ಹರೈಲ್ಯಾವಾಳೊ ಯೋಗ್ಯಕಾಹೆ. ಪ್ರಭು ಕಿನ ಖ್ಹರಾವಸ್ಕಿ ಯೋಸ್ ಖ್ಹಾಚಾಮ ಯೋಗ್ಯ.

1 ಥೆಸ 2:6

ಎತ್ರೆಸ್ ಕಾಹೆತೆ ಹಮೆ ಕ್ರಿಸ್ತನು ಅಪೊಸ್ತಲರ್ ಹುಯಿರ‍್ಹಾತೆ ಇನಖ್ಹಾಜೆ, ಹಮೂನ ಮಾನ್-ಮರ್ಯಾದಿನ ವತಾಳ್ಣು ಕರಿ ಬೋಲೆಜಾ಼ಯಿಥು. ತೋಬಿ ಹಮೆ ಅದ್ಮಿಥಿ ಮಳಾಸ್ತೆ ಮಾನ್-ಮರ‍್ಯಾದಿನ ತುಮಾರೇಥಿ ರ‍್ಹವೊ, ಬಿಜಾ಼ಥಿ ರ‍್ಹವೊ ಮಳಾದೆಕರಿ ಆಖ್ಹ್ ಕರ‍್ಯಾಕೊಯ್ನಿ.

1 ಪೇತ್ರ 3:4

ಕತೋಬಿ ಅನಬದಲ್ ದೇವ್ನ ಡೋಳಾಮ ಘಣ ಮೋಲ್ನುಬಿ ಅಜು಼ ಕದೇಬಿ ರ‍್ಹವಾನುಬಿ ಹುಯಿರ‍್ಹುತೆ ಶೇದೇವ್‍ಬಿ ಶಾಂತಿನೊ ಮನ್ ತುಮಾರ ಮಹಿನ ದಿಲ್‌ನು ಶನ್‌ಗಾರ್ ಹುಯಿರ‍್ಹವಾದೆ.